بين الليل والحال هبت الذكرى

البارت التاسع

(الحمدلله)
اليوم الثاني الساعه ٤:٠٠العصر
ام ذياب:قومن ماتعبتن من هالنوم
مواليف:جده نبي ننام
ام ذياب:ابوتس برا
مواليف:ابوي جاء؟
ام ذياب:ايه جاء يلا قومن رتبن العشاء
وقلن ل نياف يجيب باقي النواقص
قامو البنات
وصال:الله يعييين هالنياف كل شي على راسه
غزلان:قومي بس هذا طول لسانتس
وليف:غزلان قولي لنياف اللي نحتاجهم برسلهم لتس بالواتس وارسليهم لنياف
غزلان:خلاص ارسليهم انا بروح شقتهم اشوفهم
راحت غزلان ودخلت الشقه وكانت بارده
وشافتهم نايمين بالصاله
غزلان:نيييييافيييييي
نياف:تراني صاحي مايحتاج هالصراخ
غزلان:اجل قم بتجيب اغراض نحتاجها
نياف:نياف بشويش تكفين يدي توجعني
غزلان:احلففف يمكن منكسره
نياف:ماضربتها قوه
فيصل:الا يالكذاببب ضربتها ضربه توجع
نياف:طلعت صاحي ياحلو
فيصل:قم نجيب الاغراض واوديك المستشفى
نياف:ماودي اعاندكم يلا ايي غزلاني
غزلان:عيونها يانيافييي
نياف:شوفو الاغراض اللي تبونها للمخيم بكره ارسلوها
غزلان:من عيوني بس انت قول لي وش يصير بيدك
نياف:ابشري
طلعت غزلان من شقتهم وراحت للبنات تساعدهم
وليف:جده تقول عازمه حريم
غزلان:ادري
وليف:لازم نتجهز طيب
غزلان:خلونا نخلص وتوقعي وش صاير
وليف:وش صاير
غزلان:نياف يده مكسوره
وليف:احلفييييييي
غزلان:والله ولونها ازرق لانه مالف عليها امس
وليف:هو وهالعاده مايخليها
غزلان:امشي امشي نكمل وبعدها نتجهز
وليف:انا بلبس جينز وبلوفر برتقالي ابي شي مريييييح
راحو يكملون تجهييز وخلصو وتجهزو البنات وجاء اتصال لغزلان وحطته سبيكر
غزلان:هلا نيافيي
نياف:توقعي وش قالو ليدي
غزلان:وش قالو
نياف:كسر لين الكوع ويقولون لو تأخرت زياده كان ممكن نبترها لك لان هذي مو اول مره عليها وواضح عليها انها مكسوره اكثر من مره
شهقت غزلان:اسألك بالله يانياف انها كسر
نياف:ليه اكذب عليتس انا
ام وصايف:تجي واعلمك شغلك
نياف:اوه الجوال سبيكر ارحبي ياغدير قلبي
ام وصايف:بلا كلام الحب ذا واخلصونا تعالو
نياف:على خشمي بس اسمعي
ام وصايف:شعندك
نياف:سكري السبيكر ابيتس بكلمة راس
ام وصايف:يلا قول شعندك
نياف:اقري عليها الاذكار
ام وصايف:ليه خايف عليها
نياف:اييبالله اني خايف عليها هي بس نظره منها تغطي على الجميع
ام وصايف:قول كذا بقراهم عليها لاتخاف وبحطها بعيوني
نياف:يلا سلمي عليها
قفل نياف وناظرو البنات ام وصايف
مواليف:وش يقول نبي نعرف
ام وصايف:شدخلكن سوالف بيني وبينه
غزلان:غدييير علميني
ام وصايف:ولد اختس تورط بقصة حبه
وجدان:الله علييييه نياف يسعد دييينهه والله ياان قلبي فراشات من قصة حبه الحلوه ذي يالله انك تجمع بينهم بسرعه نبي نفرح فيهم
ام وصايف:اخلصونا انتي وياها انا بشوف امي
كملو البنات ترتيب المجالس لين جاء نياف وسمعو صوت يوسف
يوسف:متى انكسرت
نياف:امس
يوسف:جعلها بضلوعي عنك يانياف
نياف:بسم الله عليك وعلى ضلوعك المهم انا بنزل الاغراض ، غزلانيييي بحط الاغراض عند الباب خذوهم
سلمان:تستهبل يدك مكسوره حنا بندخلها
نياف:عندي يدين لو ناسي اقدر اشيل معليك
سلمان:انثبر بس تعال يوسف نشيل الاغراض
شالو يوسف وسلمان الاغراض ودخل نياف مجلس الرجال وسلم على رجال خالاته
عبدالله:سلامتك يانياف وش صاير فيك
نياف:الله يسلمك ياعمي ابد حادث بسيط
تركي:اخر الاوجاع بعدوك ان شاء الله
باسم:يقولون خطبت يانياف
نياف:ماهي خطبه خطبه للحين محد قرر بس شكلها مابتصير
باسم:عساه خير ليه مابتصير
نياف:مافيه نصيب
داخل عند الحريم
ام ذياب:يالله انك تحييهم اقلطو على العشاء
ام سعد:الله يحييتس عقبال عشاء فرحتنا بنياف
قامو الحريم يتعشون وجلسو البنات يسولفون
غزلان:انا بشوف نياف واجيكم
ريف:ليه ايش فيه؟
غزلان:يده انكسرت
ريف:اصبري بروح معاك بشوفه
وجدان:حبيبي تراك للان ماتحلين له
ريف:عادي طيب خطيبي
وجدان قربت من ريف وقالت بهمس وهي تقلد لهجتها:خطيبك اللي مايحبك ولامعبرك اصلا
ريف ناظرت وجدان بإستحقار ولفت على غزلان وقالت:ناديه لي بشوفه داخل بتطمن عليه
قامت ريف تحت انظار البنات وكانت مشيتها كلها غنج ودلع
راحت غزلان لنياف وشافته وقالت:ريف تبيك داخل
نياف:شتبي ذي بعد
غزلان:خطيبتك طيب ادخل شوفها
نياف:يالله صبرك بس
غزلان:نيافوه ادخل وجاملها مجامله لاتكسر بخاطرها
نياف:خلاص بدخل
غزلان:ادخل المجلس تراها تستناك
دخلت غزلان ودخل وراها نياف وراح للمجلس اللي فيه ريف
ريف شافته دخل وتقدمت منه وحاوطت رقبته وقالت:سلامتك يروحي انت اخر الاوجاع
نياف:الله يسلمتس
ريف:بكره بتجي للمخيم؟
نياف:ايه بجي ليه؟
ريف:بس بسألك ، شرايك بقصة شعري الجديده حلوه صح؟
نياف:حلوه عليتس وانتي محليتها بعد
ريف:بسم الله عليك انت داخل كذا قدام البنات
نياف:ايه شفيها
ريف:مافيها شي بس اخاف يحسدوني عليك وكذا تعرف كانت فيه انظار عليك ويتمنونك من نصيبهم وصرت من نصيبي
نياف ابتسم بكلافه وقال:لاانا مااصير من نصيب الا الحلوين توصين بشي؟
ريف باسته على خده وقالت:سلامتك يقلبي
طلع نياف من المجلس وتنهد تنهيده طويييله وجت غزلان وقالت:شفيك
نياف:مافيني شي شوفي لي طريق بدخل اسلم
غزلان:شذا الروج اللي على خدودك
نياف:من ريف
غزلان:اصبر بمسحه لك بعدين ذي شفيها طقتها ميانه على طول
نياف:غزلان امسحيه بسرعه تكفين راسي يوجعني
غزلان:ماالومك خاطب لك وحده ماتبيها
نياف:اهخخ واللي ابيها مدري هي تبيني او لا
غزلان:تبيك تبيك
نياف:شدراتس
غزلان:ادخل سلم وانت ساكت
دخل نياف وسلم على الحريم
ام الهنوف:سمعنا انك خطبت يانياف
(حريم الديره بس يتحجبون عن الشباب)
نياف:الله يكتب اللي فيه الخير
ام الهنوف:منهي بنته
نياف:بنت عمي ريف
ام ذياب:بتكونون اول الحاضرين بعرسه ان شاء الله
نياف:يمه توصين بشي؟
ام ذياب:سلامتك وطلع نياف على طول وتوجه لفيصل وقال:سو اي مشكله مع هتان طلبتك
فيصل:شصاير
نياف:فيصل سو اللي قلت لك عليه
فيصل:اصبر لين يروحون الناس بعدها اتمشكل بعدين شفيك انت
نياف:مدري جاني شعور كره فجأه للبيت واللي فيه ماعادني بطايق احد
فيصل:بسم الله عليك اجلس
جلس نياف وطول الوقت عينه ل هتان
الساعه ١٢:٤٠بعد ماراحو الضيوف وماضل احد الا عائلة آل ناصر وآل سلطان
قام فيصل يصب قهوه وجاء عند هتان وطيح الدله على ثوبه
هتان:شفيك انت ماتشوف وين عيونك
فيصل:وشو وين عيونك طاحت بالغلط طيب ترا كله ثوب الله اكبر
هتان:ترا كله ثوب تراك ماتعرف بكم انا شاريه
فيصل:الله اكبر لايكون قماشه من ذهب ياولد ابوك
نياف:فيصل هتان هدو شوي
هتان:امسك ولد خالتك عني لااتوطاه
نياف:تتوطى من ياروح امك الا فيصل
هتان:الحين انت مع مين معاي ولا معاه
نياف:اكيد مع فيصل أجل اصير معاك؟
هتان:بس انا نسيبك وولد عمك وهو بس ولد خالتك
نياف:ماعاد فيه طاري نسايب بيني وبينك الحين اختك خلها عندك
سعد:وش تقول انت وشو اللي اختك خلها عندك
نياف:مثل ماسمعت بنتكم خلوها عندكم شخص مايحترم المكان اللي هو فيه ماعادني ابيه ولا ابي اخته
سعود:ياشباب استهدو بالله الموضوع مايوصل لريف
نياف:انا قلت اللي عندي وبنتك ياعمي الله يستر عليها ويجيها نصيبها مع اللي احسن مني
طلع نياف من المجلس ولحقه فيصل وصارت حالة ضحك ودق هتان على ريف
هتان:اطلعي انتي وامي وعمتي والبنات
ريف:شصاير
هتان:تفركشت خطوبتك ياحلوه يعني نياف معاده بخطيبك
ريف:ايش تقول انت متى صار كل ذا الكلام
هتان:اخلصيني اطلعييييي
قفلت ريف وجلست تبكي
رحيق:شفيك ليه تبكين
ريف:هتان يقول تفركشت خطوبتي
وجدان ابتسمت وقالت:عادي يروحي يهج نياف يجي الف واحد غيره
نغم:انتي تطقطقين عليها ولا ايش السالفه
وجدان:لاشدعوه اطقطق بس خلاص نياف ماهوب من نصيبها
نغم قربت من وجدان وقالت:صدقيني محد بيتهنى فيه دام ريف تبيه وتحبه
وجدان:ذكريني ارسل لتس الدعوه ياروحي
نغم:يلا بنات امشو
قامو البنات لبسو عبياتهم وطلعو وشافو نياف واقف جنب سعود وفيصل
رحيق ب همس ل ريف:لاتهتمين له امشي
ريف ناظرت رحيق وماردت وتقدمت من سعود ونياف وفيصل وقالت وهي عينها بعين نياف:ليه ايش سويت لك انا بتحاسبني على خطأ مو خطاي؟طيب من الاول ليه خطبتني تدري الحين عرفت ليه أجلت عقد القران عشان محد يتكلم علي ويقولون فيني شي
سعود:ريف خلاص عاد امشي ربي ماكتب نصيب
ريف:وين امشي خليني اطلع حرتي فيه بعد مين غاصبه علي وقايل له يخطبني انا ماقلت له
سعود بصراخ:ريف خلاص عاد امشي
هتاف:سعود وخر عنها خليها تتكلم
نياف ناظر ريف وقال:ربي ماكتب نصيب يابنت العم وربي يوفقتس مع اللي احسن مني ويجمعتس مع اللي احسن مني
ريف بصوت عالي:تستهبل معاي انت وين عايش فيه يوم تخطبني ويوم تجي تحضني واليوم اللي بعده تقول مافيه نصيب مجنون انت عقلك فيه شي
نياف:خلاص عاد قلت لتس ربي ماكتب نصيب من وين تفهمين
ريف بغصه:لاانت كنت تبي تنتقم مني ومن ابوي صح؟بس انا شذنبي ذا ابوي ليه ماانتقمت منه هو ليه رييف بذات لييييه ريف
فيصل:هتان عز سعود خذو اختكم
نياف:لا احد يجيها خلوها تتكلم
ريف:تبيني اكمل يعني لذي الدرجه ولاكلمه قلتها هزت فيك شعره؟بس تدري ماعليك كلام ولد سعود وغاليه نفس امك وابوك واقف بعزة نفسك ونظرتك نظرة القساوه
نياف:بس تدرين فيه فرق بين اني اكون ولد سعود وغاليه واقف ووقفتي فيها عزة نفس احسن من اني ولد سعد ثاني مره اذا جبتي طاري امي وابوي على لسانتس يابنت ابوتس صدقيني بيكون اخر يوم بعمرتس
سعد تقدم من نياف وقال:ايش فيه سعد لايكون ماهوب عاجبك ياولد سعود
نياف:لاابد بس بدال ماتاخذ بنتك خليتها تكمل
سعد:بنتي بتطلع اللي بقلبها ولاعليها من احد
نياف:خلها تكمل بس قل لها غاليه وسعود خط احمر لانها لو تكمل بفضح ابوها قدامها
سعد ناظر نياف ولارد ودخل نياف داخل للبيت
ابو ذياب:ليه الغيت الخطوبه
نياف:مافيه نصيب طيب ربي ماكتب اننا نكمل مع بعض
ابو ذياب:سودت وجهي قدام الناس الحين يقولون نياف ولد سعود جده ماعرف يربيه ترك بنت الناس
نياف:لايكون شايفني ذياب انا ماسويت شي خطا ماارتحت طيب اترك راحتي لعيونها لاوالله بعدين شفيه سعود صايرين تعايروني بسعود وغاليه ماشاء الله عليكم ياخوالي ربي يحفظكم
ام وصايف:نياف ابوي مايقصد
نياف:وشو مايقصد كل ماصارت مشكله قالو ولد سعود وغاليه وش سوو فيكم سعود وغاليه لهدرجه تكرهونهم لهدرجه وانتم حاقدين عليهم حتى وهم بالقبر
ام يوسف:نياف خلاص ياروح خالتك غاليه اختنا ليه بنحقد عليها
نياف:ماهوب انتم اللي تحقدون ذياب وابوكم  هم اللي يحقدون
غزلان:نياف خلاص امش معاي برا
نياف قام مع غزلان وطلعو وشافو سعد مع ذياب
نياف ل غزلان:الحين يعبي راسه
غزلان:امش امش وانت ساكت
قعد نياف على درج الباب وناظر غزلان وقال:
تحسين لو امي وابوي عايشين بيقولون كذا؟
غزلان وهي تجلس جنبه:شوف ابوي ماكان كذا بس ذياب من جاء غيره عليك مدري ليه  ومحد يعرف سبب كره ذياب لك ول غاليه وسعود
نياف:سمعتي كلام ريف؟
غزلان:سمعته وكلنا سمعناه ماعليك منها
نياف بغصه:غزلان
غزلان:نياف لاتخذلك دموعك تكفى
نياف:لو بتخذلني دموعي كان خذلتني وانا واقف
غزلان:اسمع انساهم ولاتهتم لكلامهم ابد خل نفسك فوق كل شي يانياف نفسك اهم من الكل فاهم
نياف ناظر غزلان وباس راسها وقال:انتي اهم من نفسي علي يابعد قلب نياف
غزلان:قم نم عشان تروح المخيم بدري
نياف:بنام بغرفتي بطرد محمد وفهد منها
غزلان:بلا مشاكل
نياف:بدون مشاكل بطردهم
قام نياف ودخل البيت
ابو ذياب:نياف
نياف:سم ياجدي
ابو ذياب:جدي وين يبه
نياف:يبه مااقولها الا ل سعود الله يرحمه
ابو ذياب:متى وقت المخيم
نياف:عشر الصباح بروح انا وفيصل والبنات
ابو ذياب:ليه بسياره وحده
نياف:يدي مكسوره مثل ماتشوف تصبح على خير
دخل نياف غرفته وناظر فهد ومحمد
نياف:ماودكم تطلعون
فهد:ليه نطلع
نياف:لانها غرفتي
محمد:نياف
نياف:اسمعو اذا طلعتو نادو فيصل ويوسف  وسلمان نبي ننام بغرفه وحده مثل ماتعرفون
فهد:ليه ماتناديهم
نياف:يدي مكسوره مقدر يلا انا بغير ملابسي وانتم اطلعو برا
دخل نياف حمام غرفته(يكرم القارئ)وبدل ملابسه وماقدر يلبس البلوفر وطلع ومالقى احد وطلع للصاله وشاف رُوح
نياف:رُوح
رُوح:هلا نياف
نياف:نادي غزلان خليها تجي
رُوح:طيب
راحت رُوح بتنادي غزلان ولقتها نايمه وماحصلت الا وليف قاعده
رُوح:فوفي عادي تروحين ل نياف يبي نوني ونوني نايمه
وليف:وش يبي نياف
رُوح:مدري
وليف:خلاص روحي ل خاله غدير قولي لها
رُوح:خاله غدير نايمه
وليف:خلاص بروح له
راحت رُوح وقامت وليف تلبس جلال الصلاة وراحت ل نياف
وليف:هلا نياف شبغيت
نياف:بغيت غزلان وينها
وليف:نايمه
نياف:خلاص كنسلي
وليف:وش كنت تبي طيب
نياف:كنت ابيها تساعدني البس البلوفر ماقدرت
وليف:خلاص انا بساعدك
نياف:لاخلاص بشوف يمه
وليف:لاتكبر المواضيع ترا كلها بلوفر
نياف:قلت بشوف يمه خلاص روحي داخل
وليف:نيييافوه يمه نايمه خلاص عاد لاتعاند بساعدك واروح داخل
نياف:ياقدمييي نيافوه من زمان محد قالها
وليف:انقلع خلاص معاد بساعدك يالمخيس
نياف:لاخلاص ساعديني طفشت بنام وفيصل شكله نايم بالشقه مع يوسف وسلمان
وليف:طردت فهد ومحمد من غرفتك
نياف:بس طردتهم طرده محترمه يحبها قلبتس
وليف:خلاص لف وشيل السناده ذي عشان ادخل يدك
نياف:بشويش تراها توجع
وليف:خلصت يلا تصبح على خير
نياف:شكرا
وليف:العفو دكتور نياف
نياف:اوه صرنا دكتور حضرة الممرضه وليف
وليف:ولابصير بالمستشفى اللي انت فيه
نياف:بنصير فريق يابنت الخاله
وليف:ليه فريق
نياف:حطو اسمتس بالقسم اللي انا فيه وانا ماسك المتدربين
وليف:عاد عطني درجات لاتنسى
نياف ضحك وقال:تصبحين على خير
وراح لغرفته وعلى طول نام
ثاني يوم الصباح الساعه ١٠
نياف:يلا فيصل
فيصل:اصبر بجيب فروتي
نياف:يابببناتتتتتت يلاا بسرعه
غزلان:جينا جينا
نياف:يلا اركبو السياره
وجدان:هذا طول حسك قصره شوي
نياف بصوت عالي:وجدانننننننننننننننننننننن
وجدان:نيافوه خلاص عاد
نياف ابتسم من قالت نيافوه وركب السياره بمكان الراكب وركبو كلهم
نياف:بشغل على ذوقي عاد بخاطري
فيصل:بتحط حقت بر لانك رايح مخيم
نياف:المشكله انك تعرفني بحطها
فيصل:حط
نياف حط (خلي ورا العرق والوادي)
فيصل:والله اني دارييي
نياف بدا يغني: خلي ورا العرق والوادي تكفون مروا على بيته يازيـن دلـه وبرادي عند أريـش العيـن في بيته
فيصل:نيافف
نياف:خلاص طفيتها
وصال:كأنك امس ماتهاوشت مع البيت واليوم تغني
نياف:اقص لسانتس طول ساقي وتتكلمين مالتس دخل بسوالف الكبار
وصال:انطم بس ماقلت الا الصحيح
نياف:ودي اصفقتس كف
فيصل:نيافوه ماعليك منها قول شعر
نياف:بقول اسمع
فيصل:اسمع
نياف:
يامنوة الروح يوم إن الحشا ضمّش  تلّي حشا القلب تل ورزي القامه يافتنة الغيد يوم إن الغلا زمّش سمّي على القلب من خلفه وقدامه ويا تلعة الجيد لامن قلتي بفمّش ودعتك الله حبٍ(ن) يذبح هيامه
ماني بقايل سقى الله روحتي يمّش لكن سقى الله عصر الحب وأيامه الشخص في عين من يغليه لا همّش ماتطيح له دمعه إلا تطيح له هامه روفي بأبو زيد قبل يموت مالمّش  وهزي قوامٍ(ن) لاهندم كن هندامه أصيلةٍ(ن) قد قناها خالش وعمّش ولها عقيد النشاما يكرب حزامه
وخليني أطيح من منحرش لا كمّش  طيحة كبيرٍ(ن) ماعاد تشله عظامه  مجرم غلا وش عليه إن شرْب من دمّش مادام بعدش بداية لحظة إعدامه وإن طوّل البعد وإن ماطال لا يهمّش  أنتي فْوجهي ووجه الشعر وإلهامه  القلب كنش فْحضن إبيش وألا أمّش إلين يموت الغلا ونكفّن أحلامه
وجدان:نييياف تدري ماني مصدقه انك افتكيت من ريف
نياف وهو يقلدها:وجدان ماني مصدق اني افتكيت من ريف
وجدان:لاتقلدني طيب عطني على جوي
نياف:امزح معاتس
غزلان:اعلمها نيافوه
نياف:بوش تعلمينها
غزلان:تخيلوو انها باسته على خده وكانت حاضنته
نياف:لاتذكرينييي طيببب
وجدان:وجع وجع وانت ماقلت بعدي عني؟؟؟؟
نياف:فاضي لها انا اسكتو بالله
وصايف:نياف منهي اللي تحبها
نياف:لازم اقول يعني لاتذكروني خلوني مروق
وصايف:نعرفها طيب
نياف:وتعزونها بعد
مواليف:نياف طبق ترا تعجبني ضحكاتك
نياف:لالو سمحتو يعني شوفو
وجدان:من يعني شوفو واضححححح واضح
نياف:خلاص عاد بعدين فيصل حر شغل المكيف
فيصل:شغال بس شكل الحب لاعب فيك
نياف:لاعب فيني و فيك اسكت بس
فيصل:لاانا وهي بنطبق شعرك اللي قبل شوي
نياف:لايكون يامنوة الروح يوم الحشا ضمش؟
فيصل:اييييه هو
نياف:لابقول لك انا وش ذابحني ياولد عليها عيييييون تاخذ العقل
فيصل:وش لون عيونها
نياف:اسود مثل سواد الليل
فيصل:انت اسود وهي اسود
نياف:خلاص اسكت معانا بنات
وليف:توكم تتذكرونا كملو غرام وحب
فيصل:وليف انتي ماتحبين
وليف:كنت احب بس ماش الحب ذا مادام ربع ساعه
فيصل:تحبين من
وليف:عنز جدتي من حبيتها ماتت
وجدان وهي كاتمه الضحكه:ماتت بحبك عشان كذا
نياف وهو يحاول يتنفس من الضحك:
عز الله لو يمه تدري لاتصفقتس عنزها راحت بسبب حبتس لها
وليف:لاخير وربي كانت حلوه وطيوبه
نياف:شلون حلوه وطيوبه
وليف:مدري بس شكلها حلو وكيوت
نياف لف عليها وهي كانت بالوسط وحط عينه بعينها وقال:اجل العنز كيوت يابنت باسم
وليف:لاوالله اجل تبيني اقول نياف كيوت وحلو وغمازته تهبل وملامحه الحاده تجذب الواحد وعيونه اللي كأنها من قمر الليل وسواده وشعره الكثيف ولا عطره اللي يخلي الواحد غصب يحب نياف ولاطوله وعضلاته
وجدان قرصت وليف وقالت بهمس:هدي شوي تكفين فضحتي نفستس قدام الولد
نياف ابتسم وهو عينه لوليف ولف قدام وهو يضحك
فيصل:حتى انتي يااخت فيصللل عاجبك ذا
وليف:ماهوب عاجبني
نياف:ولد فصفص كمل الطريق وانت ساكت
غزلان:عز الله ولدنا طاح ومحد سمى عليه
نياف:تسكتون ولا انط من السياره
وجدان:وش تنط عندنا وحده تحب عطرك عطها اسمه
نياف:وجدان بيجي واحد ويخليتس تهجدين اوريتس وربي لااطقطق عليتس
وجدان:اذا جاء اتفل بوجهي
نياف:بيجي بيجي مع الايام
وبعدها عم الصمت ووصلو المخيم
غزلان:هذا كبرهه
نياف:اذكري ربتس لايطيح وحنا به
فيصل:نياف لا حول لا حول بغيناها مزوحي تنسينا الجروحي وأتاري كنت غلطانٍ أنا لا حول، لا حول حسبنا وما حسبنا يا كيف بسرعة ذوبنا قليبي ضعيف بين معدنه
نياف: بلواي، بلواي أنا الضامي وهو الماي
أنا رايح وهو جاي محبتها غريبة ومربكة
غزلان:يالعشاقققق انتم هدو شوي
نياف:خلاص بنسكت المهم انا باخذ غفوه تعبان ومانمت زين
فيصل:انقلع للخيمه الصغيره بقسم الحريم
نياف:تدري فيصل
فيصل:وشو
نياف:ودي احضنك
فيصل:انقلع اعرف حضنك بتقرصني بعدين يدك مكسوره كيف تحضني
بدور:حضن ريف يعني وقفت عليك
نياف:انطمي انتي
وبعدها نياف راح للخيمه الصغيره بقسم الحريم وحصل فرشه ونام عليها على طول
......................................
نقدر نقول افتكينا من ريف؟تجهزوا القادم مُذهل👌🏻تجهزوا لنياف ووليف🤭
(تجاهلوا اي اخطاء)
الكاتبه:منيره آل عبدالعزيز💙.