အခန်း (၄၀) မင်းသတ္တိကောင်းလှချည်လား

2K 301 0
                                    

အခန်း (၄၀)   မင်းသတ္တိကောင်းလှချည်လား

ရှောင်ယွမ်အာက နတ်ခြင်္သေ့ပေါ်မှ ခုန်ဆင်းကာ အနည်းငယ် ထူးဆန်းနေသော ယဲ့ထျန်းရှင်းရှေ့ ရောက်လာသည်။ သူမက ခြုံငုံကြည့်လိုက်ပြီးနောက် တအံ့တဩ ပြောလိုက်သည်။

“ အစ်မရဲ့ ကျင့်ကြံဆင့်ကရော ”

“ ဖျက်ဆီးခံလိုက်ရပြီ ” ယဲ့ထျန်းရှင်းက မသက်မသာ ပြောလိုက်သည်။

“ ဖျက်ဆီးခံလိုက်ရတာလား။ အဲဒါကို ဘာလို့ ခက်ထန်နေသေးတာလဲ ”

“ ရှစ်မေ့ … ဒါက နင် လေးစားရတဲ့ ရှစ်စွင်းရဲ့ လက်ချက်လေ။ ငါ့စကားနားထောင် သူသာ ဒီလိုဆက်လုပ်နေမယ်ဆိုရင် နင့်ကိုလဲ သိပ်မကြာခင် ချောက်နက်ထဲ တွန်းချမှာပဲ။ သူက နင့်ကို ဘယ်လောက်ကြာကြာများ ကာကွယ်ပေးနိုင်မှာလဲ ”

ယဲ့ထျန်းရှင်းက မီးတောက်ထဲ လောင်စာ ထည့်လိုက်သည်။

“ မယုံဘူး … အစ်မက သစ္စာဖောက်ပဲ။ မင်းရဲ့ ကျင့်ကြံဆင့်တွေ ဖျက်ဆီးခံရတာ ကိုယ့်ထိုက်နဲ့ ကိုယ့်ကံပဲ”

ရှောင်ယွမ်အာက ပြောလိုက်သည်။

ထိုအရာကို မြင်ပြီး ယဲ့ထျန်းရှင်းက မျက်မှောင်အနည်းငယ် ကြုတ်မိလိုက်သည်။

‘ ရှစ်မေ့က ဘယ်တုန်းကတည်းက လူအိုကြီးအပေါ် ဒီလောက် နာခံတတ်သွားတာလဲ။ သူ ဘာဆေးတွေများ တိုက်လိုက်တာလဲ ’

“ အခု သူ့ကို ကြည့်ပါဦး ရှစ်မေ့ … သူက အခုသာမန်လူအိုကြီးတစ်ယောက်လိုပဲ။ ငါ့ကို ယုံပြီး သူ့ကို ရိုက်ကြည့်လိုက် ”

ယဲ့ထျန်းရှင်းက ကျင့်ကြံဆင့် ပျောက်ဆုံးသွားသော်လည်း လုကျိုး၏ လကရှိအခြေအနေမှာ စောစောလေးကနှင့် မတူကြောင်း ခံစားနေမိသည်။ တခြားနည်းဖြင့်ဆိုရလျှင် သူမ မသိသည့် ဆေးက အာနိသင် ကုန်သွားခြင်း ဖြစ်နိုင်၏။

ရှောင်ယွမ်အာက နောက်ဆုတ်လိုက်ပြီး နှာခေါင်းရှုံ့ကာ ဒေါသတကြီး ပြောလိုက်၏။

“ ဟွန်း သစ္စာဖောက်တစ်ယောက်ရဲ့  စကားကို နားမထောင်ဘူး ”

သူမက ရှစ်စွင်းကို လေ့ကျင့်ရေးအတွက် ဖြစ်လျှင်ပင် မတိုက်ရဲပေ။

ငါ့တပည့်တွေ အကုန် ဗီလိန်တွေချည်းပဲWhere stories live. Discover now