Unicodec
" အစ်ကို.... "
ဘယ်ကနေ ဘယ်လိုရောက်မှန်းမသိ
ငယ်ဟာ ကိုးနားသို့ ပြေး၍ လာနေသည် ။ ရှေ့တွင် ပူး၍ လက်ထိပ်ခတ်ထားသော လက်နှစ်ဖက်ကိုတစ်လှည့် ငယ့်ကိုတစ်လှည့် ကိုးကြည့်မိ၏ ။
ဒုစရိုက်မှုကို မနှစ်သက်သည့် ငယ်သာ ......ငယ်သာ ....ကိုးကို မုန်းသွားမည်ကို ထောင်ထဲသွားရမှာထက် ကိုး ပိုကြောက်ရွံ့နေသည် ။
" အစ်ကို ဒါက ဘယ်လိုဖြစ်တာလဲ
ထပ်ပြီး လမ်းပေါ်မှာ ရန်ဖြစ်ပြန်ပြီလား "
" မင်းကရော ကြံရာပါလား "
အစ်ကို့လက်မောင်းကို ချုပ်ကိုင်ထားသော ရဲသားဆီမှ ထွက်လာသော စကားဖြစ်သည် ။ ငယ့်ကို ကြည့်၍ မေးနေသည်ဆိုသော်ငြား ကိုးက ငယ့်အစား အဖြေပြန်ပေးလာသည် ။
" သူက ကျွန်တော်နဲ့ ဘာမှမဆိုင်ပါဘူး "
ငယ့်ကို စိုးရိမ်လို့ ဘာမှမဆိုင်ဘူးလို့ ကိုး ပြောလိုက်မှန်းသိသော်လည်း ငယ့်ရင်ထဲနေလို့မကောင်းပါ။ အမျိုးအမည်မသိ နာကျင်မှုတစ်ခုက ငယ့်နှလုံးသားကို ဖြတ်သန်းစီးဆင်းသွား၏ ။
" သူနဲ့ ကျွန်တော်က ချစ်သူတွေပါ "
" ငယ် ....!! " ဟု အာမေဋိတ်ဆန်ဆန်တစ်လုံးတည်းသော စကားလုံးသာ ကိုးနှုတ်ဖျားမှ ထွက်လာသော်လည်း ရင်ထဲတွင်တော့ ' ရာဇဝတ်သားတစ်ယောက်ဖြစ်တော့မယ့် အစ်ကိုနဲ့ ချစ်သူလို့ပြောတာ ငယ့်အတွက် မကောင်းဘူး ငယ်ရဲ့ ' ဟု အော်ဟစ်နေမိသည် ။
" ဆရာတို့ ဘာလို့ ကျွန်တော့်ချစ်သူကို ဖမ်းတာလဲဗျ "
" ချစ်သူ ? အာ.... လိင်တူချစ်သူလား ဒါ့ကြောင့် မူးယစ်ဆေး သုံးတတ်တာကိုး "
" ဗျာ ... ဆေးသုံးတယ်
ဘယ်သူကလဲ "
" မဟုတ်ဘူးငယ် ... အစ်ကိုမသုံးဘူး
အစ်ကိုမသိတဲ့ လူတစ်ယောက်က အစ်ကို့ကို အတင်းပေးသွားလို့ ကြောင်ပြီးယူလိုက်မိတာ ... အစ်ကိုမသိဘူး "
ကိုးဟာ အလိမ်အညာစကားတွေပါ သုံးကာ ငယ့်ကို ဖြေရှင်းနေမိသည် ။ ဘာ့ကြောင့်လိမ်မိသွားသလဲတော့ ကိုးကိုကိုးလည်း မသိခဲ့ပါ ။
YOU ARE READING
လွင့်ပြယ်သွားသော တိမ်တိုက်ငယ်
RomanceStart date - 13 Sep 2022 ( 11: 09 AM) End date - 31 May 2023 ကျိုးပြတ်သွားတဲ့ ကတိတစ်စုံဟာ လွင့်ပြယ်သွားတဲ့ တိမ်တိုက်တွေလိုပဲ ပုံစံတကျ ပြန်စုစည်းလို့မရတော့ဘူး
