Unicode
တတိယမြောက်နေ့ နံနက်ခင်းလေးတွင်ဖြစ်သည်။
နေရောင်ခြည်နွေးနွေးက လောကတစ်ခွင် ဖြာကျစပြုနေပြီး
သာယာသော ကျေးငှက် တေးသံတို့ကိုလည်း ကြားနေရ၏ ။
ဆောင်းဦးကျစ အောက်တိုဘာ နှောင်းပိုင်းကာလမို့ အအေးဓါတ်အနည်းငယ်လည်း လေထုထဲ တည်ရှိနေသည်။
သိပ်တော့မပြင်းထန်ပါ ။ အနည်းငယ်သာ ....
နဂိုကတည်းက ကမ်းရိုးတန်းဒေသရဲ့ ဆောင်းရာသီဟာ သိပ်မအေးပါလေ ။သို့သော် ....
အဲကွန်းဖွင့်ထားသော အခန်းငယ်လေးထဲက လူတစ်ယောက်ရဲ့ အအေးချိန်က အနုတ်ပြနေ၏ ။
ကိုယ်အအေးချိန် ၊ ပတ်ဝန်းကျင် အအေးချိန်တော့မဟုတ်ဘူး ။နှလုံးသားရဲ့ အအေးချိန် ၊ နှုတ်ခမ်းဖျားရဲ့ အအေးချိန်ပေါ့ ။
ကိုး ....နိုးလာသည်နှင့် အရင်ဆုံး သတိရမိတာ ငယ့်ကိုပဲ
ငယ်များ အနားက ပျောက်သွားပြီလား ၊ ထွက်ပြေးသွားပြီလား ဟူသည့် စိုးရိမ်စိတ်ဖြင့် ဗလာဖြစ်နေသော အိပ်ရာခင်းကို မျက်လုံးမဖွင့်ခင် အရင် စမ်းကြည့်မိသည်။" ငယ် .... "
မိမိဘေးနားတွင် အိပ်နေရမည့် ငယ်မရှိတော့သည်ကို
ကိုးသိသည်နှင့် ချက်ချင်းကောက်ထိုင်ကာ အခန်းတစ်ဝိုက် လ်ုက်ရှာမိသည်။တော်ပါသေးရဲ့
ငယ်က အရင်နိုးနှင့်ပြီး မှန်အနက်ပြတင်းပေါက်နားတွင် ရပ်နေတာပဲပြတင်းမှန်အနက်သည် အပြင်ကိုလည်း မမြင်နိုင်သလို
အပြင်ကလည်း အတွင်းကိုမမြင်ရမှန်ထဲတွင် တီရှပ်အဖြူ ခဲပုပ်ရောင်ချည်ဘောင်းဘီဝတ် လက်တစ်ဖက်ဝယ် သံကြိုးတန်းလန်းနှင့် ငယ့်ပုံရိပ်သာ ပေါ်နေသည်။
ကိုးဟာ ....ငယ့်ခါးလေးကို အနောက်မှ ဖွဖွလေးသိုင်းဖက်ကာ ပုခုံးထက် မေးဖျားလေးကို ထောက်တင်၍ မှန်ထဲက ငယ့်မျက်နှာလေးကို ငေးကြည့်နေမိသည် ။
ငယ်လည်း ထို့အတူပင် ...
မှန်ထဲမှ ကိုးပုံရိပ်ကို ကြည့်နေပါသည်။ကိုးအမြင်တွင် ငယ့်မျက်ဝန်းတွေဟာ အသက်မပါလှ ။
မှိုင်းတွေမှုန်ရီကာ အရောင်မဲ့နေသည် ။
မျက်ဝန်းရဲ့ အတွင်းနက်နက် တစ်နေရာမှာတော့ အသက်ငွေ့ငွေ့လေး ကျန်တန်ကောင်းပါရဲ့ ။
![](https://img.wattpad.com/cover/321839036-288-k460690.jpg)
YOU ARE READING
လွင့်ပြယ်သွားသော တိမ်တိုက်ငယ်
RomanceStart date - 13 Sep 2022 ( 11: 09 AM) End date - 31 May 2023 ကျိုးပြတ်သွားတဲ့ ကတိတစ်စုံဟာ လွင့်ပြယ်သွားတဲ့ တိမ်တိုက်တွေလိုပဲ ပုံစံတကျ ပြန်စုစည်းလို့မရတော့ဘူး