سكرو الشباب المحل وطلعو عدو لمطعم
في الوقت هضا روحت موده للحوش واول ماخشت دارها العبره الي كانت ماسكتها طلعت ، رياف لمصطفى ع قهر منه ع مش عارفه شن تقول لهلها ،
تمت ترن وترن وكل شويه مقفل صبت صلت العشاء وخشت فراشها ومعش تندري ع شي الا الصبح وأمها اتنوض فيها
موده:شنو هضا ،صبح ، كيف الساعه كم توا
نجيه:الساعه12ياحنه نوضي
موده:اففف راسي صداع بكل
نجيه:نوضي افطري معايا
موده:بنفطر ونعدي لخواتي مضايقه
نجيه:كنك
موده:شي مضايقه هك شكلي مرايفه ع وجدان
نجيه:تلقيك الا متعاركه معاه مش مرايفه ع وجدان
موده:خليني انوض انصلي الصبح وقت
صبت موده خشت لحمام وطلعت ع صوت مروان يلعلع
مروان:ديريلي كسره صغيره
موده:صباح الخير
مروان:صباح النور
نجيه:هيا تعالي افطري
موده:نبي حليب وشاهي بس
خدا مروان سندوتشه وطلع في دار التليفزيون ونادى ع موده ، جاته والحليب في يدها
موده:ها
مروان:الناس يقولو نعم
موده:مش طايقتك اصلل شن تبي
مروان:درتي الي قتلك عليه
موده:لا ومش دايره ،وماتنسش تقول لمصطفى منور ع المعيله الي يدير فيها
مروان:تي اصبري بس ندويلك للزح
موده:خطاني ا راقيلي للصقف
مروان:وسع بالك شبوب ، غير حلفتك بالله اتكلميها
موده:وحق الله ماني مكلمتها
مروان:باهي منوره واجد
موده:بوجودك
خشت موده دارها لبست وطالعه
نجيه:وين ماشيه
موده:لخواتي ، توا انجي
نجيه:ماتكوليش ع الغدا
موده:باهي
عند البنات ..
رنده:باهي مرات يكونو مقلب
ريماس:مقلب مش هكي يارنده
رنده:ارجن اميره ترن ،ايوا
اميره:اهلين
رنده؛خيرات شنجوك
اميره:تمام ، اسمعي انتي في موضوع بنحكيلك عليه
رنده:خير انشالله
اميره حكت لرنده ع الي صارلها مع منعم
رنده؛اوووو هضا كله يطلع من خويا
اميره:انا انصدمت
رنده:معناها مبروك عليك حتقعدي كنتنا الرابعه هههههه
اميره:يابارده والله ماني عارفه شن اندير والموضوع هضا مايبيش يعدي من بالي بكل
رنده:وشن فيها لو حبسبته
اميره:انا مانبيش الجو هضا
رنده:ياما من الي يموتو وعمرهم ماجربو الحب ، خودي الي يحبك وماتاخديش الي تحبيه ، وبعدين جربي ولو مره شن بتخسري وخويا هضا لو حبيتيه حتكسبي احلى شي فس حياتك مش عشان خويا ، لا عشان انا بروحي نتمنى واحد زيه وزي طبعه منفاهم وحنون
اميره:خايفه والله خايفه
رنده:اسمعي ، توا انا نجس نبض منعم ونقولك شنو يصير
اميره:خايفه يعرف اني حكيتلك
رنده:لا توا نصرف
اميره:ردي بالك
رنده:تي خلاص الزح ، المهم انتي ماتدوي لحد
اميره:لا مادويت لحد
رنده:خلاص توا انشوف شن يصير وانقولك
اميره :باهي تمام
رنده:خلاص وجك توا
اميره:باي
سكرت اميره
رنده:نقوللكن حاجه اتصدقش
ريماس:شنو
رنده:منعم قايل لاميره انه يحبها
موده:منعم 😳
ريماس:حييي والله لايقين ع بعضهم
موده:ع قد ماشفت عقل رجاله عمري ماشفت عقل كيف منعم
رنده:عكس حاتم بكل ، ديما مش عاجبه شي وعصبي
موده:المهم توا انا شن ندير
رنده:تعرفن نصيحتي
ريماس:شنو
رنده:برردن بكل ولا تعبرن
موده:تي مانقدرش
رنده:خليهم اصلا هما حياكلو هزيبه لما هلنا يعرفو بالي بيديروه
ريماس:هضا الي خايفه منه خايفه من المشاكل
رنده:غير خلنها بس ع الله ، ارجن حامد يرن
موده:شنو هضا انتي بداله
رنده:اسس ، ايوا حبيبي
حامد:خير ياحبيبي
رنده:شنجوك
حامد:مش تمام بكل
رنده:كنك
حامد:اليوم بنبدا نغسل ادعيلي
رنده اول ماسمعت هكي دموعها تمن ينزلن بلا ماتحس
رنده:ياريتني معاك
حامد:بالله عليك ماتبكي وادعيلي ياعمري
رنده:ربي معاك حبيبي والل ندعيلك
حامد:ماحد يندري وحنمشي توا
رنده:بروحك
حامد:لا معايا صاحبي
رنده:رد بالك ع روحك حبيبي
حامد:انشالله خير حبيي ، انحبك انا
رنده:واله انموت فيك ربي يخليك ليا
حامد:رنده
رنده:ياروحها
حامد:ادعيلي
رنده:كنك ياحبيبي خوفتني
حامد:ماتخافيش غير ادعيلي بس
رنده:والله حندعيلك ياعمري
حامد:خلاص حبيبي توا بنمشي
رنده:انحبك
حامد تنهد بالقوه:انحبك بكل
رنده:سلام حبيبي
حامد:سلام
سكرت رنده ومسكت روحها مابتش تدوي عشان ريماس قاعده ولا بت تبكي عشان ماتلاحظش شي ، بس موده فهمتها تمت تبحت فيها وعارفه ان حامد فيه شي او قاللها شي خوفها
موده:خلنني انعدي انشوف امي تنا راهي تنفصل عليا
رنده:توا ف العشيه انجوك نطلعو في الجنان انقعمزو شويه
موده:باهي تمام ، وجكن توا
روحت موده
فتحلها مروان وهو مصدوم وراقيله
موده:كنك
مروان:عارفه من جوا
موده:من
مروان: .......
