هبة قلبه

🎀 بارت 7 🎀

💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨

#بارت_7

نجية : توحشت نشوفكم مجموعين بحال هكا ..... حولت نظرها جهة إحسان وكملت كلامها..... عرفتي أإحسان ماجد كيحسب هبة بحال بنتو ، ديما فاش كان كيشد الكونجي ديالو كيجي يشوفها هي الاولى ويخرجها ميخلي فين يديها قيسيه في عينيه ومتقيسيهش في هبة ، كاع الناس اللي كانو يتلاقاوه معاها كيسولوني واش زوجتي ماجد ، ديما كنشوفوه مع بنتو .

إحسان قربت من هبة اللي كانت بينها وبين ماجد وجراتها من عندو معنقاها بالجنب : وشكون ميبغيش هاد البنوتة ، شوفي شحال زوينة هههه ، حتى كلامها حلو بحالها ..... ختمت كلامها بابتسامة وطبعت قبلة على خدها .

عمران عوج فمو ونطق بإستغراب : بابا شكون هذي ؟

هبة دورت عيونها ناحيتو ومدات ليه يديها : انا سميتي هبة و نتا البوگوص ؟

عمران هز راسو بثقة في النفس مد ليها يديه ونطق بابتسامة : تيعزبني اللي تيعتارف بزمالي ، سميتي عمران

هبة خرجت ضحكة مسموعة: حتى انا كيعجبني اللي هضرتو كيوت بحالك الفنكوش

عمران : نتي زوينة ، انديرك صاحبتي بينما مشيت .

هبة رفعت حاجبها من هضرتو الكبيرة ونطقت مبتاسمة : صافي نتصاحبو معليش

ماجد : كنتي كتقلبي على حوايجك يلاه نوضي باش تدوشي .

بللت حلقها بصعوبة ، وضغطت على شفايفها بتوتر ، حنات راسها وجمعت ابتسامتها الظاهرة على وجهها ، دورت عيونها ناحية نجية ونطقت ساءلاها مرة أخرى : خالتي فين حوايجي

نجية : راهم ابنتي ستفتهم ليك في البلاكار في بيت حفصة ، دخلي دوشي دغيا باش تجي تعشاي

حركت رأسها بالايجاب وتمشات ناحية البيت هزات اول بيجامة حطات عليها عيونها وتوجهت ناحية الدوش باغة تحيد عليها العيا وتفكر في اللي جاي ، كاع اللي كانت كتفكر فيه ضاع والطريقة البسيطة اللي كانت باغة تدوز بيها عطلتها تهدمت مع قدومه .

مدة من الوقت وخرجت لابسة بيجامتها ، كون الحمام مفروق على البيت ، واحتراما للناس اللي دايرين بيها لبست حوايجها تما ، حطات الفوطة على راسها كتنشفو بشوية ، هزات مقبط صغير جمعت خصلات  من القدام ، وتقدمت ناحية الصالامونجي  كانوا حاطين العشى.

يسرى : بالصحة الدوش

هبة : شكرا اختي يسرى .

يسرى : يلاه أجي تاكلي حطيت ليك طبسيلك .

هبة توجهت البلاصة اللي بانت ليها خاوية جلست ونطقت بالبسملة : شكرا ، بسم الله .

هزات الفورشيط كتاكل بشوية ، حانية راسها ودماغها مغادر الواقع كأنه ممعاهاش ، هاد الحب غدي يخرج عليها ، مشي وحدة متسواش اللي تفكر تاخد راجل على مراتو ، رفعت راسها كتشوف فيهم ، وفي انسجامهم مع طفلهم ، دليل تعطى ليها قدام عيونها ، باش تفيق من حلمها الأشبه بالمستحيل ، تنهدت بعمق وهي كتفكر في اللي جاي ، محاولة ما أمكن تجاهل قلبها وتخلي عقلها وإنسانيتها هما اللي يخدمو في هاد اللحظة ، كيفما متبغيش اللي تجي تفرق ليها مها على باها وتخليها عايشة في الوسط ، حتى هي متبغيش هاد الولد اللي مزال مفاهم والو في الدنيا يبعد على واحد من والديه وتشكل ليه عقدة في حياتو بسبابها ، او بالأحرى تكون السبب الرئيسي وراء دمار حياتو

#يتبع....
آرائكن شهيراتي ❤️✨
التتمة بعد 20 دقيقة ❣️