بين الليل والحال هبت الذكرى

الخامس والثلاثون

(الحمدلله)
شاف مكانهم فاضي وضحك بسخريه من فهم نيتهم ، مشى يشيل الاغراض وطاحت زمزمية القهوه وصرخ بقهر وعصبيه
طلعت على صوت شي يتكسر وتوجهت له
رفعت يدينها تحاوط وجهه وقالت:صار فيك شي؟
ناظرها وهو يقول:انكسرت
أبتسمت بهدوء تطمنه وقالت:عادي ماصار شي تعال اجلس
هز راسه بالنفي وقال:بجمعهم
مسكت يده وقالت:انا بجمعهم روح اجلس
مشى يتركها وراه تجمع اللي تكسرو
لفت عليه تشوفه سرحان ومشت له
وقالت:تفكر فيهم صح؟
هز راسه بالنفي وقال:اجلسي
جلست جنبه وقال:تدرين انهم جايين هنا بس عشان نتهاوش انا وانتي؟
سكتت تناظره وكمل:من سمعو اصواتنا أعتلت طلعو من البيت ، يعني صار الشي اللي هم يبغونه
لمعت عيونها وهي تناظره وكمل:وأنا آسف
رفعت يدها على خده وقالت:ماسويت شي عشان تعتذر ، هم اللي بيعتذرون
سكت يناظرها وكملت:وأنا آسفه لاني غلطت عليك
رفع يده يلعب بخصل شعرها وقال بهمس:
حلوه
أرتبكت من كلمته ووقفت بتروح لكنه سحبها وجلسها على فخذه ناظرته وقالت:نييافف
أبتسم يناظرها وقال:عروق قلبي وسمّي
سكتت تناظره ورفع نفسه يقبّل عنقها
أبتعد عنها ينطق بهمس:أرحمّي اللي صابته علّه
رفعت يدينها تحاوط وجهه وتقبّله تعتذر له بهالطريقه
-
بيت أبو ذياب
بعد صلاة المغرب
-
ام وصايف:موافقه يا وصايف؟
وصايف ناظرت ام ذياب اللي تناظرها بحده وقالت ام ذياب:قولي ردتس
غزلان ناظرت وصايف وقالت:اصبرو على البنت طيب
وصايف بهدوء:موافقه
ناظرتها غزلان بصدمه وأبتسمت ام ذياب
ام وصايف:الله يكتب اللي فيه الخير
وصال:انا قلت لنياف يدورلي زوج بس رفض
هديل:وش تبين بالزواج؟
وصال:مدري ياخي نياف تزوج وليف وفيصل تزوج مواليف ووصايف بتتزوج عز وبيان بتتزوج يوسف ووجدان تحب م
قرصتها وجدان وقالت ام يوسف:من تحب؟
وصال:تحبني
ضحكو كلهم وقالت ام فهد:متى بتبدا اجراءات الطلاق ياوجدان؟
وجدان:فيصل ماسك القضيه مدري عنهم
ام وصايف وهي توجه الكلام لوجدان:تراتس من رجعتي ماسلمتي على ابوتس ولاشفتيه
وجدان:شخص صدق كلام الناس فيني واتهمني بشي انا ماسويته مايكون ابوي
ام ذياب:حتى لو تراه ابوتس
وجدان:والله؟توي ادري
بدور:مواليف ماتجي اليوم؟
وجدان:مانبي مواليف ، اشتقت لنياف ووليف وحشوني
ام ذياب:تشوفينهم بكره ان شاء الله
وقفت وجدان وقالت:انا بخرب عليهم
غزلان:وش بتسوين
وجدان:تعالي معاي
مشت معاها غزلان ورفعت وجدان جوالها تتصل على رقم نياف
رد عليها وهو يقول:الجنيه!هلا والله
ضحكت وجدان وقالت:وينكم طولتو علينا
غزلان:تصدق نيافوه وحشتني اول مره اشتاق لك كذا
ضحك نياف وقال:بجيتس بكره ان شاءالله
رُوح:نياف تبي هديه
نياف:بس هديه؟
رُوح:ايوه
-
بيت مواليف الفيصل
-
مواليف:انت حمار ليه تاخذني من بيت خوالي غصب؟
فيصل:انتي اللي جيتي انا ماقلت لتس تعالي غصب
بكت مواليف وهي تقول:حتى لو المفروض تقول روحي معاهم
انصدم فيصل وقال:يابكايه وش سويتت
ضربت مواليف صدره وقالت:كله بسببك كله
ضحك بصدمه وقال:وش سويت قولي
مسكت دموعها بعنف:انقلع عن وجهي ما ابي اشوفك
ضل جالس بمكانه وقالت:انقلع قلت
مارد عليها وهو يفتح جواله وقامت مواليف تسحب شعره وصرخ بصدمه وقال:مواليف اهجديي
ماردت مواليف عليه وهي تسحب شعره وكمل هو:يامواليف وربي لو ماتركتني لاتندمين
وخرت مواليف وقالت:هاه وش بتسوي
وقف فيصل وقال:اوريتس
ركضت وركض وراها وهو يتوعد فيها
مسكها وقال:وربي يامواليف اذا ماتركتني هالحركات لاتتصفقين
ناظرته مواليف وقالت بإبتسامه:تضرب أم ولدك؟
ناظرها مايستوعب كلامها وهمس:ايش؟
ضربت كتفه وقالت:تضرب أم ولدك؟ماهقيتها منك
حاوطت يدينه وجهها وقال:اسألتس بالله يامواليف تقولينها صادقه؟
هزت راسها بمعنى"ايوه"وصرخ يحضنها ويلف فيها وهو يكرر:بينور دنيتي نياف بينور
ضربت راسه وهي تقول:فيصلل نزلني
نزلها فيصل وهو يكرر تقبّيله لـ خدها
أبتسمت تناظره وقالت:حطني جوا بعيونك
ناظرها يبتسم وقال:بقلبي وبعيوني وبدنيتي
رفعت شعرها وهي تقول:ابغاك توديني لبيت خوالي
حاوط خصّرها وهو يقول:مافيه ! بتقعدين معاي اليوم
هزت راسها بالنفي وقال:الا بتجلسين معاي
-
بيت نياف ووليف
-
ناظرته وقالت:نياف ، ليه ماتسجل بمسابقة الخيل؟
ابتسم يناظرها وقال:المسابقة بعد بكره وتبيني اشارك؟ماني متجهز
ابتسمت وقالت:مايحتاج تتجهز انت خيّال وعندك خيلك شارك فيها
رفع كتوفه بعدم المعرفه وقال:مدري ودي وماودي
رفعت حاجبها وقالت:وش اللي يردك عن التسجيل؟
سكت يناظرها وكملت:شارك ، انا واثقه انك بتفوز ، ومعاك سحاب اكيد بتفوز
رفع جواله وقال:بسجل اجل
صفقت بحماس وقالت:وربي وناسه نياف
ضحك يناظرها وكملت:تخيل تفوز ! وربي سعاده
هز راسه وقال:تدرين وش اللي اهم من الفوز؟
عدلت جلستها وقالت:وش؟
رفع يده لشعرها وقال:أنتي ، وليفي ووليف قلبي وحبيبة نبض قلبي وصاحبة أجمل إبتسامه
ميلت رأسها بحُب وقالت:أحُبّكْ
وقف وهو يقول:شرايتس نروح؟
ناظرته بإستغراب وقالت:وين؟
مد يده لها وقال:لبيت أبوي نبي نبشرهم اني شاركت
وقفت معاه بحماس وراحو يلبسون
-
بعد ربع ساعة
-
وجدان:من اللي على الباب ذا مزعج!!!
وليف:وجدانن افتحي
فتحت وجدان وقالت:وش فيه؟ليه جايه؟نياف فيه شي؟انتي فيتس شي؟لايكونن نياف مات
ضربتها وليف وقالت:بسم الله عليه ، جايين نبشركم
تكتفت وجدان وقالت:لايكون حامل؟يمه مسرعكم ، امس عرسكم بشويش بالله
وليف بعصبيه:وجدانننن
ضحكت وجدان وراحت داخل
لفت وليف على نياف اللي منهار ضحك وقالت:وش اللي يضحك انت بعد
حاوط كتفها وقال:لا بس وجدان تضحكني
عدل وقفته من سمع صوت ام ذياب وهي ترحب فيه:حيّ الله حبيبي حيّ الله نياف حياك ادخل يابعد عيوني ادخل
دخل نياف وهو ماسك يد وليف وسلم على ام ذياب وخالاته
غزلان حضنته وقالت:نيافي نيافي نيافي
ابتسم وقال:تشتاقين ياغزلاني تشتاقيين
غزلان:الا قولي وش البشاره ابي اعرف
نياف:ابي اجمعكم كلكم عشان اقولكم
غزلان:فيصل ومواليف هنا
ضحك نياف وقالت وليف:شفيك؟
لف عليها وقال بهمس:قال انه ماراح يجي وشكلها جابته غصب
ضحكت وليف معاه وقالت ام يوسف:وش فيكم
نياف:تعالو للجلسه اللي برا العيال ويبه وعمامي هناك
غزلان:بنلبس عباياتنا ونجي
طلع نياف وراح للجلسه اللي برا
معاذ:حيّ الله حبيبي نيوفي
ابتسم نياف:حيّ الله معاذ
جلس جنب ابو ذياب وقال تركي:وش عندك؟قل
مارد نياف وهو يناظر فيصل وقال فيصل:
ولد ليه تناظرني كذا؟ماسك علي شي؟
ضحك نياف وقال:لا ابد بس اناظرك
سلمان:نياف قم ضمني احسني اشتقت لك
ضحك نياف وهو يوقف يحضن سلمان وقال محمد:سلوم احضنه بقوه واكسر عظامه
شد سلمان على نياف وصرخ نياف بوجع وقال يوسف:سلومم وجعاه وخر عنه انا بحضنه
وخر سلمان عن نياف وتقدم يوسف يحضنه
صرخ نياف للمره الثانيه بآلم وقال ابو ذياب:
اتركو ولدي لايجيه شي
مارد يوسف وهو يشد على نياف
وقف فيصل وهو يسحب نياف من يوسف ويحطه وراه وقال:مهبول انت؟تبي تكسر عظامه؟عاد ذا بليا عظامه تقول عظام عصفور بسرعه تتكسر
ضرب نياف كتفه وقال:وش تقصد؟
لف فيصل عليه وقال:اسكت تقول كناري
ضحك معاذ بصوت عالي وقال نياف:وربي لاتتصفق
صرخ فيصل وهو يركض وركض وراه نياف
فيصل بصوت عالي:جواهررررر ياجواهررررر ، يمهههههه يا أمييي الحقينييييي ، منايرررررر تكفين يامنايرررر تكفينننن
طلعو البنات وامهاتهم وهم مفجوعين
ام يوسف:ولد وش بلاك
ركض فيصل يصير وراها وقال نياف:تعال يارمه تعال
هز فيصل راسه بالنفي وقالت وصال:وش فيكم
رفع نياف ثوبه يربطه على خصره وقال:
بموتك ياولد باسم بموتك
مواليف بطقطقه:موته وخذ حقي منه
لف عليها فيصل بصدمه وقال:وش سويت ياموال
قاطعه الشخص اللي سحبه وصرخ برعب من شاف نياف يسحبه
ضحكو البنات عليه وقال نياف وهو يشد شعر فيصل:مسوي تطقطق؟يانقار الخشب؟
رفع فيصل يده لأذان نياف وصار يسحبهم مثل مانياف يسحب شعره
ام ذياب:ولد انت وياه خلاص عاد
وخر نياف عن فيصل وقال:عشان تتأدب ثاني مره يافيصل
معاذ من وراهم:اخلصنا انت وياه اجلسو
مشو يجلسون وكان نياف يتوعد بـ فيصل
ابو ذياب:اييه يانويف وش الخبر الحلو؟
معاذ بهمس مسموع لـ فهد:لايكون وليف حامل؟مسرعهم امس عرسهم
ضربه فهد بقوه وقال نياف:معاذ لو ماتنطم تراك تتصفق!
قاطعهم صوت عبدالله وهو يقول:وش البشاره يانياف
وقف نياف بينهم وهو يقول:سجلت بمسابقة الخيل والخيّال وجيت ابشركم
وقف فيصل وقال:حيييي عينككككك
محمد:تقولها صادق؟
هز نياف راسه وصرخ معاذ وهو يحضن نياف
صفر يوسف بحماس وقال:جعل الفوز من نصيبك
ابو ذياب:متى المسابقة؟
وليف:بعد بكره الساعه ٢ الظهر
فيصل:بجي معاك نياف
نياف:تعالو كلكم
سلمان:ابشربييي ياولددد سعودد
لف نياف على ام ذياب وقال:أجلي العشاء حقي أنا ووليف و
قاطعه صوت ام يوسف وهي تقول:مافيه تأجيل نحتفل فيك مرتين مره بعرسك ومره بفوزك
غزلان:يسمع منتس ياجواهر
ام ذياب:نامو عندنا انت و وليف اليوم وفيصل ومواليف بعد
لف نياف على وليف وهزت راسها بالنفي  وقال:لايا أمي جينا نبشركم ونرجع بيتنا
غزلان:عشتوا من متى وانت تقول كذا؟
أبتسم نياف وقال:تزوجت ياغزلان تزوجت
فيصل:قبل لاتروح يانياف
نياف:سّم
وقف فيصل يتجه لنياف ويسحب شعره ويركض
نياف بصوت عالي:ولددد باسمم
وقف فيصل بنص الحوش وهو يضحك وقال:تستاهللل ياكناريي
ركض نياف ورا فيصل وصرخ فيصل برعب وصار يركض
لفت ام وصايف على وليف ومواليف وقالت:
متزوجات وراعين انتم؟
مواليف:فيصل بزر مدري الحين اربيه ولا اربي ولده
وليف:والله نيافي احلى بزر بالعالم
ام وصايف:اسكتي بس قال احلى بزر قال
ضحكت وليف وقالت:والله انه احلى بزر
لفو كلهم على صرخة نياف وهو يقول:
مناييير يامنايررررررر
ام ذياب بصوت عالي:اتركه يافيصل اتركه
فيصل:والله ما اتركه ليين يعتذر هالكناريي
نياف:آسف خلاص
-
بيت أم حامد
-
وديان:أحلف؟
حامد:والله
وديان:طيب خلنا نروح لهم تكفى
ورد:وين تبون؟
حامد:مسابقة الخيل بعد بكره
ساره:حلو وديان تحب الخيول خذها هناك
حامد:باخذها
ورد:مايحتاج تشوفها من البيت
ساره:ورد!انتي شدخلك فيهم؟كيفهم
وديان بحماس:حامد تكفى حتى نياف بيشارك فيها ووصتني وصال احضر
ام حامد:نياف؟
وديان:اييه خيّال بسم الله عليه
ورد:أجل بنحضر
ساره بهمس لورد:تراه تزوج اهجدي
ورد:وانتي وش عليك؟
...................
البارت الجاي بيعجبكم تجهزوا
الكاتبه:منيره آل عبدالعزيز💙.