محمود:جاي تقولي بعد حددتو فاتحة بنتي
فتحي:والله ياحاج كم مره انقول لانتصار اتكلمكم بس هي مسكره راسها
محمود:خلاص خليها اتزوج بنتها انا معش تلزمني لا هي لا ريهام
فتحي:غير وسع بالك ياحاج البنت معقوله ماتلقى حد من هلها
محمود:اسمع نا مش فاضي هي فيي امان الله
سكر محمود من فتحي وهو راقيله وحالته حاله
شويه ووصلو خوته والبنات
منعم:انستو انستو
منى:الله عليك جو
منيا:ماما عادي انعدي للبحر
منى:ارجي انسلمو قبل
نجيه:مرحبتين خشن تعالن
عبدالحليم :اااه ماشالله ع النسمه الباهيه
محمود:قالك والله جو ع كيف كيفك
تغريد:حي الله عليك جو
ريماس:تعالي خشي غيري دبشك بعدها نطلعو للبحر
خشو كلهم سلمو وحطو دبشهم وقعمزو يهدرزو
كلثوم:ها انحطو اتغدو توا
مرام:لنقانه جواعه
نجيه:خلاص هيا صبن يابنات حطن
ناجيه:شن الغدا
نجيه:قلايه ومحشي
ناجيه:عادي نتغدو برا فكينا من الغمه هنا
كلثوم:اها قلت لرنده وموده يفرشن بره ف الفرندا
حامد:امي
ناجيه:ها جيت وبدينا في امي امي ، ارجى توا نجيك
حامد:تي نا غلطان مرايف عليك
ريما:حرام عليك ياماما
رنده:انت كراعك رمله
حامد:وسعيلي بالك را تضربي
رنده:اس 😍
حامد وشوشها:انحبك
رنده:حي عليك 😍
ناجيه:خير ياباتي
حامد:مرحب مرحب ، رايفت عليك
ناجيه:رايح عبد
حامد:من الشمس
موده :انت ملبز الفرشه بكراعك صح
حامد:تي بحر هو
موده:خزي ماهو مش تاعب في تكنيسها
مروان:خالتي العزيزه انستي
ناجيه:مرحب قالو متت وحييت
مروان:اها قبل بنموت بعدها خفتكم اتضيعو بلايا
ناجيه:السو بعيد
حامد:تي هضا ايشفط وانتي عاطيتيه وجه
مروان:اسكت انت ، موده تعالي من لاوره نبيك
موده:مش حبيبتك نا را اختك
مروان:كيف مايتقابلوش لاوره الا الي يحبو بعضهم هما
رنده نغزت موده ووشوشتها:طيح سعدك بتودرينا انتي
موده:😳نعم كنك
مروان:تعالي
عدو مروان وموده لاوره
مروان:شن صار رنيتي ع عزيزه
موده:ييييه نسيتها بكل كنك مادكرتني
مروان:تي الزح من اول امس قايلك ياموده
موده:انت ماكلمتهش من نهارتها 😱
مروان:كلمتها تعاركنا اخرى ، تي مزطتني الزح اتحب ترقيها ليا وممزطتني كل شي تدير منه قصه
موده:ماعندش رصيد
مروان:عليك طروح الزح ، امسكي هو كرت و رني عليها
موده:خلاص انكملو حوسة الغدا وانرن عليها
مروان:مش تفوتيني
موده:تي خلاص ماتسكنش
مروان:خلاص وجك
موده:انتلف
عدا مروان ياخد سفر الغدا هو وحامد للرجاله وخشت موده تحوس معاهم
تغدو ولمو حوستهم وخشو للبحر يغيرو جوهم
عدا اليوم وجهم ايهبل و ف الليل التمن الصبايا وورجالتهن يهدرزو ع العيله
عبدالحليم:ياراجل بس غلطت لما قتله خلي امها تزوجها
مرام:ياعمي لاهي لاامها دارو فينا خير
نجيه:لنقنهم كثرو ويستاهلو ماجاهم
سالم:باهي استهدى بالله وبكره خلينا انروحو ونحضرو الفاتحه
محمود: خليها بيش اتربى هضا عقاب لها بيش تعرف قيمتنا
ناجيه:ياخيتي هالمرا ماني عارفه ليش اتدير هكي مالقت منا الا كل خير
مروه:ربي يهديها وخلاص
منى :بنمشي انرقد البنات صدعنلي راسي
نجيه:خليهن يلعبن ماتنكديش عليهن
مرام:ديمه هك ماتحبهنش يلعبن
منى:الساعه 10ياخدنلي ع السهر
مروه:مزال بدري باسم الله
ريما:تبو زريعه
محمود:عطيني شويه
عند البنات
تغريد:هضوما مايخافوش يعومو توا
رنده:كل يوم هك ، بس سعيد مش معاهم
وجدان:اسمعن وحده تعدي اتجيب المنظومه انولعوها ونصفقو شويه
موده:جيبيها انتي
ريماس:تزا انعدي انا وتغريد انجيبوها
رنده:هابا عليك انتي عارفه سعيد قاعد جوا
ريماس:خزي ياحقيره هي المنظومه تلا السياره مش جوا
رنده:عدي عدي
صبن تغريد وريماس عدن جابن المنظومه كان خاطرها تشوف سعيد بس ماطلعش ، ردن عند البنات ع الشط
وجدان:كيف تولع هذي
موده:جيبي توا انشوفها
رنده:الواه الواه بصوت فريال ، خلاص كان متاع مصطفى بتفهم فيها
موده:اسكتي شن عرفك انتي ياخيا حبيبي بنته فيها
وجدان:لا كدا اوفر
رنده:ولعي ولعي ماتخلينيش انرجع توا
موده:ها ولعتها عيب يا
وجدان:تلقيه اغاني كلهن ريقي ومغربي فكينا منهن
تغريد:الشباب اصلا ياريقي يامغربي يامهرجانات
موده:وهضا هو السمح
رنده:فليكن لديك انوثه
موده:الله لو توا نرقص انا وبوفا ريقي
ريماس:البنت هذي حتجلطني را
ريما:شن اتديرن جينا انصمطو عليكم
رنده:ممنوع اصطحاب المتزوجات
وجدان:خلي خلي هذي سمحه ، هوى هوى مال البي ومال عيني هوى
تغريد:الله الله ايه الجمال دا الحياه احلوت من امتى
مرام:عطك هوا انتي وياها شن العباطه هذي
موده:خليهن ايعبرن عن شعورهن بنغيرها اصلا
وجدان:تافهه اصلك
رنده:خليها خليها هذي اتهبل
تغريد:اها سمحه خليها
وجدان:صفقن ياخيا هيا انديرو جو
ريما:انا مش بتاعت الكلام دا
مرام:نقصن حسكن را يجيكن مروان
قعدن البنات يزغرتن ويصفقن لين جاهن مروان خافن سكتن
مروان:حطن ريقي بنرقص عليها
موده:مبردك نحسابوك جاي تهزب
مروان:ماعندش نيه نهزب حطن بس
موده:هي اغنية جاره سمحه
مروان:خلاص علن بنمشي نرقص مع الشباب غادي
موده:ها عالي بكل
عدا مروان يرقص وعياط والبنات يصورن ويزغرتن والصبايا ميتات من الضحك عليهم
مرام :ياخيا نجيه ليا اسلومه يرقص
وجدان:حي ع امه حتى رافع يامني ههههه
منى:صورن من تليفونها معاها نا تليفوني جوا
موده:لنقني بنقدم انصور والي يصير يصير
ريما:را يهزبوك
موده:ديمه متهزبه اصلا عادي
قدمت موده شويه تصور وكانو كلهم يرقصو ويتنططو ومنظرهم يهبل لين ادهشو
شويه وحطن الصبايا العشا تعشو وهدرزو شويه وخشو الكبار ارقدو والشابا ع الصوني والنت والبنات ف الفرندا متاع الشاليه
موده :اسكتن بنرن ع خطيبة مروان
وجدان:ديري اسبيكر
موده: 😒
رنده:خاطري انكلمها
موده:اس ، ايةا السلام عليكم
عزيزه:وعليكم السلام كيف حالك
موده:الحمدلله بخير ، من بدرس انرن عليك شكلك ماترديش ع ارقام
عزيزه:تبي موني ايقطعني امالا ،لا مارديتش الا لما دزيتيلي مسج
موده:اها المهم كيف حالك
عزيزه:بخير الحمدلله شنجوكم انتم وشنجو البحر
موده:جو يهبل والله الحمدلله
عزيزه:اها مونس طل ساعه يكلمني ويعطيني في اخباركم اول باول
موده :😳اها باهي ماشالله
عزيزه:هو راقد توا اصلا من بدري ماكلمنش
موده:مع الشباب مش عارفه بلكي راقد ، انتي ماتدققيش عليه واجد هو لكا يفضى توا يكلمك
عزيزه:كيف تغيري عليه مني هههههه
موده:😒اياك الا انغير ، هضا خويا
عزبزه:راك تكوني زعلتي انبصر
موده:لا بس اناعارفه مروان مانحبش من يقيده ويسكنله
عزيزه:هو كان نقعد دقيقه مانكلمش ينجن
موده:اممممم واباهي ربي يخليكم اللبعضكم نستأذن انا
عزيزه:سلميملي ع ماما نجيه وع صبياتي واجد ، قود نايت
موده:😏قود نايت ياحنه
سكرت موده :يناعلي عليك محماط
وجدان:انحق في تعابير وجك بتنجلطي
موده:سللوى كأني انكلم في سلوى
تغريد:كنهل
موده:كذابه الزح هو يقولي مانكلمش فيها وهي تقولي يقعد دقيقه بلايا ينجن ، تحساب روحها مهدئ ، لا وموني ، مروان النفولي تما اسمه موني اه يازمن خليت للمعفن تمن
رنده:الخلاصه
موده:ماخشتش راسي قبل بننصحها لقيتها كذابه فتتها حريقه هما الاثنين مالي ومالهم ، تي سلميملي ع ماما نجيه وصبياتي صبو عليك زيت محروق ايوالله علبك الي ماتحشم
ريماس:او ماي قاش
موده:هههههههه خطرها ع او ماي قاد قالتلي قود نايت ،مافهمتهش شن اللغه الي تدوي فيها ، انقوللكن حاجه
وجدان:ها
موده:مش حيكمل معاها
رنده:حتى نا احساسي ، وانا احساءي مايخيبش
تغريد:ايوا ياعمتي مريم نور انتي
وجدان:نا بنعدي انكلم منجوهي
رنده:اسمالله ع مناجيهنا مش معبرينا بكل
تغريد:من منجوهك انتي
رنده:مش شورك
تغريد:خزي
صبت وجدان تكلم عماد والبنات قعمزن يهدرزن ، لين نعسن خشت كل وحده مرقدها
تاني يوم غيرو جوهم ومابش حد يعدل ع فاتحة ريهام ولا يمشي ماكانش حد يبي يجيب سيرتهم بيش مايتنكدوش ويوم السبت روحو كلهم وصلو كل واحد لحوشه ع المغرب
نجيه:يناعلي اتقول واحد عطيني طريحه
موده:نبي نرقد شهر
نجيه:ترقدي عيني ومن بيلم معايا الحوسه
موده:باهي خليها بكره ياامي ولا نرقدو شويه وانوضو
مروان:الحمدلله ع سلامتكم
نجيه:كنكم طولتو في الطريق انتم
مروان:تكينا تغدينا وغيرنا جو واسقدنا هضا وين وصلنا
نجيه:باهي بنخش اندير حمام انا
موده:جسمي كله يوجع فيا يحرق
مروان:واو ع البلبوله
موده:خطرخا امس ماحصلتش ندويلك كلمت عزيزه وماعطتنيش فرصه ندوي شي وهب اصلا مروان ينجن كان يقعد بلايا دقيقه ، اصلا هو يحبني حي تما اشمك موني
مروان:خخخخخ قالتلك نقدرش نقعد بلاها دقيقه تحساب روحها فوني ولا النت ، بلا ماتجلطيني وتقوليلي شن قالتلك اصلا عارلها تافهه ، شن رايك فيها من الاخير
موده:اسمع ماتصدقش روحط باهي ، بصراحه انت اسلوبك سمح مع الناس وحانط وجوك يهبل بس هي من اول ماقالت الو حسيت بثقل الدم
مروان:ماتمدحينيش ياخيتي اصلا عارف روحي عشان هكي بديت انحس انها تافهه
موده:ها صدق روحه وابتلشنا
مروان:توا حنكلمها وانشوفها شن تقوللي عليك
موده:انت كيف تحبها وتقعد يوم بلا ماتكلمها
مروان:من لاخير عزيزه حصلته في حياتي
موده:هههههه لنقنها طاجين تيفال اخرى
مروان:خلاص وجك بنخش اندير حمام ونتمرقد حسني مدهكل وواصل حدي
موده:باتي وين عدا
مروان:منعم قالي عدا يشيل لعيال لتهاني ويشوفها
موده:واجعتني هالتهاني
مروان:توا مصيرها ترد ، وجك
موده:انتلف
خش مروان ياخد دبش وخشت موده لدارها لقت مصطفى ران عليها رنت عليه
مصطفى:الحمدلله ع اسلامه ياقلبي احلى ايام عشتهن في حياتي
موده:حتى نا وحق ربي ماتمنيتهنش يكملن
مصطفى:اكيد مدهكله من البحر
موده:انحس في روحي كأني مزلت نعوم ونسمع كن صوت بحر
مصطفى:هههه خوديلك كم يوم هكي وبعدها تردي كيف قبل
موده:بس جو يهبل وحق ربي
مصطفى:خطرها اول ماروحت دويت لامي ع موضوعنا ، وقالتلي بتكلم امك بكره ويتفقو ع يوم تجي تتقدملك
موده:حييي عليك جو وحق ريي فرحتتتت انحبك انحبك بكلللل
مصطفى:حق الله انحبك ونرجى قي اليوم اليتقعدي فيه حلالي ومعايا في مل وقت
موده:والله حبيبي انت باهي
مصطفى:حي سبحان الله فاجأتيني
موده:هههه صماطه
مصطفى:خلاص قلبي توا بنخش ندير حمام ونرقد شويه بعدها انكلمك
موده:حتى نا ، خلاص هي ا نحبك
مصطفى:انموت فيك😘
سكرت موده وخشت دارت حمام بعد طلعت امها وكلت حاجه ع السريع وخشت فراشها
وهي تفكر في مستقبلها مع مصطفى وحساتها رغم كل شي صار ، وحياتها بدت تضحكلها
في الوقت هضا كانت ريهام فرحانه ومهيجه وخلاص عاد ياارض انهدي تمت مزوجه مزال ع العرس بس ، وانتصار عاد حاسه بالانتصار لانه غصب عنهم وبيهم وبلاهم بنتها انقرت فاتحتها وماتندريش ان هضا كله بيرد عليها
تاني يوم الصبح ناضن موده وامها ع الحوسه
نجيه:بنمشي لميشون في العشيه تمشي
موده:باهي اصلا نجبه:مديلي تليفوني ترا
موده:رقم
نجيه:من
موده:قتلك رقم ههه
نجيه:مديه باهي بسرعه
موده:هاكي ها
نجيه:ايوا السلام عليكم
فطيمه (ام مصطفى) :خير كيف حالك انا ام مصطغى
نجيه:اها كيف حالك حاجه فطيمه اخبارك وكيف حال الاولاد
فطيمه:بخير كلنا الحمدلله ، كيف حال العاىله
نجيه:الحمدلله في نعمه ، مغيره رقمك انتي امالا
فطيمه:تها ليا فتره غيره
نجيه:اها باهي ماشالله بسلامتك
فطيمه:انا اتصلت انقولك بنجوكم يوم الثلاثاء لو موجودين انشاءالله
نجيه:مرحبتبن بيكم في اي وقت تفضلو
فطيمه:الله يسلمك بارك الله فيك ، ان شاء الله نتلاقو الثلاثاء هي سلمي ع العائله وع عروستنا
نجيه:سلمك يوصل سلامك ، هي في امملن الله
سكرت نجيه
موده:من
نجبه:فطيمه ، قالت بيجو الثلاثاء
موده:الثلاثاء حي بعد بكره
نجيه:وكنك رعشتي هيا انلمو الحوسه ع السريع وانوصي مروه اتديرلنا موالح وحلويات
موده:باه هيا وتوا انكلم خواتي يجن ف الليل يعاونني
، اهن عمرهن طويل وجدان ترن
مزده:ايوا
وجدان:ها قتللك ماعمدش رصيد ، تمسي معايا لصاحبتي
مودخ:صاحبتك مم
وجدان:هذي الي سرطان في راسها وصحت حكيتلك عليها من قبل ، را الي عنرها توام
موده:اها هذي الي راجلها انيس الطرف
وجدان:اايوا اختها حنين كانت تقرا مع رنده وازوجت صاحب راجل اختها عبدالله
موده:عرفتها عرفتها ، هذي الي حكيتيلي ع مأساة راجلها مع خطيبته القديمه ، كنها شن عندها
وجدان:شي كلمتني تسأل عليا وتلوم فيا مانساالش عليها ، خاطري نمشيلها
موده:اجليها باهي ، هل مصطفى جايين الثلاث
وجدان:صح حييي ، لامعناها توا اناجلها ونجيك انا والبنات
موده:ياريت والله انحس في روحي تخوخمت
وجدان:خلاص وجك انكمل حوستي وانجوك
موده:خلاص تمام هخي
سكرت موده وعدت تحوس مع امها
في وقتها كاين سعيد يخطط كيف ينتقم من ريهام ويردلها الي داراته فيه وفي موده ومصطفى ومروان وكان يانب فيه ضميره ع ريماس الي مش قادر يكلمها لايحبها بسبا عقدته الي صارتله بعد الي داراته ريهام
وكان مروان تعبان مع عزيزه الي مش عارف يفهمها ومش هاين عليه يسيبها ،وكان مصطفى بيطير من فرحته لانه خلاص بيخطب موده