Warning - This part may look like final but not the real ending . JUST FAKE
ဟင်နရီဟာ အလောင်းအဖြစ် ပြန်လာသည်ဆိုသောကြောင့် စစ်ဆေးရန်အတွက် သက်ပိုင်နဲ့ဆက်နိုင်သည် လျှို့ဝှက်ဂိုဒေါင် အသေးလေးတစ်ခုသို့ ရောက်လာကြ၏ ။ ဂိုဒေါင်အလယ်တွင် လဲလျောင်းနေသော အလောင်းနှင့်အတူ ထိုအရာကိုရှာတွေ့ခဲ့သည့် ဂိုဏ်းသား ၅ယောက်လောက်ရှိနေကြပါသည် ။
နှစ်ယောက်သား အသေအချာ စစ်ဆေးပြီးသည့်နောက် အလောင်းဖျောက်ပစ်ရန် ထို ငါးယောက်ဆီ တာ၀န်ပေးလိုက်ပြီးနောက် သူဌေးဖြစ်သူထံ လှမ်းအကြောင်းကြားကြသည် ။
ထင်ရာကိုးသသည် ဖုန်းထဲက အကြောင်းအရာကို နားထောင်ပြီးနောက် စိုးရိမ်ပူပန်စိတ်တို့ဟာ အရှိန်အဟုန်နဲ့ မြင့်တက်လာရပါ၏ ။
" ဟင်နရီက သူ့ကိုယ်သူ သေနတ်နဲ့ ပစ်ခဲ့ပုံ ပေါက်ပေမယ့်
မျက်နှာမှာ ထိုးကြိတ်ဒဏ်ရာတွေအပြည့်နဲ့ပါ
ဒါ့အပြင် .... ရေစပ်မှာ ခြေရာတွေက ရှုပ်ထွေးနေပါတယ်
ကျွန်တော်တို့ အထင် သူ့ကို ကြိုးကိုင်ခဲ့တဲ့သူက ရှင်းပစ်လိုက်တာပဲ ဖြစ်မှာပါ "လက်ထဲကဖုန်းကို စားပွဲနဲ့ တဒေါက်ဒေါက် ခေါက်နေပြီး မျက်ခုံးနှစ်ဖက်ဟာ အလယ်မှာ စုကြုံ့ကာ စိုးရိမ်စိတ်တို့ဟာ အထင်းသားပေါ်လွင်နေ၏ ။
ဒီလောကသည် ဝင်ပြီးရင် ပြန်ထွက်ရန်ခက်ခဲသော လောကမှန်း ကိုးသသိပါသည် ။ ဂိုဏ်းတွေရဲ့ ရှုပ်ထွေးမှုတွေနဲ့ ရန်ပွဲတွေက အခုချိန်ပေါ်လာလို့ မဖြစ်တာကို ရှောင်လွှဲခွင့်မရှိအောင် ပေါ်လာတော့မှာလား ။
ဂိုဏ်းအချင်းချင်း အနည်းနဲ့အများ ထိတွေ့ဆက်ဆံမှုရှိခြင်းကြောင့် ဥပဒေရှေ့ အညံ့ခံတော့မည့် ဂိုဏ်းကို ဖျက်ဆီးပစ်ကြတာက ထုံးစံလိုလိုပင်ဖြစ်နေပြီ ။
C-9 နဲ့ ထိတွေ့မှု အများဆုံးရှိတဲ့ Sakura ဂိုဏ်းဟာ ကိုးသရဲ့ မူရင်းဂိုဏ်းဖြစ်ကာ ခွဲထွက်ခဲ့ပြီး လက်ရှိ ဂိုဏ်းခေါင်းဆောင် လက်ထက်မှာ မပြေလည်မှုတွေ ရှိသောကြောင့် သူတို့တွေပါဟု ကိုးသ ပထမဆုံး ယူဆကာ သာကီ့ဆီဖုန်းဆက်မည်အလုပ် ဇေခန့်ထည်က အမောတကော ပြေး၀င်လာလေသည် ။
YOU ARE READING
လွင့်ပြယ်သွားသော တိမ်တိုက်ငယ်
RomanceStart date - 13 Sep 2022 ( 11: 09 AM) End date - 31 May 2023 ကျိုးပြတ်သွားတဲ့ ကတိတစ်စုံဟာ လွင့်ပြယ်သွားတဲ့ တိမ်တိုက်တွေလိုပဲ ပုံစံတကျ ပြန်စုစည်းလို့မရတော့ဘူး