I'M INTO YOU SEASON 1

Chapter 68

7:22 PM

Nakita ko ang magagandang ngiti ng mga kaibigan ko habang nakatingin kaming lahat sa camera.

Napakagandang pagmasdan nito na tila'y isang bahaghari na punong-puno ng kulay.

Kaniya-kaniyang pose ang ginawa namin upang magsilbing sining sa aming mga larawan.

Kinuha ko kay Kuya Zach ang DLSR camera ko upang tingnan ang mga larawan na aming nakuhanan.

Maliliit na sandali ngunit malalaking alaala sa buhay ko.

"Tara na pumasok sa loob, magluluto pa ako ng dinner." nakangiting aya ko sakanilang lahat.

Naglakad na kami na papasok sa loob at biglang natumba si Trevyn sa damuhan.

Nagulat ako sa pagbagsak nito at hindi agad ako nakapag-react sa mga pangyayari.

Kaagad na binuhat nina Kuya Zach si Trevyn papuntang sofa at kaagad silang sumunod doon.

Naiwan kaming dalawa ni Czheandrei at hinawakan nito ang mga braso ko.

"Huwag kang magalala sakaniya, strong boy yun si Trevyn. Magiging ayos lang ang lahat, tinitingnan siya ngayon ni Shai." niyakap niya ako at hinimas-himas ang buhok ko. 

Nagsimulang magsi-bagsakan ang mga luha ko na kanina ko pang pinipigilan.

Ayokong maging mahina at ipakitang nasasaktan ako para sa childhood bestfriend ko.

"Pero paano kung may malalang mangyari sakaniya?" sumandal ako sa balikat niya at doon ko inilabas ang lahat ng luha ko habang yakap-yakap niya ako sakaniyang bisig.

"Walang mangyayari sakaniya okay? Huwag kang mag-overthink diyan, tumingin ka lang sa mata ko at maniwala." nakangiti nitong sabi sa akin habang nakayakap pa rin siya sa akin at nakasandal ako sa mga balikat niya habang umiiyak.

Overthinking is when you dwell or worry about the same thought repeatedly. Overthinking can be caused by — and can contribute to — depression, anxiety and other mental health disorders.

The two basic things that causing overthinking is stress and anxiety. It has many issues with one's self-esteem and self-doubt are other common causes of overthinking.

Overthinking can affect how you experience and engage with the world around you — preventing you from making important decisions, keeping you from enjoying the present moment and draining you of the energy you need to handle daily stressors.

"CJ, natatakot akong mawala ang mga taong pinapahalagahan at pinakamamahal ko. Ayoko, hindi ko kaya!" nakaramdam ako ng takot at pagaalala na halos naririnig ko na ang malakas na kabog ng dibdib ko.

Nanginginig ang mga kamay ko at nanlalambot ang katawan ko. 

"Huwag kang matakot, kasama mo ako." hinawakan niya ang mga nanginginig kong mga kamay at inayos ang nagulo kong buhok.

"Sa mundo natin, bilang lamang ang mga sandali. Hindi man natin gustuhin, ang oras ay hindi sa atin." tumitig ako sa mga mata niya habang sinasabi ang mga katagang iyon. 

"Ikaw pa rin ang pipiliin kong mahalin sa susunod na habang buhay." nakangiting sabi niya sa akin pagkatapos ay humalik siya sa akin noo na tanda ng kaniyang pagmamahal para sa akin.

"Maraming salamat." nakangiti kong pasasalamat sakaniya.

"Pumasok na tayo sa loob, nagiintay na sila sa atin." nilahad niya ang kamay niya at ngumiti ito nang napakalapad.

Inabot ko ang kaniyang kamay at magka-holding hands kaming dalawa habang papasok sa loob.

Nagsi-tinginan silang lahat sa amin maliban kay Trevyn na mahimbing ang pagkakatulog.