💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨#بارت_29
الكلام اللي لقى عليها كان أشبه بسطل دالما بارد تكب عليها ، وسعت عيونها بصدمة ، يديها كيرجفو ، والحروف تخربقو في حلقها ، كفاش عاق بيها ؟ وكفاش خلاتو روحو يقول ليها هاد الكلام ؟
كتزيد تأكد أنه كلما جلست معاه في نفس المكان ، مكتزيد غير تجرح في قلبها ، لملمت جرحها ، جمعات كلماتها ، ووجهت ليه كلامها ناطقة بثقة : شنو فيها الى كنت كنبغي شي حد ؟ ممنحقيش ؟ أنا كبرت وهذا هو السن اللي نحس براسي حتى انا فيه أنني بنت وقادرة نبغي شي شخص ولو غير بتجربة .
مفيكسية عيونها في عيونو كتنتاظر تلاحظ شي ردة فعل منو ، الا أنه البرود كان هو جوابه .
انتظرها تكمل كلامها ، طبطب على يديها الموجودة تحت يدو ، وتوقف عاطيها بالظهر كيتمشى ناحية الباب ، اللي حلو خرج وخلاه مردود وراه .
مصدومة في بلاصتها كتراقب حركاته اللي دازت في ثواني قليلة فعلا شخصيته في شكل ، وغير ملائمة أبدا مع شخصيتها ، طريقته في تسيير الأمور ، مكتقدرش تفهمها تنهدت بقوة ، بدلت حوايجها ، وخرجت لعندهم ، كانو كاملين مجموعين ووقت الغدا وصل .
تمشات جهة لاڤابو غسلت يديها ، وتوجهت للمطبخ هزات معاهم الأطباق كتوصلهم للطبلة .
تمشات حدا أمين وجلست حداه مبتسمة ليه : نتا دبا عندك مع هادشي ديال الفايس والانستغرام
أمين قرب ليها : وي عندي معاه عندك شي بلان الساطة ؟
حركت رأسها بالايجاب وقربت ليه : جمعت تصاور ديال هاد 3 ايام اللي جيت فيها ، وبغيت نلوحهم ، ولكن في نفس الوقت بغيت مع كل تصويرة نلوحها الانستغرام ديالي يدير بوووم .
أمين رفع حاجبو ونطق بابتسامة : وجيني نيشان الساطة بغيتي تولي مشهورة في الانسطا .
هبة حركت رأسها كتبتاسم :اييييه بحال دوك المودلز
أمين استغرب : ولكن هذوك راهم كيكونو سانيين كونطرا مع الشركات .
عوجت فمها ونطقت بنفي : وصاحبي مكنهضرش على هذوك ديال إيطاليا انا كنهضر غير على هاد المغربيات اللي مشهورين مكيديرو حتى زفتة غير كيتصورو ويبوسطيو
أمين قرب ليها وهمس ليها في أذنها : جيني نيشان الساطة علاش باغة تشهري هممم ؟
بعدت مستعدة تجاوبو قاطعاتهم يسرى مقربة جهتهم رافعة حاجبها : اش كتوتوتو نتوما المساخيط هممم، اش عندكم ؟ ........ جلست قدام ولدها ونطقت مخاطباه ....... أمين شفتك اولدي هاد النهار شاد الخط مع هبة جيتو بزوج ودبا كتهضرو غير بيناتكم اش تما امساخيط؟ ياكما كتعجبك نزوجوها ليك ؟
نجية حطات اخر طبق وانضمت للحديث معاهم : وهو يلقى حسن من هبة ، شوفي الزييين ، ولاطاي كيدايرة ، والشعورات لمن عطاهم ربي .
أمين رفع حاجبو وعوج فمو باستهزاء : بالله عليكم دبا واش منيتكم ؟ واش نتوما مسطيين ولا باغيين تسطيوني ؟ انا نهار نبغي نتزوج مغديش نتسنى منكم تزوجوني وزايدون مغديش ندي وحدة شارفة قدي في السن .
هبة : حشاااك الحم ار الشارف هو نتا .
قبل متكمل كلامها قفزت من الصوت اللي تضرب في الطبلة وصوتو اللي نطقو بنبرة عالية : ايييه اش هاد الكلام مكتحتارموش بعضياتكم شوية ؟
رفعت عيونها كترمقو بنظرات غاضبة ديما كيرجعها هي اللي غالطة وديما كيقمعها قدام العائلة حتى لوقتاش غدي تبقى محتارماه وهو ابدا واش محتارم وجودها ، عقدت حواجبها بعصبية ونطقت بصوت عالي : علاش كتغوت علينا شنو درنا ليك ؟ مالك معصب غير بوحدك وكتفدي فينا عصبيتك ؟
#يتبع........
آرائكن شهيراتي ❤️✨
التتمة بعد 20 دقيقة 🥂
![](https://img.wattpad.com/cover/291789641-288-k68201.jpg)
YOU ARE READING
هبة قلبه
Romance#حصــــريا_وفــقــط_علــى_مــاضــي_الشهــيرات ❤️✨ 🥂 #هــــبــــة_قــــلــــبــــه 🥂 _ممنوعــــــــة مـــن النشـــر إلا بــعـــد طــلــب الإذن_ #أقـــود_قــصــة_يــمــكــن_تــقراوهــا_بــأقود_أسلوب ❣️🍻 الحب بحال شي عاصفة في عهد قديم ، ك...