Love In The Woods [Completed]

🌳Twenty - Six🌳

(Unicode)

တောင်ဘက် နန်းတွင်း အကျဉ်းထောင်ကား ညည်းတွားသံတွေနဲ့ ပြည့်နှက်လို့နေသည်။ သံကြိုးများခတ်ထားသည့်အပြင် ruts ဝင်သော ကာလလည်းဖြစ်နေသည်မို့ Alpha pheromone တွေက စိတ်ပျက်စရာကောင်းလောက်အောင် ရောထွေးကာ ပျံ့နှံ့လျက်ရှိသည်။

ထိုထဲမှ လောလောလတ်လတ်ဖမ်းထားသော သူပုန်များထဲမှ ခေါင်းဆောင်ဖြစ်ဟန်တူသော လူတစ်ယောက်ကို စစ်သည်တစ်ဦးက ဆွဲထုတ်လာသည်။

သံဆူးကြိုးနဲ့ အခတ်ခံထားရသည့်အပြင် ဂျောင်ဂု၏ သေနတ်ကျည်ဆံက ခြေထောက်တွင် ဝင်နေသည်မို့ သူပုန်ခေါင်းဆောင်မှာ မရုန်းသာတော့ဘဲ ဘုရင်မကြီး ရှေ့တွင် ဒူးထောက်လျက်ကျ၏။

ဘုရင်မကြီးနောက်တွင်တော့ စစ်သူကြီးကင်ဂျုံးဂုနဲ့ သူ၏လူယုံ ဂန်ထယ်ဟွန်း အပြင် ဂျောင်ဂု၊ ‌ထယ်ယောင်းနဲ့ ဘောမ်ဂယူပါ ရှိနေသည်။

ဘောမ်ဂယူ၏ လျှောက်ထားချက်အရ ထိုလူများက မြောက်ဘက်နန်းတွင်းနဲ့ ပက်သက်နေသည်။ ထိုလူ၏ မျက်နှာဖုံးကိုဆွဲချွတ်လိုက်ရာ သာမန်အရပ်သားတစ်ယောက်ဖြစ်ပုံရမည်။

"တောင်ဘက်ကို လာတိုက်ခိုက်ရတဲ့ အကြောင်းအရင်းက ဘာလဲ"

ဘုရင်မကြီးရဲ့ အသံက ဩဇာရှိစွာ ထွက်လာတာကြောင့် ထိုလူမှာ တုန်ခနဲ။ သို့သော်လည်း နှုတ်က အဖြေစကားထွက်မလာဘဲ ပါးစပ်ကို တင်းတင်းစေ့ထားသည်။

"ဝန်ခံရင် အသက်ချမ်းသာပေးမယ် မဟုတ်ရင်တော့ သေဒဏ်ပဲ"

အဲ့တော့မှ ထိုလူမှာ ဦးခေါင်းကိုငုံ့ချလိုက်ပြီး ငိုကြီးချက်မနဲ့

"ခွင့်..ခွင့်လွှတ်ပေးပါ၊ ဒါတွေက ကျွန်တော့်အကြံအစည်တွေ မဟုတ်ရပါဘူး၊ ခိုင်းတဲ့သူရှိလို့လုပ်ရတာပါ အသက်ချမ်းသာပေးပါ"

"ဘယ်လောက်တောင် ပေးလို့ လုပ်ရတာလဲ"

"ဆန်သုံးအိတ် ပေး..ပေးပါတယ်"

"ခိုင်းတဲ့သူက ဘယ်သူလဲ ဘာကိုမှ ဝှက်မထားဘဲဖြေ"

ဘုရင်မကြီး၏ အမေးကို ဒီတစ်ကြိမ်တွင်မဖြေ။ တုန့်ဆိုင်းတုန့်ဆိုင်းလုပ်ပြီး မျက်တောင် ပုတ်ခတ်ပုတ်ခတ်လုပ်နေသည်မို့ ဘုရင်မကြီးမှာ စိတ်မရှည်တော့။