💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨
#بارت_36
مدة قصيرة من الزمن ، دورت حفصة راسها اتجاه هبة محيدة الهاتف من أذنها ، ونطقت منادياها .
حفصة : هبة
هبة رفعت راسها من فوق التليفون سداتو ودورت عيونها اتجاهها : وي ؟
حفصة رفعت حاجبها ونطقت بتساؤل : تخرجي معايا ؟
هبة : فين ؟
حفصة زيرت على فمها وقربت ليها كتهضر بهمس : هانتي في الليل انخرجو للمدينة القديمة ياك ؟
هبة رفعت حاجبها : شكون قالها ليك ؟
حفصة : خالو ماجد.
هبة وسعت عيونها ونطقت بإستغراب : اويلي فقااش ؟
حفصة : صباح الخير واش مكنتيش حاضرة في طبلة دالفطور راه قال لينا انخرجو مجموعين الليلة .
هبة حركت رأسها بالايجاب ونطقت بهدوء : اهاه ؟ كملي ؟
حفصة علات حاجبها ونطقت بتوتر: وهانتي دبا أنا قالي معاذ نخرجو اليوم ياك ؟
هبة قربت ليها اكثر ونطقت بتساؤل : شكون هاد معاذ عاود باغة تحمقيني ؟
حفصة تنهدت ونطقت بصوت هامس : وصاحب حسام المرض اللي انا اونكوبل معاه .
هبة رفعت حاجبها :ممممم اهاه كملي ؟
حفصة:هانتي الليلة نديرو شي بلان نفلتو ليهم وتمشي معايا نتلاقاه الله يحفظك ، راه توحشتو منلي جيت المغرب مشفتو وميمكنش نزكل هاد الفرصة .
هبة : إلى عاقو بينا الصگعة نمشيو فيها هممم ؟
حفصة بعصبية : وقلتها ليك اصاحبتي باش تشوفي معايا شي بلان مشي باش تنكديها عليا ، عفاك عاونيني وشوفي كيديري باش نشوفو ، خدمي دماغك ولو غير هاد المرة .
هبة رفعت حاجبها وقربت ليها ناطقة بتساؤل : دبا هما قالو انه غاديين للمدينة القديمة ؟
حفصة حركت رأسها بالايجاب ونطقت بابتسامة : اه اه .
هبة : وهاذ صاحبك دالمرض فين غدي يكون كيتسناك ؟
حفصة ابتسمت : المرسى
وسعت عيونها بصدمة ونزلت عليها بصقلة : اويلي على بنت الحرام ومبانت ليك غير المرسى ؟ وإلى دخلنا للمدينة لداخل ؟ نصدقو ضاربين داك الطريق ، عاد خارجين منها عاد نقطعو الطريق ونمشيو لجهة المرسى واش تسطيتي ، كون قلتيلو بعدا غير في الدخلة دالمدينة القديمة جاية معاك ، مشي نتي تصاحبي وانا تمحنيني معاك البايرة دأصل مك
حفصة جراتها معنقاها قبلت خدها ، ونطقت بترجي : عفاك الكبيدة ديالي ، الحبيبة ديالي غير هاد المرة ، الميمة مترجعيهاش في وجهي .
هبة تنهدت بصوت مسموع ونطقت كتفكر ورافعة عيونها : دبا سمعيني مزيان وحلي وذنيك .
حفصة ابتسمت وقربت بحماس : هانا كنسمع .
هبة : هانتي الى مشينا مع ماجد باينة غدي يحبس لوطو قدام المدينة ميمكنش يدخل بيها حيت حنا غادييين ندورو ، باش تجي القضية مضبوطة غير تنزلي قولي ليه لابد تمشي للطواليط وانا نقول ليه انمشي معاك ، نقنعوهم باش يسبقونا وحنا انلحقو عليهم ، غير ندورو متوليش تدوري موراك ونمشيو نشوفو هاد حريرة صاحبك .
حفصة رفعت حاجبها : والى عاقو بينا ؟
#يتبع........
آرائكن شهيراتي ❤️✨
التتمة بعد 15 دقيقة 🥂✨
YOU ARE READING
هبة قلبه
Romance#حصــــريا_وفــقــط_علــى_مــاضــي_الشهــيرات ❤️✨ 🥂 #هــــبــــة_قــــلــــبــــه 🥂 _ممنوعــــــــة مـــن النشـــر إلا بــعـــد طــلــب الإذن_ #أقـــود_قــصــة_يــمــكــن_تــقراوهــا_بــأقود_أسلوب ❣️🍻 الحب بحال شي عاصفة في عهد قديم ، ك...
