Unicode
အခုတလော ဇေခန့်ထည်တစ်ယောက် စိတ်နှင့်လူ အတော်လေး မကပ်လှ။
မနက်စျေးမှ ဝယ်လာသော ပုစွန်တုပ်များကို ယခု နေ့လည် ၁၁နာရီခွဲမှ ထိုင်ခွာနေ၏ ။ စျေးက ပြန်ရောက်ရောက်ချင်း ဘုရားခန်း၀င်လိုက်တာ အခုမှ ပြန်ထွက်လာတာလေ ။
နွယ်သာကီသည် ထမင်းစားပွဲမှာ ထိုင်၍ နေကြာစေ့စားကာ ဇေခန့်ထည်ရဲ့ အပြုအမူကို မသိမသာအကဲခတ်နေသည် ။ ဘေးလူကြည့်ရင်တော့ ဖုန်းမှ ဇာတ်လမ်းတွဲ ထိုင်ကြည့်နေသည့် ပုံစံမျိုးနဲ့ပေါ့ ။
ဟောကြည့် ... ပုစွန်အခွံတွေကို ဘူးထဲ အကျအနထည့်ပြီး အသားတွေကိုကျ အမှိုက်ခြင်းထဲ သွန်ထည့်လိုက်သတဲ့ ။ ဒီပုံဆိုရင်တော့ သာကီဝင်မပြော၍ မဖြစ်တော့ချေ နို့မို့ဆို ငတ်သွားမှာပေါ့ ။
" ဟဲ့ ဘယ်လိုတွေလုပ်နေတာတုန်း "
သာကီပြောသည်ကို မကြားသည့်ပုံပင် ။
ပုစွန်အခွံဘူးကို ရေခဲသေတ္တာထဲ ထည့်သိမ်းနေလေရဲ့ ။သာကီလည်း မသက်သာသည့်အဆုံး ထိုင်နေရာမှထကာ ခန့်ထည်ထည့်သွားသော မဟုတ်တရုတ်ကို ပြန်ထုတ် ၊ အမှိုက်ပုံးထဲက ပုစွန်အသားတွေကို ရှိုး ၊ တော်ပါသေးရဲ့ ပုံးထဲတခြားအမှိုက်တွေရှိမနေပဲ အသစ်စွပ်ထားတဲ့ ကြွပ်ကြွပ်အိတ်နဲ့မို့ ။
" ခန့်ထည် "
" ဇေခန့်ထည် "
ပြန်မထူးလာပါ ။
ကြက်သွန်နီသာ အခွံမခွာပါဘဲ ရေဆေးနေသည် ။သာကီ ခန့်ထည်ရဲ့ လက်မောင်းကို ခပ်ကြမ်းကြမ်းလေး ပုတ်ပြီး ခပ်ကျး်ကျယ်လေး နာမည်အော်ခေါ်လိုက်တော့မှ သတိပြန်ကပ်ကာ သာကီ့ကို မော့ကြည့်လာ၏ ။
" ခန့်ထည် ... မောင်လေး မင်းဘာဖြစ်နေတာလဲ "
" ဗျာ.... ဘာကိုလဲ အစ်မ "
" မင်းလုပ်နေတာတွေလည်း မင်းပြန်ကြည့်ပါအုံး "
ထိုအခါမှ ခန့်ထည်သည်မိမိလုပ်ရပ်တွေဟာ ကမောက်ကမ ဖြစ်နေမှန်း သတိထားမိတော့သည် ။ သူ့အတွေးတွေဟာ မည်သည့်နေရာမှာ ရှိနေသည်ကိုတော့ သူကိုယ်တိုင်သိပါ၏ ။ စိုးရိမ်မှု ကြောင့်ကြမှုဟူသည့် နယ်ပယ်ဟာ လက်တွေ့ကမ္ဘာနှင့် အတော်ပင် ဝေးကွာသကိုး ။
YOU ARE READING
လွင့်ပြယ်သွားသော တိမ်တိုက်ငယ်
RomanceStart date - 13 Sep 2022 ( 11: 09 AM) End date - 31 May 2023 ကျိုးပြတ်သွားတဲ့ ကတိတစ်စုံဟာ လွင့်ပြယ်သွားတဲ့ တိမ်တိုက်တွေလိုပဲ ပုံစံတကျ ပြန်စုစည်းလို့မရတော့ဘူး