The Art of Loving You

Step - 30.

"Kuya Tim, Ate Alex... thank you for dropping me," sabi ko nang bumaba ako sa sasakyan. Today's the last day of our college week and our last event is our college night.

Sina Mama't Papa dapat ang maghahatid sa akin pero may surprise celebration si Papa kay Mama sa bahay kaya si Kuya Timothy na lang ang nag-volunteer.

Along the way lang naman daw sa restaurant kung saan sila mag-de-date ni Ate Alex ang hotel kung saan gaganapin ang college night kaya hindi naman hassle.

"Enjoy, Aly!" nakangiting sabi ni Ate Alex habang nakaupo siya sa shotgun seat at nakababa ang bintana ng sasakyan.

"Thank you, Ate."

"What time should I pick you up later?" tanong naman ni Kuya Timothy na sumingit sa tabi niya at sumilip din.

"Hindi na. I can manage," ngiti ko. "Sige na, enjoy your night as well, love birds!" sabi ko pa at muli akong kumaway bago tuluyang makalayo ang sasakyan ng pinsan ko.

"Aly!" tawag sa akin ni Cip pagkatapos kong mag-sign sa registration.

Pinasadahan ko siya ng tingin at agad ko siyang inasar dahil lalaking-lalaki siya sa suot niyang black suit.

"Ang pogi mo ngayon!" ngisi ko at hinampas niya ako ng mask na hawak niya pagkatapos niyang mag-sign sa registration.

The theme for tonight is masquerade party. And since we have to personalize our masks, Cip's mask is painted in black and white while mine is covered with a white lace cloth to match my white tutu dress and silver heels inspired ballet shoes.

"Tigilan mo ako, Aly. Maganda ako, hindi pogi," umirap pa siya sa akin bago niya ako inalalayan maglakad papasok sa hall.

Elegante ang ayos ng venue. Nangibabaw ang gold at black motif sa ayos ng ceiling. May ilang malalaking masks din na nakalagay sa background ng stage at mga balloon arrangements sa paligid.

"Uy, sama naman kami sa picture!" salubong ko sa mga kaibigan namin nang makita namin sila ni Cip.

May sariling table ang mga officers pero babati muna kami kina Lyn, Dian, Yza, Mikee, Weng, Trixie, Quincy, Ann, James at Jaypee na nasa gilid at panay ang group shot. 

"Nandito na pala kayo. Oh, tara!" aya ni Yza na may hawak ng phone kaya tumabi na kami sa kanila para sumama sa pictures pagkatapos naming mag-beso.

"Uy, ang ganda ng ayos mo," puri sa akin ni Lyn pagkatapos ng picture session namin.

Nakalugay ang mahaba kong buhok na may soft curls sa ends at light makeup lang ang ginawa ng stylist sa mukha ko dahil gusto ko ng simple lang.

Si Mama ang nag-asikaso ng lahat dahil ayaw ko na sanang mag-effort ngayon pero pinilit niya ako. Dapat daw mukha akong presentable dahil ako ang vice president ng department namin.

"Ikaw rin, puks. Bagay sa'yo ang braids," puri ko at ngumuso ako kay Riley na isa rin sa mga officers. Katabi siya ni Lyn habang kausap niya sina James, JP at Cip. "Nanliligaw na ba?" mahina kong tanong at ngumiti naman siya.

"Nagtanong na kung pwede pero hindi pa ako sumasagot," bulong ni Lyn.

"Nako, I am so happy for you! Parang dati lang, naghahanap ka pa!" sabi ko naman at tumawa kaming dalawa.

"Oo nga. Pero hindi pala dapat hinahanap. Dumadating na lang bigla," sabi niya naman at lumambot ang ekspresyon sa mukha niya nang tumigin siya sa mga mata ko. "Ikaw ba? Kumusta?"

"Okay naman ako. Don't worry about me," I assured her at nakisali naman si Cip sa usapan.

"Aly, may hindi ka sinasabi sa akin," sabi naman niya at tumingin naman ang mga kaibigan namin sa direksyon niya. "Sino ang plus one mo? Nakita ko may nilista ka sa separate sheet."