هبة قلبه

🎀 بارت 27 🎀

💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨

#بارت_27

استغرب من نبرتها الدالة على جرحها وقربها ليه اكثر ناطق بتساؤل : شنو عندك اجوهرتي ؟ عاوديلي وقوليلي اللي مخليك مغيرة هكا ، مشي حالتك هذي ، ومشي هكا كانت علاقتنا ، تبدلتي بزااااف وتصرفاتك مكتخلينيش نصبر على حماقك ، كنقول المراهقة اللي لاعبة عليها ،ولكن نتي غير غادة وكتحماقي .

بعدت عليه مفيكسية عيونها على عيونو ونطقت بصوت خفيف حاسة بروحها غدي تخرج : متبدلتش ، نتا اللي ولاو عندك أولويات عليا ، ومبقيتيش راد البال ليا كتلاحظ غير في لباسي وتصرفاتي وتجي تغوت عليا .

تنهد بصوت مسموع كيشوف نظراتها ليه صوتها منغنغ وعيونها تدمعو ، بلل حلقو بصعوبة ، نيفها الاحمر ويدياتها اللي تقدمو جهة عيونها كيمسحو الدموع خلاو جسدو يتقدم عندها بخطوات موزونة ، ويديه يجروها بقوة .

جرها من يديها وخشاها في حظنه كيسمع لبكاها في صمت ، شهقاتها المتوالية خلاتو يستغرب ويجرها من يديها لعندو جالسين في أحد المقاعد ، وحاط راسها على صدره : شنو عندك اهبة ، مقلقاك شي حاجة ؟

تخشات اكثر في صدره مخبية وجهها فيه ، مباغياش عيونها يتلاقاو بعيونو ، خفات شهقاتها محاولة ما أمكن تحبسهم ، ونطقت بصوت متقطع : مم اليش

ماجد : محتاجة شي حاجة ؟ عاوديلي ابنتي ، يقدر الحل يكون عندي .

جملة كان باغي يخفف عليها بيها ، الا أن ثقلها كان قاسي عليها ، كون غير خلاها بعيدة عليه ومتسوقش لأمرها ، كان غدي يكون الامر احسن بكثير من الكلمة اللي ناداها بيها.

بعد المرات كنبغيو نعاونو شي حد بأي طريقة ومكنكونوش واعييين ، بالطريقة الصحيحة اللي نتعاملو بيها ، كنحاولو نختارعو شي جملة كيفما كانت نحسسو الشخص اللي حدانا بقربنا ليه دون منحسسو بقيمة ديك الجملة أو مدى ثقلها عليه ، هاد الأمر بالذات خلا جسدها يرتجف ، وقلبها يوجعها بطريقة عنيفة .

بعدت عليه بسرعة ووقفت حاطة يديها على عيونها كتمسح دموعها بقوة ، قبل ما تسمع كلامو عطاتوو بالظهر وتمشات كتجري لعند العائلة .

مدة مطويلاش وقفت قدامهم ، وجلست في بلاصتها حانية راسها ، كانت تما فقط إحسان وأمين اللي جالسين الباقي كلهم دخلو للبحر ، جبدت تليفونها مباغاش تلفت انتباهها وفتحت الواتساب ديالها ، متعمدة تدير راسها كتكونيكطا مباغاش تخليها تشك .

دموعها الظاهرين على خدها خلاوها تكشف ، وخطوات إحسان يتقدمو لعندها ، باش تجلس حداها ناطقة كلامها بتساؤل : هبة مالك

زيرت على التليفون بين يديها سداتو ودورت عيونها ناحيتها : مماليش ، غير دخلت ليا شي حاجة لعيني

رفعت حاجبها ، ونطقت بهدوء : هبة هاد الهضرة اللي كتقولي ميتيقيها حد ، شنو عندك اهبة واش ماجد السبب

وسعت عيونها بصدمة ودورت راسها جهتها ، قلبها رجع يضرب بقوة ، ونطقت كلامها بشكل متقطع خايفة تكون فهمت كلشي ، وتولي في موقف صعب ومحرج ميتقبلها حد فيه : م فهمتش

عوجت راسها ونطقت : قصدت واش ماجد ضربك ولا قال ليك شي حاجة جرحاتك ، حيت ميمكنش تبكي غير هكاك ، انا كنعرف ماجد مزيان ، نقدر نستبعد قضية الضرب ، حيت هو عمرو حط يدو على شي بنت ، ولكن غدي يكون قال ليك شي حاجة جرحاتك ؟

كانت على القرص وكلام إحسان بحال شي بنزين زاد شعل العافية في قلبها ، ونفت دخانها على شكل دموع كيهبطو من عيون هبة بشكل دوري ، فهمت مزيان أنه الى كذبت شي كذبة غدي تخلي الحقيقة تبدا تبان ، ومشاعرها تظهر للعلن ، لذلك فضلت تذكر الحقيقة بدون متلتاجئ للكذب ناطقة بصوت مقهوووور

#يتبع......
آرائكن شهيراتي ❤️✨
التتمة بعد 25 دقيقة 🥂