رواية (#عائلتي_ولكن)
"32"
التمن البنات مع بعضهن ، هدرزه وقرمه والي هذي تحكي ع موضوع
قعمزن الصبايا يزلطن في الحمص وشويه وصبت نجيه
نجيه:بنعدي لناجيه شويه انا متصله زعلانه قالتلي ماعندي حد وماعندش حد غيرك وانتي مسيبتيني
اسماء:لا صح حرام عديلها وصبي معاها نحنا واجدين
مرام:ارجي نلبس وانجي معاك
نجيه:ماهو ولدك حراره انتي
مرام:نمشي معاكونحنا مروحين كان مزال حراره انتكو انعاينوه
نجيه:باهي هيا
موده:وين ماشيات
مرام:لخالتي ناجيه بتمشي؟
موده:لا لا عدن انتن
اميره:خلاص انلم الفناجين
وجدان:خليك توا انلمهن
اميره :فكيني من الاستعباط
رنده:اسمعي مدامك صبيتي جيبيلي معاك اميه
وجدان:بلكي اتجي اترقدك
رنده:اسكتي انتي دخلكش
منيره(اخت كلثوم الكبيره) :خير عليكن
رنده:اخويله خيرات
كلثوم:مرحب مرحب انستي
نجيه:يناعلي اللمه اتسهف غير الله غالب
انتصار:امشيلها بكره الصبح باهي
نجيه:خير يامنيره كيف حالك كيف حال البنات
منيره:الحمدلله بخير ، نا جيت وانتي طالعه
نجيه:والله ماشيه لهل العروس
منيره:اختك عاد انكان ماصبيتيلها من بيصبيلها
نجيه:ايوا ياحنه ، باهي هي بالسلامه توا
موده:امي امي
نجيه:تي ها
موده:من بيشيلك
نجيه:منعم برا توا انقوله يشيلني
موده:امتى جا
نجيه:توا جا
موده:سلمي
نجيه:يوصل ، هيا يامرام
طلعن نجيه ومرام ، والبنات خشن الكوجينه الي تدير في القهوه لمنيره ، والي تصب في العصير للباقيات والي مقعمزه ع المرماره تصمط والي تهدرز وتنقل في اغاني وهكذا
خليني انعرفكم ع منيره (منيره اخت كلثوم الكبيره راجلها متوفي ، عندها 5بنات كلهن متزوجات وحده بس عايشه في بنغازي، و 3منهن عايشات برا بنغازي واخدينهن عيت عمهم من العجيلات، ووحده عايشه في الصين ع شغل راجلها ، وعيل واحد يقرأ في موريتانيا ملتزم ويحضر في دراسات اسلاميه)
انردو لقصتنا ..
عند البنات في المطبخ ...
اميره:رنده جيبيلنا الدربوكه اشويه
وجدان:رنده الباب يدق
موده:رنده رنده شوفي هضا
رنده:ينعن ساعة رنده الزح كنكن انتن
ملاك:وجدان:عادي انا وريماس انجيبو المنظومه هنا انديرو جو
موده:صح هيا تعالن انجيبوها
ريهام:تي الي ع الباب حد فتحله
وجدان:لا افتحي
ريهام:من
تهاني:افتحي
ريهام:خيرات
تهاني:وين راقدين ولا شنو
ريهام:يتعازمن ع فتحة الباب
دانا:ماما
تهاني:امجد حول كبوطك وطلع كويشك برا
دانا:ياماما
تهاني:ها ياهمي
دانا:نتحشم انخش
تهاني:من امتى هالخبر ، خشي ماتدرهيليش كبدي،، السلام عليكم
كلثوم:مرحبتين تعالي
موده:جوده شنجو ياطرف
رنده:وين ع الجل والحركات
دنياوشوشت ريماس:من هذينا
ريماس:تعرفيهنش ، هذينا ملاك واميره بنات اعميمه اسماء
اميره:تعالي سلمي باهي وتوا انقولك انا من
ريهام:كنها المنظومه واطيه
موده:ارجي في خيط مش عالقتيه ، ايوا
ريهام:وووه وذني وطي شويه
موده:تهبل الاغنيه هذي خليها ترقص بكل،،بكلمة حب من حرفين وفيها معاني بالدنيا
رنده:صبن ارقصن هيا ،دانس دانس ياجماعه
اميره :وحق الله مفيكات ،
موده:لمسني هواك بنظرة عين ،لقيتني باغيب عن الدنيا ، انا البي بيتكلم ،داانا البي خلاص سلم ،وبان الحب في عينيا
كلهن ينطن ويرقصن:نفسي اقولهالك اقولهالك ، حبيبي وانا قدامي عينيك
وجدان:حي حي ، ايوااا
كلثوم:حقي الهبال الي في المطبخ باللهي
منيره:خليهن ياخيا هضا سنهن ، نسيتي زمان شن انديرو
انتصار:ايام الدرابيك ، مانعرفو هالوجيج بكل
تهاني:لا معش نقدر بنصبي نرقص معاهن انا
اسماء:صبي صبي
موده:حي تهاني واعميمه اسماء يرقصن برا
رنده:علي وهيا نطلعو معاهن هههه
طلعن يجارن في الصاله ودارن هبال مايندار ، رقص وعياط وضحك لين اتعبن
وجدان:يناعلي كرعيه من التنطيط خلاص
موده:هههههههه عليك عباطه درناها
كلثوم:هيا حناتي جيبن العداله ، حطنها لمنيره
منيره:هي جيبنها
اميره:صبي يارنده انحطوها
صبن رنده وموده واميره يحطن ف العداله
اميره حي الاغنيه هذي تهبل ، علي علي
تمت اميره ترقص في وسط المطبخ ، والاخرات يوتن
وجدان:حي ع الي ترقص من جدها هذي
طبعا واميره ترقص في المطبخ جا منعم من باب المطبخ
منعم:رنده
رنده:ماتخشش ارجى
اميره:يناعلي عليك فضايح حقني وانا نرقص
رنده:تي بطلي رعيش ماحقكش
اميره:ارجي بنطلع
رنده:خش تعال
منعم:من الي كانت هنا
رنده:اميره بنت خالتي اسماء
منعم:اممم باهي في قهوه
رنده:في اها انسخنها ولا انديرلك جديده
منعم:لا ديريلي جديده فكيني من الملقلقه
اسماء:هاكي يااميره كبي هضا ولمي خلاص كملنا
وجدان:خليك توا انصبي
اميره:طروحك رايحه كاثره افطني اهت
كلثوم:يعطيكم الصحه
منيره:سلمك ربي يكمل علينا بالخير
موده خشت للمطبخ:اخي العزيز
منعم:اهلا ياطشه شنجك
موده:تمام ، شنجك انت
منعم:ميه ميه
اميره:السلام عليكم ، خير يامنعم كيف حالك
منعم:خير اميره شنجوك
اميره:الحمدلله
ملاك:منعم شنجوك
منعم:خير خير ، صاحبتي شنجوك
ريماس:منعم خاطري في شوكلاطه
منعم:ماخاطركش في كف
حاتم:احححم ياعرب
موده:خش
حاتم:ماشالله ع اللمه ، كيف حالكم
اميره:خير حاتم مبروك عليك انشالله بسلامتك
حاتم:سلمك عقبالك
منعم:موده مروان ماكلمكمش؟؟
موده:لا ماشفتش بكل اليوم ، عليش كنه
منعم:مصطفى كلمني قالي ماشفتش اليوم بكل
وجدان:بلكي عند باتي في المحل
حاتم:اها توا كنت عند باتي قاعد غادي هو ومؤيد
منعم:وكنك ماتدوي الزح
حاتم:تي كنت نسمسم في الميه كنك
رنده:شقتك تمام وتيتها ؟؟
حاتم:ياعالم ياهو حووووش مش شقه تي كنكم انتم
رنده:الي هو المهم اموره تمام
حاتم:لا تمام وامورها مستفه
موده:انت شلت امي ومرام
منعم:اها شلتهم ، حامد شفته خذا مني رقم مصطفى صاحب مروان،و قالي بيجي بعدين بس توا عنده مشوار
حاتم:وعليش شن يبي في مصطفى
منعم :وين نندري عليه
حاتم باهي وعليش جاي
منعم: بلكي بيكسد معانا
موده قعدت توتي في الكعك للشاهي ومصدومه من حامد ، خذا رقم مصطفى معناها حيزره صح
ريهام:مودده
موده:ها
ريهام:فونك
موده:هي جايه
خشت موده لدار خواتها ، لقت مصطفى الي يرن
مصطفى:قليبي جيابة المشاكل
موده:خزي عليك
مصطفى:حامد جايني توا
موده:حي عليا توا منعم قال شفت حامد وخذا مني رقمك
مصطفى:خذاه منك انتي 😳
موده:حبيبي فكني من الغباء ، خذاه مني كيف يعني ، خذاه من منعم
مصطفى:اهااا يستر الله ، المهم توا انقوله كيف مااتفقنا
موده:المهم رد بالك ع روحك ، لأنك رايح كيف المغناطيس للمشاكل
مصطفى:هههه كان انا مغناطيس معناها انتي بوصلة المشاكل متاعي
موده:ههههههه قويه بس بارده
مصطفى:تي ينعن بو المشاكل ، فداك روحي
موده:اححمممم باهي عدي اعزق روحك قدام اول سياره
مصطفى:في عينك، انموت بعدها بتنفعيني
موده :هههههه مش توا كانت روحي فداك
مصطفى:وانتي ماصدقتي عاد
موده:تؤبرني وخلاص
مصطفى:باهي يابنت عمي وجك هلأ
موده:هههههههه سوري بنغازي هضا ولا شنو
مصطفى:تي وجك جديات ، الكبوه جت
موده:قصدك حامد😱
مصطفى:تي اها هو نزل من السياره ، سلام توا
حامد:السلام عليكم
مصطفى سكر ع موده :وعليكم السلام تفضل
حامد:شنجوك بوفا
مصطفى:الحمدلله تمام ، انت كيف حالك
حامد:ميه ميه والله ، وين الشباب امالا
مصطفى:مروان مع باته ف المحل ،وسعيد مسك معايا في الصبح وتوا روح واخد برد واكلها
حامد:اها لاباس عليه ، بنخش في الموضوع دغري
مصطفى:خير انشالله
حامد:انت عندك شفره بايعها لحد
مصطفى يستعبط:شفره، لا بس عندي وحده عاطيها لبنت عمي ، بس كم الرقم بيش نتأكد
حامد:هو الرقم ، ارجى انطلعه لك
مصطفى:انعم هضا رقمي بس عند بنت عمي له فتره
حامد:امممم باهي المهم افطنلها بنت عمك ، ومعش تخليها ترن عليا
مصطفى:كيف كيف ؟ترن عليك
حامد:اها ، ومانيش قايلك اكثر من هكي ، انا جيتك لأن الشفره لما شفتها طلعتلي باسمك وجيت نتأكد منك
مصطفى باستعباط كاين يدوي ويمشي في حامد المسكين الي داير روحه بيلعب ع مصطفى ومايندرش انه قاعد يمشي فيه
مصطفى:المهم سامحنا وتوا انا نصرف ، بس بنفهم من وين جابت رقمك
حامد:اها ،، لا مش عارف من وين شوفها انت واسألها
مصطفى:لا توا نمشي ندوي لخوتها يصرفو
حامد:لالالالا ياراجل ماتوصلهش لهكي ، حرام استر ع البنت ف النهايه بنت عمك
مصطفى تمى ماسكته الضحكه ع حامد الي بيستر ع البنت الي ماليهش وجود اصلا
مصطفى:لا هضا موضوع كبير ماينسكتش عليه ، توا انوريها
حامد:تي انا جيت نتأكد بس ، فكني من المشاكل للبنت ، حرام عليك فوتها وكان رنت اخرى نوعدك انجيك بيش تصرف
مصطفى:خلاص عشانك بس حنمشيها المره هذي
حامد:سامحني خذيت من وقتك ودرتلك قلق
مصطفى:لا ياراجل معقوله
حامد:هي نستأذنك توا
مصطفى:خليك ياراجل
حامد:بنعدي لعيت عمي والله
مصطفى:كل شي ع البركه ياسي
مروان:سلام شباب ، اووو بو حميد قاعد هنا
حامد:خير ، وينك مغطس
مروان:والي عنده عمك هضا يفضى
حامد:ربي يساعد
مصطفى:خير ياطيري
مروان:وين سعيد السعيد
مصطفى:واكلها برد وخنانات وحاله
مروان:حامد بس ماقتليششن جيبك هنا
حامد فنص في مصطفى:لا جيت بنشوف الاحذيه بلكي نلقى كويش
مصطفى:يشرط ولد عمك ماعجبه شي
حامد:لا مانبيش النوعيه هذي ، اسمع بنمشي لحوشكم توا
مروان:ارجى اشويه انسكرو وانجو معاك
حامد:لا بنسبقكم انا
مروان:باهي تم ياطيري ، نتلاقو ف الحوش
سلم حامد وطلع
مروان:ماخشتش راسي قصة الكويش
مصطفى:لا جديات قالي خطمت من هنا تكيت نشوف الكويشات
مروان:اها باهي تمام ، ماتبيش اتسكر انت
مصطفى:هيا لم معايا
في حوش كلثوم ...
كانو الشباب برا ، والصبايا يهدرزن في الصاله ، والبنات مقعمزات ف المطبخ ، وجدان اتدير في العشا والاخرات يهدرزن
ريماس:اميره شن لون قفطانك
اميره:مفاجأه
رنده:راك تحسابي روحك العروس ونحنا مانندروش ، قولي بلا براده
اميره:حيوانه:لونه اسود ، وانتن
ريماس:انا احمر
ملاك:انا بودري
ريهام:نفسي حتى نا بودري
موده:مافيشي لون
اميره:ههههه كيف يعني
موده:لونه غريب نعرفش شنو
وجدان:نظام تحسيه مش عارف كيف
اميره:هههههه ايوا
رنده وشوشت موده:انتي كنك وجك هكي
موده:حامد عند مصطفى
رنده:ياناعلي بطني مسكتني ، تدوي جد انتي
موده:وحق الله امبدري كلمني قالها ليا
رنده:وجعلنا من بين ايديهم سدا
وجدان:شن في ماتقوليش هكي الا وفي فالطه
موده:بعدين بعدين
اسماء:بنات هيا باتكن جا
كلثوم:والله كان قعدتن العشا ع النار
منيره:خودوني معاكم
كلثوم:خليك انتي بتروحي شن اتديري توا
منيره:عندي دبش بنغسله وبكرا دزيلي واحد من الشباب ياخذني انجي انقيم عندك
كلثوم:مرحبتين بيك
انتصار:ياخيتي القفاطين هذن دورت عليهن مالقيتهن ، قماشته رطبه في الحوسه سمح
اسماء:والله خديته من شارع الخطوط ، في منهن عرم
انتصار:توا نمشيله ، محل شني
اسماء :والله ماندكره ، توا انروح انشوف الكيس وانقولك
انتصار:باهي الله يربحك
اميره:هيا بابا يرن
اسماء:هيا تصبحو ع خير
طلعن خوات كلثوم ، وكملو حوستهم للعرس ووتو كل شي مزال ع حوسة العرس بس
شويه وجا محمود
كلثوم:خش ياحاج مافي حد
محمود:السلام عليكم
تهاني:مرحبتين
مرام:السلام عليكم
ريماس:مرام عطيني عمران
مرام:هاكي راك اتطيحيه ، اشمريه كويس
موده:ماروحتش امي ياباتي
محمود:امك ماهيش مروحه
موده:عليش
محمود:جيبيلي اميه وبطلي اسئله
موده خشت للمطبخ نادت ع مرام
مرام:نعم
موده:كنها امي
مرام:عند عيت مؤيد
موده:كنهم شن في
مرام:ماتقولي لحد ، بيسكرو ع الموضوع لين يكمل العرس
موده:شن في
رنده:وطيتي ع الطبيخه
موده:لا تعالي شوفيها ، شن في ادوي
مرام:مافي شي خلاص
قعدت موده تسحن بتعرف كنهم عيت مؤيد وليش امها عندهم ، وليش باتها راقيله
مروان:خيرات
محمود:هلا بولدي الراجل ، الي شرفني قدام الناس
مروان:انا 😳
وجدان:ههههههه وحق ربي ماوجه كلام كيف هضا ، ريتو كيف مصدوم
مروان:تي برمت في دبشي انا ، باتي انت قصدك عليا جديات ولا تشفط ، بلكي واحد من خوتي كارس
محمود:لا عليك انت ، رايح يدي بيده في كل شي وبادي يتعلم اصول التجاره صح ، كان قعدت ع الحال هضا وحق الله وعد مني انديرلك محل بروحك
كلهم:اووووووو
مروان:تي لا ارجو انا شن بيفشني توا بعد هالنفخه ، تي نسيت شن جاي نبي ، اها جواعه را
رنده:هيا قاعده انحط في العشا
محمود:شن العشاء
وجدان:درت دشيشه
محمود:باهي تمام ، تهاني وين البنات وامجد
تهاني:البنات ارقدن ، تعبانات من المدرسه مالحقنش يرقدن ، وامجد بره كالعاده مع منعم حويا الكبير
محمود:بعدك منعم ماعندش روح معاه
تهاني:اها بكل ديمه معاه
كلثوم:سلمهم ياربي
انتصار:هاياحاج شن صار ف الحوش
محمود:بعد العرس ان شاء الله تسكنو
انتصار:باهي الحمدلله قريب
مرام:عمران قعمز هنا
انتصار:امك بايته عند عيت عبد الحليم ؟
مرام:اها بايته غادي
محمود تنهد بالقوه وسكت
كلثوم:كنك ياحاج شن في
محمود:مافي شي
شويه ومروان خش لموده ورنده وهن يوتن في العشا
مروان:اسمعي اليوم باتي هنا ، هيا امشي معايا جيبي دبش الي تبيه
موده وشوشت مروان :وراس مروان اتقوللي شن في
مروان:مرام ماحكتلكش ؟؟
موده:قالتلي مانبوش ندوو لين بعد العرس ، بعدها خشت رنده اسكتت
مروان:ماهي رنده قاعده
موده:ماتسمعش فينا
مروان:مؤيد ......
تقييمكم