(Unicode)
"မင်းကြီး ဂျွန်ဂျောင်ဂု သက်တော်ရာကျော်ရှည်ပါစေ"
အားလုံးထံမှ တစ်ပြိုင်နက်ထဲ အော်သံထွက်လာပြီး လက်ခုပ်သံများ လေချွန်သံများနဲ့ ပြည့်နှက်လို့ သွားတော့သည်။
ဂျောင်ဂု၏ ဦးခေါင်းပေါ်တွင်လည်း ရှီယန်း၏ နိုင်ငံတံဆိပ်နဲ့ သရဖူကြီး ဆောင်းထားလျက်။ ခမ်းနားတောက်ပြောင်တဲ့ ဝတ်ရုံအနက်က ဂျောင်ဂုနဲ့ လိုက်ဖက်ပြီး အရှိန်အဝါပိုမို တောက်ပနေသယောင်။
လက်ထပ်ပွဲအပြီး သုံးလအကြာတွင် ထပ်ကျင်းပသော နန်းတက်ပွဲကား အောင်အောင်မြင်မြင်နဲ့ ပြီးဆုံးသွားခဲ့ပြီ။ ဂျောင်ဂုမှာ အနောက်သို့ ပြန်လှည့်လာပြီး မိဖုရားထိုင်ရာ နေရာတွင် လက်ခုပ်လေးတီးနေသော ချစ်ရသူအား ပြုံး၍ ကြည့်လာသည်။
ဂျောင်ဂုလည်း ဂွမ်ဆူဘက်လှည့်ကာ အချက်ပြလိုက်သည်နှင့် ဂွမ်ဆူက အရပ်သားများအား စားသောက်ပွဲဆီသို့ လမ်းညွှန်ရန် အစေခံများအား ခိုင်းစေပြီး အထက်လူကြီးများ၊ အမတ်များကိုတော့ နန်းတော်ထဲရှိ သီးသန့်စားပွဲဝိုင်းသို့ ကြွစေသည်။
ဂျောင်ဂုကတော့ ထယ်ယောင်းဆီသို့သာ တည့်တည့်လာကာ ထယ်ယောင်းရှေ့တွင် ဒူးတစ်ဖက်ထောက် ထိုင်ချလိုက်ရင်း လက်လေးကို အသာဆုပ်ကိုင်လိုက်သည်။
"မောင့်အသက်လေး ဗိုက်ဆာနေပြီလား"
ဂျောင်ဂုက ဘာမှမဖြစ်သလောက် ထယ်ယောင်းကမူ နေရထိုင်ရခက်နေဟန်နဲ့ ဟိုကြည့်ဒီကြည့်လုပ်ပြီး
"ထပါ ဒီလိုကြီးမထိုင်နဲ့၊ မောင်က အဲလေ မင်းကြီးက ဘုရင်ဖြစ်နေပြီ ခုလိုဒူးထောက်ထိုင်တာက..."
"ဘာဖြစ်လဲ၊ မောင့် အရှင်သခင်ရှေ့မှာ ဒူးထောက်ရမှာပေါ့၊ အာ...ပြီးတော့ မင်းကြီးလို့ ခေါ်စရာမလိုဘူး ခေါ်နေကျအတိုင်းပဲခေါ် ဟုတ်ပြီလား"
ဂျောင်ဂုပြောတော့ ထယ်ယောင်းက ပြုံးပြုံးလေးနဲ့ ခေါင်းတဆတ်ဆတ်ငြိမ့်ပြလာသည်။ ဂျောင်ဂုလည်း ထယ်ယောင်းကို ပြန်ပြုံးပြပြီး အကြည့်များက ထယ်ယောင်းရဲ့ ဗိုက်လေးနားကို ရောက်လာသည်။
YOU ARE READING
Love In The Woods [Completed]
Fanfictionjeon jungkook x kim taehyung Side ships - Spartace (Running man) / Taegyu(TXT) Book cover Artist - Akiko AK Started Date ~ Sep 14, 2021 Ended Date ~ Nov 18, 2021