هبة قلبه

🎀 بارت 16 🎀

💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨

#بارت_16

ماجد هز حاجبو قرب ليه وهزو عندو : مالك ابابا مقلق

عمران دور راسو كيعوج فمو : نتا عارف وكتسولني علاش

ماجد ابتسم وقرصو في خدو : لا أنا معارفش البطل ديالي

عمران : نتا ابابا تبدلتي عليا ومبقيتيش كتعامل معايا مزيان ، انا مكنديرلك والو ونتا كتغوت عليا .

ماجد ابتسم ونطق بهدوء : انا اولدي كنصحك مكنغوتش عليك ، ونتا ولدي خاصك تطلع بحالي وحسن مني ، مشي تكون خواف ويبقاو يحكرو عليك ، باغي نطلعك قاصح ، قاد براسك

عمران حرك راسو بالايجاب ونطق بتساؤل: دبا نتا بغيتيني ، نولي نعس بوحدي وندير كلشي بوحدي 

ماجد شعكك ليه شعرو ونطق بابتسامة : اه مبغيتك تحتاج لحتى واحد .

عمران عقد حواجبو ونطق بترجي : انا غدي نكون هكا فاش نمشيو لأمريكا ولكن عفاك ابابا دبا منين حنا في المغرب، خليني نبقى نبات حدا هبة .

ماجد هز حاجبو ونطق بتستفهام : هبة ؟ علاش كتبغي تنعس حداها ؟

عمران ابتسم : هي ضريفة بزااااف وكتعامل معايا زوين ، وكتبقى تلعب ليا في شعري وتعاود ليا القصص .

ماجد : هادشي علاش ؟

عمران حرك راسو بالايجاب :اه عفاك ابابا

ماجد تنهد ونطق بعدما لاحظ نظراتو المترجية : اك مشي مشكل ولكن مشي ديما خلي البنت تاخد راحتها

عمران ابتسم وتلاح عليه عنقو حاجة بسيطة بالنسبة ليه شيء ثمين وقادر يفرحو
______

مدة قليلة من الوقت فرانات لوطو قدام الموبل ، نزلت حفصة دخلت كتجري ووقفت قدامهم كتلهت : جاو ؟

ماجد هز حاجبو من منظرها ونطق بتساؤل : شنو واقع؟ ياك قلتو مغديش تعومو ؟ مال حالتك هكا كترعدي ؟ وشكون اللي جا ؟

لاحظ توترها حول نظراتو لحسام وابراهيم وأمين اللي دخلو كيشوفو فيهم بنظرة في شكل : شنو واقع فين ياسر وهبة ؟

نجية : مالكم دايرين بحالا جاييين من كنازة شنو وقع ؟

حفصة : جدة هبة

ماجد عقد حاجبو حط ولدو للارض ونطق بتساؤل : مالها ؟

أمين رفع راسو من فوق الهاتف ونطق ببرود : غرقات في البحر

نجية وسعت عيونها شدات في راسها وطاحت فوق الفوطوي وجهها صفار : اويلييي على بنت ختي ، اويلي وشنو نقول لختي ، صيفطتيلي البنت صحة سلام ، وانا راداها ليك في كفن

حسام حول نظرو لابراهيم ، هز كتافو بعدم فهم ، ووجهو نظراتهم لماجد اللي كيشوف فيهم بعصبية : فين هما ياسر وهبة ؟

حفصة دورت عيونها جهة يسرى اللي كتعطي لنجية تشرب ورفعت عيونها في عيون خالها ناطقة بتوتر : احم خالو ماجد

ماجد تنهد : نطقي دغيا

حفصة بللت حلقها وكملت كلامها : دبا حنا كنا كالسين انا وهبة على تليفوناتنا ، جا ياسر كيضحك معانا ، كيحساب ليه هبة كتعرف تعوم ، هزها دخلها لداخل ولاحها .

حسام قرب ليهم ونطق مقاطعهم : ياسر مكانش عارفها مكتعرفش تعوم ، كون كان عارف ميقربش ليها ، هو بغى غير يفاجي عليها منين شافها غضبانة

#يتبع.....
آرائكن شهيراتي ❤️✨