بين الليل والحال هبت الذكرى

البارت الخامس عشر

اليوم الثاني بعد صلاة المغرب
فيصل:يلا نياف جب الباقي
نياف:اصبر باقي شناط البنات
فيصل:يليلل ذولي الشناط ماخلصو للحين
نياف:لاباقي اربع شناط
فيصل:انا بروح والباقي معاك
نياف:يليللل معاي عمتي ذكرى
فيصل:يلا سلام
وطلع فيصل سيارته ومشى وكان معاه (وصال،بيان،بدور،مواليف،ام فهد،ام يوسف،ابو ذياب،يوسف)
ابو ذياب:والباقي يافيصل
فيصل:مع نياف
وصال:ياحظهمممم بيعيشون حياتهم
فيصل:لاوالله ياام خشه انطمي بس
ابو ذياب:خلاص ياولد
عند نياف
نياف:ساعتيينن وانا انتظر تمشون على بيض
وصايف:مسوي انا المستعجل وانت ماخذ سيارة يوسف ومصرفه مع فيصل
نياف:بلبل يلا يمه
ام ذياب:وش بلاك مستعجل
نياف:وراي شغل
وجدان:وش ذا الشغل
نياف:اشغال
وجدان:وشهي طيب نبي نعرف
نياف:وجداننننننن
غزلان:من بقى
نياف:انتم بس غزلان وخاله غدير وعمه ذكرى ويمه مناير ووجدان ووصايف ووليف وغزلان ورُوح وبس ويلا اركبوو
ركبو السياره وكان نياف مسرع بالسياره
ام ذياب:هد السرعه شوي
نياف:متأخر وربي لايلعب بدوني
ام وصايف:وشو لعبه
نياف:ناوين نرقص انا والعيال
ذكرى:وش المناسبه
نياف:بدون مناسبه بنا طاقه وقلنا نرقص
وجدان:شرايك تشغل اغنيه وانت ساكت
نياف:اسمعي ذي
وجدان:يالمخيس غيرها
نياف:مالت بحط في عيد الحب ابكتبلك
وجدان:حطها نشوف ذوقكك
نياف:اسمعي ذا البارت بوضح لك صفه حلوه ترا تعجبني ضحكاتك خصوصاً لاطرت معاها برائه وحب متخبي
وجدان:الله على العشقققققق والحببب
ام ذياب:وشي الاغاني المايعه هذي غيرها
نياف:ابشري وش تبين احط لتس
ام ذياب:حط لو ذبحني ياعوض
نياف:يابعدد حييييييييي ياام جواهر
وجدان:تقمصت اللهجه يعني
نياف:من يحاسب ياعوض خله؟
وصايف:يالله انك ترزقني على ماقد تكلمو ذولي الاثنين
نياف:يالله يارب انك تزوجها واحد ثرثار بمعنى الكلمه عشان تحمد ربها علينا
وصايف:نياففف لاتخليني افضحك واقول لجده
نياف:وش تقولين يعني
وصايف:الدباببببب
نياف:خلاص اسكتييي
وبعدها دق جوال نياف ورد
نياف:هلا معاذي شبغيت
معاذ:بغيتك وين صرتو
نياف:عند لفة الديره ليه
معاذ:جدي قب علينا يقول وين نياف محد يدري وش السالفه
نياف:قربت قربت
فيصل:نياففففففف
نياف:ارحبببب فصفصيييييي
فيصل:تكفى يانياف اصفق غزلان
نياف:ليه وش مسويه
فيصل:تخيل انها ماخذه فروتي وتقول مراح ترجع مدري عنها اتوقع شايفتني نياف اوافق على كل شي
نياف:تتشمت انت يعني
فيصل:لاويييييينن
نياف:انقلع وصلت
وقفل نياف الجوال ونزل من السياره ونزل رُوح وقال:لاحد يجي الاغراض انا بنزلها
ونزلو البنات وشافو العيال تجمعو على نياف
وجدان:وش صاير عندهم
وصال:يقولون ان جدي مسك شي على نياف
غزلان:ليه وش مسوي
وصال:مدري
ودخلو البنات داخل وراح نياف لابو ذياب
نياف:سم ياجدي
ابو ذياب:انت معلق على جدي ذي
نياف:لاانت تدري ابوي ميت مقدر اقول لاحد يبه لان الكل صار يتشمت فيني اني ولد سعود حتى جدي
ابو ذياب:الماضي ماضي يانياف لاتتذكره
نياف:وش الموضوع اللي مسكتني فيه
ابو ذياب:مامن موضوع بس قعدت امزح مع معاذ
نياف:على خير ان شاء الله
ابو ذياب:ماودك تحضني يانويف
نياف:الا ودي بس ذياب اولى فيه
ابو ذياب:وش اللي بينك وبين ذياب
نياف:ولاشي بس كان بيذبحني
ابو ذياب:دواه عندي بس تعال قل لي انت صدق تحب وليف
نياف:مااحب احد بس النصيب جمع بيني وبينها
ابو ذياب قام وحضن نياف ونياف تنهد وبادل جده الحضن وقال:المشكله مقدر اشيل عليك بقلبي
ابو ذياب:بدون ياجدي ذي يانويف
نياف:على ذا الخشم
وبعدها طلع نياف من المشب وراح للعيال وقال:بشغل عرضه جنوبيه من يجي
فيصل:والله اني معاك
شغل نياف العرضه ومسك يد فيصل وبدو يرقصون وشاركهم سلمان ومعاذ ويوسف ودخل معاهم باسم وعبدالله
ابو ذياب:طفوها وشغلو عرضتنا وانت يافيصل جب السيوف
فيصل:ابشر
جاب فيصل السيوف واعطى ابو ذياب سيفه
فيصل:نياف امسك السيف وتقدم مع جدي
نياف ابتسم لفيصل وتقدم مع ابو ذياب وبدا يعرض معاه وكانو البنات يشوفونهم من الشباك وطلعت ام ذياب ووقفت جنب محمد وفهد وقالت:ادخلو معاهم وانسو اللي صار بينكم وبين نياف
فهد:حنا بننسى بس هو
ام ذياب:ماعليكم يلا ادخلو
اخذو السيوف ودخلو  وكان نياف مغطي عليهم برقصه وتمايله مع السيف
وجو عيال ام سعد
سعد:بدوننا ياعمي؟
باسم:كل ذا عشان خاطر نياف
فيصل:جدي عطني السيف برقص مع نياف
اعطاه ابو ذياب السيف وبدا يرقص مع نياف وكان شبه نياف وفيصل واضح والكل يشوفه
سعود:عاشششش ولد سعود وغاليه
نياف:عششتتتتت ياولد سعد وعنود
فيصل ناظر نياف وضربو رجولهم بالارض وقال نياف وهو يحط سيفه على كتفه:وقت هز الكتوف وقف العارضه
وجدان من داخل:نياففففف كملو بنصوركم فيديو
نياف:طفو العرضه خلاص
معاذ:يلا عشان ترقصون بعرسكم
نياف:بعرس فيصل بنرقص قبل عرسي
وجدان:نياف ليهه ابي اصوررر
نياف:خلاص برسله لغزلان وخذيه منها
مواليف وهي تناظر فيصل:لعبه بالعارضه حلو
وليف:يابناتتتت مواليف خقتتتتت على فصفص
وجدان:بتصير زوجته خليها تخق
قاطعهم صوت نياف وهو يقول:غزلانييييييي
غزلان:لبيه ياروحها شتبي
نياف:تعالي بالله عليتس
غزلان قامت وراحت له وقال:هلا باللي لها وسط القلب مقرها يابعد روح روحي انتي
غزلان:سم ياروحي وش بغيت
نياف:بعد صلاة العشاء بنروح بيت جده مها عازمينا اجهزي انتي والبنات
غزلان:تمام
ودخلت غزلان وقالت للبنات وراحو يجهزون
بعد صلاة العشاء بربع ساعه
ام ذياب:يلا يابنات
مواليف:جده البيت قريب روحن انتن وحنا بنلحقكن
ام فهد:بيقعد عندكن نياف
وصال:ليه نياف
ام فهد:عمامه عادي يقدر يتأخر
وطلعو الحريم الكبار وراحو لنياف وقالو له واخذو باقي العيال وتوجهو لبيت ام سعد اللي هو بيت(سعود وغاليه)
جلس نياف على الدرج وجته رُوح تركض
رُوح:نيافييييييييي
نياف:هلا رُوحي
رُوح:البنات خلصو
نياف شالها وقال:وش ذي الحلاوه طالعه حلوه
رُوح:انا وفوفه لابسين نفس اللون
نياف:منهي فوفه
رُوح:وليف
بيان:يلا نياف
نياف لف عليهم واخذ الاغراض اللي معاهم وقال:مدري ليه ضليت عندكن
غزلان:امش امش
نياف:الا صدق تكفون طالبكن
وجدان:وش عندك
نياف:فيه غرفه انا رحت قفلتها قبل لايجون عمامي ومفتاحها مع جده مها جيبوه لي بروح له من الدرج الخلفي
وصال:وشو ذا المفتاح
نياف:مفتاح غرفتي
غزلان:ابشر ويلا خلونا نمشي
ومشى نياف ومشو البنات وراه ووقفه صوت
نادر:ابو غمور
نياف:نادر؟
نادر:يامرحبااا والله يبو غمور
نياف نزل الاغراض وراح حضن نادر:لك وحشه وين مختفي
نادر:مايوحشك غالي والله كنت رايح القصيم وتوي رجعت
نياف:وشخباركك وشخبار امك
نادر:بخيير انت وصل اهلك بعدين تعال
نياف:الساعه وحده وانا عندك
نادر:تم
ورجع نياف للبنات ووصلو بيت ام سعد
سعود طلع يركض:نيافففففف
نياف:وش عندك
سعود:تكفى ياولد العم
نياف:احتزمممم وش عندك
سعود:جده بتصفقني
نياف:احسسسسنننننن
سعود:انقلع يالكلب
نياف:انطم بنات تعالن هنا مدخل الحريم
لحقو البنات نياف ودخل نياف الاغراض المطبخ وطلع بيسلم على ام سعد وشاف وليف وغزلان عند المرايه يعدلون شكلهم وصد على طول وطلع من الباب الخلفي وراح للرجال
فيصل:وين رحت يالورع
نياف:توقع من شفتتتتتتتتتتتت
فيصل:من
نياف:نادر
فيصل بصوت عالي:متى جاء ذاااااااااااا
نياف:اقصر حسك
سعود:ياعيال تعالو برا الجلسه احسن
قامو العيال وراحو للجلسه اللي برا ودق جوال نياف:هلا غزالتي
غزلان:تعال هذ المفتاح
نياف:الحين جاي
قفل نياف وقام
معاذ:على وييينننن
نياف:عندي شغل مع الاهل
ودخل داخل وشاف وراعين كثير(ام سعد كانت عازمه اهل الديره)
نياف ناظر هايف وقال:هفهف تعال
هايف:هلا نياف
نياف:رح ولااقولك انقلع
هايف:مالت
نياف بصوت عالي:غزلاننننننننن
غزلان:جيت جيت امسك وتعال محد موجود ادخل من الدرج ذا
نياف:ياجعلني ماخلا
ودخل نياف وهو منزل راسه وراح لفوق وفتح الغرفه وقال:ياهلا بريحة الطفولللههه وريحة سعود وغاليه ياهلا بالمكان اللي يرد الروح
وتوجه لصورته مع امه وابوه ومسكها وقال:
يوه ياذا اليوم كنت مصفق معاذ وسحبتوني اصور معاكم
وبعدها ناظر سريره وقال:ماقد نمت عليه  الا وامي معاي
ام وصايف من وراه:والحين ليه ماتنام عليه
نياف:متى جيتي ياخاله
ام وصايف:من دخلت الغرفه ومو بس انا كل خالاتك وعماتك وبناتهم هنا
نياف لف وناظرهم وهو مصدوم وقال:وش صاير
وجدان:ولاشي بس قلنا بنشوفك
نياف:ليه تشوفوني؟وش فيني؟
قربت من غزلان وقالت بهمس:خايفينك انك تبكي
نياف ابتسم وقال:ماني باكي
ذكرى:تشتاق يانياف؟
نياف:والشوق لاعب فيني لعب والحنين والضحكات وكل شي
وصال:انا بروح مالي خلق دموع
نياف ضحك وناظرهم وقال:اذا عادي بقعد لحالي هنا شوي
ام سعد:اطلعن يابنات
الكل طلع وناظر نياف وليف وهي تطلع وكانت اخر من يطلع وكانت بتقفل الباب وراها بس سحبها داخل وقفل الباب
وليف:سلامات خير تسحب
نياف:ماني ميت عليتس قولي وش صاير
وليف:وشو وش صاير ماصار شي
نياف:ولييففف
وليف ناظرته وقالت:ذي صورتك وانت صغير
نياف:يليلللل صدق
وليف:نياف ياحبيبي مافيه شي صدق وقالو بنشوفه وكلنا قمنا معاه
نياف:طيب طيب
وليف:اقدر اطلع الحين صح؟
نياف:اييييه
وليف لفت بتفتح الباب ومافتح وبعدها ناظرت نياف اللي كان لاف ويناظر الصور وقالت:نياف بلا مقالب بايخه وافتح الباب
نياف:ليه مافتح؟
وليف:شرايك يعنييي
نياف:هدي طيب الحين ادق عليهم ويفتحونه من برا
وليف:وشو تدققق تستهبللل
نياف:ليه استهبل صادق اصبري جوالي على السرير
وليف:تستهبل مافيه جوال على السرير
نياف:نسيييته تحت اصبري بناديهم من الشباك
وليف:نياف بلا استهباللل وربي بيحسبونا نسوي شي وذي المره صدق يذبحوني ويذبحونك
نياف:وش الحل طيب
وليف:ننط من الشباك
نياف:تستهبلين الدور الثالث ذا
وليف ناظرته وقالت:تصرفف
وبعدها عم الصمت
بعد ساعه
نياف:عندي فكره
وليف:وشهي
نياف:انا بدق الباب ذا وبيفتحونه وانتي بتكونين ورا الباب
وليف:وشلون اطلع
نياف:سهله يوم احد يفتحه بيلف ويمشي وانا بشوف الوضع واجيتس ونطلع شرايتس
وليف:برافووو ياعبقريي اخلصني
نياف ناظرها ودق الباب بقوه ومحد سمعهم لانهم بالدور الثالث
نياف:البلشه صدق مافيه حل الاالشباك
فتح نياف الشباك وماشاف احد وقال:مسرع راحوووو
وليف:الافيه صوت اسمع
نياف بصوت عالي:سعودددددد عززززز
نغم:نيافف وش تسوي هنا مارحت مع اهلك؟
نياف:لاوافتحي الباب تقفل
نغم:اصبر بنادي واحد من العيال
نياف ناظر وليف وقال بهمس:روحي ورا الباب
وليف:لاوالله ليه ورا الباب
نياف:اسهل عشان ماانسى انتس كنتي معاي
وليف ناظرت نياف ولاردت وضلت واقفه مكانها قدام الباب على طول
عايض:نياف المفتاح برا مين مقفل
نياف:مدري لاتسأل
وبعدها نياف ناظر وليف وسحبها وثبتها ورا الباب
وليف:اتركنييي
نياف:اعقلي
عايض وهو يفتح الباب:يلا اطلع
نياف:شوف لي درب بالله
عايض:مابقى الا جده مها وجده مناير وخالاتك راحو
نياف:خلاص انت انزل
عايض:وش عندك
نياف:عايض ابي فروتك اللي عليك ولاتعلم احد اني هنا
عايض:امسك وماعليك مابعلم
اخذ نياف الفروه ولبسها ونزل عايض وناظر نياف وليف وسحبها قدامه وقال:امشي بشويش
وليف:لاوالله مسوي نفسك المنقذ وخر بمشي مثل الاوادم
نياف:بنطلع من الباب الخلفي
وليف مشت قدامه ونزلت من الدرج الخلفي بكل هدوء وطلعت للحوش وسمعت صوت ولفت لنياف اللي كان وراها
نياف بدون تردد سحبها وغطاها بالفروه اللي معاه وضرب رأس وليف بصدر نياف
هتان:وش تسوي هنا
نياف:وشو وش اسوي هنا
هتان:وش عندك لاف
نياف:ماعندي شي
هتان بشك:معك شي انت
نياف:لاوش بيكون معاي
هتان:وضعك مشكوك فيه توصي انا بروح انام
نياف:نوم العوافيي
هتان:الله يعافيك ومشى هتان ولازال نياف حاضن وليف بالفروه
وليف بهمس:لو سمحت بتنفس اذا عادي
نياف:يلا امشي
وطلعو من بيت ام سعد وراحو للبيت وكان الكل نايم وكانو يحسبون ان وليف بتضل مع ام ذياب عند ام سعد ونياف عند اصحابه
نياف وهو يفتح الباب:لاتنسين بكره اكشخي
وليف:ليه اكشخ
نياف:عقد قرانتس
وليف:يصير خير
نياف:البسي الموف اللي عليتس
وليف:وش دراك اني لابسه موف
نياف:قالت لي رُوح انتس مطقمه معاها
وليف:مابلبس ذا الفستان وبلبس فستان ثاني نفس اللون
نياف ناظرها وابتسم ودخل المشب وراحت وليف للغرفه وبدلت ملابسها ونامت
.......................................................
ثاني يوم الصباح
١٠:٠٠صباحاً
.......................................................
ام ذياب:يلا ياغزلان قوميي
غزلان:يمه ترا المفروض تقعدين نياف
ام ذياب:بقعده
وجدان من وراها:صباح الخير ياجده
ام ذياب:صباح النور ياهلا بوجدان اللي تبرد القلب
وجدان:ابشري بي نظفت البيت كله بس ذي الغرفه لاننا بنتكشخ فيها
ام ذياب:الله يحفظتس يابنتي انا بروح اقعد نياف
وطلعت ام ذياب وراحت لنياف اللي نايم بالمشب
ام ذياب:نياففف يانويفف قوم قامو العيال بس انت
نياف بصوت ثقيل:تكفيين يايمه بس شويي
ام ذياب:اخلصني عشان تفطر وتروح
نياف:يايمه ترا كلها ثوب وشماغ وعطر وخلاص
ام ذياب:نوييييففففف
فيصل من وراها:بيقوم ياجده
ام ذياب:قومه يافيصل وخليه يجيني ابيه
فيصل:ابشري
طلعت ام ذياب ونط فيصل على نياف
نياف:كسرتتتت عظامييي ياتبنننننن
فيصل:قمممم طيببب
نياف:تستهبل!!!وانت فوقي قممم اخلصني
فيصل وخر ونياف قام وهو ماسك جنبه وراح داخل
نياف:غزلانننن فيه احد؟
ام وصايف:ادخل مافيه احد
نياف دخل وسلم عليهم وراح لغرفته واخذ شور سريع وبدل ملابسه وطلع للصاله
ام ذياب:تعال ابيك
جلس جنبها نياف:سمي
ام ذياب:شوف يانويف انا
قاطعهم صوت وجدان من ورا الباب:ياجده اصبري بنشوف وش تقولين له
ام ذياب:يلا اطلعن بسرعه
طلعو كل البنات وهم لابسين عباياته
مواليف:قولي ياجده
ام ذياب:شوف يانويف انا وش دايم اقول لك
نياف:ارحبببب ياولد قلبي وروحي
ام ذياب ابتسمت وقالت:طيب ياولد قلبي وروحي انا ابي اوصيك بوليف وبقلب وليف انت تدري انك اغلى احفادي يانويف ووليف اغلى حفيداتي ابيك تحافظ عليها يانويف ولاتزعلها بيوم ولا
نياف قاطعها وقال:ووليف بين عيني ورمشها ولاتخافين عليها دامها بقلب نياف وبين ضلوعه
غزلان:الله يقلعك عيوني صارت تلمع
نياف:توصون بشي قبل لااطلع؟
وجدان:قلبك لو سمحت
نياف:لالامااعطيه احد يلا مع السلامه
وطلع نياف من الصاله وراح للمشب
لفت وصايف لوليف وقالت:يربيييي اللي تمسح دموعهاااااااا
لفو لها البنات وقالت:شسوي كلامه حلو وأثر فيني
وجدان:اسمعن بنجهز وليف ومواليف اول بعدين بنتجهز حنا
وصايف:بس بنسوي شعرهم لان المكياج راح يسيح
غزلان:وش بتلبسون
وليف ابتسمت من تذكرت كلام نياف وانه يبيها تلبس موف وقالت:بلبس فستان موف
وجدان:امس لبستيه
وليف:لاعندي غيره واحد يجي على الجسم
غزلان:ومواليف
مواليف:مدري محتاره
وجدان:مواليف احساسي يقول انتس بتلبسين الاخضر الفاتح
مواليف:مااخليها بخاطرتس بلبسه
حضنتها وجدان وراحو البنات يتجهزون
عند العيال برا
نياف:مو لازم تذبحون طيب ومو لازم تعزمون الديره كلها
ابو ذياب:نويف قطع اللحم وانت ساكت
نياف:هذي رابع ذبيحه كم ذابح
ابو ذياب:خمسه
نياف:خمسسسهههه من بيجييييي
فيصل:مب شغلك كمل
نياف كمل وهو يتحلطم وبعدها قام وقال:
انا ماني جالس انا وفصفص العرسان المفروض تدلعونا وانتم هنا حابسينا نقطع لحم ولا قال وشو بعد صلاة المغرب رح جب الطلب من المطعم كيفكم عندك يايبه سعود وعايض وعز وهتان ويوسف ومعاذ وسلمان ومحمد وفهد وذياب وعمي سعد وانا وفيصل بنروح نتجهز
سلمان:صدق جدي خلهم يتجهزون حنا نخلصه بسرعه
ابو ذياب:شوركم وهداية الله
راحو نياف وفيصل داخل لغرفة نياف يتجهزون
بعد صلاة المغرب
وليف:شراييييكننننن
وجدان:ياحظ نيافوه بس حظه قايم
وصال:تكفين وليف كنسلي نياف
وصايف:هدو شوي بسم الله عليتس ياوليف نياف
بدور:بدينا نطلع اسماء لهم
مواليف من وراهم:هاه حلو؟
بيان:يابنات اختيييي تموتتتتتتتتت
دخلت ام ذياب عليهم وشافتهم جاهزين وقالت:بسم الله عليكن الرحمن الرحيم
نياف بصوت عالي وهو يركض:الحقونييي بالبخورررررر
غزلان:اصبر توي حطيت الفحم
نياف من برا:جيبوهه تكفوننن يبه بيذبحنيي
ام ذياب:يانويف رح قبل يجي الرجال اللي يعقد قرآنكم
نياف:ابي البخور كيفكم جيبوه لييي
وجدان:بيجيبونهه يالبثرر انقلع
نياف:امسكي لسانتس وجدانوههههه
طلعت ام وصايف لنياف بالبخور وقالت بصوت عالي:لاإله إلا الله يانيوف طالع تهبل ياروح خالتك
نياف:الزين زينتس ياعين نياف انتي
وجدان من داخل:يمه صوري كشخته بنشوفها
نياف:مافيه طسي
يوسف وهو يركض جهة نياف:جاء الشيخ تعال
نياف:يلا يلا
وراحو للشيخ وسلمو عليه وبدء بمواليف وفيصل وراح فهد لمواليف
فهد:يامواليييففففف
مواليف جته مع بيان وبدور وامها وقالت:هلا
فهد بهدوء:اذا موافقه وقعي
ناظرته مواليف وابتسمت ووقعت وقال فهد وهو يبوس راسها:مبروك ياعين اخوتس
مواليف:الله يبارك فيك
وطلع فهد واعطى الشيخ الاوراق
وجاء دور ابطالنا وقع نياف وهو شوي ويطير من الفرحه وقامو معاذ ويوسف وفيصل لاختهم
يوسف:ياوليف
وليف جته مع امها وقالت:يربيي منظركم حلو
معاذ:منظر نياف احلا
يوسف:وليفي اذا موافقه وقعي
وليف وقعت واخوانها باسو راسها وقال معاذ:واخذتي الخفوق ياوليففف مبارك ياقلب اخوتس
وليف:الله يبارك فيك
فيصل:ورعتييي بتتزوج كبرت
وليف:فيصل مابي اصيح مطوله وانا عندكم
يوسف وهو يحضنها:بتضلين ورعتنا ياحلوه كيفتس
وبعدها راحو للشيخ واعطوه الاوراق وخلص الشيخ الاشياء الباقيه وبعدها راح
ابو ذياب:رح يافيصل للشوفه
فيصل:اما فيه شوفه اصبرو بتكشخ
نياف:كشخه كشخه ماعليك
قام فيصل مع فهد وراح للمجلس وجلس ينتظر مواليف ولحظات وجت مواليف الفيصل
رفع فيصل راسه وناظرها وابتسم وقال:
ياهلا بخلف قلبي ورجعانه ياهلا بمواليفييي
مواليف بخجل:هلا فيك
فيصل وهو يوقف:وشخبارتس
مواليف:بخير
تقدم فيصل لها وحضنها وقال:تدرين توي اصير بخير
مواليف بغباء:ليه تعبان؟
فيصل:لالاماعليتس
وبعدها باسها فيصل على خدها وطلعت مواليف وهي تحترق من الخجل
فيصل:هي حلوه ولاانا خفيف
وطلع من المجلس وراح للرجال
وجدان:وش قالل
بيان:خدودهاا حمراء وش سواا هالمهبول
غزلان:احترقت يابنات
وصال:قولييي وش سوا
مواليف بهمس للبنات:ضمني وباسني على خدي
وجدان:اوه اشوفتس حبيتيه من الحين
غزلان:وليفوه وش عندتس ساكته
وليف:مدري شقول
وجدان:لاغزلان تراها تفكر تضم نياف ولاتبوسه
وليف:وجععااه صدق
يوسف:وليف
وليف:هلا
يوسف:تعالي وقت شوفتس
وليف ناظرت البنات وقالت:شكلي حلو
وصال:تموتيننن
وقامت ليوسف ودخلت المجلس وكان نياف واقف ولاف ظهره للباب ومن سمع صوت كعبها لف وابتسم وناظرها لدقايق طويييله
نياف:الله يعين قلبي
وليف بهمس محد يسمعه الا هي:لاوالله انا اللي يعين قلبي
نياف:شقلتي
وليف:ماقلت شي
تقدم نياف وناظرها وشافت وليف فرق الطول وقالت؛ يمه طويل حيل الحين وانا لابسه كعب اوصل لصدرك اجل بدون كعب كيف
نياف:لاطولتس كذا حلو
وليف ناظرته ولاردت وسحب نياف خصرها وشد عليه وقال:
ولك منزل في نياف القلب وخيام
وزود الغلا ترعاه ولاشكيتك
ابتسمت وليف وقالت:صح لسانك
ناظرها نياف وابتسم وباس خدها قريب من مبسمها وقال:وجمعتنا الليالي ياوليف القلب
وليف:والليالي وقمراها يانياف الوليف
نياف:ابيتس ماضي وحاضر ومستقبل ابي اقولهم كنا وصرنا وبنصير
وليف حاوطت رقبت نياف بأيديها وقالت:
الأحلى من الحبُ أنك حبيبي
نياف:من سمع صوتس وهو ضايق من الدنيا
ترجع له الضحكه اللي مبطي عنها
ناظرته وليف وباست فكه وقالت:والضيقه بتروح من قلب نياف
نياف:من جيتي راحت الضيقه
حضنته وليف وطلعت على طول من المجلس
وصايف:وش صار
وليف:لااحد يسأل
وجدان:تكفين وليف
وليف:ماصار شي
وصال:نص ساعه وماصار شي اكذبي على غيرنا
وليف:مراح اقول كيفكم
غزلان:بروح لنياف اجل
وليف:روحي مابيقول
غزلان:يليللل صدق قولي باسني مثل مواليف وخلاص
وليف بتسليك:اي اي باسني
وجدان:ويننن باستس
وليف:وجعع ياللي ماتستحين على وجهتس
.........................................
مواليف وفيصل قلبي مايتحمل الحلاوة
نياف ووليف الحُب يتعبنيي يتعبني
الكاتبه:منيره آل عبدالعزيز💙.