رواية (#عائلتي_ولكن)
"37"
قعدو كلهم يرجو في ريماس تروح ويطمنو عليها ، بعد حوالي ساعه روحو
نجيه:ها شن صار فيها
انتصار:نفس ماقالت منى ، كتبولها ع علاج طبيعي
كلثوم:امتى تبدا فيه
منى:لازم في اسرع وقت ، من بكرا
تهاني:ماقالولهش من شنو باهي
انتصار:قالو زعله قويه ونسألو فيها ماتبيش تدوي
تهاني:كنك ياريماس شن مزعلك
ريماس:شي تعبانه انا بترقد
نجيه:كولي حاجه باهي
ريماس:لا عندش نيه
خشت ريماس دارها وقعدن الباقيات يدوه عليها ويخممن زعمك ليش صارلها هكي
موده:تعالي انخشو لريماس انشوفوها كنها
مرام:صغيره ياخيتي ع الزعل
وجدان:صبي هيا انشوفوها
موده:هيا
صبن موده ووجدان خشن لريماس ، لقن انتصار تعطي فيها ف الدوا
وجدان:هاتي نعطيه لها وسيبينا معاها شويه بالك تحكيلنا شن في
انتصار:شوفنها الله يربحكن
وجدان:ريهام وين
انتصار:ف الحمام شكلها
موده:باهي خلاص توا ندوولها
قعمزن وجدان وموده احدا ريماس
وجدان:موسي كنك
ريماس:تعبااانه 😣
موده:حد فينا مزعلك
ريماس:لا
وجدان:باهي في حد مزعلك
سكتت ريماس ودموعها نزلن
موده:يناعلي شكلها زعله قويه ، من بس قوليلنا
ريماس:مانقدرش
وجدان:ماتبيش تحكيلنا
ريماس:مانبيش نحكي لحد
موده:شنو الشي الكبير الي ماتبيش تحكيه
ريماس:تعرفن انا الي مزعلني خلاني عمري 60سنه مش 13
وجدان 😳😱: تي شن في يابنت احكي خوفتيني
ريماس:مانقدرش ندوي بالله عليكن ماتغصبنني ، بس نبيكن اتردن بالكن كويييس ، مرات مؤيد الجديده ردن بالكن منها هذي خاشه اتخرب العيله ، وماتثقنش في ولا حد في العيله هذي كلهم يمثلو كلهم يكذبو
وجدان فنصت في موده وخافت بكل
موده:تي احكي الزح ياريماس اناي شن شايفه ولا شن سامعه ليش قلتي هكي، مانكش صغيره انتي ادويلنا لو في شي خطير انحلوه مع بعضنا
ريماس:انا لو حكيت العيله هذي كلها حتدمر وتصير مشاكل كبيييره بكل ، بالله عليكن اطلعن خلنني نرقد تعبانه بكل
رقدت ريماس وغطت وجهها معش بت تدوي ولا كلمه اخرى تمت تبكي وخلاص وقعدن موده ووجدان يحايلن عليها تدوي وهي لا حياة لمن تنادي لين خشت ريهام
ريهام:ارقدت؟
وجدان:لا ، صبي موده انديرو العشا
ريهام:باتي جا را
موده:خوتي جو
ريهام :اها جو حتى مؤيد برا، وسعيد ومصطفى
موده:باهي تمام ، هيا وجدان نطلعو
طلعن البنات عدن للمطبخ لقن منى ومرام يديرن فب العشا
مرام:دوتلكن حاجه
وجدان:ريماس سامعه شي قوي بكل ، قالتلنا لو انقوله تدمر العيله وتصير مشاكل كبيره
منى:ياساتر ياربي ، شن سامغه هذي
موده:وقالتلنا ردو يالكم من مرات مؤيد الجديده هذي خاشه اتدمر العيله ، ومعش تثقو في حد
مرام:الله اكبر شن الكلام هضا
رنده:تي كان زرزرتنها لين عرفتن
موده:ارقدت وغطت وجها وتمت تبكي مابت تقوللنا شي
مرام:يناعلي زعمك شن سامعه هذي
موده:مش عارفه
منى:حسها خوفتني
رنده:بلكي مأڤوره الموضوع
مرام:تي البنت وجها رايح فيها من ورا الزعله هذي
كلثوم:يابنات هيا العشا باتكن راقيله را
وجدان:هيا ياامي حاضر
مرام:حطي سلات خبزه يارنده ، وانتي ياموده عبي اميه
وجدان:ها انشيل خلاص
منى:اها شيلي را الطبيخه اتصقع
طلعت وجدان :حاتم
حاتم:ايوا
وجدان:هاك
حاتم:وين الخبزه
رنده:هاك هيا
حاتم :اشقولنا بالشاهي اها
وجدان:باهي حاضر
منى:هيا تفضلن
كلثوم:هيا قدمن ياصبايا
منيره:ماشالله سلمك دواره يامنى
منى:صحتين
مرام:منيا اماني امنيه هيا تعالن تعشن ، هيا يابنات را تصقع
موده:انا جيت بعدك خاطري فيها ليا فتره طبيخة البطاطا
مرام:وين وجدان ورنده
موده:هنا جن
وجدان:ريهاااام هيا عشا
ريهام:لا صحه ماعندش نيه
قعمزو كلهم يتعشو وكل وحده من البنات اتخمم في زعمك ريماس شن تقصد بكلامها وشن عرفها بمرات مؤيد الجديده
كملن عشا وضمن حوستهن بعدها لبسن توتهن وقعمزن يهدرزن
مروان:امي
نجيه:نعم كنك
مروان:نبيك شويه
نجيه:كرعيه ماني مصبيتلك ، عدي ياموده شوفيه
موده:نعم
مروان:اسمعي نا بنمشي بايت مع الشباب
موده:قلت لباتي
مروان:قتله
موده:وين باتي هو
مروان:قاعد راقد في المربوعه
موده:خذا فراش ولالا
مروان:اها فرشله منعم
موده:مؤيدروح
مروان:اها طلع توا
موده:باهي خلاص وجك
مروان:ريماس شن صار فيها
موده:راقده مسكينه كان تحقها تعرفهش
مروان:ياحول الاه توا بكره انجي انشوفها
موده:باهي تمام
مروان:تصبحو ع خير
موده:من امتى هالذوق
مروان:تي درقي وجك
طلع مروان كانو سعيد ومصطفى يرجو فيه ف السياره
مروان:بنعدي للحوش انجيب توته وانجي
مصطفى:بسرعه
جوا ف الحوش
حاتم:امي
كلثوم:خش مافي حد
حاتم:السلام عليكم
منيره:مرحب بالعريس
حاتم:مرحبتين خالتي كيف حالك
منيره:الحمدلله انت كيف حالك
حاتم:الحمدلله تمام، ريماس شن دايره توا
انتصار:قاعده راقده جوا
حاتم:قالي منعم بتبدا في علاج
انتصار:اها بكره ان شاءالله
حاتم:بالشفاء ان شاء الله ، بسيطه هذي ولا غيرها
انتصار:الحمدلله
كلثوم:ها صارلهم من التفريش بكره عيت عمك
حاتم :اها بكره جايين للحوش غادي ، من بيعدي منكم
منيره:مش كاين الجمعه المفروض
كلثوم:بعدها ماصارش قالو علياء مرات سليم (ولد عمتهم (بتحضره وكانت مسافره
موده:بنمشي انا
نجيه:يمشن تهاني ومنى بلا بناتها وموده ووجدان ومنيره كان بتعدي وريهام
انتصار:ونا كني مانمشي
نجيه:نا قلت مستحيل تقول بنمشي ،والمسكينه الي راقده جوا هذي لمن بتخليها
مرام:نا مش ماشيه عمران مانقدرش انسيبه
منى:انخليلك البنات
كلثوم:بكره تنوضن بدري تعدن للحوش تبرمن عليه برمه اخيره وخوذن معاكن حاجات تقدموهن غادي الحلويات والحاجات هذن
حاتم:المهم قولولنا امتى بيش انقول لخوتي يجو بالسيارات يعني يفضو ارواحهم
كلثوم:انشاالله
حاتم :نا بنمشي بايت غادي توا
كلثوم:من برا
حاتم:باتي راقد ومنعم يلعب في سوني
كلثوم:باهي سوق بابشويه فكني من للجري عقاب الليل
نجيه:اييي هما حشيشتهم الجري انخمم ع المنجوه مروان في هالليل طلع ويستر الله
كلثوم:مؤيد روح
نجيه:اها من بدري
حاتم:ماتبو مني شي
كلثوم:سلامتك
طلع حاتم وقعدن الباقيات يهدرزن
عند مروان واصحابه في السياره
مروان:اسمع حط الدسكه هذي
سعيد:تي كنه هضا يضيق علينا الطريق واسعه
مصطفى:تي غادي غادي الزح
مروان:فوته يارا مكسد هضا
مصطفى:تي شكله مش واعي هضا
مروان:راجل يحساب روحه
مصطفى:تي بندرس ننزله انا
سعيد:يارا فوته
مصطفى:تي وحق الله البلاد هذي تبي تنظيف بتايد
مروان:قالك ينعن بوهم بكل ، فاهمين الحريه بالحول
مصطفى:نباتو عندك ولا عندي
مروان:عند سعيد
مصطفى:وكنه عندي ماينقعدش ولا شنو
مروان:تي يارا امك بروحها تعبناها كل شويه بايتين عندكم
سعيد:تي هيا يارا عندي البيته اليوم
مصطفى:باهب خلاص كنكم اتدفو انتم
سعيد:تكي ع المحل بناخد حاجان
مصطفى:بسرعه ماتعشش جوا
سعيد:باهي درس بس
نزل سعيد شرا حاجته بعدها عدو لحوشه يباتو عنده ، في الوقت هضا كانن الصبايا عند كلثوم بايتات كلهن الا تهاني وعيالها طبعا ماتحبش تبات برا حوشها
سهرو كلهم هدرزه والبنات يهدرزن مع الحب ع النت ومع الصبايا وقصص ومغامرات منيره وكلثوم ايام الطفوله وضحك وشاهي وحلويات عقاب الليل ، لين انعسن بالوحده خشت فراشها ، الا ريماس الي كتبت ع روحها التعب بسبا افعال امها ، بس قررت انها تعرف امها ع شن ناويه بالضبط ، وانها تصبي وماتنكدش ع خواتها وخوها العريس ، رغم انها مش كبيره واجد بس الصدمه خلتها توعى وتعرف ان الصدمه مش في امها بس وان الصدمه الاكبر في ريهام الي مع الايام حتعرفو الكارثه الي حتديرها في انسانه مفروض تكونلها اقرب من روحها ، بس حقدها عليها وع خوها خلاها تبي تنتقم بطريقه مستحيل تخطر ع بال حد
تاني يوم
ناضن كلهن لمن حوسة الحوش وخشت نجيه دارت الغدا ،بعد كملن حوستهن وبعد تغدن ، لبسن وقعدن يرجن في السيارات يجو بيش يمشو لحوش حاتم
مروان:ها واتيات
منى نرجو فيكم من بدري
مروان:منى وموده ووجدان اركبن معايا وفكنني، وتهاني ودنيا وريهام مع منعم ، من اخرى بيمشي
موده:خلاص بس
وجدان:خالتي ماصارلهش ؟
منى:قالت خالتك اسماء بتتكي تاخذها
مروان:خلاص هيا اطلعن
موده:باهي كلم حد يشيل معاك الحاجات هذينا بناخذوهن معانا
مروان :مصطفى ،، سليمان
مصطفى:انعم
مروان:تعال شيل هذينا
مصطفى:مدهن
سليمان:هات
منى:افطن الحفاضات هذينا حلويات را يتكسرن
مروان:في سيارة سعيد اها
مصطفى:ها في حاجه اخرى
مروان:اها هاك
كان مصطفى يشيل ويكسر في عينه ع موده الي لابسه ووترجى بيش تطلع ، اما موده فكانت عيونها قلوب وتتبسم وخلاص
مروان:فكيني من مضغ المستكه انتي
ريهام:وووو عليك عقده
مروان:سكري فمك ماتنكدش ع روحك را توا نحلف عليك ماك ماشيتيها
ريهام😒
مروان:ها منعم يطلعن
منعم:تي اها هيا فيش ترجى
مروان:هيا اطلعن عيونكن لوطه رجاله برا
طلعن ركبن السيارات ، وسيارة سعيد كاين راكب فيها مصطفى و سعيد يسوق وسليمان ولد عم موده
وعدو شوره حوش حاتم
منى:غيرلنا الدسكه هذي مغرقي في عرس ياطياح السعد
مروان:افتحي الدرج دسكة السوكني مديها ليا
منى:هذي
مروان:اها هاتي
موده :عليهمروان:انحبك موووت يشهد عليا ربي ، عليك انموت ياكبيدتي ياحبي
موده:قتلك علي السوكني مش انت
وجدان:صفقن ، لولولوليي
منى:بيب تي كنك انت
موده:انحبك موووت يشهد عليا ربي وعليك انموت ياكبيدتي ياحبي ، حي حي حي لولولولوليييي
وجدان:غيرها هذي
موده:حطلنا ياحبها
مروان:ياحبهاااا ياحبها ، ياحبها فيك حاجه انحبها
موده :حي حي لولولوليييي
تبييب وحرق عجل ومسجل يلعلع وهن مهيجات ويغنن وزغاريت ،وحتى سيارة منعم نفس الجو بس ع دسكة علي العريبي ،وع الحال هضا لين وصلو للحوش وبدن يواسن فيه ويوتن للعزومه متاع الصبايا الي بيجن يفرشن ، وبكرا انكمللكم احداث عرس حاتم😂😍