Billionaire's Hardheaded Wife

Chapter 70 Third Persona

<Nate>

"Tumigil ka na umiyak. Ang pangit mo Umiyak," sabi ko kay Layla habang nakatingin sa kanya.

Nandito kami sa loob ng kotse ko.

Gusto ko siyang tawanan sa itsura niya, at sa nangyari sa kanya. Kapag tumawa ako ay baka masapak na niya ako.

Sabok ang mukha niya, at para na siyang may benteng anak dahil sa magulong buhok niya. Nagkalat na din ang makeup niya dahil sa kakaiyak niya.

Tumingin ako sa pambisig ko na relo.

"Dalawang oras at sampung minuto ka ng umiiyak," imporma ko sa kanya.

Nandito pa rin kami sa parking lot ng hotel.

Hindi pa tapos ang party, at hindi na nag attend si Kier, naiintindihan ko naman iyon, kaya si Jase na ang bahala sa kanya.

Si Jase din na isang gago.

Mabuti na lang may may tissue ako sa kotse ko dahil wala akong mabibigay na handkerchief kay Layla.

"Bakit siya gano'n?" Umiiyak na tanong ni Layla sa kanyang sarili.

Hindi ko sinagot ang tanong niya. Hindi ko alam ang sagot.

"Ilang beses ka na ba niyang ni-reject, huh?" Natatawang tanong ko sa kanya.

Ang pangit niyang umiyak, at kanina pa ako nagpipigil ng tawa ko.

Kanina pa din siya nag da-drama sa loob ng kotse ko.

Wala ng gas ang baby car ko at kailangan ko ng magpa-gas. Kung tatagalan ni Layla ang pag iyak niya ay baka hindi na ako umabot sa gasoline station.

Ako ang negosyanteng merong sports car, pero palaging walang gas ang kotse. Ang mga kagaya ko ay dapat tularan.

"Hindi ko matanggap na ni-reject niya ako sa mismong harapan ni Musa. Hindi ako mahal ni Jase, ayaw niya sa akin," sabi ni Layla habang sumisinghot.

"Kung ayaw niya sa'yo edi pabayaan mo siya! Hindi ka naman kawalan!" Komento ko.

Hindi ko naman mapilit ang kaibigan ko na mahalin niya ang babaeng umiiyak sa kotse ko.

Maarte si Jase sa babae. Napagkakamalan ko na siyang bakla. Sa katunayan niyan ay may relasyon silang dalawa ni Kier at ayaw nilang ipaalam.

Si Shielyn ay isang kabit.

"Sinabi niya sa akin kanina. Kinlaro niya na wala daw siyang gusto sa akin. Pero, ano 'yung mga pinaramdam niya sa akin noon? Pinaramdam niya na mahal niya ako. Iyung pag-aalaga niya sa akin at pag-aaruga," sabi niya at tumingin sa akin. Nagtatanong ang kanyang mga tingin.

"Tinulungan na kita sa kaibigan ko kahit labag sa loob ko. Hindi libri ang pagtulong ko sa'yo dahil mahal ang service fee, at talent fee ko. Wala na akong kinalaman sa nangyari sa kwartong iyon," I said to make it clear. Sabihan na naman niya sa akin na hindi ko siya tinulungan. Untog ko na lang siya manubela ng kotse ko kapag sinabi niya ang mga iyon.

"Alam mo ba?"

Hindi ko pa alam.

"Ang sakit ng mga sinabi niya sa akin sa kwartong iyon. I tried to kiss him pero binalaan niya ako. And worst, ang kasama niya ay si Musa. Diba, dapat ako ang inaya niya at kasama niya sa party?"

Napailing na lang ako sa katangahan ni Layla. Masyado niyang ginagawang literal ang pagiging bobo niya.

"Hindi ka pa ba tapos umiyak? Ayaw mo kasi makinig sa akin. Hindi naman ikaw ang type ni Jase, at saka malayo na magugustuhan niya."