💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨#بارت_22
دخلت بخطواتها لداخل المنزل كترجف ، دورت عيونها على المكان كلها ومنشغل بأشغاله ، تنهدت بتعب ودخلت لبيتها كتحيد حوايجها بتوالي ، طوات الحوايج اللي كانت لابسة ، لبسات صندالتها ، وتمشات جهة الحمام غسلت وجهها ، وحكات سنانها .
خرجت من الحمام تمشات جهة البيت تلاحت فوق الناموسية ونعست حدا عمران اللي كان متكي فوق السرير كينتاظرها .
أصبحنا وأصبح الملك لله
فاقت على صوت إحسان كتنوضها بهدوء ، فتحت عيونها ببطء ونطقت مبتاسمة : صباح الخير
إحسان ابتسمت : صباح النور
هبة : واش فطرتو ؟ ياكما بقيت ناعسة
إحسان بعدت عليها وجلست حداها : لا عاد حطيناه ، احم هبة البارح علاش رجعتي بوحدك ، مجاش معاك ماجد .
هبة رفعت حاجبها بعدم فهم : علاش مباتش البارح في الدار ؟
إحسان : لا جا ولكن فاش طليت على عمران لقيتك ناعسة وماجد كان كاع ماجا ، مدخل حتى 1 دليل .
زيرت على يديها وذاكرتها رجعت للور وللحوار اللي دار بيناتهم ، حولت عيونها كتقلب على شي عذر ، محاولة ما أمكن متذكرش داكشي اللي وقع البارح
إحسان :هبة مالك سكتي ؟
هبة بللت حلقها ونطقت : لا راه جابني وصلني حتى الباب قالك غدي يمشي يجيب شي سخرة انا كنت عيانة دخلت نعست
إحسان ضربت على راسها ونطقت بابتسامة : ااااه عندك الحق فعلا البارح كان جاب العشى لينا ولعمران
هبة ابتسمت : اوا راه داكشي علاش تعطل .
إحسان وقفت وعطاتها بالظهر : يلاه نوضي غسلي وجهك واجي تفطري
حركت رأسها بالايجاب ، حيدت عليها الغطى جمعاتو وتمشات جهة الحمام ، غسلت وجهها قضات غرضها غسلت سنانها وتمشت جهتهم كتجر رجليها ببطء وقفت قدامهم ونطقت بابتسامة : صباح النور
نجية : صباح الخير الغزالة ديالي كيصبحتي شويا ؟ مبقاش كيضرك راسك ؟ وشنو قالك الطبيب ؟
هبة جلست في قدامها ووجهت نظراتها ليسرى اللي نطقت : ماما مالك زربتي على البنت خليها غير تفيق بعدا وتحس براسها فين راها ؟
هبة : ههه مشي مشكل ، البارح درت السكانير معرفتش فقاش ايخرج ياسر اللي غدي يمشي يجيبو .
نجية : وخا ابنيتي دوزي تفطري حتى نعيط ليه ونسولو
حفصة شربت من كاسها دالعصير ونطقت بابتسامة : عيط خالي ياسر قالي نمشيو عندو للبحر غدي يكون هو والدراري ...... رفعت حاجبها ونطقت موجهة كلامها لهبة : هبة تمشي معانا ؟
هبة ابتسمت : وي مفيا اللي يجلس في الدار
حفصة: زعما نتي معندكش مشكل ؟
هبة : لا
مدات يديها كتاخد كاس دالقهوة من نجية ،ووجهت نظراتها لإحسان
إحسان قربت من ماجد ونطقت بترجي كتدوز يديها على وجهو : ماجد عفاك خلينا نمشيو معاهم حتى حنا
#يتبع.....
آرائكن شهيراتي ❤️✨
YOU ARE READING
هبة قلبه
Romance#حصــــريا_وفــقــط_علــى_مــاضــي_الشهــيرات ❤️✨ 🥂 #هــــبــــة_قــــلــــبــــه 🥂 _ممنوعــــــــة مـــن النشـــر إلا بــعـــد طــلــب الإذن_ #أقـــود_قــصــة_يــمــكــن_تــقراوهــا_بــأقود_أسلوب ❣️🍻 الحب بحال شي عاصفة في عهد قديم ، ك...