ကျစ်ချွင်မှာ ပို၍ပင် လေးလေးနက်နက် ဖြစ်လာခဲ့သည်။ ကူကျန့်က သူမတို့ရဲ့ ဘိုးဘေးတစ်ယောက်ဖြစ်ပြီး ကြောက်မက်ဖွယ်စွမ်းအားကို ပိုင်ဆိုင်ထားသည်။ သို့သော် လီကွမ်ရီက သူနဲ့ အဖက်မတန်သလို ပြောနေပေသည်။ ဒီနေရာမှာ အခြားတစ်ယောက်သာ ရှိပါက လီကွမ်ရီကို ဝံ့ကြွားလွန်းသည်ဟု ထင်မိမည်မှာ သေချာပေသည်။ သို့သော် ကျစ်ချွင်ရဲ့ စိတ်ထဲမှာတော့ လီကွမ်ရီက ထိုသို့ ပြောရန် အရည်အချင်းရှိမှန်း သိရှိနေမိသည်။
" ကောင်းပြီ၊ မိန်းကလေး၊ မင်းမှာ မေးစရာမေးခွန်းတွေများနေမယ်ဆိုတာ ငါသိတယ်၊ ဒါပေမယ့် ငါဖြေနိုင်မှာမဟုတ်ဘူး "
လီကွမ်ရီက ကျစ်ချွင်ကို ဆက်ပြောသည်။
" ငါမင်းကို ပြောပြနိုင်တာ တစ်ခုရှ်ိတယ်၊ မင်းတို့ ကောင်းကင်ဘုံ ကိုယ်ရန်တော်မြို့မှာ အရင်းအမြစ်တွေ များပြားတဲ့ ဘဏ္ဍာတိုက်တစ်ခု ရှိတယ်၊ အဲ့တာကို မင်းတို့ဂိုဏ်းထဲမှာတောင် သိတဲ့သူ အရမ်းရှားတယ် "" ဘဏ္ဍာတိုက်လား....."
ကျစ်ချွင်မှာ လီကွမ်ရီရဲ့ စကားကြောင့် တုန်လှုပ်သွားရသည်။ သူမက ထိုဘဏ္ဍာတိုက်အကြောင်းကို ဘိုးဘေးတွေ စကားပြောရင် တစ်စွန်းတစ်စ ကြားသိခဲ့ဖူးသည်။ သို့သော် တိတိကျကျ မသိခဲ့ပေ။ ဒါပေမယ့် အပြင်လူတစ်ယောက်ဖြစ်တဲ့ လီကွမ်ရီက သူမတို့ဂိုဏ်းအတွင်းမှ လျှို့ဝှက်ချက်အားလုံးကို သူ့ရဲ့ ကိုယ်ပိုင်ပစ္စည်းတစ်ခုအလား ပြောပြနေနိုင်သည်။" ဘဏ္ဍာတိုက်နဲ့ ပတ်သက်ပြီး မင်းက သေသေချာချာ မသိထားသေးဘူးထင်တယ်၊ ဒါက မင်းတို့ ကိုယ်ရန်တော် မြို့ကတော့ မဟုတ်ဘူး၊ ဒါပေမယ် ကူကျန့်က အဲ့ဒါကို အရင်ထဲက လိုချင်နေခဲ့တယ် "
လီကွမ်ရီက ကျစ်ချွင်ကို ပြုံး၍ ပြောသည်။ကျစ်ချွင်က စိတ်လှုပ်ရှားမှုကို မထိန်းနိုင်တော့ဘဲ ပြန်မေးသည်။
" အဲ့ဒါက ဘယ်လို ဘဏ္ဍာတိုက်မျိုးလည်း "လီကွမ်ရီက ကျစ်ချွင်ကို ပြုံး၍ ကြည့်သည်။ ပြီးနောက် တိုးညှင်းစွာ ပြန်ပြောသည်။
" အင်မော်တယ်ဧကရာဇ်တွေတောင် အဲ့ဒါကို ရူးမတတ်ရချင်ကြလိမ့်မယ်၊ ဘဏ္ဍာတိုက်ထဲမှာ သူတို့လက်လှမ်းမမီတဲ့ အရာတွေ အများကြီး ရှိနေတယ် "
DU LIEST GERADE
စစ်ဧကရာဇ် လီကွမ်ရီ Book 1 ( Ch 1 - 990 )
AbenteuerReview မဟုတ်တဲ့ reviewလေးပါ လက်ရှိကြိုက်မိတဲ့စာစဥ်လေးတစ်ခု လီကွမ်ရီ - စစ်ဧကရာဇ် လီကွမ်ရီဆိုတာ ဘဝဟောင်းက Immortal Demon Grotto၏ ဖမ်းဆီးခြင်းကိုခံရပြီး ကျီကန်းနက် ကိုယ်ခန္ဓာထဲတွင် နှစ်သန်းပေါင်းများစွာကြာအောင် ပိတ်လှောင်ခံခဲ့ရသူ မရေမတွက်နိုင်သောအန္တရ...
376 - 380
Beginne am Anfang