( Warning - Suicide )
တစ်ကိုယ်လုံးနာကျင်နေ၍ အိပ်ရာထဲမှာ လှဲနေခဲ့ရတာ တစ်ပတ်နီးနီးရှိပြီ ။ ဒီထက်ပိုပြီး လှဲမနေနိုင်တော့တာကြောင့် အိပ်ခန်းအပြင်သို့ ကိုယ့်ဖာသာ လမ်းလျှောက်ထွက်ခဲ့လိုက်သည် ။ ရေသောက်ရန် မီးဖိုခန်းထဲဝင်သွားချိန် ဘော့စ်ရှိနေ၏ ။ အေပရွန်ပန်းရောင်ကိုဝတ်ကာ တစ်ခုခု ချက်ပြုတ်နေသည်လေ ။
" ဘယ်လိုနေသေးလဲ "
" သက်သာပါပြီ "
" ပြီးရော "
" ဘော့စ် ..... ဘာလို့ ကိုယ်တိုင်ချက်နေတာလဲ
ကိုတိမ်တိုက် အတွက်လား "" ဖြစ်စရာလား ...ငယ်က အိမ်မှာမရှိဘူးလေ
ဒါက မင်းအတွက် ဆန်ပြုတ်ပြုတ်နေတာ "" ဗျာ ..... ကျွန် ... ကျွန်တော့်တွက် .... "
မိမိတွက် ဆန်ပြုတ်ပြုတ်ပေးနေတဲ့ ဘော့စ်ကိုကြည့်ပြီးဘခန့်ထည် မျက်ရည်တွေပါ ဝေ့သီလာမိသည် ။ ဘယ်လိုပဲဖြစ်ဖြစ် ဘော့စ်လက်ထဲသေမှာပဲလို့ တွက်ထားတာ မသတ်သည့်အပြင် အခုလိုမျိုး ဂရုစိုက်ပေးလိမ့်မည်ဟု တွေးတောင် မတွေးဖူးဘူး ။ သတိပြန်လည်ခါစကဆို သေပြီး parallel universe ကိုများရောက်သွားလေသလား သံသယဝင်မိခဲ့၏ ။
" ဘာလဲ ပျော်လို့ မျက်ရည်တွေပါ ဝဲလာတာလား
ခန့်ထည် .... မင်းက ငါ့အတွက် ညီလေးအရင်းလိုပါပဲ
မဆင်မခြေ သတ်ပစ်လိုက်မယ်လို့ ထင်ထားတာလား "" အီးဟီးဟီး .... "
ပြောခါမှ အသံဗြဲကြီးနဲ့ အော်ငိုလာသတဲ့ ။
ဒီပုံစံနဲ့ မူးယစ်ရာဇာပါလို့ ပြောရင် ဘယ်သူက ယုံမတုန်း ။" ပိတ်မကန်ခင် အငိုတိတ်လိုက်နော် "
" အီးဟီးဟီး ..... "
" ပိုဆိုးလာပြီ ...... ဆန်ပြုတ်အိုးနဲ့ ခေါင်းကို စွပ်ထည့်လိုက်ရမလား "
" အင်း ... ကောင်းတယ်
အဲ့လိုလုပ်လိုက် .... ဆန်ပြုတ်မစားချင်ဘူး အီးဟီးဟီး .... "" ဟိုက် .... ဆန်ပြုတ်မစားချင်လို့ ငိုနေတာလား "
" အင်း .... ကျွန်တော် ဘာမှမဖြစ်တော့တာကို
အခုနေ တိုက်ခိုက်လို့တောင် ရနေပြီ
ဆန်ပြုတ်တော့ မလုပ်နဲ့တော့နော် ....
ဆန်ပြုတ်ပဲ သောက်နေရလို့ အီးပါရင်တောင် အဖြူရည်ပဲ ထွက်တော့တယ် "
YOU ARE READING
လွင့်ပြယ်သွားသော တိမ်တိုက်ငယ်
RomanceStart date - 13 Sep 2022 ( 11: 09 AM) End date - 31 May 2023 ကျိုးပြတ်သွားတဲ့ ကတိတစ်စုံဟာ လွင့်ပြယ်သွားတဲ့ တိမ်တိုက်တွေလိုပဲ ပုံစံတကျ ပြန်စုစည်းလို့မရတော့ဘူး