လေထဲတွင်ပျံဝဲနေသော ကျင့်ကြံသူများက တံတွေးမြိုချလိုက်ကြသည်။ သူတို့က စိတ်ဝိညာဉ်သဏ္ဌာန်၏ ခြိမ်းခြောက်နိုင်သောစွမ်းအားကို သတိပြုမိကြ၏။ ယခုအချိန်တွင် မည်သူကမျှ နတ်ဝိညာဉ်ဝဋ်ကြွေးခြေနယ်ပယ်ကျင့်ကြံသူတစ်ဦးကို ရင်ဆိုင်ရန်လှုပ်ရှားရဲခြင်း မရှိကြချေ။
ထိုစဉ် တင်းဖန်ချိုး၏ တပည့်သုံးဦး မျက်နှာထက်၌ ကြည်ညိုလေးစားသည့် အမူအရာတို့ ပေါ်လာသည်။
တပည့်မလေးက ရှောင်ယွမ်အာကို တစ်ချက်ကြည့်ပြီး လှောင်ပြောင်ထေ့ရိစွာ ပြောလိုက်တော့သည်။
“ကောင်မလေး နင်ကံကောင်းပြီး ငါ့ကို အစောတုန်းက အနိုင်ယူသွားနိုင်ခဲ့တာ။ ဒါကြောင့် မောက်မာထောင်လွှားမနေနဲ့။ နင့်ခွန်အားနဲ့ဆိုရင် ငါ့ဆရာနဲ့ ရင်ဆိုင်ရင် တကွက်တောင်ခံနိုင်မှာ မဟုတ်ဘူး”
ရှောင်ယွမ်အာက နှာခေါင်းရှုံ့လိုက်၏။ “အရှုံးသမား”
“နင်” တပည့်မလေးက ပြန်ပြောချင်သော်ငြား ယခုက စကားများရမည့်အချိန်မဟုတ်ပေ။ သူမက ရွေးချယ်စရာမရှိဘဲ ယခုအချိန်အတွက် လွှတ်ထားပေးရုံသာတတ်နိုင်သည်။ ထို့အပြင် သူတို့ ဆက်လက်တိုက်ခိုက်နေပါက အရေးနိမ့်သည့်အခြေအနေထဲ ကျရောက်နေမည်ဆိုတာ သံသယဖြစ်ဖွယ်မရှိပေ။ ဆိုရလျှင် သူမ၏ဆရာက ယခုအချိန်တွင် သူ၏တပည့်များကို ကာကွယ်ပေးနိုင်သည့် အနေအထားတွင် ရှိမနေပေ။
ပွင့်ချပ်လေးလွှာ စိတ်ဝိညာဉ်သဏ္ဌာန်နားတဝိုက်တွင် စွမ်းအင်လှိုင်းက ခပ်ဖျော့ဖျော့လင်းနေပြီး စွမ်းအင်စည်းများဖွဲ့တည်နေတော့သည်။ ပြီးနောက် သူတို့ကို ပစ်ထုတ်လိုက်တော့၏။
လုကျိုးက မှတ်ချက်ချလိုက်တော့သည်။
“တောက်မုဒြာတွေ” တင်းဖန်ချိုးသည် တောက်မုဒြာများကို အသုံးပြုလိမ့်မည်ဟု သူမထင်ထားပေ။
တောက်မုဒြာများသည် ဇင်ဂိုဏ်း၏မုဒြာများနှင့်မတူညီပေ။ ဇင်ဂိုဏ်း၏မုဒြာများက ရွှေခန္ဓာ၏ ထောက်ပံ့မှုနှင့် ကျင့်ကြံသူ၏ ကိုယ်ပိုင်ကနဦးချီပေါ်အားထားနေတာပဲဖြစ်သည်။ သူတို့နှစ်ခုကို ပေါင်းစည်းပြီး ဖွဲ့တည်လိုက်သောစွမ်းအားက ကြမ်းတမ်းသော ဗုဒ္ဓစွမ်းအားဖြစ်ပေသည်။ တဖက်တွင်မူ တောက်မုဒြာများသည် ဧရိယာထဲ၌ ကနဦးချီကို အဓိက ထိန်းချုပ်နေတာဖြစ်သည်။ ထို့ကြောင့် ယင်းက ပိုကောင်းမွန်သည့် အကျယ်အဝန်းကိုပေးပေ၏။ မည်သို့ပင်ဆိုစေကာမူ မုဒြာနှစ်ခုကို ဆက်နွယ်ပြီးဖြစ်၏။ သူတို့၏ကွဲပြားခြားနားမှုက မှန်းဆသကဲ့သို့ သိသာထင်ရှားခြင်းမရှိပေ။
![](https://img.wattpad.com/cover/273933999-288-k253178.jpg)
YOU ARE READING
ငါ့တပည့်တွေ အကုန် ဗီလိန်တွေချည်းပဲ
Fantasyအကျဉ်းချုပ် လုကျိုးက ကမ္ဘာလောကကြီးရဲ့ အသန်မာဆုံးနဲ့ သက်တမ်းအရင့်ဆုံး မိစ္ဆာဂိုဏ်းချုပ်ဖြစ်ဖို့ နိုးထလာပြီး သူ့မှာ ဆိုးယုတ်မှုတွေ ပြည့်နေတဲ့ နာမည်ဆိုးနဲ့ ကျော်စောတဲ့ တပည့် ကိုးယောက်ရှိနေတာကို သိလိုက်ရတယ်။ သူ့အကြီးဆုံးတပည့်က ဂိုဏ်းသားထောင်ကျော်ရှိတဲ့...
အခန်း (၉၉) ကောင်မလေး သိပ်နောက်မကျခင်သွားကြရအောင်
Start from the beginning