Marrying My Boss [Completed]

Chapter 56: Another Past

CHAPTER 56: Another Past

 

 

EUPHY’S POV

 

Halos tatlong araw na rin akong nandito sa puder ni Tito. May mga pagkakataon na parang gusto ko nang bumalik ng Manila pero pinipigilan ko na lang ang sarili ko. Aaminin ko, miss ko na ang asawa ko pero may ilang bahagi ng katawan ko ang nagsasabing huwag muna akong babalik.

Hindi rin naman ako umaasang pupunta yun dito kasi ang alam niya ay wala ako dito. Siguro nga hindi niya na ako hinahanap.

“Wow! Ang galing mo namang bata ka. Dito naman tayo sa kabilang side” tumango naman itong kasama ko at pumunta na kami sa kabilang banda.

Dahil ayokong maging pabigat sa tito ko, nagvovolunteer akong maging tagalinis man lang dito sa simbahan. At ito namang kasama kong bata ay si Paks. Dito rin yan nakatira sa simbahan kasama ang mga magulang niya kung saan ang nanay niya ang cook dito at ang tatay niya ang janitor dito. Ang simbahan na rin ang nagpapaaral sa kanya sa isang Day Care. Magsi-six years old na yan.

Kasalukuyan akong naglilinis dito sa prayer room nang nagvolunteer itong si Paks na tulungan ako.

“Bakit Pakz ang tawag nila sayo?” tanong ko sa bata habang pinupunasan niya ang imahen ni Mama Mary. Sa pagkakaalam ko kasi na ayon na rin sa kwento ni Tito, Francis ang totoong pangalan nung bata na kinuha kay St. Francis of Assisi.

“Kasi po yun ang palaging tawag saken nung mga kalawo ko!” Ang cute niya magsalita kahit hindi niya mabigkas ang letter R. Tumawa na alang ako at tumango.

“Ate may boypwen na po ba kayo?” nagulat ako sa tanong nung bata.

“Hala! Ba’t mo naman naitanong?” wow. Ibang klase ang batang ito.

“Kasi po kapag uwian sa school, palaging may sumusundo kay teacher tapos nagkikiss pa sila. Sabi ni mama boypwen niya daw yun!” tuwang-tuwa pang sabi nung bata. Napakadaldal talaga ng batang ito.

“Ah eh, wala! Wala akong boyfriend. Ikaw talagang bata ka” wala naman talaga akong boyfriend kasi asawa ang mayroon ako.

“Sabi po nung kalawo ko, madalas daw na walang boypwen ay yung magaganda” natawa na lang ako sa sinabi niya.

“Ibig mong sabihin maganda ako?” agad namang itong tumango. Nice! Bata na mismo ang nagsabi. Ang mga bata ay hindi nagsisinungaling. Keep that in mind.

Ako naman ang nagtanong.

“Eh ikaw. Anong gusto mong maging paglaki mo?” sa tingin ko pwede tong maging pari. Ang bata bata pa marunong nang magrosaryo.

“Pawi po pewo sabi ni Mama pag na inlove ako huwag na ako magpawi” wow! Hanga na talaga ako sa batang ito. Kinurot ko ang pisngi niya kasi nanggigigil talaga ako.