رواية (#عائلتي_ولكن)
"21"
تمت رنده متنحه في المسج لين خافت ، معش عرفت شن اتدير ترد عليه بمسج ولا تفوته ولا شن اتدير
موده:تي هي انتي هيا الشاهي
رنده :تي باهي كنك
موده:بالشويه شن قتلك انا
رنده:موده فوتيني توا
موده:باهي تمام ، طالعه ومسيبتك بكل
تهاني:كنكن اسمالله
موده:خليها بجوها
طلعت موده وسيبت رنده اتجيب في الشاهي ، شويه وحطن الشاهي وقعمزن يهدرزن
ساعه ورا ساعه لين روحن الصبايا وقعدن الضراير وعيالهن بس
منى:هيا يابنات باتكن يراجي
كلثوم:خليك مزال
منى:لا والله رافع في السياره يرجى
مرام:اسمعي روحووني معاكم عبدالسلام قالي مايقدرش يجي
منى:باهي صبي هيا البسي بسرعه
كلثوم:اسمعن ماتغيبنش عاد بنبدو انوتو للعرس
منى:عرس خويا هضا معقوله تعزمينا
كلثوم:قلت بلكي تبن عزومه ههه
وجدان:قلتي لميسون
كلثوم:اها وهي طالعه دويتلها
نجيه:تي خوهم هضا يجو بلا عزايم
موده:دونه وريني الدبله ماشفتهش كويس امبدري
وجدان:هاكيها
نجيه:ماتحوليهش من يدك فال مش كويس
موده:ماما بدت عاد في العاهات والتقاليد
نجيه:تحشمي
تهاني :شن بتديرو الاسبوع الجاي
كلثوم:بنبدا في الحمص واللوز
ريماس:ريهام تليفونك يرن
ريهام:هاتيه باهي
ريماس:ماما هذي
ريهام:عدي برا ردي عليها هرجه هنا توا انجي
طلعت ريماس ردت ع انتصار ولحقتها ريهام
ريهام:هاتي
ريماس:ماما هاكي روما معاك
ريهام:ايوا ياماما
انتصار:خير ياماما كيف حالك
ريهام:الحمدلله ، شنجوك انتي ، والله مكانك باين
انتصار:قالوها هما
ريهام:لا والله قهروني ماحد دورك بكل
انتصار:اها باه ، ساهل ساهل
ريهام:وحق ربي تعبنا ياماما
انتصار:هن يومين انكان ماخليت باتك ايجي ايردني مانبقى نا انتصار
ريهام:ان شالله يااماما والله الجو بلاك اعي
انتصار:روحو الي عندكم ولالا
ريهام :مزال خواتي توا مروحات
انتصار:شنجو الدفع
ريهام:دفعو ولبسوها دبلتها تهبل خساره فيها وجابولها قفطان وحاجات اتهبل بكل
انتصار:عقبالك ياامي
ريهام:بعيد السو
انتصار:هابا منك انتي ،خلاص سكري توا ، وبعد تفضى الدنيا عندك رني عليا
ريهام:باهي سلام توا
ريماس:كنها
ريهام:شي تسأل
ريماس:نعسانه انا
ريهام:خشي غيري دبشك وارقدي
ريماس:توتتي امسخه ماعندش حاجه نلبسها
ريهام:خودي توتتي امنشره برا
ريماس:وانتي
ريهام:توا نلبس توتتي متاع امس
نجيه:تبن حاجه يابنات
ريماس:يااعميمه ماعندنش دبش
ريهام فنصت في ريماس ونغزتها
نجيه:حاضر ، بكرا توا نطلعو وتشرن الي تبنه
ريهام:لالا يااعميمه توا ماما اتجيبلنا
نجيه:غير بطلي طروح ، مودده
موده:نعم
نجيه:بنروح انا انلم حوسة الحوش مكان الرجاله
موده:باهي تمام ، انا توا انكمل مع خواتي هنا وانجي
كلثوم:كنك يانجيه خليك
نجيه:لا ياحنه تلقي الحوش حايس مكان الرجاله
كلثوم:باهي ياحنه
تهاني :هيا نطلعو مع بعضنا ، هيا يابنات ،امجد وين
دانا:برا مع خوتي
تهاني:كلميه هيا وراكم واجب
كلثوم:خليكم
تهاني:لا هضاك هو ، بكرا توا انمر عليكم قبل مانمشي لهلي
كلثوم:باهي مرحبتين
نجيه:هيا تصبحو ع خير ، ومبروك عليك يادونه
وجدان:عقبال وده ومروان انشالله
تهاني:هيا بالسلامه توا ، انشالله ديمه عامرومبروك عليك ياوجدان
كلثوم:بالسلامه عطيكن الصحه
طلعن نجيه وتهاني ورست ع البنات وكلثوم ، والشباب برا
ريهام:شن معنى عيال تهاني يعني يقرو
وجدان:لأنهم صغار
ريهام:بس المفروض حتى هن ايبطلهن
رنده:نحنا بسباك وقفنا قرايه ومزلتي تقاوحي اخرى
كلثوم:اسمعي انتي وياها اقسم بالله نسمع هرجه انضبح لباتكن ، صبن ع الحوش هيا
وجدان:خلاص هيا موده ورنده شوركن المطبخ وانا وريهام الحوش ، وريماس خشي ع الحمام
رنده:هيا ياموده
خشن كل وحده ع حوستها
رنده:اسفه
موده:عليش
رنده:امبدري انفصلت عليك
موده:اها خطرها عليش يابقره قهرتيني
رنده:ارجي انوريك حاجه
جابت رنده فونها وورت لموده المسج
موده:هضا واحد من الي كانو هنا امبدري
رنده:عارفه مانبيلهش فقاهه يعني بس من يعني
موده:دزيله مسج
رنده:لا انخاف
موده:انموت ونعرف من
رنده:توا مصيرنا نعرفو
موده:حي حقيتي قفطان عليا امبدري ياناعلي يهبل
رنده:بس تزعم الكبد ياارض انهدي ماحد قدي ، كان ع الدبش حتى نحنا نلبسو
موده:خوات عماد دبشهن يزعم الكبد
رنده:اها ايحشم ، خوفي تسمعنا وجدان
موده:بس والله كويسات
رنده:مزلنا ما رينا شي
موده:امتى بتمشو لشقة حاتم
رنده:ماما قالت الاحد
موده:بنمشي معاكن را
رنده:امالا ع من عابيات نحنا
موده:امسحي الغاز وهاتي انا نغسل
رنده:لا مانحبش نمسحه
موده:خليه والله ماني ماسحته
رنده:ماهو تافهه اصلك عليش تحلفي
كلثوم:متاع وحده فيكن العقد هضا
رنده:لا ماشوري
موده:ارجي شفته ع من امبدري ، اها لابسته خديجه بنت عمتي
كلثوم:شكله ذهب صح
رنده:اها ذهب ، كلميها عليه
كلثوم:توا انكلمها
وجدان:امي هضا امسخ ولا نظيف
كلثوم:لا نظيف علقيه
محمود:كلثوم
كلثوم:خش ياحاج مافي حد
محمود:كيف حالكم
كلثوم:الحمدلاه مبروك عليها
محمود:ان شالله ربي يهنيها
وجدان:خير ياباتي
محمود:خير خير ، مبروك
وجدان : ☺ الله يبارك فيك ، ربي يخليك لنا
محمود:شنجوهم العرب
كلثوم:والله ماشالله عدا يوم سمح وربي يهنينا
محمود:والله الحمدلله حتى عيالي يرفعو الراس قدام العرب ، بالعربي كلهم ويرحبو
كلثوم: 😍هضوما عزوتنا ربي يحفظهم ، مزال في حد برا
محمود:لا الشباب بس
كلثوم:انشالله ديمه عامر بحسك ياغالي
موده ورنده في المطبخ
رنده:حي ع رومانسية امي
موده:هههههههه جو جو تعلمي
رنده:شن فيها من رومانسيه و جو ، حتى خويا انقوله ياغالي عادي
موده:ههههه حقيره وحق ربي
رنده:موده موده حي عليا
موده:كنك
رنده:يرن الرقم
موده:ردي ردي
رنده:باتي
موده:توا انسكر الباب ، ها ردي خليني نسمع معاك
رنده:الو ،، الو ،، الووووو
موده:هاتي هنا ، الو كان تسمع فيا ، شن العباطه هذي الطروح هذينا بطلوهن من زمان را ، تبي حاجه ادوي مش اتدير اطروح المراهقه ومسجات حب وغرام بعدها ترن وماتردش بعدها اتدزلها مسج شكرا ع جرعة الاكسجين ، تطور اشويه طيح سعدك ....
رنده:حي ع امكشن درتي انتي
موده:قهرني الزح
رنده:طيح سعدك عليك جرأه
موده:شن جو الافلام الي يدير فيه هضا يدوي دغري عليش الاستعباط
رنده:هههههههه وحق ربي ماني مستوعبه ، تي شن الي درتيه هضا
موده:ههههههه قهرني الزح
رنده:ارجي دز مسج
موده:اقري اقري شن دز المهزب هضا
رنده:اولا من الشريره الي ردت عليا هذي ، اكيده موده صح
موده:😱😳كذابه ،، لالا تبصري ، حي ع امه من هضا الي يعرفني
رنده:ارجي خليني انكمل المسج
موده: اصدميني اصدميني ، حي ع جدتي وحي
رنده:مانيش قايل انا من ، ماحوتك حصلت رقمك وماحوتك قدرت نوصلك ، لان الشي الثمين ديمه صعب الوصول له ، حتى انا ثمين ومش حنخليك تعرفيني بسهوله ، بس انحبك
موده:عليش الابتسامه الي ع وجك هذي معلش ، افرض هو هتش وقصده بثمين سمين ياهبله يضحك عليك ، وانتي ماده فسختك وتضحكي
رنده:فكيني من الغباء باهي ، تي من هضا
موده:وحق ربي خاطري انجربه بشفرتي بس خايفه
رنده:لا فكينا ، توا نعرفوه
ريماس:كملتن ولا مزال
موده:يابقره دقي قبل فجعتيني
ريماس: اسفه
رنده:شن تبي من وجهنا
ريماس:شي بنشوفكن بس
موده:صبي كويس يارنده خليها اتمقلنا كويس
ريماس:خزي عليكن باهي كنكن هكي انتن
ريماس عيونها رغرغن وطلعت وسيبتهن
رنده:حي زعلت
موده:حرام احرجناها
رنده:تعالي نطلعولها حرام والاه كويسه هي
طلعن رنده وريماس لقنها في دار التليفزيون راقده وتبكي
رنده:موسه كنك زعلتي
ريماس تشهق بعبرتها:والله انا انحبكن بس انتن ماتحبنيش
موده:لا ياحيوانه ماتدويش هكي والله حنبكي
رنده:من قال نحنا مانحبوكش
ريماس:انتن ديمه اتهزبن فيا وتتعاركن معايا
موده:لا حبيبه والله نحنا انحبوك انتي اختنا ياهبله
ريماس:انا والله انحبكن اكثر من ريهام عشان هي ديمه تضرب فيا ولا تهزب فيا ، وحتى انتن تول اتهزبن فيا ، ودانا ودنيا في الصبح يقولنلي خشمك كبير كيف الخنزير ، انا من يحبني باهي
رنده:لا حبيبتي معقوله والله انتي تهبلي
موده اضبطت ريماس وتمت تبكي معاها وجعتها وتاثرت بكلامها بكل وأنبتلها ضميرها
وجدان:كنها
رنده:زعلانه عشان شفطنا عليها
وجدان:كنها الزعاله
موده:لا هي تحبنا ماتزعلش منا صح ياموسه
ريماس:اها
رنده:وين ريهام
وجدان:تدير في حمام
موده:باتي طلع
وجدان:اها عدا لتهاني
رنده:كنه مع تهاني هو
وجدان فنصت فيهن فهمن ان في حاجه مانبيش اتقولها قدام ريماس
موده:خلاص هيا بطلي زعل انتي بايه
ريماس:باه
رنده:صبي ارقدي في السرير في دار خوتي
ريماس:اها نعسانه انا
صبن ريماس عدت للدار
موده:وجدان وجدان كنه باتي
وجدان:ياحنه باتي الايام هذي بيبات عند تهاني في شيخ ايجيها يوميا بعد العشاء
رنده:مسكينه ربي يشفيها حرام والله
موده:انشالله ، اسمعن بن،وح انا ، اشتقت لبوفتي ولسريري
وجدان:اخس ،خليك اليوم
موده:لا جاي العرس وياما جاي من بيات ، خليني انروح
وجدان:جاكتك ورا الباب معلقه
موده:اعميمه بنروح انا
كلثوم:خليك مزال
موده:لا توا انجي بكرا
كلثوم:باهي خودي معاك من الخلوط والحلويات والموالح
موده:باه ، وجدان عطيني اي حاجه دكرى من بتات البيان
رنده:هاكي السونيه هذي خوديها معاك ماكليتيش امبدري
وجدان:هاكي العطر هضا مانحبش بنته مستفزه
موده:هاتي خير من وجك ، بنطلع انشوف خوتي انا وانروح ، ريماس ريهام تبن حاجه
وجدان:ماسمعنش
موده:طرش ، منعم
منعم :خشي تعالي
موده:شنجيكم
منعم:شن السماحه هذي
موده:ياي مرسي
حاتم:صدقت روحها الشفشه
موده:خزي باهي خلي المجامله يعدي عليها دقيقه بس
منعم:وين مروحه امالا
رنده:لا راجلها قاللها هيا ، عليك سؤال غبي
موده:هههخخخ والله صح ،للحوش امالا وين بنمشي يعني
حاتم:حلي يارا انتي وياها
موده:تصبحو ع خير
طلعت موده روحت للحوش لقت امها ضامه ومبخره
نجيه:كملتو حوسه
موده:اها كملنا
نجيه:شنو هضا
موده:هضا عطر من بتات وجدتن ،وهذي حاجه البيان قالتلي ماكليتيش كويس امبدري
نجيه:باهي ارجي خوك عطيه منهن
موده:وينه هو
نجيه:كاين هما توا جاه صاحبه طلع معاه يجري انظر وين عدو توا في هالليل
موده:انا جيعانه توا انعقبله حصته ع الكومدينه متاعه
نجيه :المهم عقبيله
موده:تبي انتي
نجيه:لالا صحه
خشت موده خدت حصة مروان وعدت لدار مروان بتحطها له ع الكومدينه، لقاته مسيب اللاب متاعه مفتوح ع ايميله
طبعا اافضول بدا يشتغل عندها ، كان خاطرها تقصقص عليه ، شويه قعمزت وبدت تقصقص خشت ع المسجات وحي ع كمية البنات الي مراسلهن وكلهن ياحبي وياعمري لين قرفت منه ، وهي تصفح لقت محادثه مع مصطفى فتحتها واخر مسجات بيناتهم كانن من اسبوع وهن
مروان:تي باهي وشن بتشريلها
مصطفى:مش عارف بعد انعدي للمغرب ساهل
مروان:امتى ماشي انت
مصطفى:بلكي بعد اسبوعين
طبعا موده فرحت ع اساس الكلام شورها وفي عقلها تقول نجيه ليا مذكرني حتى في عيد الحب، بس كانت الصدمه لما كملت المحادثه
مروان :ايوا ماشيه معاك من قدك بتعدي تهيج عند الكبيده
مصطفى:تي ملاك هذي مش غير انهيج معاها ....
وهنا كانت صدمتها في مصطفى الي ماتوقعتهش بكل وبكرا انكمللكن شن حيصير
......