ညီ ကို အလောတစ်ကြီး ဆေးရုံတင်လိုက်ရသဖြင့် ကိုထွန်းနဲ့ မမြင့်ကို ချက်ချင်းလှမ်းခေါ်လိုက်ရသည်။ သူတစ်ယောက်ထဲဘယ်လိုမှမဖြစ်နိုင်တော့ပေ။
အကျိုးကြောင်း ရှင်းပြတော့ မမြင့်က သဏ္ဍန်ကိုသတ်မယ့်တစ်ကဲကဲ လုပ်နေလို့သူမှာ မနည်းတားရသေးသည်။ ညီ မနိုးမချင်း ညီဆန္ဒ မပါပဲ ဘာမှသွားမလုပ်ဖို့ သူဖြောင်းဖျပေးရသည်။
သူတို့အားလုံး ညီဆန္ဒကို လေးစားကြရမည်။ ခုချိန် ညီဖြစ်နေတာတွေက စိတ်ကြောင့်ဆိုတော့ ပိုလိုအစစအရာရာ သူတို့သတိထားရမယ်။
"အင်းဟင်း... "
ဆက်ထုံး ယောင်ယမ်းစွာနိုးလာခဲ့သည်။
"ညီနိုးလာပြီလား ဘယ်လိုနေသေးလဲ ညီ ရင်ထဲမှာ တစ်ခုခုနာနေတာမျိုးရှိလား ညီ "
ဆက်ထုံး ခေါင်းပဲ ခါပြကာ ဘာစကားမှ မပြော။ တွေတွေလေးသာငိုင်နေရှာသည်။ မျက်လုံးတွေကတော့တောင်ကြည့်မြောက်ကြည့်ပေါ့။
ကိုထွန်းကလဲတောက်တစ်ခေါက်ခေါက်၊ မမြင့် ကလဲ သူကလေး ကိုလုပ်ရက်လေခြင်းဆိုပြီး ငိုလိုက်တာဆိုတစ်ရူံ့ရူံ့။ ညီစိတ်မကောင်းမှာဆိုး၍ သူကလဲကြားကထိန်းဖို့တားနေရသည်။
"မကြီး "
"ရှင် ဘာဖြစ်လို့လဲ ကလေး မကြီး ဘာလုပ်ပေးရမလဲ "
"မောင် သူ သူ..ဖုန်းခေါ်သေးလားဟင်"
မမြင့် အံကိုကြိတ်လိုက်ပြီးပြန်မဖြေမိ။ သူဘယ်လိုနှလုံးသားနဲ့ ပြန်ဖြေရမလဲသူမသိ ။ ဖြေလဲမဖြေရက်။
"မောင်ကလေ အဲ့လိုလုပ်မှာမဟုတ်ဘူးလို့ ကျွန်တော် ထင်နေတယ် ။အဲ့ဒါတွေအကုန် မောင့်မေမေလုပ်တာဖြစ်လိမ့်မယ်မကြီးရဲ့ ကျွန်တော် မောင်နဲ့တွေ့ချင်သေးတယ် သေချာအောင်မေးကြည့်ချင်တယ်"
"တော်ပါတော့ ဆက်ထုံးရယ် အဲ့လောက်ထိချစပြဖို့ မထိုက်တန်လို့ပါ ကလေးရယ် မေ့ပြစ်လိုက်ပါတော့ သားရယ်"
"မောင်က အဲ့လိုလူစားမျိုးမဟုတ်ဘူး။ ဟုတ်တယ် မောင်ကငါ့ကိုသိပ်ချစ်တာ အဲ့ဒါမောင်လုပ်တာမဟုတ်ဘူးလေ မသိကြဘူးလား။ ကျွန်တော် သိတယ်မမြင့်ရဲ့ ကိုခန့် ကိုခန့်ရောသိတယ်မလား မောင်က မောင်က ကျွန်တော်ကို သိပ်ချစ်တာ "
YOU ARE READING
မောင့်.....သက်ဆက်ထုံး (Complete)
Romanceအလုပ်လွန် ကျွန်ဖြစ်တဲ့.... အချစ်လွန်တော့ အရူးမူးဖြစ်.... ပေးဆပ်လွန်ပြန်တော့ အရူံးဖြစ်တယ်တဲ့ဗျ...💛