رواية (#عائلتي_ولكن)
"42"
لو يطول الوقت عن عيني وتغيب ،، خاطري يسلى وطرفي ماسهر،
كان حظي جابك لقلبي قريب ،،وسالفتنا عوضت ظيم وقهر
طالبك يارب كانه لي حبيب ،،قربه يارب يارب البشر
وكان مالي فيه حظ ولا نصيب ،،عوض عيوني بشوفه بالقدر
قرب احساسي لاحساسك يطيب،،كل معنى حب يبقى لو عبر
كل الخواطر كلمه في نبرة غريب،،كان في بعدك صادق شعوري صبر
كل ليله في غيابك لو تجيب ،،الأماني شي ووجودك عمر
حتى حلمي فيك من هجرك عطيب ،،لحظة الأشواق يملاها الكدر
كانن مقعمزات وهايمات كلهن ع الأغنيه هذي في المنظومه ،بعد كملت ريما حنتها وهن قعمزن من التدهكيل والي هذي سارحه في موالها
رنده:يناعلي عليك اغنيه تهبل
وجدان:بكل
موده:هيا خلاص روحو كلهم خلينا انصبو انغيرو دبشنا وانوضو ع الحوسه هذي
ريهام :انتن تعبانات اكيده توا انصبي انا واميره وملاك مادرنش حاجه واجد
وجدان استغربت من طيابة ريهام بحتت في موده وضحكت
موده:لا كلنا تعبنا توا انصبو مع بعضنا انكملو بسرعه هي مافيش حوسه واجد اصلا
صبت موده لدار خواتها ولحقنها رنده ووجدان
رنده:من امتى هالطيابه الي عند ريهام
وجدان:انشالله عقابها خير
رنده:قلبها رقيق ياخيا
موده:قلبها رقيق قدام الناس لكن من جوا افعى خزي
وجدان:هيا نطلعو بسرعه عيب اميره برا
رنده:هيا انبدلو بسرعه ونطلعو
غيرن البنات دبشهن وطلعن بدن يبرمن ع الحوش والصبايا مقعمزات يهدرزن حدا ريما الي متمدده بحنتها
عدا يوم الحنه ع خير بس بحرق دم لرنده الي حامد زعلان منها ، الي هذي كلمت حبيبها ورقدت الا هي رنت عليه مايردش
رقدن كلهن من التعب الا موده خلتهن يرقدن وقريب ع الساعه 5 الفجر رنت عليه اخرى
حامد:ايوا
رنده:بنفهم كنك ماترد
حامد:تي خوتك احدايا شن اندير توا راقدين احدايا طلعت بالقيله للجنان بيش رديت عليك
رنده:شن داير توا
حامد:هضا وين خطرلك تسألي
رنده:ياحامد فهمني شن اندير ،انا مافضتش بكل ولا حصلت فرصه انرن عليك ، وبعد رنيت عليك ماتردش
حامد:انا مانبيكش اتكلميني ياستي دزي حتى مسج طمنيني عليك حسسيني انك في حياتي
رنده:مانقصدش وحق ربي مافضيت
حامد:ماهو هنا الكارثه انك ماتدورينيش الا وقت تفضي ، تي انتي من يوم مادرت الحاظث ماسمعتش صوتك بكل مشيناه كله ع النت
رنده:توا انت تبي اتدير مشكله وخلاص
حامد:انا مش ناقص اصلا الي فيا سادني
رنده:ولا انا ناقصه ع فكره
حامد:باهي تمام ، تصبحي ع خير
رنده:وانت من هله
سكتو هما الاثنين يراجو في بعضهم يسكرو بس ماقدروش
حامد:عليش ماسكرتي
رنده'وعليش انت ماتسكر
حامد:حيوانه
رنده:مش احون منك
حامد:هههههههخهه في كدا ؟
رنده:في اها 😡
حامد:اسف
رنده:انا اسفه ، ومعش تعاودها
حامد:انتي اتأسفي ولا تعاتبي
رنده:انت من اصلا بيش تخليني نتنكد مجرد اني حسيت انك زعلت منك ، انت من عشان نبكي وقلبي يوجعني لما نسمعك اتألم ، انت من عشان انموت من خوفي ويغمى عليا ، انت من عشان نفكر فيك ديمه ،انت من عشان تخلي سعادتي مرتبطه بيك فهمني بس ،كيف تي عمره ماحد خلاني هكي عمري مااهتميت بحد للدرجه هذي
حامد:من جدك تسألي انا من
رنده:اها ، عارفه انت حامد ولد عمي بس كيف تخليني هبله هكي
حامد:لأنك تحبيني تميتي هبله
رنده:مصدق روحك من قالك انحبك
حامد:احلفي انك ماتحبينيش
رنده:تي نحبك خزي عليك وع وجك
حامد:يابقره وع وجك
رنده:هههههههههه
حامد:عليش تضحكي هعهههههه
رنده:ع عباطتنا
حامد:ربي مايحرمني من هالضحكه
رنده:ولا يحرمني منك
حامد:شن موعيك لتوا انتي
رنده:عشان هكي سألتك انت من !!!
حامد:قصدك عشان تكلميني
رنده:حييي كيف عرفت
حامد:تي نفهمها ع الطاير كيف عاد نعجبوك را
رنده:ياي بكل
حامد:انحبك
رنده:انموت فيك ،قصدك انت هضا كله مصبي ع كرعيك
حامد:لالا ع الكرسي ف الجنان
رنده:تي صقع خش جوا
حامد:تي انا مضغوط بكل ، جوا شفشيف
رنده:الجو لاعاد عرفناه شتا لا صيف
حامد:المفروض الربيع ولا الصيف واحد فيهم يتنازل ويخش
رنده:هههه استغفر الله
حامد:رصيدك واجد انتي
رنده:شحتت جنيه من امي
حامد:باهي خليلك رنه ، توا انعاودلك انا
رنده:لا انت توا اتخش جوا ترقد سادك
حامد:ماتبيش تكلميني ولا شنو
رنده :اسمع
حامد:نعم
رنده:اطلع قدام باب الحوش
حامد:عليش
رنده:اطلع بس شويه وتوا انعاودلك
حامد:تي كنك 😳 الو تي الو
رنده المجنونه عدت لبست وشاحها وواست روحها وطلعت في الجنان فتحت باب الجنان وعدت لحوش نجيه لقت حامد مصبي
حامد:حي ع امك يامغوليه شن جيبك هنا
رنده:ههههه بيش تعرف اني انحبك
حامد:وحق ربي مجنونه ،وكان شي حد ناض توا
رنده:حي حبيبي كراعك كلها مجبسه
حامد:اها شفتيهش ف الصوره
رنده'لا مش واضحه الجبس ملون نحسابه سروال
حامد:شن السماحه هذي انتي بس ، كحل وجو
رنده:بطل سماطه نتحشم ☺
حامد:باهي انحبك
رنده:قصدك تبيني انقولك انحبك توا قدامك هكي لا مانيش قايله نتحشم
حامد:هههههههه بس انتي قلتيها
رنده:امتى قلتها 😒
حامد:انتي توا قلتي قصدك تبيني انقولك انحبك
رنده:هههه حي صح ،مانحسابهش ساهله هكي عادي
حامد:غبيييه ياربي وانحبها
رنده:حتى انا انحبك 😏☺
حامد:نجيها الي متحشمه ياربي، خلاص هيا روحي را حد اينوض للفجر يحقك
رنده:باهي ، خلاص حتى انت خش صلي وتريح
حامد:حي حقي السماء منظرها يهبل
رنده:اها بكل
حامد:سيلفي مع السماء 😂
رنده:بين الجبس
حامد:تي كيف نبينه الزح السماء فوق والجبس لوطه
رنده:باهي صور وانت ساكت
حامد:فكيني من مدةالشورب اضحكي كويس
رنده:وانت ماترفعش حاجبك صور كويس
حامد:تي حي ع امك في صوت حد خش للحمام ، روحي بسرعه
رنده:حي ع جدتي خلاص باي ، انحبك بكل
عدت تجري رنده وفرحتها اكبر من خوفها ، حست انهم يحبو بعضهم جديات ، حست ان حامد هو بالنسبه لها الدنيا كلها ، استغربت من لقطة الجنون الي دارتها ، بس هو هكي الحب بلا جنون ماينفعش ، مع ان الي داراته غلط بس كان حب حامد اكبر من انها تفكر ف هكي
روحت بسلام خشت للحوش تسلس ، وهي تحول في وشاحها في دارهم ناضت عليها موده
موده:وين كنتي انتي
رنده:نصلي
موده:تصلي بالسروال ، ومن امتى انصلو بالوشاح نحنا
رنده:كنت مع حامد
موده:هيييييء طح سعدك ،كيف ووين
رنده:طلعلي بالقيله قدام حوشكم ومشيتله
موده:ينعن جد الجرءه افرض ناض باتي ولا وتحد من خوتي
رنده:في حد ناض خش للحمام رديت نجري ،حيي ياخيا اول مره انحق حامد هكي يعني نبقى عيوني قلوب قدامه هكي صورة الانسان قبل ماتحبيه غير بكل عن صورته بعد ماتحبيه يهبببل حتى وهو تعبان ومرهق والجبس قريب يوص لرقبته بس يهبل ، حي اصورت معاه سيلفي مع السماء مبدي الشروق منظر فزييبع بكل
موده:باهي راعي اني كيف واعيه صفحه كامله في سطر شنو هضا
رنده:اسكتي انحبه انا
موده:😒 رنده ارقدي مرقد ، احمدي ربك عدت ع خير وما كبسك يامتخلفه
رنده:ارقدي ارقدي ، هاين عليا انوضكم كلكم ونفتح الرواشن ونولع المنظومه انحس في روحي بنطير من فرحتي
موده:الصبر ياربي
رنده :ارقدي ارقدي ، كان توا انتي مكاني ومصطفى الي برا راك اشر مني
موده:الله ياريت
رنده:انخمدي
اميره:تي بطلن دوه بنرقد
رنده:اسكتن خلاص را تنوض وجدتن تنفصل علينا
موده:خلاص نضت ، انصلي بالمره ونرقد
رنده:صليت من بدري الحمدلله
صلت موده وردت رقدت ، ورنده قعدت واعيه شويه ورقدت
ثاني يوم.. يوم زفة حاتم
ناضن كلهن فطرن و بدن يوتن في الحوسه والطباخه اطيب في الصاله ومعاها منيره اخت كلثوم، دارت كلثوم الغدا تغدو وبعد الغذا الي هذي روحت حوشها بيش توتي روحها ماقعدوش الا عيت محمود بس ..
نجيه:ها يامروان
مروان:ايوا نعم
نجيه:وينك انت
مروان:مشيت شلت غدا لوجدان وريما ف الكوافيره
نجيه:باهي تعال هيا بيش تشيلو الحاجات للصاله وقت
مروان:كلمي منعم ياامي
نجيه:منعم مع خوك مش فاضي
مروان:خويا معاه اصحابه عليش منعم معاهم
نجيه:المهم اصرفو الحاجات وقت يبن شيل ف الصاله
مروان:باهي ياامي
موده:من اتدير عند الكوافيره
ريهام:امي وانا بعدها
تهاني:كلمت وحده اخرى جايه توا
رنده:امي
كلثوم:نعم
رنده:في حاجه تبي تحديد اخرى
مرام:اتحدديلي بدلة عموره
رنده:هاتيها بسرعه
موده:احسن حاجه دارتها منى خدت بناتهاوروحت
تهاني:حتى نا هضا الي بنديره غير انديرو شعرنا بس نجيه:كلثوم
كلثوم:نعم
نجيه:اكدي عليهم ع حاجة الصاله كلمت مروان لكن خايفته يفك فيا ، اهو يرن ، ها يامروان
مروان:اسمعي بيجي توا مصطفى وطلعوله الحاجات ف السقيفه ويخش ياخذهن
نجيه:وانت وين
مروان:انا مش فاضي توا
نجيه:الصبر ياربي باهي
مروان:اوكي توا
سكرت نجيه :موده
موده:نعم
نجيه:اطلعن انتي ووحده من البنات طلعن الحاجات بيجو اصحاب مروان ياخدوهن
موده :باه، ريماس اطلعي معايا
ريماس باهي هي
لبسن موده وريماس وبدو يطلعو الحاجات برا ، شويه وجا مصطفى
اول ماوصل موده دارت روحها مزالت اطلع ف الحاجات
مصطفى بحت فيها بابتسامه :هن هدينا الحاجات
موده 😌: اها هن هذينا
مصطفى :😍 باهي تمام
موده:انت يدك كيف بتشيل
مصطفى:عادي تمام توا انشيل بيد وحده
موده:لالا افتحلي السياره توا انشيل انا وريماس ، الغبي مروان هض
مصطفى:تي اسمعي الكلام خلي
موده:لا مانيش مسيبه ، تبي يدك تخرب انت
مصطفى:عليك عناد
حطت موده وريماس لحاجات ف السياره
مصطفى:منورات
موده :هيا ياريماس انخشو 😍
خشت ريماس ووراها موده ، بحتت في مصطفى وهي بتسكر الباب
مصطفى:انحبك
موده: 😱
مصطفى:خشي خلاص
طبعا موده خشت وهي هايمه ومافطنتش ان ريماس فطنت لكل شي
بس ريماس سكتت زي ماسكتت ع حلجات اخرى ، ومصيره السكوت هضا ينفجر في اي يوم ويجيب من وراه مصايب تبين كل واحد ع حقيقته
نجيه:من معاه
موده:دازه بروحه الحيوان والراجل يده مكسوره نا وريماس الي حطيناهن ف السياره
نجيه:باهي المهم شلتنهن ، ومروان هضا والله مايتحشم ،كان دز سعيد معاه
موده:اهو شن تقولي عاد ، ربي ياخده وخلاص
نجيه:بعيد السو كنك انتي،هيا خشي اشقي بروحك بيش توتي بسرعه
موده:حاضر
خدا مصطفى الحاجات وعدا ، وشويه وجت الكوافيره الاخرى بدت في تهاني وبناتها بعدها البنات ، لين ع المغرب كانن مكملات
منعم :هيا انتن
كلثوم:من معاك انت
منعم:حامد ولد عمي ، هيا 3 يجن معايا
رنده:انا وموده وريهام
ريماس:لا توا تركب معاكن ريماس نا بنركب مع امي مع مؤيد
رنده:هيا ياريماس هذي القدر يفجعها
نجيه:ها يامروان انجي معاك انا وكلثوم
مروان:اها هيا
تهاني :انا سيارتي فيها مكان في حد بيجي معايا
مرام:انا
تهاني :هيا باهي
توزعو ع السيارات وعدو للصاله
خشن البنات لدار العروس بدن يواسن ارواحهن وطلعن ع المسرح وشطحن لين جت العروس ، خششنها البنات كلهن وراها بالورد جت خشتها كيف ماتبيها وهي طلعت تهبل
شويه وحطو العشا ، والبنات ع المسرح الي تصور والي ترقص والي تقرم والي تضحك والي تعاني من الكعب والي تكركر في فروخها ، لين شويه وجا حاتم اول ماخش عمتك كلثوم تمت اتهر وتبكي لين جاها حب ع راسها وخششنه خواته خدا ريما حب حياته وطلع بيها
جا عرس خفيف ظريف وكيف ماتمنوه ، ساعه هكي وروحو كلهم للحوش ..
موده:يناعلي كرعيا
اميره:مش منك من الرقص
وجدان:تي اندور في موده بنروحو نلقاها في اول القاعه من الحاشيه تشطح مع المدادات ، يرقص في ريقي وهي ترقص معاهن ،وداعا للانوثه وخلاص
مرام:موده من صغرها حشيشتها الريقي ديمه ترقص مع مروان
موده :فكره توا كان خش والله انولع اغنية ريقي ونرقص معاه
نجيه:ايسمه الريقي هضا
موده:رقص ياامي نوع اغاني يرقصو عليه رقصه معينه
نجيه:نسمعو ونسلمو
منى:امي بنروح انا ، مدايرين صبحيه بكره
نجيه:العريس حلف ماهو جاي ، قال فكوني من السريب الزايد
منى:عههههه هابا وخلاص ، هي تصبحو ع خير ، هيا يابنات
منيره:اميره وملاك هيا باتكن قال هيا
اميره:حي ران عليا كم مره
كلثوم:خليك يامنيره شن عندك توا بيش اتروحي
منيره:بكره كان قدرت توا انجي
نجيه:والله كان قعدتي
منيره:بكره والله توا انجي ، بنات اسماء بيباتن عندي وبكره بنمشو الصبح للعزا معش مشينا
كلثوم:اها مساكين ربي يصبرهم
منيره:لبستن يابنات
ملاك:اها هيا
منيره:هي تصبحن ع خير
مروه :يوم ماانا انبات كلهن يروحن يابتي
ناجيه:عادي اهو نحنا قاعدين
موده:خطرها يااخويله من الي امبدري انفصلتي عليها وصارت هرجه
ناجيه:اسكتي حرقتلي دمي
رنده:من هي هذي
ناجيه:وحده من اول ماخشت وهي مقعمزه ف الحاشيه بعبايتها ووشاحها ماريحتنيش ، والي نسالها عليها اتقولي مانعرفهش ، قعدت انراقب فيها لقيتها الحقيره حشاكن اتصور فيكن وانتن ترقصنن
وجدان:حي علي امنا
مرام:بس خالتي امسكت التليفون دشتشاته لها قطع وخذت الميموري
انتصار:طيح سعدها
ريهام:بس لنقنك يااعميمه مسحتيلي
موده:خساره فاتتني العركه
وجدان:جنازه وتشبعي فيها لطم عاد انتي
مروان:ياعرب 👏👏
موده:خاش يصفق هضا
مرام:خش مافي حد
مروان:تعالو مؤيد ومنعم وحامد مافي حد
ناجيه:يناعلي حامد شن حركه من مكانه
مروه:مش كويس عليه
مروان:تي بالقيله يتنطط من بدري
حامد:السلام عليكم ، كل شي ع البركه ربي يهنيهم
رنده:😍😍
نجيه:عقبالك ياغالي
حامد:سلمك ياخاله ، كيف حالكن يابنات ، صبايا عمامي كيف حالكن
كلهن:الحمدلله
ناجيه:غير قعمز وانت تنقز
مؤيد:كيف حالكم
كلثوم:مرحب وانت امتى بتجيبها الثانيه
مؤيد:الاسبوع الجاي انشالله 😌
نجيه:يصبرني الله وخلاص
مروه وشوشت انتصار:قصدك بياخد الثانيه
انتصار:اها ياحنه ماتحقيش ف ميسون ماحضرتش العرس
مروه:خزي ع الرجاله وخلاص
تهاني:وانت امتى بنفرحو بيك
منعم:لا نا مشواري طويل
مروان:وانا مزهريه ولا شنو مافيش انتي بنفرحو بيك ولا عقبالك
ناجيه:ههههههه عطك الخير ، انشالله ياباتي نفرحو بيكم كلكم
نجيه:باتك غادي ف الحوش
مروان:اها هو وعمامي
مروه:سليمان وين
مروان:تي روح من الصاله رقد طول ،جو الرجاله يهنو وهرجه والدنيا شايله وعمك سليمان يجخر
مروه:المنجوه هضا ماغيرش دبشه
حامد:جيعان نا بالجو هك
رنده: شن تبو انحطلكم
كلثوم:سخني عقاب العشا
رنده :حاضر ☺
خشت رنده تحط سفر ياكلو ، وقعدن الباقيات يهدرزن وضحك ويقرمن ع العرس ،،واخيرا كمل عرس حاتم وعدا ع خير بعد طلوع الروح ..
تقييمكم 😍