بين الليل والحال هبت الذكرى

الأربعون

(استغفرالله)
قامت ام ذياب تاكل واخذت مواليف معاها ومشت وجدان لغرفة نياف وجلست على السرير بعد مانزلت عبايتها
حضنت رجولها وصارت تبكي بشكل مرعب ، بسبب اللي عاشته بهاليوم اللي كأنه سنه كامله مب يوم ، تبكي على كل شي قاعد يصير لها
أنفتح الشباك وماكانت معطيه أهتمام
نطق بهدوء:تبكين؟
ماردت عليه وكمل:تكفين أنتي الوحيده اللي أبي أشوفها قويه وماتبكي البكاء مو زين
مسحت دموعها ووقفت تلبس عبايتها:يعني البكاء ضعف؟من اللي لاعب عليك وقايل لك أنه ضعف؟
تكتف يناظرها وكملت:أطلع قبل يشوفك أحد مب ناقصه أبداً
همس بهدوء:تطلقتي؟
ناظرته بإستغراب:هذا شي مايخصك
تقدم لها وقال:يخصني وكثير بع
قاطعته من ضربته كف وقالت:أنطم ، جدي مات لو ناسي ، وأنت هنا جاي تقول تطلقتي؟ ويخصني ومدري أيش؟دامك تدري ليه تسأل؟ليه ماتنقلع توقف مع الرجال برا؟ليه جاي عندي؟ليه ماتتركني بحالي؟
مسك يدها وقال:ما أتركتس ، أنا جاي عندتس هنا أرتاح لاتزيديني
ضربت يده وقالت:معاذ أتركني
هز رأسه بالنفي وقال:تكفين أبي أرتاح
همست بهدوء:أترك يدي طيب
ترك يدها وآشرت له يجلس على الكنبه وفعلاً جلس وجلست على الطاوله قدامه وقال:
تراني ما أكلتس
ماردت عليه وكمل:نياف ، مب بخير أبداً
تكتفت تناظره وكمل:يحتاج وليف
تنهدت وهي تنطق:نياف أقوى شخص عرفته بحياتي كلها ، مايحتاج أحد جنبه هو الوحيد اللي واقف للحين يواسي الكل ويداريهم وهو أكثر من يحتاج المواساة و
قاطعها وهو يقول:وأنتي بعد تحتاجين مواساة وأهتمام
هزت رأسه بالنفي وقالت:ما أحتاج ، أنا مثل نياف قد نفسي وقويه
هز رأسه بالنفي وقال:مو قويه داخلتس وجع بس ماتحبين تقولين لأحد
تقدم يجلس عند رجولها على ركبته وهمس:
أحضنيني وأبكيّ
رجفت يدينها وأمتلت عيونها بالدموع وقالت:ما أبي
فهم قصدها أنها ماتبي تبكي وقال:أبكيّ ، ريحي نفستس
هزت رأسها بالنفي من نزلت دموعها
رفع نفسه يحضنها وكانت تبكي بقهر على كل شي صار وهي ماقدرت تبكي ، كانت تقوي نفسها لوحدها من غير محد يقويها ، كانت تواسيهم كلهم وهي أكثر من يحتاج المواساة
-
بيت أم حامد
-
ام حامد:يلا ياورد نبي نروح
ورد:جيت جيت
وديان:تراك رايحه عزاء مب عرس
ورد:مب شغلك
ساره:وهي صادقه أمسحي المكياج لاينقدون عليك العالم
ورد:محد له شغل فيني
وديان بهمس لساره:تهول بنفسها تحسب ولد سعود داري عنها
ساره ناظرت ورد بصدمه وقالت:تحبين نياف؟
ماردت عليها ورد وقالت وديان:ورد تراه مب داري عنك وربي ، الولد بمليون هم وأنتي ميته عليه؟
ام حامد:واذا تحبه ولد سعود وش زينه ، دكتور وعنده فلوس وبيت ومزيون و
قاطعتها ساره:متزوج الولد وخرو عنه لاتخربون حياته
ورد:واذا متزوج؟الشرع محلل أربع
ام حامد:لاياورد نخليه يطلق بنت جواهر ام لسانين
وديان:للمعلومية تراه يعشقها ويموت فيها بعد
ورد:مو مهم
ساره:لو يدري لكم حامد وش بيسوي؟
ام حامد:مايسوي شي حامد يطيع كلام امه
ناظرتهم وديان بقرف ومشت من عندهم تطلع من البيت ولحقتها ساره
-
دخلو بيت ام ذياب وكان نياف واقف مع سعود ويوسف
تقدمت ام حامد ومعاها ورد ، صدو العيال من شافوهم
ام حامد:عظم الله أجرك ياولد سعود
هز نياف رأسه ونطقت ام حامد من جديد:
من وين الباب نسيته
نياف:يدلكم هايف
ام حامد:وشوله هايف دلنا أنت
عطاهم نياف ظهره وحسبوه بيدلهم لكنه خذل كل توقعاتهم من نطق:ياهايف
جاء هايف وقال نياف:دلهم على الباب وقل لغزلان أني أبيها
ركض هايف ومشو وراه ام حامد وورد
ورد بهمس لأمها:تجاهلني !
ناظرتها أمها بدون رد وتقدمت تعزي أم ذياب
جلست ورد جنب وليف وهمست لها:أنتبهي من الورد ياوليف تراه يجرح
ناظرتها وليف بحده وقالت بهمس:حنا بعزاء لو ناسيه
سكتت وليف من تقدم لها هايف وقال:نياف يبغى نوني بس مالقيتها
وليف:طيب قول له يروح غرفته انا بجيه
هز هايف رأسه ومشى يقول لنياف
-
مجلس الرجال
-
دخل حامد وتقدم لذياب ونياف:عظم الله اجركم
هز ذياب رأسه ، رفع نياف نظراته لحامد وقال:أجرنا وأجرك
مشى حامد يجلس جنب ابو عقاب وهمس له ابو عقاب:انت للحين تبي تصلح علاقتك مع المرجوج ولد سعود؟
حامد بهمس:وانت وش دخلك؟
ابو عقاب:الحقني برا اتكلم معاك بكل وضوح
وقف ابو عقاب وطلع من المجلس ولحقه حامد
حامد:وش عندك؟
ابو عقاب:اسمعني زين ، ولد سعود هذا مرجوج عقله فيه بلاء ماهوب بصاحي ابد ماتفرق بينه وبين المجنون ، انا ناصح لك ابعد عنه ، هذا لو فيه خير ما أخذ وحده ولدي يبيها وهو يدري بهالشي
حامد:وانا وش دخلني بسالفه بينك وبينه؟
سكت ابو عقاب وكمل حامد:وولدك لو فيه خير ، كان خطبها ، والحين أسمعي انت ، أبعد عن ولد سعود اللي تقول عنه مرجوج ، تراني مرجوج مثله وانا ماني بصاحي مثله
-
داخل عند وليف
-
جاء نياف وقال:وليف ، فيتس شي؟
هزت رأسها بالنفي وقالت:نياف اسمعني بقول لك شي بس لاتتضايق مني
نياف:وليف وربي مو وقته
هزت وليف رأسها بالنفي وقالت:وقته نياف وقته لازم تعرف بهالشي ، مقدر اسكت اكثر من كذا نياف مقدر ، كل يوم يجيني تأنيب ضمير لأنك ماتعرف بهالشي
ناظرها نياف وكملت ودموعها على خدها:شوف أنا أعرف كل شي ، أنا من أول من عرف بمرض جدي وسكتت برغبة من جدي ، وأعرف أختك نياف أنا أعرف بكل ش
قاطعها نياف من سحبها لحضنه وقال: لاتكملين ياوليف لاتكملين
هزت وليف رأسها بالنفي ونطقت بهمس:
لازم تعرفها نياف لازم
بّعدها عنه ورفع يدينه يحاوط وجهها وقال:
ما أبي أعرفها ياوليف ما أبي ، تكفين أفهميني ياوليفي
رفعت نظراتها له وقالت:أنا أكثر من يفهمك يانياف ، بس لازم تسمعني
-
بعد أيام العزاء الحزينه
-
بعد ثلاث أسابيع
-
كانو العيال جالسين بالمشب وقال محمد:
يعني الحين جده ووجدان بدو عدتهم؟
فيصل وهو منسدح على رجول معاذ:
بالضبط ، بعدين ما لاحظتو شي
فهد:وشو
فيصل:عايض ماجاء للعزاء
معاذ:لو جاء دفنته وهو حيّ
يوسف:عاش أخوي عاش ، تستهبل انت؟عزاء ذا
معاذ:خلوه ينقلع ، هالأدمي كسر بنت غدير تكسير ، ياحبيبتي هي
ناظره ذياب بصدمه وقال:تحبها؟
معاذ:تكفى خالي ذياب لاتعلم احد
سلمان:أبوي تكفى أفضحه
ذياب:معاذ كم تدفع وأسكت؟
معاذ:المشكله انك خالي مقدر اقول شي
فيصل:قبل كم وأنت تقول له ذيابي وش تغير؟
معاذ:أبوي جلدني قال قل له خالي عيب مايصلح
فهد:تسلم يدين عمي باسم
سلمان:إلا نياف وينه؟لايكون نايم؟
فيصل:لاوين نايم أتوقع أنه عند جده داخل
سلمان:قولو له يجي
رفع يوسف جواله يتصل على نياف لكن ، الرقم كان مقفل
يوسف:مقفل
فيصل:دق على وليف
أتصل يوسف على وليف وردت:هلا
يوسف:وليف خليّ نياف يجي عندنا بالمشب
وليف:نياف ماهو عندنا
يوسف:وليف مو وقت مزح
وليف:وربي ما أمزح ، قال لنا أنه بيقعد عندكم وطلع لكم
يوسف:طيب طيب
قفل يوسف منها وقال:نياف ماهوب داخل
فز معاذ وقال:كيف ماهوب داخل؟
يوسف:يعني ماهوب داخل
فيصل:وين بيروح يعني؟
سلمان:يمكن طلع يمشي او راح لبيته
فيصل:مستحيل يروح بيته ، فيه عمّال
محمد:دقوا عليه مره ثانيه
معاذ:بدق أنا
رفع معاذ جواله وسكنت ملامح وجهه من شاف رسالة نياف قبل ثلاث ساعات
فيصل:معاذ وش فيه
معاذ:راح
يوسف:منهو اللي راح
معاذ:نياف
سلمان:وين راح
مارد معاذ وهو يناظر رسالة نياف ، سحب فهد الجوال وقال:واحدهم ساعة ينطق هات الجوال
فيصل:وش مكتوب يافهد
رجف صوت فهد وهو ينطق:مسافر للخارج وكاتب ، أنتبهوا لنفسكم وأنتبهوا على أمي وغزلان لاتزعلونها أنا مسافر عشان أرتاح كم شهر أو يمكن كم سنه وأرجع
-
داخل عند ام ذياب
-
ام يوسف:يمه أكلتي؟
ام ذياب:ابي نياف
ام وصايف:يمه نياف برا عند العيال
ام ذياب:قولو له يجيني ، ما أرتاح بدون ولدي
ام فهد:يمه تكفين لاتضغطين على نياف اللي فيه مكفيه
ام ذياب بصوت عالي:قولو لولدي يجينييي
جلست وليف جنب ام ذياب:جده ، بقولتس شي بس لاتزعلين
ام ذياب:ياوليف خليّ نياف يجيني
وليف:جده ، نياف مايقدر يجي
ام ذياب:ليه مايقدر ولدي ذا
وليف:جده ، نياف سافر اليوم
ناظروها كل الموجودين بصدمه وقالت غزلان:كيف سافر؟
وليف:يعني سافر للخارج
وصايف:يعني تركنا؟
سكتت وليف تناظر وصايف وقالت وصال:
مايسويها نياف
وليف:جده ، تراه قال خليّ أمي تنتبه لنفسها واذا جيت ابغاها زي قبل وأحسن -لفت على غزلان-ويقول لتس ياغزلان أنتبهي لنفستس وكملي حياتس وتراه بيرجع ماهوب مطول
مضاوي:صاحي ذا؟يتركنا بهالحال ويروح؟
وجدان بهدوء:حالنا مافيه شي ، بالعكس أحسن شي سواه أنه سافر ، منها يرتاح ومنها يريحكم
وقفت وليف وقالت:انا بروح أجيب أغراض من بيتي عشان اقعد عندكم
ام يوسف:اقعدي ببيتس
وليف:اقعد لحالي؟
غزلان:تعالي معاي شوي
راحت وليف مع غزلان وقالت غزلان:
شفيتس؟
وليف:مافيني شي
غزلان:وليف زوجتس سافر
وليف:الله يرجعه بالسلامه
غزلان:والله فيتس شي بس مدري وشهو
وليف:مافيني الا العافيه ، انا بروح معاذ ينتظرني
لبست عبايتها وطلعت لسيارة معاذ وقالت:
على بيتي ياشطور
معاذ:وليف مب ناقص ترا
وليف:أسرع تكفى يامعاذ
ناظرها معاذ وحرك سيارته بسرعه وكانت وليف تناظر جوالها والساعه
-
وصلو البيت وقال معاذ:بشويش ياوليف لا أحد يحس عليتس
وليف:ما أقدر يامعاذ ما أقدر
ناظرها معاذ بإبتسامه وقال:أنطلقي يا وليف أنطلقي
نزلت وليف من السياره ودخلت البيت وركضت للدور الثاني
فتحت باب غرفة "النوم"وتقدمت تدوره بالغرفه وماحصلته تقدمت تفتح باب غرفة الملابس وشهقت أول ما حضنها شخص من ورا لفت عليه وهمست:وحشتني
أبتسم يناظرها وهمس:وحشتيني أكثر
ناظر عيونها وقال:مشت عليهم الكذبه؟
هزت رأسها بالإيجاب وقالت:أنت قلت أذإ مشت عليهم الكذبه ، بتكون لي هديه وش الهدي
قاطعها من سحبها له يُقِبّلَهَا ، نزل يده يحاوط خصّرها ويشدها له أكثر ، رفعت يدها على صدره تّبعده وهمس هو:هذي الهديه
لفو كلهم من سمعوا صوت معاذ وهو يقول:
يليلل المتزوجين خلاص عاد عطيناكم وجه
ضحك نياف بهدوء ولف على وليف وقال:
أخوتس عادي
ناظرته وليف بصدمه وقالت:معاذ شغل المكيف حر
ضحك معاذ ومشى يشغل المكيف وقال:
تعال نياف بحضنك
تقدم نياف يحضن معاذ وقال معاذ:عاد الحين أشرح لي السالفه
نياف:بنام
معاذ:تستهبل عليّ؟مكذب عليهم كلهم وتقول بنام؟قل وش السالفه
جلس نياف على الكنبه وقال:بقولك بس تراني جوعان أبي أكل
معاذ:رح لمطبخك
نياف:سو لي أنت بجلس مع زوجتي شوي
معاذ:يليل المتزوجين خلاص عاد درينا انكم متزوجين ، ترا حركاتكم تضحك
نياف:نشوفك اذا تزوجت وجدان
معاذ:ما أجي عندكم وش أبي بالنجوم وأنا معي قمرها؟
نياف ناظر وليف اللي تجمع أغراضها وقال: أيوالله وش أبي فيها
ناظره معاذ بصدمه وقال:مريض بأختي أنت
نياف:أنا أنسان مهووس ، مدري كيف بسافر وأخليّ وليفي لحالها
جلس معاذ جنب نياف وقال:بتسافر عشان ترتاح مو عشان احد
نياف:بسافر عشان لا أتكلم وأجرح الناس بالكلام اللي عرفته من وليف ، لو ماعلمتني وليف انا ماكنت بعرف أبداً
معاذ:كنت بتعرف من أختك بس المفروض تصبر يانياف
نياف:ماعاد عندي صبر يامعاذ تعبت من الكل ، كم لي وانا ادور اختي؟ كم لي وانا رامي وليف بالبيت لحالها عشان بس ادور على اختي؟وهم كلهم يعرفون ومحد قال لي؟اللي يقهرني ان حتى فيصل يعرف
معاذ ناظره وهمس:ووجدان؟
نياف:كلهم يدرون الا انا ووجدان واختي ، تدري مااحد علمها عشان ماتجي تقول لي؟
معاذ:ماعلينا بس تذكر
قاطعه نياف وهو يقول:بتقول تذكر اللي كان يغنيها جدي لك؟
هز معاذ رأسه بالإيجاب وقال نياف:أذكرها ، وللحين أسمعها
معاذ:قلها
نياف بنبره حزينه:ياوجودي وجد طفل ذاق همه من سنينه بانت همومه بوجهه مايعرف يكن همه الليالي مروعاته بالهموم وبالغبينه
كلما هست عيونه صاح يمه وين يمه راحو اهله صوب مكه وانكفو يم المدينه من على هاك الطريق ابه المصيبه والمطمه اعترض في دربهم موتر وحاصوا من يمينه واصدموا هاك السياج وحولوا من فوق قمه واحترق موترهم اللي من يشوفه شاب عينه مات ابوه وماتت امه علموا جده وطاح العود يصفق في يدينه من علىخده دموعه غرقت جيبه وكمه قالوا نبغي انصلي عليهم في المدينه ياعسى ربي يجود برحمته والخير تمه
الولد لايدري وحنا محنا معلمينه خوف من جرح يجي في قلبه ويزداد سمه كيف ورعن يفقد والدينه كيف ينسى حضنها اللي من غثا الايام ضمه
-
كانت وليف تسمع كل شي ونزلت دموعها من نطق نياف:كان يغنيها لي وانا منسدح على رجوله وهو يلعب بشعري
صد معاذ عن نياف وكمل نياف:تدري ، مدري شلون بكمل حياتي بدونه كان لي كل شي يامعاذ صح كنت اتهاوش معاه وارفع صوتي عليه ، بس هذا أبوي يامعاذ أنت أكثر من يعرف علاقتي بأبوي صح كنت ازعل عليه ، بس كنت أرضى ، كان يقول لي لاتاخذ وليف ماتصلح لك ، ويوم أخذت وليف هو أكثر واحد فرح لي ، كان يقول لي ، أنت اللي اكثر واحد بتبكي عليّ اذا رحت ، وكنت اقول له لاتقول كذا ربي بيعطيك عمر وتشوف عيالي وأحفادي ، وكان يقول لا أنا يومي قريب كان حاس بهالشي يامعاذ وانا ماحسيت ، كان يتعب ومحد منكم يقول لي ، وادري ان هو اللي قايل لكم عشان لاتخوفوني بس الحين وش بيفيد كلامي فيه؟دامه راح وتركني هنا.
ناظره معاذ وقال:بتكمل حياتك طبيعي زي قبل لأنه لو كان موجود بيزعل عليك ، انت اكثر من يعرف انه كان يبي يشوفك دكتور كبير كان يبي الناس تناديك الدكتور نياف ابن سعود آل ناصر كان يبي الناس تقول له عرفت تربي يبو ذياب ، لاتخليه يزعل عليك وهو بقبره
وقف معاذ من شاف وليف تطلع من غرفة الملابس وقال:بسوي لك أكل
مشى معاذ يطلع من الغرفه وجلست وليف بمكان معاذ وقال نياف:كنتي تبكين؟
هزت رأسها بالنفي وقالت:كنت أطلع الملابس ودخلت غبره بعيني
رفع حاجبه يناظرها وقال:ماتمشي عليّ ، وش فيتس؟قولي لي؟
ناظرته وليف وسرعان ما أمتلت عيونها بالدموع وقالت:ما أبيك تحس بالنقص بحياتك ما أبيك تقول ماعندي أحد ، ما أبيك تحس بالذنب تجاه أيّ شي بالدنيا ، لاتحس نفسك سيء بس عشان ماكنت تدري أن جدي بيموت بذاك اليوم ، أنت أعظم أنسان قابلته بحياتي كلها أنسان صبور ويعرف ربه ويعرف الصح من الخطأ ويعرف كل شي بالحياة أنت أنسان كامل مافيه نقص ، لاتحسس نفسك بالنقص ، أنا معاك ، حتى لو تبيني أسافر معاك بدون علمّ أحد بسافر ، المهم ، هو أنت
لمعة عيونه وهو يسمع كلامها وهمس:
والغير مهم؟
مسكت يده وهمست:برضو أنت ، كل شي بحياتي أنت ، نياف ابن سعود
رفع يدينه يحاوط وجهها وقال:مُناي ومُبتغاي بهالدنيا أنتي
تنحنح معاذ وقال:يالمهم بحياتها قم أكل
ضحكت وليف وقال نياف:غيران لأني أهم منك؟
معاذ:والله لو أنها وجدان ، قم قم
وليف:احلف؟اختك تراني
معاذ:من اختي؟ماعندي خوات
طلع معاذ من الغرفه ولحقته وليف وهي تقول:اجل انقلع من بيتي
معاذ:شرايتس تنامين عند نياف اليوم؟
وليف:مايمدي
ناظرها نياف وهو يجلس على طاولة الاكل:
نامي أنتي ومعاذ هنا وقولي لخاله جواهر ، بنظف البيت واجي
وليف:بتقول خوذي وحده من البنات
نياف:لاماعليتس قولي يساعدني معاذ
معاذ:جاك الثاني ، ياولد دامك تحبها وتحب حضنها ، ليه تسافر؟اجلس عندها وفك أهلي
نياف:معاذ ، نزل كوب الشاهي
مارد عليه معاذ وقال نياف:نزل كوب الشاهي يالمشفوح
ناظره معاذ وهو يشرب من الشاهي:انطم
قام نياف يركض ورا معاذ وقالت وليف:
بزارين
كانت تسمع ضحكة نياف ومعاذ وتحمد ربها أن معاذ موجود وضحك نياف ، اشتاقت تسمع ضحكته
وقفت وليف من دق جوالها وقالت:اسكتوا امي تتصل ، هلا
ام يوسف:وينكم طولتو
وليف ناظرت نياف وقالت:أمي بننام ببيتي
ام يوسف:ليه؟
وليف:يبي له تنظيف وترتيب وقلت انام فيه انا ومعاذ ونتساعد فيه
ام يوسف:كان قلتي لنا نخليتس تاخذين وحده من البنات
وليف:مايحتاج معاذ يساعدني
ام يوسف:زين وقفلو الباب زين وانتبهوا على بعض
وليف:ابشري
قفلت وليف وقالت:تقول مافيه نوم بالبيت
نياف:تمزحين؟
هزت رأسها بالنفي وقالت:بس قالت انتبهوا على بعض وقفلو الباب زين
معاذ:انقلع احضنها
ضحك نياف يناظر معاذ وقال:شفيك عليّ؟
معاذ:غثيتني بس تحضنها وتبوس بهالبنت حشى كل هذا حب يانياف
وليف:معاذ ، فيه غرفه للضيوف هنا ، تعال
معاذ:تبي تنومني ذي عشان يرتاح نياف ويشبع من حضنها
ناظرته وليف وقالت:استغفرالله ياربي ، امش اخلص بلّم الاكل
معاذ ناظر نياف وقال:احمد ربك اني معاذ مو فيصل ، لو انه فيصل كان ناشب لك
وليف:زوجته الثانيه فيصل
نياف:زوجتي الوحيده وحُبي الأبدي وليف مالي زوجات غيرها
معاذ:رومانسيه حلوه
ابتسمت وليف وقالت:معاذ
معاذ:خلاص درينا ، انقلعي احضنيه وقولي وحشتني يابعد كل أهلي وطوايفي ، قولي يابعد كل من آخر أسمائهم حرف الفاء
ضحك معاذ ومشى يدخل غرفة الضيوف وقفل الباب وقال من داخل الغرفه:قفلت ترا مااشوفكم
ضحك نياف وقالت وليف:نشبه
وتقدمت تشيل الصحون وقالت:ليه ما اكلت زين؟
سكت يناظرها وقالت:نياف ، اسألك أنا
مشى للطاوله يشيل معاها وقال:ما أشتهي الأكل
دخلت المطبخ وهي تقول:وش تشتهي أجل؟اذا ماتشتهي الأكل وش تشتهي؟
نزلت الأغراض على الرف ولفت عليه من نطق:ما أشتهي شي بهالدنيا كثر جلسه مع وليف القلب
أبتسمت تناظره وقالت:تعال معاي ، نطلع الأغراض ونجلس بالحوش
وقف قدامها وقال:بتحققين مطلّبي؟
هزت رأسها بالإيجاب وقالت:مطالّبك كلها لو تبي ، بس بشرط واحد
رفع يده لشعرها وقال:واللي هو؟
رفعت عيونها له وقالت:تسمعني ، وأسمعك
، من غير مُقاطعه ، واذا خلصنا
قاطعها وهو يقول:تضمني وأضمك؟
هزت رأسها بالإيجاب وقال:الجو برا برد ألبسي يدفيّ
مشت تاخذ بطانيه وقالت:نسوي سباق؟
هز رأسه بالإيجاب وقالت:123
ركضت وليف وهي تضحك وركض وراها نياف وقفت بوسط الحوش تنتظره يوصل عندها وسرعان ماضحكت من شالها وبدأ يلف فيها
ضحكت وهي تناظره وقالت:نياف تكفى خلاص
نزلها نياف وقالت:تعبت من الضحك
رفع وجهها له وقال:اصلا الضحك مايليق إلا عليتس
أبتسمت تناظره وقال:تعالي نجلس وأسمعيني وأسمعتس
مشت معاه وقالت:النجوم اليوم حلوه !
جلست وجلس جنبها نياف وقال:تخيلي لو كنا مجتمعين هنا مع الكل ، أبوي ذياب ، وأمي مناير ، وخالاتي كلهم ، وخالي ذياب ، والعيال والبنات
ناظرته وليف وقالت:نياف ناظر النجوم ، خلك من همّ الدنيا
ناظرها وأبتسم وحضن كتفها وقال:وشهي النجوم عند جمال عيونتس؟
أبتسمت تحط رأسها على صدره وقالت:
وعيونك فيها لمعه مثل لمعة النجوم ، شي يُبهرني فيك ويجذبني
نزل عيونه يناظرها وأبتسم من رفعت رأسها له وقال:تدرين وش الشي اللي يُبهرني بالدنيا؟
رفعت يدها على وجهه وقالت:وش؟
نزل يده على خصّرها وقال:وليف القلب
ضحكت بخفه لفرط سعادتها "بكلامه المعسول"
رفعت نفسها تُقبّل فكه وهمست:يا أجمل شي جابته الأيام لي
شد على خصّرها ، يبتسم يتأمل عيونها ، يتأمل شامتها القريبه من ثُغَرْهَا
أنحنى يُقَبّل شامتها ورفع نفسه يناظرها وأنحنى من جديد يُقَبّل عُنَقَهَا وهمس:هلاكي وآخري
رفعت يدها على كتفه وهمست:نياف معاذ موجود
ناظرها وقال:من معاذ؟ومن حنا؟معاذ شي موجود ماله فايده ، أما حنا لنا فايده
عضت شفتها من حست بأنفاسه الحاره تضرب عُنَقَهَا
بّعد عنها وهمس:قصّري بُعد المسّافة لاتطوّل وأرحمّي قلبٍ يُعذبه الحنين
ناظرته وهمست: قلبك سمّاي وضحكتك داريّ
أبتسم يناظرها وهمس بهدوء:ام غمّور
ناظرت فيه تبتسم وهمست:أبو غمّوري
-
بيت ام ذياب
-
وجدان:صاحيه انتي؟وشو نياف مات؟
وصال:مدري ياخي نياف من مات جدي مو طبيعي ماياكل اكيد بيموت
وجدان:انطمي بس الا نياف بسم الله عليه
دخلت هديل الغرفه وقالت:وش صاير؟
وصال:بس قلت لها نياف مات وهاوشتني
هديل:بسم الله عليه ، وش هالكلام انتي بعد؟مات وما مات؟مايصلح تتفاولين على الولد كذا
وصال:مدري ياخي جاني أحساس غريب
هديل:مثل؟
وصال:مثل اللي مو مرتاح مثل اللي مو عايش حياته زين ، تدرين حتى ذا الكلام مو لي لنياف مو لي انا مايوصف حالتي يوصف حالة نياف ، يعني تخيلي هديل من مات جدي مايجلس ولا ياكل طول وقته بالمشب وماسك شماغ جدي بيده ومايتكلم مع أحد ، وجده بس تبيه وهو مايبي يدخل عندها وينهار وينفجر
وجدان:ليه ينفجر؟
هديل:تعبير مجازي خليها تكمل
وصال:كأنتس أخذتي رُوحه منه ياهديل ، صار جسد من غير رُوح
هديل:فاهمه شعورتس ياوصال ، بس لاتنسين هذا نياف ، مايصير فيه شي تذكرين يوم قال لنا أن جدي مات؟كيف أحتوانا كلنا
؟كيف مشى على واحد واحد فينا ويحاول يصبره ، أول شخص راح له جده مناير وبعدها غزلان وبعدها عماتي وبعدها أبوي ليه ماصبر نفسه وجاء للكل؟لأنه قد نفسه ويعرف هو أيش يسوي حتى لو مشاعره حزينه ، تذكرين كيف جلس عند عمه غدير عشان تاكل وهي رافضه؟وش قال؟ماقال اذا مااكلتي انا بزعل عليتس ولا عاد اكلمتس؟هذا كله متى؟هذا كله بأول أيام العزاء بس ، وللحين نياف صابر ، وتذكري﴿يا أَيُّهَا الَّذينَ آمَنُوا استَعينوا بِالصَّبرِ وَالصَّلاةِ إِنَّ اللَّهَ مَعَ الصّابِرينَ﴾ ....
وجدان:كلام هدولي صح ، يعني تخيلي
قاطعتها وصال وهي تقول:تخيلو حياتنا بدون نياف؟لو نياف مو موجود مين بيكون مكانه؟مين بيداري خالاتي؟ومين بيحارش غزلان؟
وجدان:ييوه عاد انتي وهي ، غصب تنزلون دموع الواحد
ضحكت هديل تناظر وجدان وقالت:عاد ام دميعه بس تبكي
وجدان:لا ويننن ، نياف وصاني قال لاعاد اشوفتس تبكين ، لو بكيت يزعل عليّ
سكتو من دخلت عليهم غزلان وقالت:وش عندكم سكتوا؟
هديل:ماعندنا شي تعالي
جلست غزلان عندهم وقالت:ماوصلكم خير من نياف؟
وجدان:وين يوصلنا خبر ، ولد أختس هفى
غزلان:وحشني
هديل:مين؟
غزلان:أبوي ، وحشني صدق ، ما أعرف كيف بكمل بدونه ، وبدون نياف ، كانو كل شي بحياتي ، وأختفو أثنينهم
هديل:ما أختفى نياف ، موجود ، بس سافر عشان يرتاح ، وهذا شي حلو
غزلان:شي مو حلو ، نحتاجه بهالفتره
وجدان:طيب مافكرتو أنه هو اللي يحتاجكم؟
مافكرتو أنه أكثر شخص بيننا يحتاج المواساة؟غزلان ، نياف سافر عشان يرتاح ، ويفكر بأمور كثيره
غزلان:بس تركنا هنا ! راح ماهوب موجود ، ترك أمي وهي تحتاجه ، ترك وليف وهي تحتاجه
وجدان:طيب حتى هو يحتاج أحد مو بس أنتو تحتاجونه ، حتى هو يحتاجكم ، كم يوم مر؟هاه؟محد فينا راح وسأله وش عشت بكل هالأيام يانياف ، حابس نفسه حتى أكل ماياكل ، ولادريتو عنه ، ومتى ما أحتجتوه قلتو خلو نياف يجي؟طيب حتى هو يحتاج بني آدم يساعده ويوقف جنبه ، صار يتيم للمره الثانيه فقد أبوه للمره الثانيه ، ماجيتي حتى واسيتيه هذا وأنتي شفتيه يبكي بقهر قدامك مشيتي وتركتيه ، غزلان لاتكونين أنانيه وصحصحي شوي
سكتت غزلان تناظر وجدان وكملت وجدان:
هو أكثر شخص فينا يحتاج الكل حوله ، بس وش سوينا؟سحبنا عليه وتركناه يجي يواسينا كلنا ، محد فينا ناظر نياف غير وليف ، كانت تطلع من المجلس وهي ترجف بس عشان تشوفه ، عشان تتطمن عليه ، وأنتي؟أنتي حتى بالليل أذا دخل يتطمن عليكم قمتي وتركتيه ، تحسسينه أنه هو السبب في موت جدي الله يرحمه ، لو تذكرين خالي ذياب وش قال ، كان فهمتي وش أقصد ، ماقال لنا أن نياف ضرب الدكاتره عشان يشوف جدي؟
ماقال لنا أنه جلس عند السرير يبكي بحرقه ويقول صرت يتيم مرتين؟لو سمحتي ياغزلان ، لاتقولين تركنا وهو ماترككم أنتو اللي تركتوه ! كان يحتاج قلب أم أو قلب أخت تضمه ، لكن محد ضمه غير وليف ، محد أهتم فيه كل الفتره اللي راحت غير وليف ، تركتوه وهو بأيامه الصعبه ، وجاكم وهو تعبان بس عشان يواسيكم ، أعتقوه لو مره وحده لاتضغطون عليه ، خلوه يعيش حياته ، لانكم لو ماخليتوه يعيش حياته ، بيندم على كل شي ، خلوه عايش وينبض قلبه لمره وحده عشانه هو ، واذا ماقدرتو تسوون كذا ، أبعدوا عنه ، أبعدوا عنه لمده قصيره وشوفو كيف بيصير متهني
-
سكتت غزلان ماتقدر ترد لأن كل وجدان صحيح ، هم كانو متسلطين على حياة نياف بشكل مو طبيعي
-
بيت نياف ووليف
-
فتحت عيونها وسرعان ماسكرت عيونها من حست بالصداع يداهمها
لفت تناظر مكان نياف وأبتسمت تشوفه نايم جنبها
رفعت رأسها تلف على نياف وتقدمت تُقبّل خده"مكان غمازته الواضحه"
أبتسم يشُعر فيها تُقبّل خده وقال:ياكذا الصباح ولا بلاش
أبتسمت وقالت:وين صباح حنا الحين العصر
ناظرها وقال:أحلفي
وقفت تناظره وقالت:والله ، يلا قوم
مد يده لها وقال:ساعديني أقوم
مسكت يده وسرعان ماسحبها تطيح جنبه على السرير وقال:ماتقومين كذا
سكتت تناظره ورفع يده يبّعد شعرها المتناثر على وجهها وقال:هلاكي
وأنحنى يُقَبّل عَنّقَهّا وهمست وليف:نيياف ، مو وقتته
همس نياف بهدوء:وقته
بّعد نياف عنها من سمع صوت معاذ عند الباب وهو يقول:أدعس يالحبيبه للحين نايمين
نياف:يقلع أبليسه يحب يخرب كل شي
ووقف يتجه للباب وفتحه وقال:خييير
معاذ:لمتى وانتو نايمين؟طفشت تراني
نياف:معاذ اسكت ، ليه تحب تخرب كل شي
معاذ ناظر وليف اللي ورا نياف جالسه على السرير وأستوعب وقال:نسييت أني نايم عند متزوجين سامحني -قرب يهمس لنياف- بعدين شوضعكم أول ماتقعدون الله يقرفكم
ناظره نياف بصدمه وقال:نيتك لاتطييير بعيد ، كنت أقصد بكلامي اللي قبل شوي أنك قعدتنا من النوم
معاذ:اهاااا قل كذا خلاص آسف
ومشى يطلع من قسمهم ولف نياف لوليف وقال:أخوتس لازم يتزوج
ناظرته وليف وضحكت عليه وقالت:إلا أخوي
...........................
بارت حلو حلو حلو بيعجبكم ، العلاقات بدت تتصلح يعني؟يعني أن الختام قريبب مره
الكاتبه:منيره آل عبدالعزيز💙.