هبة قلبه

🎀 بارت 30 🎀

💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨

#بارت_30

زدح على الطبلة مرة أخرى ونطق بصراخ : هبة

حلات عيونها بعصبية ونطقت بنبرة بمثل نبرتو : شنوووووووو هبة شنوووووووو ؟ واش كنبان ليك غير انا ؟

قرب ناحيتها وحل فمو كينطق بعصبية : صلحي فمممك ، راك مكتهضريش مع صاحبك .

رمقاتو بنظرات عصبية ووقفت مخلياهم ، متوجهة جهة بيتها غاضبة

نجية تكات على مقعدها ونطقت بهدوء : بغيت نفهم شنو واقع بيناتكم مكنتوش هكا اولدي ؟

دفع الماكلة من قدامو وحط يديه على لحيتو كيدوزها بعصبية : زادت فيه وأفعالها غير مكتستفزني ، بلعاني كتدير هكا ، عيت مندير بحساب المراهقة وهي غير مزايدة فيه .

لاحظت العروقة الظاهرين على جبهتو وقفت وتمشت جهته كتدوز يديها على وجهو بحنان : شتتت اولدي ، شوف كيوليتي ، قريب يطرطق فيك شي عرق الى بقيتي هكا ؟

تنهد بصوت مسموع كيزير على يدو قرب مو لعندو قبل جبهتها ، وهز سوارت لوطو خارج من المنزل بأكمله .

سمعت صوت لوطو ، حلات نافذة البيت كتطل بعويناتها المدمعين ، لاحظت السرعة اللي كسيرا بيها ، حركت كتافها بلا مبالاة ونطقت بهمس : يمشي يز مر فوقما ترشق ليه يغوت عليا ويمشي يغضب ، علم الله فين كيمشي ، باينة تلقايه مدور بيه الطح بات وعاجبو الحال ، غير حنا اللي كيدير علينا فيها الشخص الطيب .

هزات تليفونها حطاتو في الشارج طلعت ليها نمرة ياسر طلقت الاتصال وجاوبات : افين ؟

ياسر : صفا الحب ؟

ابتسمت بدون إدراك ، تصرفاتو كتضحكها وديما مخرجاها من حزنها : الحمد لله الزين

ياسر ابتسم : لا لاا صافي بديت كنعاديك بطريقة كلامي ، برافو راك كتقدمي ....... سمع صوت ضحكاتها ابتسم وكمل كلامو ..... دبا براكة من الضحك ، مهم شوفي جيبي معاك حفصة وأمين هاحنا في المول .

هبة نطقت بتساؤل : نجيو على رجلينا ؟

ياسر عقد حاجبو : بلا فشوش ، المول راه غير حدا وذنك 5 دقائق اتوصلي ولفناكم الطوموبيلات البراهش حتى وليتو تعكزو

هبة : مممم هممم براكة من النگير ديالك ، دبا حنا علاش غدي نجيو عارض علينا ؟

رفع حاجبو ونطق بتساؤل : تغديتي ؟

هبة حركت رأسها بالنفي كأنه كيشوفها قدامو : لا

ياسر : اذن أجي عندي اتلقايني الفوق جهة المطاعم ، ناكلو وندخلو كاملين نتفرجو فشي فيلم دالرعب ، راه معايا حتى حسام وابراهيم ، نيت تقصاحو شويا البراهش

هبة : نينيني مكتساليش حنا مشي براهش وشكرا ، تلاح .... ختمت كلامها ، وحلات البلاكار هزات منو الحوايج اللي غدي تحتاج واللي كانو عبارة عن شوميز مزيرة في الاسود مع جيب كذلك مزيرة في الگري كتلمع ، لبساتهم بسرعة جمعات شعرها كوب شوفال ، وقفت قدام المراية ، قادات ميكاب بسيط مكيبانش وخرجت من بيتها كتشوف في حفصة وأمين كينتاظروها فهمت أنه ياسر علمهم حتى هما.

هزات جاكيط في الأسود في يديها في حالة تعطلو ، وجاها البرد ، لبست سبرديلتها اللي كانت في نفس اللون ونطقت مخاطباهم : مشينا؟

لاحظو انها سالات وقفو تمشى أمين قدامهم ، شدات فيها حفصة ولحقو عليه كيتمشاو بشوية

#يتبع.......
آرائكن شهيراتي ❤️✨
التتمة بعد 25 دقيقة 🥂