💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨
#بارت_24
هبة قربت منها حاطة يديها على جنابها ورافعة حاجبها بإستغراب : حفصة معامن كتفرنسي المسخوطة .
حفصة همست ليها حاطة يديها على فمها كتضحك بشوية : أجي نقولك .
هبة جلست حداها ونطقت بابتسامة : هانا ضحكينا معاك الالة .
حفصة قربت لأذنها ونطقت بهمس : مع حبيبي .
هبة رفعت حاجبها بتساؤل : ياسر ؟
هزات يديها ناحيتها ونزلت عليها لراسها مخنزرة فيها : واش منيتك وا مشي حبيبي خالي ، ومعنيتش هكا، كنقصد بحبيبي الراجل اللي كنبغي
وسعت عيونها بصدمة وحطات يديها على فمها ممصدقاش :كفااااش اش كتقصدي ، ويلي المسخوطة شكون هذا ؟
حفصة ابتسمت : صاحب حساااام .
صدمة على صدمة خلاوها تبقى مفيكسية على وضعية وحيدة ، لولا يد حفصة اللي تحطات عليها نسبة ضئيلة تخليها تحرك من بلاصتها : وحسام وياسر وماجد زعما عارفين ؟
حفصة نطقت باسهزاء : لا عارفين وعاجبهم الحال بنت ختهم مصاحبة .
هبة : حفصة كندوي بصح
حفصة : واش نتي مريضة اكيد معارفينش باغياهم يصيفطوني قبل وقتي ؟
هزات حاجبها ونطقت بتساؤل : ناري الزغبية والى حصلتي
حفصة : إلى مقلتيش نتي معندهم منين يعرفو .
هبة : كنتمنى
صوت الخطوات قربو لجهتهم دورو عيونهم على نجية ، رفعو حاجبهم كيتبادلو النظرات بيناتهم فورما نطقت مقاطعاهم : نوضو البنات ياسر جا يوصلكم كيتسناكم
حفصة : وخالو ماجد ؟
نجية : غدي يجي هو ومرتو مزال معطلين
حركو رأسهم بالايجاب. وخرجو كيجريو جهة ياسر سلمو عليه وطلعوا.
دقائق قليلة فرانة في الباركينغ ، هبطو كيتمشاو بسرعة مخليينو موراهم ، وقفو على الدراري اللي كانو لابسين غير شورط ابتسمو ليهم وجلسو حداهم
حسام : البنات لباس عليكم
هبة : بيخير ...... دورت عيونها على المكان قشعت كورة اليد تحت مقعد حسام وسعت عيونها بفرحة ونطقت موجهة كلامها ليه..... واش ديك الكرة ديالكم
حسام : وي .... رفع حاجبو في ملامحها ونطق بتساؤل : باغة تلعبي ؟
حركت رأسها بالايجاب بسرعة ونطقت : اه عفاكم يلاه نلعبو انا كنقنط منين كتدخلو نتوما تعومو
حسام ابتسم ودور عيونو جهة ابراهيم : شنو الساط تلعب معانا ؟
#يتبع......
آرائكن شهيراتي ❤️✨
YOU ARE READING
هبة قلبه
Romance#حصــــريا_وفــقــط_علــى_مــاضــي_الشهــيرات ❤️✨ 🥂 #هــــبــــة_قــــلــــبــــه 🥂 _ممنوعــــــــة مـــن النشـــر إلا بــعـــد طــلــب الإذن_ #أقـــود_قــصــة_يــمــكــن_تــقراوهــا_بــأقود_أسلوب ❣️🍻 الحب بحال شي عاصفة في عهد قديم ، ك...
