هبة قلبه

🎀 بارت 11 🎀

💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨

#بارت_11

وجه نظراته لجهة عمران ونطق مخاطبو : ولدي خرج خليني نهضر مع هبة .

حنا راسو معوج فمو بغضب وخرج من البيت زادح الباب وراه معصب

هبة عقدت حجبانها ونطقت بعدم رضى : حشومة عليك علاش كتدير ليه هكا شنو فيها الى بقى ؟

ماجد وسع عيونو بعصبية ونطق بصوت عالي ضاغط على سنانو : هبـــــة

لاحظت نبرة صوتو العصبية ونظراته ليها رجعت اللور وتبثت في بلاصتها كتنتاظرو يكمل

ماجد : هبة نتي عارفة مكانتك عندي ، كنعتابرك بحالك بحالو وفاش كنتي صغيرة حتى واحد مكان كيدخل بيني وبينك ، فحتى دبا متدخليش في تربيتي لولدي

هزات عيونها مخرجاهم بصدمة ، زيرت على يديها ونطقت كلامها المتقطع :أنا م شي بنتك

ماجد رفع حاجبو وقرب جلس حداها : مشي انا اللي ولدتك ولكن من ديما كنتي بحال بنتي الصغيورة ، منلي تزاديتي وعندك مكانة خاصة في قلبي ...... هز يديه ودوزها على شعرها بحنان .... وخا مكنتش عايش هنا حضرت على كاع مراحل حياتك المهمة ، وعطيتك سمية هبة اللي كنت من ديما باغي نسمي بيها بنتي ...... رفع عيونو فيكساهم على عيونها وكمل كلامو .....متخسريش مكانتك عندي اجوهرتي

عقدت حاجبها بغضب وبعدت عليه ناطقة كلامها بعصبية: قلت لييييك انا مشي بنتك علاش مبغيتيش تفهم ، متبقاش تعيطلي بنتي هكا كتردني بحال شي بنت صغيييرة انا مبقيتش صغيرة ، انا كبرت ، وبقات ليا غير 3 شهور وغدي نكووون في البااااك مبقالي والووووو وتولي عندي 18 مغديش نبقى قاصر ، متبقاش تعاملني بحال شي بنت صغيرة انا كبرررت

تنهد بصوت مسموع وجرها لعندو مجلسها حداه :شتتت هادشي عادي اللي كتدوزي منو ، الى مكنتيش قادرة تجاوزي هاد المرحلة نقدر نديك لطبيب نفسي يعاين حالتك

وسعت عيونها مصدووومة من كلامو ، وقفت مبعدة عليه مرة أخرى ونطقت بإستغراب : على إينا حالة كتهضر ، وأش جاب دكتور نفسي للهضرة ، واش كيحساب ليك انا مسطية ؟

#يتبع.....
آرائكن شهيراتي ❤️✨

💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨

#بارت_11_تتمة

ماجد : هبة نتي مشي حمقة ولكن نتي في مرحلة حاسة براسك باغة تكبري بسرعة ، وهادشي كيوقع مع بزاااف دالبنات في السن ديالك ، ولكن خاصك تحكمي فيه وتحاولي تعيشي لحظة بلحظة من حياتك .

جمعت شفايفها بحزن وعدم رضى ، عطاتو بالظهر بدون متجاوبو وخرجت من البيت زادحة وراها الباب بخيبة أمل ، كانت متأكدة أنه مغديش يفهمها ، ولات كتحس انه مجيئها لهاد البلاصة أكبر غلط دارتو ،  أحسن حل تقدر تنفذو هو تبعد على طريقه وفينما شافتو تقلب الطريق .

لاحظت ياسر والدراري جالسين في الصالون كينتاظروهم ، تجاوزاتهم ، وتمشات جهة بيت أمين ، لقات حفصة حاطة حوايجها كتختار شنو تلبس

هبة : حفصة عطيني شي حاجة نلبسها

حفصة لاحظت هاتفها اللي كيصوني والاسم المكتوب عليه ، ابتسمت بفرحة حطاتو على وذنيها بعدما جاوبات ووجهت نظراتها جهة هبة : هزي الزين اللي بغيتي ...... ختمت كلامها بغمزة وتمشات خارجة من البيت وكتدور راسها يمين وشمال .

هبة دورت عيونها على الحوايج بانت ليها شوميز في الاحمر معرية من الكتاب عجباتها هزاتها مع سروال في الاسود دالكوير ، حيدت حوايجها بسرعة ولبسات الحوايج اللي ختارت .

دخلت الحمام اللي كان في البيت ، قشعت ميكاب حفصة هزاتو ، وخدات كل برودوي كتستعملو بالطريق الصحيحة ، لكونها عندها معرفة في هادشي ، هزات راسها في المرايا ابتسمت بفرحة عجبها راسها ، وخا كثرت منو إلا أنه جاها مصروووع ، هزات طالون محطوط تما باغة تكمل اللبسة ، خرجت من البيت كاملة مكمولة ، تقدمت جهة ياسر ونطقت بهدوء : مغديش نمشيو ؟

ياسر فيكسا عيونو عليه ونطق باستفسار : احم هبة غدي نمشيو نتبحرو

هبة : وي عارفة

ياسر : ولكن نتي احم بنتيلي مباغاش تبحري.

هبة : وي انا غدي نمشي غير نجلس مكيعجبنيش نشوف البحر

إبراهيم : هبة غدي تجبدي الصداع في البحر شكلك هكا أووڤر بزااف

هبة حلات فمها مستعدة تنطق قاطعها حسام : بلعكس جيتي زوينة غير خليك

ابتسمت ليهم ودورت جسدها عاطياهم بالظهر كتقلب على حفصة ، تلاقاات عيونها بيه بعدما دخل للصالة ونطق عاقد حواجبو : أش هاد الحالة ؟؟

#يتبع.....
آرائكن شهيراتي ❤️✨