Unicode
" နေဦး ... အဲ့ဒီတော့ စုံစမ်းပြီးသား ကိစ္စကို ခန့်ထည်က ထိမ်ချန်ထားတယ်ပေါ့
ဟုတ်လား !!! တောက် !!!! "
ထောင်းခနဲဒေါသ ထွက်လာသည့် ကိုးလက်မောင်းကို အရင်က အကျင့်အတိုင်း ငယ်ဟာ ဆုပ်ကိုင်ပေးလိုက်မိသည် ။ ကိုးသာလည်း လက်မောင်းပေါ်က ်ထိအတွေ့ကြောင့် အံ့သြခြင်းနှင့်အတူ ဒေါသတစ်ဝက် ငြိမ်းအေးသွားရ၏ ။
အတတ်နိုင်ဆုံး စိတ်ပြန်ထိန်းကာ အကောင်းဆုံး ဆုံးဖြတ်ချက်ကို ကိုးရှာဖွေနေသည် ။ ခန့်ထည်မှာ အကြောင်းရှိမှာပါ ဒါမှမဟုတ် မေ့နေလို့ နေမှာပါလို့လည်း ကိုယ့်ကိုယ်ကို ပြန်သတိပေးနေရသေးသည် ။
" ဟင်း ..... "
သက်ပြင်းရှည်တစ်ချက် ချပြီးနောက် အတတ်နိုင်ဆုံး ဒေါသထိန်းနိုင်ရန် လေကို ရှူသွင်း ရှုထုတ်လုပ်ပြီးမှ ဆက်ပြောသည် ။
" မင်းတို့ ရထားတဲ့ အချက်အလက်တွေ ငါ့ဆီ တိုက်ရိုက် မေးလ်နဲ့ ပို့လိုက် "
" ဟုတ်ကဲ့ပါ ဆရာ "
ကိုးထံမှ အမိန့်ခံယူပြီးနောက် ထိုလူ၂ယောက်သည်လည်း မြတ်လေးရုံလေးထဲ တိုးဝင်ပျောက်ကွယ်သွားလေသည် ။ ခန့်ထည် အကြောင်း နားထောင်ပြီးနောက် ကိုးမျက်နှာက သိသိသာသာ ပျက်ယွင်းနေ၏ ။
" အပြင်မှာ အေးလို့ အိမ်ထဲပြန်ဝင်ရအောင်လား "
" ငယ်အေးလို့ ဝင်ချင်ရင် ဝင်ပေါ့
အရင် အတိုင်း အစ်ကို့ ထားခဲ့လိုက် "
" မရဘူး နောက်တစ်ခါထွက်ပြီး အစ်ကို့ကို လာပြန်မခေါ်နိုင်ဘူး တစ်ခါတည်း လိုက်ဝင် "
ငယ်ဟာ ပိုင်စိုးပိုင်နင်းဖြင့်ပင် ကိုးရဲ့ ဝှီးချဲကို အတင်းအဓမ္မ တွန်းကာ အိမ်ထဲသို့ ပြန်ခေါ်လာသည် ။ ညစာ ချက်နေသည့် ခန့်ထည်ကို မနှောင့်ယှက်ချင်သေးတာကြောင့် ကိုးကို ဝှီးချဲပေါ်တွင်သာ ထိုင်နေစေလိုက်ပြီး ငယ်ကတော့ ဆိုဖာပေါ်တွင် ထိုင်ကာ TV ဖွင့်လိုက်တော့ ၆နာရီ သတင်းနှင့် တည့်တည့်တိုးသည် ။
သတင်းမှာ ထူးခြားခြားမဟုတ်ပါ ။
နှစ်စဥ်နှစ်တိုင်း စည်ကား သိုက်မြိုက်စွာ ကျင်းပမြဲဖြစ်သည့် တောင်ကြီးမီးပုံပျံပွဲအကြောင်းပင်ဖြစ်သည် ။
YOU ARE READING
လွင့်ပြယ်သွားသော တိမ်တိုက်ငယ်
RomanceStart date - 13 Sep 2022 ( 11: 09 AM) End date - 31 May 2023 ကျိုးပြတ်သွားတဲ့ ကတိတစ်စုံဟာ လွင့်ပြယ်သွားတဲ့ တိမ်တိုက်တွေလိုပဲ ပုံစံတကျ ပြန်စုစည်းလို့မရတော့ဘူး
