အပိုင်း ၉

265 18 2

bởi Tay-Khit-Mo

bởi Tay-Khit-Mo

Unicode
(အပိုင်း၉)

Steering ကိုင်ထားတဲ့ အကို့လက်သွယ်သွယ်တွေကို ငေးရင်း သော်စဥ်းစားကြည့်မိသည်။

အကို့က သူ့နောက်ကြောင်းကို ဘာလို့အသိမခံသလဲနော်။နောက်ပြီး လက်သန်းကြွယ်က တက်တူးလေးကရော??

အကြည့်လွှဲမိခိုက် နွေးထွေးလာသော သော့် လက်ဖဝါးတဖက်။

"အကို"

"အင်း"

ကျေးဇူးပါ သော်။ကိုယ်မဖြေမဲ့ မေးခွန်းမျိုး မေးမလာခဲ့လို့။အလိုက်တသိနဲ့ ခွင့်လွတ်နားလည်တတ်တဲ့ သော် က ယဇ်အတွက် လက်တွဲဖော်ကောင်းပါ။

"ရောက်ပြီ သော် ၊ ဒါ နောင်ကြီးရဲ့ ဆိုင်ပဲ"

သော်တို့ ရောက်ချိန်က မနက်ပိုင်းမို့ လူရှုတ်နေခဲ့သည်။ကျယ်ကျယ်ဝန်းဝန်းမို့ စားပွဲလွတ်တွေတော့ ရှိနေသေးသည်။

"ထိုင်ကွာ ဘာသောက်မလဲ"

"သောက်နေကျအတိုင်းပဲ cake ကတော့ချိုပါစေနော် ၊သော်ကရော ဘာသောက်မလဲ"

"Espresso တခွက်"

နောင် လှုပ်လှုပ်ရှားရှား ဖြစ်သွားသည့်ခဏ...

"မရဘူးလားဟင်! !"

"ရပါတယ်။ဒါပေမဲ့ ကျွန်တော့် လက်ရာတော့ မဟုတ်ဘူးနော်"

နောင့်စကားကြောင့် ယဇ်က မျက်ခုံးပင့်ကာ ကြည့်လာသည်။

"why??"

"ဒီလိုပါပဲ လူတယောက်ကလွဲရင် Espresso ကို ငါ့လက်နဲ့ မဖန်တီးချင်လို့ပါ"

နောင် ချက်ချင်း ထထွက်ခဲ့မိသည်။ယဇ် ရဲ့ ခပ်စူးစူး အကြည့်တွေကို နောင်မဖြေရှင်းချင်ဘူး။

"ညီလေး ဟိုဝိုင်းအတွက် ဒါလေးပြင်ပေးပါဦး"

နောင် ထိုသို့မလုပ်သင့်ပေမဲ့ လုပ်လိုက်မိသည်။ကိုယ့်သူငယ်ချင်းကို အားနာမိပေမဲ့။

"အကို ၊ အကို့သူငယ်ချင်းက သော့်ကို မကြည်ဖြူသလိုပဲနော်"

"မဟုတ်ပါဘူးကွာ ၊ သူကိစ္စရှိလို့နေမှာ နောင်က သွက်တယ် သဘောလည်းကောင်းတယ် ခုက သူတမင်ရှောင်ပေးသွားတာ"

သော် စိတ်ထဲ ဘဝမကျပေမဲ့ ဘာမှစောဒက မတက်တော့ပဲ ရောက်လာသည့် coffee ကိုသာ သောက်နေလိုက်သည်။