Mad and Vicious: Empress Vilan

Kabanata 17

Vicious

Second semester sinubukan kong kunin ang mga subjects na meron si Vilan na pwede kong kunin.

Iba ang curriculum namin. Mas maiksi ang panahon namin mga prinsipe sa academia kaysa sa normal na estudyante. Yun ay dahil wala kaming general subjects na di naman namin kailangan.

Paborito ako ng mga intructors.

Pano ba 'yan? Hirap talaga maging gwapo.

Umupo ako sa tabi ni Vilan. Pumahalumbaba at tinitigan siya.

Tumaas ang kilay niya sa akin.

"Ginagawa mo?" bulong niya.

Napangiti lang ako at nagkibit-balikat.

Nagsimula na kanina pa ang klase at hindi ko naman kailangang makinig para makasapasa.

Tumikhim lang siya at binalik na ang atensyon sa professor. Seryoso siya sa pag-aaral. Hinahabol niya ang mga salita ng professor at sinusulat iyon. Ni hindi ko mabasa ang sulat niya kaya natatawa ako.

Napansin ko yung pagkunot ng noo niya kapag hindi niya nahabol yung salita, sa natataranta niyang mata na nakatuon sa pisara, sa pagtapik ng dalawa niyang daliri sa notebook niya.

Napakurap ako nang tumama sa ilong ko ang basura na binato ni Vilan.

Irita ang mukha niya at bumalik ulit sa pagsusulat. Napansin kong medyo namumutla siya kasi may mga nakaligtaan siya sa sinabi ng professor.

Hindi pala basura. May nakasulat sa papel na binato ni Vilan.

Binasa ko:

Pwede bang imbes na panoorin mo ako, sundan mo yung lesson ng prof? Tapos pakopya ako.

Napangiti ako. Ang pangit niya magsulat. Muntikan ko nang 'di maintindihan. Tinago ko ang papel pagkatapos tupiin.

Masyado namang seryoso 'to si Vilan.

Sabihin niya lang sa akin kung gusto niyang mapasa ang subject na 'to. Kakausapin ko ang guro.

If she asked for someone's head on a platter. I would give it to her. Magsabi lang siya.

Pero ayon nga. Gusto niyang makinig ako at magtake ng notes. Gagawin ko.

Nagdouble take pa siya bago marealized na nakikinig na ako sa tinuturo ng prof.

Ang gara naman pala ng lesson. Pilospikal. Wala akong maintindihan.

Sumunod na buwan. Naging kaibigan ni Vilan ang isang Academy Guards.

Hindi siya nakikipag-usap sa akin pero magdamag niyang ginugulo yung guard?

Ano 'yon Vilan? May gusto ka ba sa guard na 'yon na mukhang 'di naliligo?

"Your Highness. Nakayuko ka na naman. And pwede ho bang tigilan niyo na kakangatngat sa kuko mo?"

Agad kong inayos ang posture at hindi pinansin si Jaan. Puro sermon lang alam.

"Your Highness? Gusto mo bang iutos ko na ipwesto ang guard na 'yon sa malayong parte ng academia?"