" ငါ့ကိုလွှတ်ပေးကြစမ်း မင်းတို့ငါ့ကိုဘယ်ခေါ်လာတာလဲ "
မျက်လုံးကိုအ၀တ်အမဲဖြင့်ချည်နှောင်ထားတာကြောင့် မိုက်ကယ်ရုန်းကန်ကာ အော်ဟစ်နေသည်။ ခွန်းကတော့ မိုက်ကယ်အရှေ့တွင်ခြေချိတ်ကာထိုင်ရင်း Sobranie Cigaretteအားခပ်အေးအေးသာ ဇိမ်ခံသောက်နေ၏။ မင်းခန့်အားတချက်မျက်စပစ်ပြလိုက်တော့ မိုက်ကယ်ကိုဖုံးကွယ်ထားသည့် ပိတ်စအမဲအားဖယ်ချလိုက်၏။
" ဟင်.... မင်းက..... "
သူ့အားတအံ့တသြကြည့်နေတဲ့ မိုက်ကယ်ကြောင့်ခွန်းသန့်ခပ်ရွဲ့ရွဲ့ပြုံးလိုက်၏။ ရွံစရာမျက်နှာအား နောက်တစ်ဖန်ပြန်တွေ့ရပြီမို့ ရင်ထဲမှဖြစ်ပေါ်လာတဲ့ဒေါသစိတ်တွေကို ဖုံးကွယ်ကာ ခွန်းမတ်တပ်ရပ်လိုက်သည်။
" မင်းကသေသွားပြီမဟုတ်ဘူးလား "
" ခင်ဗျားကိုစကားပြောခွင့်ပေးထားသလား "
" မင်းအခုငါ့ကိုဘာလုပ်တာလဲ အခုချက်ချင်းပြန်လွှတ်ပေးစမ်း "
" အရင်လိုအမိန့်ပေးချင်နေသေးတဲ့ပုံပဲ ဒါပေမယ့်ဘယ်လိုလုပ်မလဲ အခုချိန်မှာခင်ဗျားကိုကျုပ်ကအမိန့်ပြန်ပေးတော့မှာဆိုတော့လေ "
ခွန်းကစကားလည်းပြောရင်း Boxတစ်ခုထဲမှ SIG SAUER P226အမျိုးအစားရှိသည့် သေနတ်အားထုတ်ယူလိုက်၏။ အရှည်အားဖြင့် 7လက်မကျော်ရှိပြီး slideတစ်ခုချင်းစီကို အဆင့်မြင့်သံမဏိများဖြင့်ပြုလုပ်ထားတာကြောင့် အခြားအမျိုးအစားများထက် စျေးပိုမြင့်သည်။ အ၀တ်ဖြူတစ်ခုဖြင့် ထိုသေနတ်အား တယုတယသုတ်နေတဲ့ခွန်းသန့်ကြောင့် မိုက်ကယ်တံတွေးပင်မြိုချလိုက်၏။
" ခင်ဗျားအတွက်ထိုက်တန်တဲ့အပြစ်က သေခြင်းအပြင်မရှိပေမယ့် ကျုပ်မေးတဲ့မေးခွန်းကို ကောင်းစွာဖြေနိုင်လား မဖြေနိုင်လားဆိုတာမူတည်ပြီး ဘယ်လိုသက်သာစွာနဲ့ အပြစ်ပေးရမလဲဆိုတာကို ကျုပ်ကဆုံးဖြတ်ပေးမယ် '