တိမ်တိုက်ငယ်ရဲ့ အိမ်
တိမ်တိုက်ငယ်ရဲ့ အိမ်ထဲသို့ နှစ်ယောက်သား လက်တွဲကာ ပထမဆုံးအကြိမ်ဝင်ခြင်း ။ ကိုး စိတ်လှုပ်ရှားနေမှန်း ငယ် ရိပ်မိသည်တူပါရဲ့ ။ ကားပေါ်မှ မဆင်းမီ ကိုးလက်ကို ဆုပ်ကိုင်၍ အားပေးသည် ။ ငယ်ပေးသည့် အင်အားဖြင့် သတ္တိမွေးကာ ကားပေါ်မှဆင်းလို့ တစ်ဖက်ခြမ်း lover seat က ငယ့်ကို ကားတံခါး အပြေးလေး ဖွင့်ပေးရသည် ။ ငယ့်လက်ထဲမှာ ထည်ဝါလေးက အိပ်မောကျနေရှာ၏ ။
ကျွန်းဘောင်နှင့် အလှဆင်ထားသော အိမ်ရှေ့တံခါးမကြီးရှေ့တွင် ခေတ္တရပ်၍ ထည်ဝါလေးကို လက်လွှဲယူလိုက်သည် ။ ဒီတစ်ကြိမ် စိတ်လှုပ်ရှားနေပုံရတာက ငယ်မို့ ငယ့်လက်ကိုဆွဲလို့ အိမ်ထဲသို့ လှမ်းခဲ့လိုက်၏ ။
အိမ်ထဲတွင်
ကျွန်းကနုတ်ကွတ် ရွှေရောင် ဆက်တီခုံတွင် တိမ်တိုက်ငယ်ရဲ့ ဖခင်ဖြစ်သူရယ် ရပ်မိရပ်ဖလူကြီး လေးယောက်ရယ် ထိုင်နေကြသည် ။ ငယ်ရဲ့ မိခင်ဖြစ်သူကိုတော့ မတွေ့ရပါလေ ။" သားတို့ ရောက်လာပြီလား
လာ .... လာထိုင်ကြ "တိမ်တိုက်ငယ်က ဦးဆောင်၍ ဖခင်ဖြစ်သူ ညွှန်ပြပေးသည့် နေရာတွင် ဝင်ထိုင်လိုက်သည် ။ထိုခုံဟာ တစ်ယောက်ထိုင် ခုံနှစ်လုံးဖြစ်ပြီး အလယ်တွင် စားပွဲအသေးလေးတစ်ခု ခြားထား၏ ။ ထည်ဝါလေးမှာတော့ ကိုး လက်ထဲတွင် ချိုလိမ်စို့လို့ ငြိမ်သက်နေဆဲ ။
" ဒီကလေးက မောင်ရင့်ကလေးလား "
" ဟုတ် ... အစ်ကိုနဲ့ ကျွန်တော့်ရဲ့ ကလေးပါ "
မေးလိုက်သည်က ကိုးကို ၊ ဖြေလာသည်က ငယ် ။ အဖြေကြောင့် နားမလည် မျက်စိလည်သွားသူက မေးခွန်းပိုင်ရှင်တည်း ။
" ဘယ်လို ဘယ်လို "
" ထည်ဝါလေးကို ကျွန်တော်နဲ့ ငယ်ရဲ့ သားအဖြစ် အမွေစား အမွေခံ တရား၀င် မွေးစားထားတာပါ အဖေခင်ဗျ "
" ဒါဆို ဒါလေးက ? "
" ဟုတ်ပါတယ် အန်ကယ် .....
အန်ကယ့် မြေးလေးပါ .... တိမ်ရောင်ထည်ဝါလို့ ခေါ်ပါတယ်ဗျ "
![](https://img.wattpad.com/cover/321839036-288-k460690.jpg)
CZYTASZ
လွင့်ပြယ်သွားသော တိမ်တိုက်ငယ်
RomansStart date - 13 Sep 2022 ( 11: 09 AM) End date - 31 May 2023 ကျိုးပြတ်သွားတဲ့ ကတိတစ်စုံဟာ လွင့်ပြယ်သွားတဲ့ တိမ်တိုက်တွေလိုပဲ ပုံစံတကျ ပြန်စုစည်းလို့မရတော့ဘူး