“ဘယ်လိုဖြစ်ဖြစ် ကိစ္စမရှိဘူး။ တော်ဝင်တပ်က တံဆိပ်တော်ကို နာခံပေမဲ့ လှုပ်ရှားခိုင်းဖို့တော့ မလွယ်ဘူး။ ဖြစ်နိုင်ခြေက နှစ်ခုပဲ ရှိတယ်။ တစ်ယောက်ယောက် အတုလုပ်ထားတာမျိုး ဒါမှမဟုတ် ဧကရာဇ်ကိုယ်တိုင် သာမန်လူအဖြစ် ရုပ်ဖျက်ပြီး ရောက်နေတာမျိုး … ဒါပေမဲ့ တာ့ယန်က စစ်ပွဲကြောင့် အပူများနေတာဆိုတော့ ဧကရာဇ်က အန္တရာယ်များတာမျိုး လုပ်မှာ မဟုတ်ဘူး ”
“ အဲဒါက အဓိပ္ပာယ်ရှိတယ် ”
ယဲ့ထျန်းရှင်း နှုတ်ခမ်းဖျား၌ အပြုံးလေးပေါ်လာကာ “ ရှစ်ကျဲရေ စိုးရိမ်မနေပါနဲ့။ အားလုံးက ညီမရဲ့ ထိန်းချုပ်မှုအောက်မှာပါ ”
……………
ထိုစဉ် လုကျိုးနှင့် ရှောင်ယွမ်အာတို့က မုရုံမိသားစု အိမ်တော်အပြင်ဘက်သို့ ရောက်ရှိလာကြသည်။
“ရှောင်ယွမ်အာ … မင်းက အရမ်းထင်ပေါ်လွန်းတော့ တခြားသူအာရုံ စိုက်စရာဖြစ်လာလိမ့်မယ်။ အခုကစပြီး ငါ ပြောတဲ့အတိုင်းပဲ လုပ် ကြားလား ”
“ တပည့် နားလည်ပါပြီ ”
“ နောက်ကွယ်က ကြိုးကိုင်သူက မင်းရဲ့ ရှစ်ရှိုးတို့၊ ရှစ်ကျဲတို့ ဖြစ်နေခဲ့ရင် ဘယ်လိုလုပ်မလဲ ” လုကျိုးက သူတို့လက်ချက် မဟုတ်လျှင်ပင် သူတို့နှင့် တစ်နည်းတဖုံ ပတ်သက်နေလိမ့်မည်ဟု ခံစားချက်မျိုး ရနေသည်။
“ သူတို့ မဖြစ်နိုင်ပါဘူး … သူတို့က တပည့်ကို အမြဲတမ်းကြင်ကြင်နာနာ ဆက်ဆံပေးတယ်။ တပည့်ရဲ့ မိသားစုကို ပြန်ပေးဆွဲလောက်တဲ့ စိတ်နှလုံးသားမျိုး မရှိကြပါဘူး ” ရှောင်ယွမ်အာလေးက ဆံပင်လေးကို လိမ်ကာ ကစားရင်း ပြောလိုက်သည်။
လုကျိုးက ခေါင်းတခါခါဖြင့် တွေးလိုက်မိသည် “ အရမ်းရိုးလိုက်တာ ”
“ အထဲဝင်ကြစို့ ”
“ ရှစ်စွင်း … တပည့် တံခါးသွားခေါက်ပေးပါ့မယ် ”
“ ကန်ဖွင့်လိုက် ”
ရှောင်ယွမ်အာ “ … ”
ဝုန်း
တံခါးကား ဘန်းခနဲ ပွင့်သွားလေသည်။ အသံကို ကြားကာ အစောင့်များက ပျားများသဖွယ် ချက်ချင်း ထွက်လာကြပြီး ကျူးကျော်သူများမှာ လူအိုကြီးတစ်ယောက်နှင့် မိန်းမငယ်လေးတစ်ယောက် ဖြစ်နေကြောင်း တွေ့လိုက်ရသည့်အခါ တစ်ယောက်က မချေမငံ့ မေးလိုက်သည်။
YOU ARE READING
ငါ့တပည့်တွေ အကုန် ဗီလိန်တွေချည်းပဲ
Fantasyအကျဉ်းချုပ် လုကျိုးက ကမ္ဘာလောကကြီးရဲ့ အသန်မာဆုံးနဲ့ သက်တမ်းအရင့်ဆုံး မိစ္ဆာဂိုဏ်းချုပ်ဖြစ်ဖို့ နိုးထလာပြီး သူ့မှာ ဆိုးယုတ်မှုတွေ ပြည့်နေတဲ့ နာမည်ဆိုးနဲ့ ကျော်စောတဲ့ တပည့် ကိုးယောက်ရှိနေတာကို သိလိုက်ရတယ်။ သူ့အကြီးဆုံးတပည့်က ဂိုဏ်းသားထောင်ကျော်ရှိတဲ့...
အခန်း (၃၀) ကျုပ်စကားနားထောင်ပါ သူတို့ကို ရန်မစမိစေနဲ့
Start from the beginning
