هبة قلبه

🎀 بارت 15 🎀

💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨

#بارت_15

حط يديه على صدرها بدون ميجاوبها ، وضغط ضغطات متكررة بقوة ، مكانتش صادرة منها شي ردة فعل ، نزل بفمو حطو على فمها كيحاول يعطيها الأكسجين اللازم مدة قصيرة ، وترفعت من موضعها ، كتكح بطريقة متوالية .

تنهد براحة ودور عيونو ناحيتها : متخافيش الحمد لله دبا وغدي تفيق ، غير هي خاص تديوها يشوفها الطبيب ونيت يخيط ليها الجرحة

حفصة ابتسمت : لهلا يخطيك شكرا اخويا ، كون مكنتيش نتا معرفت شنو كان ايوقع ليها .

ياسر تقدم لجهتهم ، بلل حلقو ، وهز بزطامو جبد منو 200 درهم عطاهالو : شكرا الساط

الميترناجور هز حاجبو ابتسم ونطق بهدوء : هانيا عزيز وغالي ...ختم كلامو وانصرف مخلي ياسر ماد ليه الورقة النقدية بدون مياخدها من عندو .

حسام جلس على الكرسي ووجه نظراته جهة ياسر : شنو غدي تدير في الموضوع مع العائلة .

ياسر هز كتافو بلا مبالاة ونطق ببرود : عادي غدي نقول الحقيقة حيت كان حادث مغديش نخاف .

أمين : ناري يا خالي الطريقة اللي لحتيها بيها خطيرة .

ياسر دور وجهو ناحيتو ورمقو بنظرات غاضبة : سكت نتا ، بغينا غير نضحكو معاها ندماتنا

إبراهيم : هذا سميتو ضحك البناية ، كون ماتت البنت ولا وقعت ليها شي حاجة

حسام : ناري مرات خالي وماجد والله ميزكلوك ، يتبعوك ليها في البلاصة

ياسر تنهد بقوة وجلس حداهم : الحمد لله موقع والو من داكشي ..... وجه ليها نظراتو بانت ليه بدات كترجع وعيها وقف وتمشى جهتها ، ضغط على كتفها ونطق بتساؤل : هبة ؟

حلات عيونها وجهتهم ليه ونطقت بصوت تعبان : عيت بغيت نرتاح

ياسر : كيكتحسي براسك شويا ؟

هبة غمضت عيونها وحركت راسها بالايجاب : راسي كيحرقني بزاااااااف ، حسيت براسي تضرب فشي حاجة قاصحة

حفصة وسعت عيونها وشافت في ياسر : خاصنا نديوها للطبيب تدير السكانير تقدر الضربة تأثر عليها ، وتدير ليها شي خلل من بعد

ياسر حرك راسو بالايجاب ، جبد فوطة مسح بيها وجهو وشعرو وجسده ، ردها وهز تيشورط نقي ناشف ، لبسو بسرعة ، وقرب ليها هزها بين يدو : حفصة تمشي معانا ؟

حفصة حركت رأسها بالنفي : غير سيرو نتوما انا خاصني نعاون الدراري باش نرجعو للدار

حرك راسو بالايجاب وتمشى بهبة بسرعة ناحية الباركينغ ، حطها في المقعد الامامي وجلس في مقعد السائق ، خلص العساس ، وكسيرا بسرعة ناحية لوپيطال .

_______

نجية :إحسااان ، إحسااان

هبطت من الدروج لابسة كسيوة طويلة مع الفولار مقاداه بطريقة زوينة ، دخلت من الباب الداخلي ونطقت بابتسامة : وي خالتي

نجية : فقاش اترجعو ابنتي ؟

إحسان حولت نظرها جهة ماجد : والله معرفت اخالتي ، ماجد اللي كيقرر ، على حساب هو فقاش باغي يرجع

نجية حركت رأسها بالايجاب ونطقت مرة أخرى باستفسار : وعمران غدي تديوه معاكم

ماجد قرب ناحيتهم لابس سروال في الكحل مع تيشورط وجاكيط دالكوير في الأسود : وي غدي نديوه معانا

عمران هز كتافو بلا مبالاة ونطق بغضب : انا مباغيش

#يتبع.......
آرائكن شهيراتي ❤️