ထည်ဝါလေးက သူ့ဒယ်ဒီမရှိတဲ့ အခါမျိုးဆို ဂျီကျတတ်ပေမယ့် လိမ္မာတဲ့ ကလေးလေးပါ ။ အခုလည်းကြည့် ဖေဖေနဲ့ဒယ်ဒီမနိုးသေး၍ သူ့ပုခက်လေးထဲ ငြိမ်ငြိမ်လေး နေပေးရှာသည် ။
" အမလေး .... ဖေဖေ့သားလေးက အစောကြီးနိုးနေပါလား "
ထိုင်တက်ခါစ တစ်တုံးတစ်ခဲလေးကို ပုခက်ထဲမှ ပွေ့ချီလို့ မြှောက်ထားလိုက်တော့ ခြေကားယား လက်ကားယားလေးနှင့် အတော် ချစ်စရာပင် ။ သားသားပါးအိအိလေးကို အသည်းယားစွာ မွှေးကြူလိုက်တော့ တခစ်ခစ် ရယ်သတဲ့ ။
" သားသားလေးကို ဒယ်ဒီက နာမည်ပေးပြီးပြီ
တိမ်ရောင်ထည်ဝါတဲ့ .... အဲ့ဒီတော့ ဖေဖေက သားလေးကို ထည်ဝါလေးလို့ခေါ်မယ်နော် .... နော် .... နော် "" ခစ် ... ခစ် "
ထည်ဝါလေးကို လက်တစ်ဖက်က ချီရင်း သွားတိုက် မျက်နှာသစ်ရသည် ။ ဒီအသားလုံးလေးကို လက်ကမှ မချချင်တာ ။
" ဖေဖေပြီးပြီ ထည်ဝါလေးအလှည့် "
သန့်စင်ဆေးကြောပေးပြီးနောက် အဝါရောင် ဂွမ်းသား ဝမ်းဆက်လေး ဝတ်ပေးလိုက်တော့ လုံးလုံးအိအိလေးနဲ့ Pooh လေး အတိုင်းပင် ။ အိပ်နေသူ ဒယ်ဒီကြီးမှာတော့ အခုထိ မနိုးသေးချေ ။
အရင်က မှောင်မှိုင်းသောအရောင်တွေသာ သုံးထားသော ထိုအခန်းလေးဟာ ထည်ဝါလေးရောက်လာသည့် ၂ပတ်ကျော်ကျော်အတွင်း ကာလာစုံသွားချေပြီ ။ အိပ်ယာခင်းပဲကြည့် ။ အပြာနုရောင် အောက်ခံပေါ်မှာ ကာတွန်း ငါးရုပ်လေးတွေနဲ့ ။
ထို အပြာနုရောင် အိပ်ယာပေါ် အိပ်ပျော်နေသူကြီးကို နှိုးမနေတော့ဘဲ ကလေးချီကာ အောက်ထပ် ဆင်းလာခဲ့လိုက်သည် ။
အစ်ကိုလည်း ပင်ပန်းနေရောပေါ့ ။ အနားယူပါစေလေ ။
မနေ့ကမှ ကားမှောက်ထားသည့် ဇေခန့်ထည်အစား အိမ်အလုပ်တွေ လုပ်ပေးချင်သည်မို့ အိမ်ရှေ့ အိပ်ခန်းတွင် ဖော့ဖျာလေးခင်း ပိုက်လုံး အတားအဆီးလေးနဲ့ ကာရံလို့ ထည်ဝါလေးကို အရုပ်တွေနဲ့အတူ ထားထားလိုက်သည် ။
YOU ARE READING
လွင့်ပြယ်သွားသော တိမ်တိုက်ငယ်
RomanceStart date - 13 Sep 2022 ( 11: 09 AM) End date - 31 May 2023 ကျိုးပြတ်သွားတဲ့ ကတိတစ်စုံဟာ လွင့်ပြယ်သွားတဲ့ တိမ်တိုက်တွေလိုပဲ ပုံစံတကျ ပြန်စုစည်းလို့မရတော့ဘူး