Unicode
ပြောင်လက်တောက်ပနေသော ရွှေဝါရောင် ကျွန်း ပါကေးခင်းပေါ်တွင် ညစ်ပေနေသည့် ခြေဖမိုးညိုညိုတို့က မလိုက်ဖက်စွာ လျှောက်လှမ်းနေသည် ။ အိမ်ကြီးတွင် အလှဆင်ထားသော မီးဆိုင်းမီးတွဲတွေနဲ့ နံရံပေါ်က လက်ရာမြောက် ပန်းချီကားချပ်များအကြောင်းကို ကိုး မသိပါ ။ သို့သော် ထိုအရာများက အဖိုးတန်မှန်းတော့ သိပါ၏ ။
ပြောင်လက်နေသော ကြမ်းခင်းတို့ကို မရဲတရဲနင်းရင်း ဘေးပတ်ပတ်လည်ကိုလည်း အထိခိုက်မရှိအောင် သတိထားနေရသည် ။ တ်မ်တိုက်ငယ်ရဲ့ မိခင်ဆိုသူက မှာလိုက်သည်မဟုတ်လား ။
' လိုက်မပို့တော့ဘူး
ကိုယ့်ဘာသာ အဆင်ပြေသလိုပြန်လိုက်ပါ သား
အာ ..... ဘာ ပစ္စည်းမှတော့ မထိခိုက်စေနဲ့
မင်း မလျော်နိုင်ဘူး ' တဲ့လေ ။အဟက် .... ဒီပစ္စည်းတွေထက် ၁၀ဆသာ ၀ယ်နိုင်တဲ့တစ်နေ့
တစ်စစီဖြစ်အောင် ဖျက်ဆီးပစ်မယ်အပေါ်ယံ စိတ်ထဲမှာသာ ထိုသို့ ကြုံးဝါးနေပေမယ့် အနက်ရှိုင်းဆုံး စိတ်ထဲမှာတော့ အားငယ်စိတ်နဲ့ အတူ ငယ်နဲ့မိမိ လိုက်ဖက်ရဲ့လား ဆိုသည့် အတွေးမျိုးဖြင့် ပြည့်နှက်နေ၏ ။
ငယ်က ကောင်းကင်ပေါ်မှ ကြယ်ကလေး ။
မိမိမှာ မိုင်သန်းပေါင်းများစွာ ကွာဝေးသည့် မြေပြင်ပေါ်မှ ကြယ်မျှော်သူ ကလေးငယ်တစ်ဦး ။ကလေးလေးသည်
တစ်ဖျက်ဖျက်လက်နေသော ကြယ်ကလေးကို လိုချင်ပါ၏ ။ထို့ကြောင့် သူ့လက်သေးသေးလေးကို
ဆန့်ထုတ်၍ ကြယ်ကလေးကို ကိုင်ကြည့်သည် ။အနည်းငယ် နီးကပ်သွားရုံမှတစ်ပါး
မိုင်သန်းပေါင်းများစွာကို မကျော်ဖြတ်နိုင်ပါ ။×××××
ခေါင်းကို ငုံ့ထားသောကြောင့် မိမိ၏ လေးလံသော ခြေလှမ်းတို့ကို မြင်နေရသည် ။ ထိုခြေလှမ်းတို့ထက် နှလုံးသားရှိ အစိုင်အခဲက ပိုမိုလေးလံနေလေရဲ့ ။
' တီ ....တီ .... တီ ..... '
အနက်ရောင်လွယ် အိတ်ထဲမှ တစ်တီတီ မြည်နေသော ဖုန်း ringtone သံကိုလည်း မကြားနိုင်တော့ပါ ။ ခေါင်းထဲမှာ ခက်ခဲသော အတွေးအချို့က နေရာယူနေပြီမို့လေ ။
YOU ARE READING
လွင့်ပြယ်သွားသော တိမ်တိုက်ငယ်
RomanceStart date - 13 Sep 2022 ( 11: 09 AM) End date - 31 May 2023 ကျိုးပြတ်သွားတဲ့ ကတိတစ်စုံဟာ လွင့်ပြယ်သွားတဲ့ တိမ်တိုက်တွေလိုပဲ ပုံစံတကျ ပြန်စုစည်းလို့မရတော့ဘူး