I'M INTO YOU SEASON 1

Chapter 71

9:58 AM

Umalis na ako sa kinatatayuan ko at nagulat sila sa pagsulpot ko.

"Kanina ka pa diyan?!" kinakabahang tanong sa akin ni Kuya Adrixennus.

"Hindi, kadarating ko lang. Anong pinaguusapan niyong dalawa?" mausisa kong tanong sa dalawa kong Kuya.

"Wala, pumasok na tayo sa loob." pagiiba ng usapan ni Kuya Adrixennon.

Mga sinungaling!

Malalaman ko rin kung anong tinatago niyo sa akin.

Hinding-hindi ako titigil sa paghahanap ng ebidensiya. 

"Mabuti pa nga, mahaba-haba rin ang biyahe natin kanina. Magpapahinga muna ako." inakbayan ni Kuya Adrixennus si Kuya Adrixennon upang pumasok sa loob.

Nagpasya akong puntahan si Shai sa guestroom kung saan nagpalipas ng gabi sina Ate Cherry at Trevyn.

Naglakad ako papunta roon at nadatnan ko si Shai na mahimbing ang pagkakatulog. Tinapik-tapik ko ang kaniyang balikat at kaagad naman niyang iminulat ang kaniyang mga mata.

"Anong nangyari? Nasaan sina Trevyn at Ate Cherry?" kinukusot-kinusot ni Shai ang kaniyang mga mata upang luminaw ang kaniyang paningin.

"Nakauwi na sila, ikaw na lamang ang naririto. Hindi ka na nila ginising dahil sobrang himbing  daw ng tulog mo pero malaki ang pasasalamat nila sayo." nakangiting sabi ko sakaniya.

"Ah, ganoon ba? Sayang, hindi man lang ako nakapagpaalam sakanila ng maayos pero salamat sa paggising sa akin ha?" nakangiting sagot niya sa akin.

"Walang anuman, saan ka nga pala uuwi? Gusto mo ipahatid na kita sa family driver namin?" nakangiting tanong ko sakaniya.

"Pupunta ako ngayon kina Nicole, inaya niya ako sakanila para may magbantay kay Nathan." nakangiting sagot niya sa akin.

"May susundo ba sayo ngayon? Kung wala, sabihin mo sa akin. Magpapahatid na lang tayo, aalis rin ako ngayon. May kailangan akong puntahan." nakangiting sabi ko sakaniya.

"Sasabay na lang ako, magre-ready lang ako saglit. Intayin mo ako." nakangiting sabi sa akin ni Shai.

Nginitian ko naman siya at lumabas muna ng guestroom upang kunin ang mga gamit ko nang mailagay ito sa bag ko.

Naglakad ako papuntang hagdan at kaagad akong umakyat sa kwarto ko.

Binuksan ko ang pinto pagkatapos ay hinanap ko  agad ang bag na paglalagyan ko ng mga gamit na dadalhin ko mamaya.

Nag-ayos ako ng sarili at nag-bihis na ako nang pang-alis para makababa na agad ako ng hagdan.

Nilagay ko na ang mga mahahalagang gamit sa bag ko at sinukbit  na ito sa likod ko. Isinarado ko na ang pinto ng kwarto pagkatapos ay bumaba na ako ng hagdan.

Nakita ko si Shai na dala-dala ang mga gamit niya at sumenyas ako sakaniya na sumunod siya sa akin.

Kaagad kong tinawag si Mang Ernesto upang magpahatid kami ni Shai sa bahay ni Nicole.

"Sakay na kayo." nakangiting sabi sa amin ni Mang Ernesto habang iniistart ang kotse upang makaalis na kami agad.

Sumakay naman kami kaagad ni Shai sa kotse pagkatapos ay minaneho na ni Mang Ernesto ang kotse papunta kina Nicole.

Nagkwentuhan muna kami ni Shai upang hindi kami mainip habang nasa biyahe.

"Madalas ka bang bantay ni Nathan sa bahay nina Nicole?" malumanay kong tanong kay Shai.

"Well, hindi naman. Kapag umuuwi ako sa probinsya namin, madalas kay Nicole talaga siya naiiwan dahil palaging busy ang parents nilang dalawa sa business ng pamilya nila." malumanay na sagot ni Shai sa akin.