រឿង 💜អ្នកជាបេះដូងរបស់ខ្ញុំ💜[Completed ]

ភាគបញ្ចប់

ប្រូង !!!

"ខឹក  បងធ្វើបាបអូន យ៉ុងហ្គីអូននិងសម្លាប់បងចោល កុំរត់" ថេហ្យុងងើបពីទឹកឈ្លកើទឹកឡើងក្រហមច្រមុះ ចង្អេ ចង្អុលទៅរាងក្រាស់ជាប្តីដោយខឹងសម្បោរ លេងអីឡប់ៗ ទោះជាកីឡាករ ឆ្នើមជើងហែលទឹកមែន មិនមែនមានន័យថាមិនចេះលង់ ទឹកឈ្លក់ទឹកឯណា?

" ហាស់ ហា ដេញបង មក "   មិនខ្លាចនាយសង្ហាឌឺថែម ព្រមទាំងរត់គេចពីការចាប់ របស់ប្រពន្ធទាំងសប្បាយរីករាយ

ពួកគេលេងដេញគ្នាក្រោមផ្ទៃមេឃក្រហមឆ្អិននាពេលល្ងាចបង្ករភាព រីករាយមានតែស្នាមញញឹម ។មនុស្សម្នាដែលលេងកម្សាន្តទីនោះមានតែក្តីច្រណែននិងស្ងើចសរសើរ តែពួកគេអត់ខ្វល់ឡើយសំខាន់ពួកគេកំពុងតែ មានសុភមង្គល។ មិនប្រាកដថាគូស្នេហ៍ខុសភេទគ្មានសុភមង្គល គ្មានគេច្រណែនឯណា មើលតែគូ ថេហ្គីទៅដឹងហើយ។

       បន្ទាប់ពីបានសារភាពបន្ទន់ចិត្តគ្រូពេទ្យតូចអោយព្រមរៀបការរួច ជុងហ្គុកបាននាំជីមីនដើរលេងតាមជាយសមុទ្រកាន់ដៃក្តាប់យ៉ាងណែនហាក់មិនចង់អោយរបូត ដើររបៀបគូរស្នេហ៍ដែលទើបនិងស្រលាញ់គ្នាថ្មីថ្មោង នេះពួកគេខាងបានផ្អែមល្ហែមបែបនេះយូរ ប៉ុណ្ណា មកហើយ។ ជុងហ្គុក ញញឹម លូកដៃទាញកាយតូចមកទល់មុខរបស់ខ្លួន

"ជីមីន បងមានពាក្យច្រើនណាស់ចង់ប្រាប់ដល់អូនក្នុងពិធីអំបាញ់មិញបងនិយាយវាមិនទាន់អស់នោះទេ បងចង់ប្រាប់អូនថា អ្ហឹម...-"មិនអោយនាយនិយាយចប់ជីមីនលើកដៃបិទមិនអោយនិយាយត មួយថ្ងៃនេះគេរំភើបឡើងរកពាក្យតបមិនឃើញទៅហើយបើអោយនាយនិយាយទៀត  គេគឺខុសធ្ងន់ណាស់ ។   តាំងពីចាប់ផ្តើមរហូតជិតបញ្ចាប់មានម្តងណាដែលជីមីនមិនធ្លាប់គិតអគតិលើជុងហ្គុកទេ គេតែងតែគិតថាជុងហ្គុកយកគេមកលេងសើច មិនចង់បន្តជីវីតរួមដំណើរជាមួយគ្នា គិតថាគេគ្រាន់តែយកមកកំដរអារម្មណ៍ប៉ុន្តែអ្វីៗ វាខុសស្រឡះ ។

"កុំនិយាយវាទៀតអីជុង អូនសុំទោសដែលគិតមិនល្អលើបង អូនខុសខ្លួនអែងទេ "

" អូនមិនខុសនោះទេ ប៉ុន្តែវាមកពីបងដែលមិនដឹងពីចិត្តរបស់អូន ជីមីនកាលពីមុនពួកយើងធ្លាប់សាងកំហុសមួយរួចមកហើយបងមិនអោយកំហុសនោះកើតឡើងច្រំដែលនោះទេ មានអ្វីក៏ដោយអូនត្រូវនិយាយប្រាប់បង អូនជាអូនបងជាបង ពួកយើងជាគ្រួសារតែមួយ កុំលាក់វាអី លឺសម្លេងអូនយំបងក្រម ចិត្តណាស់ "   ពីមុនពួកគេធ្លាប់បែកគ្នាដោយសារតែអារម្មណ៍ដូច្នេះពេលនេះគេមិនអាចសាងកំហុសម្តងទៀតឡើយ។   ទំនាក់ទំនងពួកគេទម្រាំតែអាចយល់ចិត្តគ្នាបានរស់នៅជាមួយគ្នាវាមិនងាយស្រួលឡើយជាពិសេសជុងហ្គុកគេមិនចង់អោយរាងតូចស្រក់ទឹកភ្នែកនោះទេ មិនសូម្បីតែមួយដំណក់ទឹកភ្នែកដែលស្រក់ចុះមកនោះវាប្រៀបដូចជាដាវដែលចាក់ទម្លុះទ្រូងនាយយ៉ាងចឹង។