(استغفرالله)
-
ومُعجب الوردِ يقطفُهُ ويرميهِ، أمّا المحبُّ فذاكَ الحافظُ السّاقي"
-
يوسف:مايمدينا نبدل ياخاله إلا بالطياره
معاذ:حصل خير خلاص
لفت تناظره وإبتسم يناظرها وقالت بدور:
طيب ياحلوين ، من بيمسك رُوح
يوسف:قولي من اللي بيمسك وصال
وليف همست لمعاذ:ما أتصل عليك؟
هز معاذ رأسه بالنفي وقالت غزلان:معاذ
معاذ:سمّي
إبتسمت غزلان وقالت:نزل العمامه
أشر معاذ على خشمه ونزل العمامه وإبتسمت تناظر شعره المُبعثر
وقال فهد:تصبحون على خير
-
يوم السفره
بالمطار
-
مواليف:رُوح
رُوح:أبغى نياف وسلومم
فيصل:ياليلل ذا البزر ، مواليف ليه جبناها معانا؟
مواليف:أنطم فيصل
وليف:يا أنها عطتك وحده
غزلان:يازينها منتس يامواليف
لف عز على وصايف يشوفها سرحانه وهمس:وش فيك؟
لفت عليه وهمست:مافيني شي
وقف يناظرها ومد يده لها وهمس:تعاليّ معايّ
مسكت يده تمشي معاه وتركو الكل وراهم
وصايف:عـّز
لف عليها وقال:قولي وش مضايقك؟
إبتسمت بخفوت وقالت:ما أبي أقول !
قرب منها وقال:وصايف ! قولي
ناظرة عيونه وقالت:طيب خلنا نجلس أول ما أبي أوقف
مشى يجلس على الكرسيّ وجلست جنبه وقال:قولي
لفت عليه تناظره وقالت:عـّز ، ما أعرف كيف أشرح لك ، لكن ، أبي نياف حولنا ، معانا ، كان يحسسني بالأمان ، حتى لو مايسولف معايّ ، وجوده كان كافيّ ، كان يحلّف على كل العيال أنه هو اللي يدفع للسفره ، بس شوف الحين ، مين اللي دفع؟مو نياف ، يوسف ،
حتى غزلان مو مرتاحه ، لأنها تبغى نياف حولها ومعاها ، حتى العيال اللي واقفين ويضحكون ، ماهم مرتاحين يبغون نياف وسلوم ، ونجي لسلوم ، خواته مو مرتاحين مع محمد أخوهم يمشي ويتركهم وراه كأنهم ولا شي ، سلوم كان يهتم فيهم ، عـّز تخيل معايّ ، كان مايمشي إلا وهو ماسك يديهم ، كان مايخليهم وراه ، دايم يخليهم قدامه وجنبه ، شوف رُوح كيف تبغى نياف مع أن أخوها موجود ، بس ماتبغى إلا نياف ، لأن نياف وسلوم لأنهم عندها غير عن الباقي
"كان يسمع كلامها عن أشخاص عاشت معاهم أغلب حياتها ، تمنى لو أنه يرجع نياف وسلوم بس عشانها هي"
-
بالطياره
-
كان كل واحد فيهم جالس بمقعده
وقف يوسف يتجه لمقعد معاذ ووجدان وقال:وجدان روحي عند بيان
معاذ:أنت جاي من هناك لين هنا ، عشان تقول لها روحي عند بيان؟ياخوي أنقلع عند زوجتك تكفى
يوسف:يلا وجدان
وجدان:ما أبيّ
يوسف:وشلون ماتبين؟تستهبلين عليّ؟
وجدان:حضرة المهندس يوسف ، أنقلع عن وجهي بالله
يوسف:أوريتس يالدبه
ومشى يجلس بمقعده جنب بيان
لف معاذ على وجدان وقال:ليه مارحتيّ؟
وجدان بهدوء:كيفيّ ما أبيّ
إبتسم بخفوت وقال:براحتس
لفت تناظره وصدت من لف عليها وقال:
تتأمليني؟
ماردت عليه وكمل:عادي أعترفي
لفت عليه من جديد وقالت:لا ما أتاملك
رفع حاجبه بسخريه وقال:أييه واضح
رجعت رأسها تناظر السماء وقالت:لو كنت اتأملك يعني وش كنت بتسوي؟
إبتسم بهدوء وقال:مابسوي شي ، بس بقول ، أنا قبلك ضما روحي ضما للحب للوجدان وجيت إنت وسكنت القلب وصرت بكل أفكاري
إبتسمت تسمعه وقالت:ليه إنت تعرف معنى إسمي؟
هز رأسه بالإيجاب وقال:معناه الحُب و مجموع الأحاسيس والانفعالات و العواطف
همست تردد اللي قاله قبل شوي: أنا قبلك ضما روحي ضما للحب للوجدان وجيت إنت وسكنت القلب وصرت بكل أفكاري
ناظرها بإستغراب وقال:قلتي شي؟
لفت عليه وقالت:مُعاذ ، مو كنت تقول عطيني فرصة ياوجداني؟
هز رأسه بالإيجاب وكملت:وكنت تقول برضو إنك بتعيشني حياة حلوه
كان بيتكلم بس قاطعته من نطقت:أنا لك ومعاك ومنك وفيك
إبتسم بهدوء يسمعها تنطق:قلبي و أعرفه والله ما يبي إلا أنت ، أنا وإعرفني ما أرتحت إلا معاك ، كنت شخص عظيم بعيني ، شخص صبور تحمل كل شي ، وحبنيّ من كل قلبه ، كنت أحسبك بتلعب عليّ ، بس طلعت غييير يامُعاذ طلعت شخص يعجبني ويُلفتني ، شخص خلانيّ أحُبّه أضعاف حُبه لي ،
اليوم أقدر أقولك ، ياحُب ماعليه حسوفه
-
اللي يحبّك يثبت لك حبّه بتصرفاته و باهتمامه فيك ، أنت الأول و الاخير عنده و لا يهمّه احد من العالم غيرك ، انت عينه اللي يشوف فيها و انت لسانه اللي يحكي فيه و انت قلبه اللي نبضه فيه و انت وصدره وضلوعه والدم اللي يجري بعروقه.
في أسوأ حالاتك بيكرهك الجميع الا هذا الشخص بيشوفك الصح بينهم و بيبيعهم عشانك وبيشتري خاطرك و رضاك ..
اللي يحبّك بيشوف انك سبب كافي ليعيش بسعادة ورضا
-
لما شكّت محبوبة طلال مداح في حبّه لها قال لها :
"لو ما احبك ما تبسّم لي زماني
لو ما احبك عشت طول عمري اعاني
لو ما احبك ما تغنّى بك لساني "
وكأنّه في كل مره يثبت لها حبّه ، في كل مره يحبّها بطريقة اجمل و أعمق ، في كل مرّه يؤكد لها بأن نهايتها في قلبه مستحيله ..
الله لما يجيك اللي كل مرّه يثبت لك حبه بطريقة أعمق تحس الحياة فعلًا حلوه وتستاهل انك تعيشها ، الله لما بكل مرّه تحس ان هالحب نقص يرجع يبتديك وكأنّك دهشة البدايات اللي مالها نهاية ..
والله هذا كان اعظم و أعذب إثبات موسيقي للحبّ
-
كان يناظرها بـ حُب بـ هيّام بـ غرام
كانت أعظم شخص بحياته شخص علّمه معنى الصبر وشخص علّمه معنى الحُب وشعور الحُب وشعور المُحب لمحبوبته
كان يردد بداخله:
ليه هي؟ليه قلبي حبّها؟ليه حبّيت بنت غدير؟
كانت إجابته سؤاله:
لأنها وجدان بنت غديـر
-
تسريع الأحداث
-
لندن
-
شقة البنات
-
وليف:وجعاه ياهديل
هديل:وش بلاتس
وليف:ليه ترمينها على الأرض؟
هديل:وش دراني أنا
وجدان:وليف ترا كلها ربطه
وليف:لامو ربطة ، هذي من نياف
غاده:وإذا من نياف تراها ربطة مو عطر وإلا عقد لؤلؤ
وليف:طيب أشوفتس تنزلين السلسال اللي من سلوم ، ترا كله سلسال
غاده:مو سلسال عادي ذا
وليف:حتى ذي مو ربطة عاديه
وجدان:يابزارين أهجدوا
وليف:أنا بطلع
غزلان:على وين
وليف:بتمشى تحت الجو حلو
وصايف:قولي لأخوانتس
وليف:يابنات ماعليكم ماعليّ خوف أنا وليف
وصال:وإذا وليف ، ترانا ببلد غريب مب بالسعوديه
وليف:طيب بمشي بس تحت بالفندق
مواليف:روحي بس أنتبهي على نفستس
إبتسمت وليف ومشت تلبس حجابها ونزلت تحت ترفع سماعتها على أذنها تسمع أغنيتها المفضله
مشت تطلع برا الفندق وصدمت بشخص
مالمحت منه إلا بلوفره الأزرق وسماعته السوداء
رفعت عيونها عليه تناظره بصدمه من شافت ملامح وجهه وهمست:
-
شقة البنات
-
رُوح:ميمي أبي أطلع
مواليف:رُوح من جينا وحنا برا مو طبيعي
وجدان:مو معقوله مواليفوه ترانا جايين نتونس مو جايين ننحبس هنا
وصال:مواليف تدرين مدري كيف بتصيرين أم بعد شهرين
مواليف:مسويه تذبين ، إنتي وراستس
وصال:ياربب ولدتس يطلع مثلي عشان تعرفين تتشمتين يالدبه
بدور:لو دبه ما أخذها فيصل
مواليف:وإذا دبه ، المفروض يحبني بكل حالاتي
قاطعهم صوت ذكرى اللي أرتفع لفوا كلهم على وجدان اللي تغني مع ذكرى:انا كنت احس بهواه بس كنت ابغى دليل كلمه تجي من شفاه تحيي متيم عليل
وصايف:من تحبين؟
وجدان:وش دخلتس
هديل:وجداني
وجدان:سمّي ياروحي
ناظرها وصايف بصدمه وضحكوا البنات على شكل وصايف وصدمتها وقالت وجدان:
وصايفوه ، روحي لعز يشبع مشاعرتس العطشانه
وصايف:يازينه بس
غزلان:ليه وقعتي بحبه؟
وصايف:عادي زوجي صرت أحبه الصراحه
-
عند عائلة أم سعد
-
كانو واقفين بممرات المستشفى ينتظرون خروج نغم من غرفة العمليات
تقدمت ذكرى لسعود وضربت صدره وقالت:
إنت السبب ياسعود ، قلت لك أنتبه لبنتي ، بس إنت ما أهتميت ، من قاعد تكلم بالجوال؟الزفت نياف ؟ولا واحد من عيال خواله
مارد عليها سعود وتقدمت عنود وهي تدفع ذكرى عن سعود وقالت:بنتس إنتي أنتبهي عليها ، لاتحملين ولدي مسؤوليتها ، وبعدين وإذا كان يكلم نياف ولا واحد من عيال خوال نياف وإنتي وش دخلتس بولدي ومن يكلم ؟
ذكرى:بنتي هذي ياعنود بنتي
عنود:وهذا ولدي ، وبنتس كبيره ياذكرى ،
حمليها مسؤولية نفسها ولا تحملي مسؤوليتها سعود ماله علاقه بشي
هتان:طلع الدكتور
تقدم الدكتور لهم وقال:الحمدلله على سلامتها ، حادثه وعدت لكن
ذكرى:لكن وش
الدكتور:لكن بنتك فقدت رجولها
ذكرى:ك كيف يعني مافهمت
الدكتور:يعني ماتقدر تمشي إلا بكرسي متحرك ولا علاج طبيعي ولا معجزة من ربي
رجعت ذكرى بخطواتها لورا تستوعب كلام الدكتور
-
لندن
-
عند وليف
-
مشت تطلع برا الفندق وصدمت بشخص
مالمحت منه إلا بلوفره الأزرق وسماعته السوداء
رفعت عيونها عليه وناظرته بصدمه من شافت ملامح وجهه وهمست:نياف
رفع أنظاره يناظرها ولانت ملامح وجهه من شافها قدامه وهمس:وليفي
-
الصدفه الي جابتك؟
تسوى عندي مواعيد العمر كله
-
بعض الصدف فعلًا حياة نفس اللي قال عنها ابو نوره:
"كان حلمي ذا اللقا ، واليوم بالصدفة التقينا
و يا هـلابك يالصدف شفتك و راح الشقا و غردّت الاشواق فينا ونبضنا الوافي عزف"
وصدفة يدخل حياتك شخص ، ويغيّر حياتك كليًا يبعثر كيانك و يزرع فيك ذاك الشعور الحلو اللي من جماله ودّك تصيح بأعلى صوتك وتقول "وينك عنيّ من زمان" ، شخص كذا بس كل همّه انك تكون مبسوط ويشوفك بخير ، تحس كأنه دعوة والدينك لك بالسعادة وتحس انه الأجر بعد عمل خير انت سويته .. ما يكون مُجرّد صدفة عابرة ابدًا ، تحسه مرسوم على حدود أيامك وكأنّه القدر الجميل المكتوب لك
-
رفعت يدها على وجهه وقالت:وينك عنيّ من زمان
"كان يسمعها ولايدري هي حقيقه ولا خيّال
وده تكون حقيقه عشان يشرح لها اللي صار بغيابها"
رفع يده على يدينها اللي على وجهه وقال:
وليفي؟
نزلت دموعها تناظره ورفعت يدينها تحاوط عنقه تحتضنه
-
"دخيلك بس أحضني، ولا بحكي عن اللي كان
حنانك، لمستك، روحك، دفى حضنك يكفيني
تعبت أذوب محتاجك، وكلي ينتظر ولهان
تعبت أشكي على نفسي ولا غيرك يهدّيني"
أحيانًا الحياه تلعب فيك وترميك بطرق تهلكك وتزرع فيك كل شعور سيء وماتدري انت من وش أصلًا تعبان بس تحس كل هم وكل حزن وكل أسى قاعد يطاردك ، ولا تبغى وقتها من الدنيا الا ان اللي تحبه يكون جنبك و يحضنك ويغمرك بحنانه عشان تهدأ ، احس مافيه شخص غيره قادر يغمُر روحك بالطمأنينة ويزرع فيها السكينه ..
تذكرت اللي يقول :"محتاجك سحابه يا شبيه الغيم، انا ميّت ظما"
-
"بدونك في خريف العمر تطيح أوراق أفراحي
وأنا ماقوى على برد الشتاء لا مرّ من دونك
أنا كنت اغفى بعيونك إذا كان الشتاء صاحي
و زود البرد ناويلي وأنا ناقص دفى عيونك سكني الليل بغيابك رحت ومات مصباحي ترا ليل الشتاء موحش وصبحي صار مرهونك"
-
غرفة نياف
-
كانت واقفه تسمعه يشرح لها وتقدمت تحتضنه بهدوء وقالت:وحشتني
إبتسم نياف بهدوء وقال:ماقلتيّ ليّ وش جابتس هنا؟
بّعدت عنه وقالت:يوسف قرر يخلينا نسافر كلنا
سكت لثواني يفكر وقال:وماجابكم إلا لـ لندن؟
هزت رأسها بالنفي وقالت:لا ، قال أختاروا مدينه تبون نسافر لها والأغلب أختار لندن
كان بيتكلم بس قاطعه صوت جوالها اللي يدق رفعته ترد عليه:هلا
غزلان:وينتس فيه طولتي
وليف:تويّ دخلت الفندق بطلع على طول للشقه
غزلان:تمام ، لاتطولين أكثر من كذا
قفلت وليف وناظرت نياف وقالت:بنرجع السعوديه بعد بكره ، أتمنى أنك ماتطول هنا لوحدك مع سلوم
مشت تتركه وراها مدت يدها تفتح باب الغرفه ، لكنها سحبها يسّكر الباب اللي وراها ، وأنحنى يُقَبّلَهَا "قُبّلَةْ عاشق مشتاق لمعشوقته"
-
شقة العيال
-
معاذ:على كيفك هو؟
فيصل:كيفي ياخي مالك دخل
يوسف:معاذوه اتركه خلاص عادد
معاذ:انا وش مسفرني مع متزوجين مدري ، آخر سفره صدقوني ما عاد بسافر معاكم
فيصل:تكفى سافر معانا
فهد:على كيفك خليتنا متزوجين؟
معاذ:شايب وش كبرك ليه ماتزوجت للحين،انت والشايب محمد
محمد:إنت الشايب يالعشريني
معاذ:العشريني أحسن منك يالشيبه
فيصل:عطيييه ياولد باسم
محمد:والله يامعاذوه لا أفضحك وأقول إنك تحب أم لسانين وجدان
معاذ:حدك عاد ، ما تقول عنها أم لسانين وإنت ماتعرف شخصيتها !
محمد:ليه لايكون شخصيتها معاك غير !
فهد:ليه هم يتقابلون؟
محمد:صباح الظهر توك تدري؟
فهد:لعنبو غيرك يامعاذ ، تقابلها وإنت مب محرم لها؟مايصلح حراممم
فيصل:شفيكم تناظروني والله مالي دخل ، كله من السوسه نياف
معاذ:وش دخل نياف الحين؟
فيصل:مدري الصدق بس هو كان يسوي لكم واسطات عشان تتقابلون
يوسف:خلاص فهود ، معاذ كان بفترة عشق وهيام وغرام بس الحين تاب
معاذ:من قالك إني تبت؟على كيفك هو
ضحك محمد يناظر حركات معاذ وقال فهد:
أقعدددد وإنت هنا غثيتنا تقول متزوجين وإنت طايح على وجهك ياولد باسم
طلع عز من الغرفه وقال:ياعيال نغم سوت حادث
معاذ:جعلها ماتسلم
ناظره عز بإستغراب وقال معاذ:أييييه لاتستغرب ، بنت عمتك باعت وجدان ، وشوهت سمعتها عند الناس ، حتى عند أبوها ، عقبال أخوها
يوسف:لاتقول كذا يامعاذ حرام
معاذ:مو حرام ! الحرام إنهم شوهو سمعة بنت ثانيه ، الحرام إنهم رجعوها لأهلها وهي مكسره وكل جسمها آثار ضرب ، الحرام إنهم تبلّو على نياف وحطو السبب فيه وهو ماله دخل ، الحرام إنهم هدمو شخصية البنت ، وهدمو مستقبلها ، كل هذا حرام يايوسف ، واللي يصير فيهم هم وأمهم هذا شي قليل
عز:أدع لها بس
معاذ:بدعي عليها مابدعي لها
عز:مو وقتك معاذ والله ، بشوف لي تذكره برجع
فهد:ترجع عشان نغم سوت حادث؟يويلك من وصايف ياعز
عز:رايح أتطمن على بنت عمتي وأهلي ماني مسوي شي حرام
يوسف:أهلك معاها؟
عز:لا ، بس هي بس سعود ماهوب بخير
معاذ:أييييه هين ، هذا وجهي إذا ماعلمت عليك وصايف يالمتزوج
عز أشر على معاذ وقال:ذا زوجوه وخلوه يفكنا من كلمة المتزوج تكفون ناشب لي
-
شقة البنات
-
وصايف:مو على كيفه يرجع بدون مايقول لي
غزلان:يقولتس معاذ رايح يتطمن بس
وصايف:حتى لوو رايح يتطمن المفروض يستأذن مني
هديل:أقولل إنتي هييه ، ترا أهله مسوين حادثث أفهمي
وصال:مو أهله ، نغم اللي طارت بس
ضحكت وجدان وقالت:الحمدلله أستجيب دُعائي عليها
مواليف:بنات غدير مافيه بقلوبكم رحمه؟
وجدان:بقلبي أنا؟مابتشوفين غير شرار ونار مالقو من يطفيهم
وصايف:بعد اللي سووه بـ وجدان ونياف مالهم بقلبي رحمه لاذكرى وعايض ونغم وام سعد جعلها الماحي وجعلهم الماحي معاها
وصال:لا أنا وضعي مختلف ، عشان ذكرى تقول لي يالبريعصيه وصال
ضحكت غاده تناظر وصال وقالت:مالقت غير البريعصيه؟ كان قالت يالحماره
بدور:حتى لو المفروض تدعون لها
وليف:أدعو عليها ربي يستجيب دعاء المظلوم بذات إنتي ياوجدان ربي بياخذ حقتس وحق نياف منهم
وجدان:وليف بسألتس
وليف:وشو
بيان:وليف تراها بتتلقف
وجدان:وش دخلتس إنتي يالمتزوجه؟
بيان:يارب صبرنيّ
وجدان:وليف ، ليه رجعتي من برا قبل ساعتين ووجهتس مخطوف لونه؟وش شفتي؟
غزلان بطقطق:لايكون شفتي نياف
لفت عليهم رُوح اللي جالسه على الأيباد وقالت:نياف جاء؟
مواليف:ليييه جبتو طاريه قدامها ، لايارُوح ياماما نياف ماجاء
رُوح:متى يجي؟أشتقت له
مواليف:تعالي عندي
قربت رُوح عند مواليف وجلست على فخذها وقالت:نياف بيجي بس مو الحين
رُوح:أجل متى؟
مواليف:إذا رجعنا السعوديه
رُوح:بتقصين شعري ، عشان نياف يحب الشعر القصير عليّ مره
مواليف:أقصه ليه ما أقصه
إبتسمت رُوح وإنحنت تبوس خد مواليف ورجعت على الإيباد
وجدان:وليفوه قولي أخلصي
وليف:شفت واحد حلو يابنات يهبل
هديل:وليفففف عيب إنتي متزوجه
وليف:يهبل يهبل ياهديل سرق قلبي بطلق نياف وأخذه
غزلان:طلقيه عشان نزوجه العجوز ورد
وجدان:وجعاه ياغزلان ، مالقيتي إلا السوسه ورد؟عاد أكبر منه ، ساره أصغر منه بكم شهر
رفعت وليف حاجبها تناظرهم وقالت وصايف:لالا يابنات ، أنا بطلق عـزّ وأتزوج نياف مايحصل مثليّ
بدور:وش يبي بوحده متزوجه ، يتزوجني أنا أحلى
رُوح وهي على الأيباد:نياف راح يتزوج وليف
وليف:أبوس لسانتس اللي يقطر عسل يابنت عبوديي
وصايف:عشتوا توتس تقولين بطلق نياف وبتزوج اللي شفته وش صار
وليف:أمزح طيب
غزلان:حتى حنا نمزح هو نياف يحصل له مثل أم غمّور - غمزت لوليف - يحبها ، من عُنّقَهَّا اللي كل يوم يغرق فيه ، إلى الخصّر المرسوم
مواليف:يييوه ياوليف يابنت باسم
وجدان:قولو أمين
البنات بصوت واحد:أمين
وجدان:الله يرزقني بواحد زيّ نياف بالضبط ، أبيه يحبنيّ بكل حالاتي ، و
قاطعتها وصال وقالت:عندتس معاذ
وجدان:خليني أكمل ، ويجيب لي سياره وسواق ويسفرني لـ النمسا ، المهم من هذا كله ، أبيه يخليني دلوعه وغنوجه وكل يومين يهديني هديه ، وأبيه يقول لي ، أنا قبلك ضما روحي ضما للحب للوجدان وجيت إنت وسكنت القلب وصرت بكل أفكاري
هديل:عشتيييي يابنت غدير عشتييي
غزلان:حبتس الخايس ياوجدان خليه لتس هو وأغانيه ، أنا أبي واحد يغنيّ لي ، وشوف قلبي على يدي وهوا أغلى ماعندي
تنهدت هديل وهي تنطق:تدرون ، أنا خايفه أحب وأعيش شعور محمد عبده يوم قال ،
كانت الدنيا أنا كانت أحلامك أنا وكانت أفراحك أنا وكان في الهوى في دنيتك كله أنا
وصال:الحُب حلو حيل ياهديل لايفوتس
وليف:ليه مجربته؟
وصال:أيييه بس جت وحده وسرقته ، أسمها وليف
بيان:وصال أنطمي بالله خلينا نتمنى
وجدان:تدرون أبيّ واحد يغنيّ ليّ ، هلا باللي عجزت ألقى عذاريبه هلا باللي تحبه كل أسبابي
بدور:وليف مايحتاج نسألها لأنها بتقول ماتمنيتك لأنها أغنية نياف المفضله
تنهدت وليف وقالت:مو عشان نياف يابدور ، ركزي بكلمات الأغنيه وتفهمين كل شي ووش أقصد بحُبي للأغنيه ذي
وصال:كنت أشوفك مثل نجمٍ في السماء ساطع وعالي يا بعيد وجابك الله لين عندي وصلك
وصايف:خلصتي إنتي وياها؟والله يازين اللي يغني لي إنت حبك كأنه الحكم السعودي
غاده:تدرون أهاب الحُب
وصال:بنت ذياب
غاده:صدق ما أمزح ، أخاف أحب ، أخاف أتعلق ، أخاف أعاتب اللي أحبه ، أخاف أزعل عليه وبعدها ما عاد أشوفه ، أخاف من بعد حبي للشخص ، يتركني وأنا متعلقه فيه ،
مابي شخص يهجرني يومين وثلاث وبعدها يرجع ليّ ، أبيّ شخص يبين ليّ حبه ليّ بقلبه ، أبيّ شخص مايقول ليّ أعذار كذابه عشان مايجلس معايّ ، أبي شخص إذا سوا شي غلط يعترف بغلطه مو يزعل عليّ ، أبيّ شخص حنون ، بإختصار أقولها لكم؟
أبيّ واحد نفس شخصية سلوم
وصال:يايجي زيّ نياف يا ما أبيه
رُوح:أبيّ شخص يضحكني
مواليف:الله لايوفق عدوكم يابنات حتى رُوح خليتوها زيكم يالمهبل لاحقين على الحُب والأمنيات
وصال:ياحظتس يامواليف ، أنحبيتي و تزوجتي والحين حامل بورع فيصل
وجدان:وأخر شي بيسميه نياف
مواليف:نياف يستاهل اللي يسميّ عليه
يازينه ولد الغاليه
وجدان:حبيبتي نياف حقي وخري أنا اللي أشبّه أمه مب إنتي
وليف:أهجدي بس قال حقي قال ، والله ياوجدان إذا ماحبيتي معاذ يويلتس منيّ
وجدان:الحب غصب؟
وليف:أخوي ذا ما أرضى عليه يالسوسه إنتي لكن وش أقول وش أخليّ ، أخوي المهبول ذا طايح على وجهه ، ترانيّ قايله له تزوج بنت عمي أحمد وش زينها بس مارضى
نزلت وجدان كوب القهوه من يدها بقهر وقالت بغيره:هي حلوه يعني؟
مواليف:أنا شايفتها صاروخ أرض جو
وجدان:ليه وأنا وش فيني؟والله إني أحلى منها
غزلان:هي أحلى
وجدان:حتى إنتي شفتيها؟
غزلان:جت عرس نياف ، اللي لابسه فستان أحمر اللي قلت لتس لو نياف ماتزوج خذيتها له أحسن من الدفشه وليف
رفعت وليف حاجبها بغيره وقالت:مو على كيفتس هي
وجدان:والله كانت حلوه ، بس أنا أحلى منها
وصال:لاتعززين لنفستس هي أحلى وجسمها حلو وشعرها يييوه وملامحها تهبل ، تصلح لنياف ولا لمعاذ أحس أحسن بزارينهم بيطلعون حلوين ، أصلاً معاذ توه مو متزوج ونزوجه لبنت عمه ، ياريت وليف وش كان أسمها؟
وليف بغيض:غنج بنت أحمد آل راشد
بدور:أسم على مسمى ، غنج
وقفت وجدان بقهر وهي تدخل الغرفه ولحقتها وليف اللي لبست حجابها وطلعت من الشقه تتوجه لغرفة نياف
ورفعت جوالها وجدان تشوف مكالمة معاذ وردت وهي تقول:خيير
معاذ:خير؟ليه وش مسوي
وجدان:ماتبيّ الخير؟
معاذ:وش بلاتس
وجدان:مابلاي شي
معاذ:وجدان
وجدان بقهر:معاذ هي أحلى منيّ بشي؟
معاذ:منهي اللي أحلى منتس؟
وجدان:غنج بنت عمك
معاذ:وجدان ياقلبي ، إنتي فيتس شي وش جاب طاري غنج؟
وجدان:لاتقول أسمها معاذ
معاذ:وش أقولها أجل ، بعدين وش جاب طاريها ، ومن وين تعرفينها
جلست وجدان على السرير وقالت:تحبها؟
سكت معاذ يسمعها وكملت:ما أبي أدخل عرض بحبكم معاذ ، إذا تحبها أتركني و
قاطعها من وقف قدامها وهو يعدل كابه ويبتسم ويهمس بهدوء:أحلفي
وقفت قدامه وقالت:أطلع لا أحد يشوفك
معاذ:هم اللي قايلين ليّ تعال ، وجدانك زعلانه
رفع يده لشعرها وقال:قولي ليّ ، وش جاب طاري غنج
وجدان:قلت لك لاتنطق أسمها
رفع معاذ حاجبه وقالت:أنقلع معاذ ما أبيّ أشوفك ولا أبيّ ألمحك قدامي
معاذ:تغارين؟عليّ؟من غنج؟دقيقه أنا بحلم ولا حقيقه
ضربت وجدان صدره وقالت:لاتنطق أسمها ، نطقك لأسمها حلو معاذ ، تقوله أحسن من أسميّ
ضحك معاذ بصدمه وقال:تدرين أفضل غيره شفتها بحياتي غيرتس
غزلان من ورا الباب:معاذ تراك طولتها وبعدين صدق غنج أحسن منها
قرب معاذ يهمس لوجدان:إنتي أحلى منها ، يكفيّ إنتس وجدان ، اللي قلبي حبها وعشقها ، إنتي وجدان ، وهي - ضحك -
ما أبي أنطق أسمها ياحبيبتي عشان لاتزعلين
-
بدر بن عبدالمحسن لما غارت حبيبته قال لها :
"سمّي من بغيتي ابعده؟"
قالت :
"الهوى اللي بصدرك ما احبّه
والماي اللي تشربه كله كرهته
والناس حولك حيـل غثّه!!"
قالها :
"بس هذا اللي تبينه!!"
يالهوى عنك اكتفيت
يالماي عنك ارتويت
يالخلايق عنكم مادريت!
بتنفسك واشربك واعيش لك ،
سمًي من بغيتي ابعده؟
-
وأنحنى يُقَبّل خدها ورجع يهمس:حبيبتي
رفع يده يأشر برقم أربعه وقال:أفهميها يا حبيبتي
لف يعطيها ظهره وقالت:مُعاذ
لف عليها وقال:لعنبو غيرك يامعاذ ياحظك ، وجداني عيدي الأسم
قربت منه وجدان وأشرت برقم أربعه بيدها وقالت:أحُبّكْ
رفع يده يثبتها على قلبه يُشعر بنبضات قلبه من بعد كلمتها و قربها له زادت نبضات قلبه من رفعت نفسها تُقَبّل خده
-
غرفة نياف
-
فتح سلمان الباب وشافها قدامه وقفل الباب بصدمه ولف على نياف وقال:وليف هنا
نياف:عندي خبر أفتح لها وأطلع إنت برا يلا
سلمان:تستهبل نياف؟النيه مابتقول لأحد أننا هنا
نياف:ماقلتت هم سافروا وجو هنا ووليف شافتني تحت وأنا أتمشى
سلمان:الله يقلع أبليسك أنت وهي يالمتزوجين ، ماني مقهور على شي بس تراني لابس ومتكشخ عشان نطلع نتمشى وآخر شي تطردني عشان وليفوه؟
نياف:سلوم أخلص
مشى سلمان يفتح الباب وناظرته وليف وقالت:ليه تقفل الباب بوجهي؟
سلمان:مو وقت تحقيق أدخلي
وليف:مالت
مشت تدخل وطلع سلمان من الغرفه ونزل تحت وشاف هديل ومحمد
لفت هديل تناظره وهمست:سلمان
محمد:وينه؟
هديل:هذا هو
ركض سلمان يعطيهم ظهره وطلع برا الفندق ولحقه محمد وهديل وراه
محمد:وقف
مارد سلمان عليه وكمل ركض وهو مخروش ويدعي على وليف اللي خلته ينزل ويشوفونه
محمد:ماهو هو ياهديل
هديل:والله هو
محمد:تتخيلين
هديل:طيب ليه ركض يوم لفيت إنت عليه؟
محمد:وش يدريني يمكن سارق شي ويحسبنا كشفناه
هديل:والله سلوم يامحمد أنا شفته والله هو سلوم أخوي
محمد:بس من متى سلوم يلبس أخضر؟أذكره مايحب هاللون
هديل:مع نياف يلبس كل شي
-
غرفة نياف
-
تقدمت منه وهي مقهوره وقالت:نياف لو ماتزوجتي كان تزوجت غيري؟
نياف:وش جاب هالطاري؟
وليف:جاوبني
نياف:مدري والله يمكن أتزوج ويمكن لا
وليف:طيب لو كانت هي أحلى منيّ وشفتها إنت وأنا على ذمتك بتتزوجها وتطلقني؟ولا تخليها زوجه ثانيه
نياف:يارب صبرني ، وش السالفه
وليف:بتتزوج غنج بنت عمي؟
رفع نياف حاجبه بإستغراب وقال:غنج؟بنت عمتس أحمد؟وش جاب طاريها
وليف:جاوبني نياف
نياف:مافيه شي أجاوبتس عليه وليف ، سؤالتس خايس
وليف:نيافف
نياف:قولي وش السالفه
وليف:كنت بخليّ وجدان تغار على معاذ من غنج لأن أبوي قال لعمي أحمد أنه يبي معاذ لغنج ، وكان وقتها معاذ مسافر ، المهم ،
جبت طاريها قدام وجدان وغارت وجدان ، والبنات قلبوا الموضوع عليّ وقالوا أنها جت العرس وأنها أحلى منيّ وأجمل ، ويقولون يكفي أنها أسم على مسمى "غنج"
ضحك نياف وقال:ربي ردها لتس ليه تحارشين وجدان؟
وليف:نيافف
قرب منها نياف وقال:مافيه بنت أحلى منتس بعيوني ، إنتي أجمل ماخلق ربي وأجمل من شافتها عيني ، يكفي إنتس ، وليف
إبتسمت وليف بهدوء تناظره وأرتاحت بعد ما أخذت الإجابه منه وطلعت من غرفته تتوجه لشقتهم
............................................
بارتنا الجاي بالسعوديه تجهزوا ورانا رحلة
الكاتبه:منيره آل عبدالعزيز💙.
