💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨#بارت_25
ابراهيم وقف: زيد
وقفو ب3 ، وجرو حفصة وأمين حيدو تليفوناتهم .
ياسر تقدم ناحيتهم ونطقت باستفسار : أفين غادييين الشعب
هبة : نلعبو الڤولي
حسام : ولكن بلاتي راه الڤولي هنا في الرملة كيتعلب غير ب 4 مشي 6
ياسر : حيد عليا القوانين نلعبو حمايقة اللي ضاعت ليه كورة يدخل الوسط .
هبة نقزت بفرحة ، بعدت عليهم حيدت الكاپ ورجعت عندهم كتبتاسم : هانا واجدة
ياسر طلع حاجبو كيشوف يديها معريين وصدرها باين : احم شفتك بحالا تعريتي علينا
هبة ابتسمت : وراه هذا البحر
تجمعو مع بعضياتهم مفيكسيين في بلايصهم ، عطاهم ياسر الانطلاقة ، ولاحت هبة الكورة ، الضحك ولا مسموع بيناتهم ، وحركاتهم كانت كافية تخلي الكل كيشاهدهم بابتسامة خصوصا نشاط هبة اللي كانت كتنقز وسطهم ، مباغاش تزكل كورة باي طريقة .
حسو بشي خطوات كيقربو جهتهم دورو عيونهم ناحيتو ونطق ياسر بابتسامة : افين الساط
قرب الميترناجور لعندهم ونطق بتساؤل : اهلا تبغيو شي واحد وسطكم .
حسام ابتسم : هههه اهاه مرحبا
هبة لاحظت نظراتو ناحيتها ابتسمت ليه ورجعت اللور مخلية ليه البلاصة .
الميترناجور ( ياسين ) : الصغيورة صفا ؟
هبة طلعت حاجبها : بيخير الحمد لله ، احم ديجا تعارفنا ؟
ياسر قرب ونطق مخاطبها : ااااه بالمناسبة هبة ، هذا هو اللي عتقك فاش غرقتي
هبة ابتسمت بصدمة : وايلي ....... دورت عيونها ناحيتو وحنات راسها ...... شكرا خويا بزاااف ، معرفتش شنو ندير باش نرد ليك هاد الدين.
ياسين : هههه دوزي نلعبو وردي دينك
هبة : مرحبا
دخل ياسين وسطهم ، وعطاو مرة أخرى انطلاقة للعبتهم ، كانت هبة الوسط وباغة تاخد كرة بأي طريقة باش تبدل دورها ، حركاتها السريعة خلاتها تفقد توازنها وتقرب ناحية ياسين بدون شعور مرادها تاخد الكرة قبل ما توصل عندو، الا انه محاولتها باءت بالفشل ،وخلات جسمها يسقط على جسمه مباشرة فوق الأرض .
النظرات توجهت ليهم ، وخطوات جسد رجولي كتقدم ناحيتهم ، الكل دور عيونو ناحيتو ، ملاحظين، حواجبو المعقودين الدالين على عصبيتو خصوصا نبرتو المختلفة اللي أول مرة كيسمعوها من طرفو .
ماجد : شنوووووووو واااااقع هنااا ؟
#يتبع.....
آرائكن شهيراتي ❤️✨
STAI LEGGENDO
هبة قلبه
Storie d'amore#حصــــريا_وفــقــط_علــى_مــاضــي_الشهــيرات ❤️✨ 🥂 #هــــبــــة_قــــلــــبــــه 🥂 _ممنوعــــــــة مـــن النشـــر إلا بــعـــد طــلــب الإذن_ #أقـــود_قــصــة_يــمــكــن_تــقراوهــا_بــأقود_أسلوب ❣️🍻 الحب بحال شي عاصفة في عهد قديم ، ك...