نجيه:مودده هيا نوضي ياهمي خلينا نمشو كلثوم بتدير الخلوط اليوم
موده:وووه عليك حلم اففف
نجيه:كنك اسمالله
موده:يستر الله العرس شن بيصير فيه حلمت حلمه شينه بكل
نجيه:خير انشالله شن حلمتي
موده:حلمت كأني انا وخواتي مقعمزين اندربكو فجأه سمعنا هرجه ،طلعنا نجرو لقيت مصطفى طايح ف النص كله دم وهما مصبيين ايبحتو فيه عديتله نجري انعيط بحت فيا قالي انحبك وفقد ، قعدت نعيط لمروان جاني مؤيد الله يرحمه قالي توا انا انشيله وانا قعدت مستغربه كيف مؤيد حي ونقول في عقلي كيف مش مؤيد مات
نجيه:يناعلي شاله 😱
موده:لالا جاه مروان قاله توا انا انشيله ، شويه جوه مروان وحامد شالوه وقعمزنا نحنا ع دروج حوش اعميمه كلثوم الجو تغير من اغاني تمينا بكا وانا مش فاهمه شي ، بعدها شويه خشو مروان ومصطفى بحتت وانا مصدومه سألتهم كيف رد مصطفى قالي لا نجوني مروان وحامد قالتله رندن وين حامد رد مروان عدا بعيييد ونضت
نجيه:ياستير ياربي ، انشالله خير
موده:شن معناها
نجيه:احكيها ف الحمام واتفلي ع اليسار
موده:مثطفى وحامد حتصيرلهم حاجه صح
نجيه:انشالله خير ، صبي هيا خلينا انعدو وماتحكيهش لحد الحلمه هدي
موده:يستر الله والله جوي تنكد
مروان:امي
نجيه:ها كنك
مروان:ها بتطلعو اليوم
نجيه:بتجي منى تاخدنا حتى هي بتشري
مروان:باهي تمام
نجيه:طالع انت
مروان:اها كنك
نجيه:جيبلي معاك رصيد دزه ليا في رساله
مروان:حاضر ، قتلك عزيزه دزتلي مسج قالتلي قاعدين هنا عند عيت خالهم
نجيه:خلاص معناها بكره نمشولهم نشيلولهم كروت ع العرس
مروان:خلاص تمام
موده:كيف رديتو تحكو امالا
مروان:لا دزتلي مسج وكلمتها قالتلي
نجيه:خلاص بكره نمشولهم وامشي انت خودلها هديه وشوفها
مروان:حتى نا هضا الي ناوي عليه
موده:بنمشي معاكم انشوفها
مروان:انشالله ، هي سلام توا
نجيه:بتعدي للبني
مروان:اها توا ماشي
نجيه:خلاص جيب معاك ميسون
مروان:اوكي تم
نجيه:هيا صبي انتي
موده:هيا نضت ، عدي انتي توا نلحقك
نجيه:باهي ، ماتطوليش
طلعت نجيه ورنت موده ع مصطفى
موده:حبيبي ربي مايحرمني منك انحبببيك
مصطفى:شكلك حالمه بيا
موده:كيف عرفت
مصطفى:قصدك حامله بيا جديات
موده:اها والله 😰
مصطفى:شن حلمتي ، اميده حلمتي بيا عطبنك احبيبه موده :لا حلمت بيك متت وحييت
مصطفى:ههههههه عمري طويل
موده:يابارد ولله حلمه شينه
مصطفى:انشالله خير ياقلبي ، حي اليوم خذيت داؤ النوم الي قتلك عليها
موده:ياخيا حبيبي ياهي الحمدلله صورها ليا
مصطفى:لالا مافيش مانكش شايفه شي لييين تخشي للشقه حتى لما يفرشو ممنوع التصوير
موده:والله
مصطفى:والله جديات
موده:توا انقول لاعميمه تصورلي
مصطفى:كان عرفت تخش للشقه اصلا المفتاح معايا
موده:تي شنو المكر هضا
مصطفى:انحبك وانتي راقيلك
موده:خزي باهي
مصطفى:خلاص سكري توا في زبونه خشت
موده:باي مانحبكش
مصطفى:توا انوريك ، باي ياهبله
سكرت موده وتغير جوها بعد مصطفى قاللها شريت دار النوم
صبت خشت للحمام وصلت بعدها غيرت دبشها فطرت وعدت لخواتها
وجدان:خلاص تمام والله واجد عليك
مريم:واجد شنو ياهبله ، انا حجزت فيها من نهارتها بس قلت انأكد عليك اليوم لأنها قالتلي اكدي هليا ، وبنتها كوافيره كان تبوها تجيكم
وجدان:لا نعرفو كوافيره ، غير اهم شي الطباخه
مريم:خلاص انشالله ، بكره بنجيك نا
وجدان:ياخيا نجك ليا مرحبتين بيك ، خلاص معناها انأجل التسفير بكرا بيش تحضريه
مريم:ايوا ، امتى تفريشك انتي
وجدان:بعد بكره
مريم:باهي حبيبه انشالله ع خير
وجدان:امين يارب وقولي لعمتك بيش تجي ، وحبيلي ع العيال
مريد:يوصل حبيبه ربي يهنيك يارب
وجدان :امين يارب
سكرت وجدان
موده:من
وجدان:مريم تاكدلي ع الطباخه
نجيه:ماشالله جايبتها لكي هديه
وجدان:اها
تهاني:يعرب الحوش
كلثوم:خشي تعالي
تهاني:السلام عليكم
نجين:مرحبتين كيف حالك تهاني
تهاني:والله الحمدلله كل يوم مع العلاج هضا احسن من قبل ، نحس في نفسيتي تغيرت بكل
موده:باين ع وجك
ريماس:في دلش اخرى
تهاني:نشرتيه كله
ريماس :اها كملته
تهاني:شنجو توتايكم
كلثوم:مزال الخلوط نعبوه والتسفير بس ، الباقي كله واتي
تهان:باهس الحمدلله ، وين بيقعدو الرجاله انتم وهذي وين بتجيها الكوافيره
كلثوم:الكوافيره بتجي في حوش نجيه ، والرجاله الحاج قالي يقعدو في انتصار
نجيه:طباخة الحنه هي نفسها الي جايبتها صاحبتندك
وجدان:لالا طباخة الحنه الي نتعاملو معاها في كل عرس
تهاني :بالهنا ياربي ، ها في حاجه انديروها
نجيه:وين بناتك انتي
تهاني:سيبتهن يپدلن وتوا يجن
خشن البنات في الدار يهدرزن ويلمن حوسة دبش وجدان الي مطرطش ع جنب
موده:كنك انتي مش عاجبتيني
رنده:شي مضايقه بس
موده:كنك شن في
رنده:حامد يابنات رايح متغير عليا بكل ، توا شوفن من امس ماؤنش عليا بكل ولا دزبي مسج وانل دايرتها بمكؤ بنشوفه يدورني ولالا بس مادورنيش بكل
موده:متعاركين ولا حاجه
رنده: اصلا معش يدور فيا بيش نتعاركو
وجدان:بلكي صايرتله مشاكل ومايبيش يتعارك معاك يعني يطلع قهرته فيك
رنده:بس حامد عمره ماكان هكي
موده:كلميه شوفيه
رنده:ليش نا ديمه الي ندور له فتره هكي هو من اول مامنعم دار حفلة تخرجه ولما قالو حامد مريض ماجش ،كلمته وقتله كنك قالي شي وتعبان ، بعدها صار بيانك انتي وريماس لما طاح اخرى وصارتله غيبوبه سكر ، قعدت نسأل وندور شكله خدا ع الموضوع ، نحس فيه معش يبيني متغير بكل
ريماش:ياخيتي هابا اسمالله عليا مخطوبه بالاسم
رنده:بس مخطوبه ومايحكيش معاك من الاول ، تفرق عن ان يكون معودك تصبحي وتمسي ع فجأه معش تلقي شي
وجدان؛انشالله خير ، ماتحطيش في بالك ورني اسالي عليه
كانت رنده مضايقه من حامد وماتندريش عليه من شن يعاني ولا شن فيه ، لأنه هو بعد علم بالي فيه قرر انه مايحكيش لحد لين يتاكد ، حتى لو كان الشي هضا حساب حبه وحياته ....
عارفتها حلقه تلخبط بكل وكلها الغاز
بس في الحلقات الجايه حيوضح كل شي
