بين الليل والحال هبت الذكرى

البارت الثامن

"ماقدرت اصبر وجيتكم قبل موعدنا بيوم"
(استغفرالله)
غزلان:امااا مخيييييم
نياف:اييوالله مخيم ويلا خلونا نروح تعبان
وراسي يوجعني
ام وصايف:نياف انت سوق فينا
نياف:انا بوصل البيت بسرعه يعني بسرع
ام يوسف:اجل انت بسيارة البنات
نياف:طيب انا مابي احد معاي وش الحل
ام ذياب:بلا دلع اصلا عمامك بينامون عندنا
نياف:خلاص يلا يابنات امشو ولااسمع لكن صوت
بيان:يعني حنا اللي بنموت ونخليك تسمع صوتنا
نياف:ام عشرين لسان هدي شوي
راحو البنات سيارة نياف وحرك نياف على طول
غزلان:هد شوي
وقف نياف سيارته وقال:من اللي تعرف تسوقق فيكن
وليف:انا
نياف:غزلان نطي ورا وانتي تعالي سوقي
غزلان:ليه انط ورا
نياف:اجلس جنبهن يعني ولاوحده تحل لي
غزلان:انت شفيك
نياف:راسيي مصدع والدنيا تلف فيني لف
نزلت غزلان وراحت ورا وجت وليف بمكان السواق
نياف:حركي يلا بس بشويش
وليف:ماعندي بشويش
نياف:بدينا لعب وراعين حركي يلا
حركت وليف السياره وكان هدوء تام لين قالت وجدان:شغلو اغاني
نياف:بدون اغاني
وصال:شكل حرارتك مرتفعه
نياف:اسكتن خلاص
دق جوال نياف ورد نياف بدون لايشوف الاسم
نياف:هاه
ذياب:هويت بنار جهنم وينكم فيه
نياف:يويطييييي ذياب شتبي مالك دخل ويننا فيه
ذياب:نييافففف وينكم فيييه
نياف:خلصت ولاباقي كلام ياذياب اخلصني راسي يوجعني لاتزيده علي
ذياب:خمس دقايق واشوفكم عندي
نياف:احلف خفت يعني
ذياب:نيييييياف
نياف:ذيياببب فك اهليي خلاص زودتها وانا ساكت لك
قفل نياف بوجه ذياب ولف على وليف وقال:
وقفي السياره على جنب
وليف:خير كنت بوصل البيت
نياف:وليييييييييف وقفيييي السياره
وقفت وليف السياره ونزل نياف على طول
غزلان:ذياب لازم يعكر جوه
هديل:بنات ذياب هنا
وجدان:قالت الصدق ترا ابوكن يرفع الضغط
غاده:الله اكبر بابا وش سوا لولدكم
غزلان:غدو انطمي مابي اسمع صوتس
فتح نياف باب السواق وناظر وليف
نياف:يلا انزلي اركبي قدام
وليف:بس المفروض غزلان تجي قدام
نياف:مابي اتأخر زياده يلا انزلي
رحيق ب همس لريف:نظراته لها كلها حنيه وحُب
ريف:واضح مايحبها لاتزرعين هالشي براسك
رحيق:الايحبها
قاطعهم صوت ضربة الباب
نياف:وجدان حطي اغنيه
وجدان:جويييي يانيوف جوييييي
حرك نياف السياره وكانو الكل مستغرب من هدوء نياف اللي بالعاده يستهبل عليهم
بعد مده وصلو البيت وحصلو سيارة يوسف وسيارة فيصل بالبيت وكان  الكل واقف وينتظر نياف نزل نياف من السياره وناظرهم
ذياب:شرفتتتتت اخييييرا
نياف:انت لسانك لين اقطعه لك واحطه بحلقكك انطم
ابو ذياب:نييياف احترم خالك
نياف:ماهوب بخالي
ام يوسف:يبه ماهوب وقت هوايش بكره تفاهمو على الموضوع انت وياه
ابو ذياب:الحين نتفاهم انا وياه وقدامكم كلكم
فيصل:نياف رح غرفتك
نياف:اصبر فيصل شصاير
وجدان ب همس ل وليف:واضح ناوين نياف
وليف:الله يستر كان انتظرو داخل ماهوب بحوش السيارات
ابو ذياب بعصبيه:من متى وانت تعصي كلام جدك يانياف
نياف تجاهل كلام جده وناظر فيصل ويوسف وقال:اذا خلصتو الحقوني للمشب  انتم وعيال العم بحط لكم فرش
ابو ذياب:نييياف حط عينك بعينييي
نياف:حطيتها بعيونك وش بتسوي
ذياب:اعقبببب شعندك تكلم جدك كذا
نياف:لاتتكلممم انت لاتتكلم ولا اسمع صوتك اخر واحد ابيه يتكلم انت ولاعلي منك
مسوي الراي المهم واللي بيخرب كل شي بيضبط كل شي ياذياب وعينك تشوف بس استنى شوي والله مااخليها بخاطري ولابخاطر عيال جواهر
مضاوي:نيياف احترم انه خالك
نياف:وش تبون من نياف انتم وش مسلطكم علي فكوني اعتقونيييييي برتاحح
وصال:راح فيها صارت والله صارت صارو كلهم عليه
مواليف:ماضنتي بيفزع له فيصل ويوسف
ام يوسف:فيصل يوسف خذوه لغرفته الحين نجيه حنا وانتن يابنات ادخلن داخل وذياب مو وقت مشاكل خلو الولد يرتاح
فيصل:نويف يلا امش
نياف ناظر فيصل بدون رد ومشى قدامه بهدوء تاممممممم ودخل غرفته وراحو البنات المجلس الكبير وجلسو فيه ودخلو خالات نياف على نياف بغرفته وشافوه جالس على كنبة غرفته
ام وصايف:قول شعندك
نياف:وشو وش عندي ماعندي شي
غزلان:اكذب على غيرنا قول
نياف:لاتضغطون علي تكفون لاتضغطون
ام يوسف:نويف عيونك تقول شي وانت تقول شي قول ياروح خالاتك انت
نياف ناظر ام يوسف وحط راسه على كتفها وبدء يبكي بكاء يقطع القلب
ويوسف وغزلان وفيصل واقفين يناظرونه 
وام ذياب كانت ماسكه ذياب وابو ذياب وام سعد كانت عند البنات والعيال بالمشب
وبدت ام يوسف تسمي على نياف لين هدأ وقال بغصه:اليوم كان ذياب مخطط لكل شي رحت بجيب العشاء ولحقتني سياره سوداء مايبان منها شي ولاعليها لوحه ولاشي وكنت بروح فيها والسياره كانت عاكسه الطريق ومسرعه وكنت بروح مثل امي وابوي كان بينتقم من سعود وغاليه بولدهم اللي انحرم منهم وعمه السبب والله ياخاله ماسويت له شي والله هو مدري شعنده علي يكرهني وشفتي كلام يبه لي اليوم يبه بالعاده مايعصب علي ابد اسألي غزلان هي معاي كل يوم ويبه مايعصب علي بالعكس يضحك معاي اليوم قلب علي ويهاوشني والسبه ذياب خاله انا بسألتس سؤال واحد هو ليه انا عايش ليه مامت اليوم ليييه انا مستمر اخلي ذياب يتعب وهو مابيتعب
ام وصايف وهي تمسح دموع نياف:
نياف ذياب بيتعب انت وقف وخلاص لاتحاول فيه كلنا نعرف ان ذياب عنييد وانت اعند منه انت اختار الشي السهل ووقف لين هنا
ام يوسف:ذياب كان بيذبح نياف؟
غزلان:ذا اللي مو مستوعبته
فيصل:نويف شرايك نروح المزرعه بكره
نياف:مالي خلق يوسف دق على المستشفى وقول اني تعبان وابي إجازه اسبوعين
يوسف:عنديي معليك
قام نياف طلع من الغرفه ولف عليهم وقال:
لاحد يدق علي ابي اقعد لحالي شوي
فيصل:وين بتروح
نياف:مكان
طلع نياف من الغرفه وشاف ابو ذياب وذياب وام ذياب بالحوش
ذياب:على وين
نياف:القبر تجي؟
ذياب:لاماني جاي
نياف:لانك تدري انك بتتعذب فيه
مشى ذياب وصار قدام نياف وحط عينه بعين نياف وقال بهمس:ماتقدر علي وانا ابو محمد كل اللي قاعد اسويه ابوي يشوفه ولاقال شي من انت عشان تهددني
نياف:ذياب بتكمل؟
ذياب:مالي كلام معاك
نياف:اعلمك تتكلم مع من؟
ذياب:من
نياف:الكلاب اللي زيك بعد عن طريقي بس
ابو ذياب:نييياف احترم خالك
نياف:ماهوب بخالي ولابيصير خالي وانت يبه اقصد جدي شفيك قلبت لايكون عطاك كلمتين وصدقته
ام ذياب:نياف اقصر الشر
نياف:يمه وين اقصر الشر والله لااصير له الشر
ام ذياب:وين بتروح
نياف:لقبر غالية وسعود
مشى نياف لسياره وحرك على طول وراح لقبر امه وابوه وجلس قدامهم وقال:
عذبو ولدكم ياغالية وسعود والله اني تمنيت اني معاكم ولااني اضل عند ذياب ليه ماخذيتوني يمه اشتقت لتس وانتي تمسحين على شعري وتقولين نويف عين امه وقلب ابوه وانت يبه اشتقت لك وانت توديني البقاله وانا على ظهرك وتضحك معاي اشتقت انام بينكم اشتقت اتهاوش مع فيصل عشان نشوف من الالعاب حقته اكثر حنييييييت عليهم وصرت ولد سعود بس مانفع معاهم ياغاليه تذكرين وصاياتس لجدتي كنتي توصينها علي كأنتس حاسه انتس مابترجعين كنتي تقولين نيوفي يايمه انتبهي له زييين يمكن مانرجع اشتقت احضنكم ليه تركتو ولدكم وحييييد لحاله ولاعنده احد عانيييييت مثل معاناة غالية مع ذيابب والله عانييييت وتعبتت بس تدرون بصير اقوى من ذياب ولابهتم له بسوي اللي ابيه ولابيردني شي
قام نياف ولف على قبرهم قبل لايروح وقال:
مروني بحلمي اليوم لاتنسونيي ابد تعالو بكل احلامي
وبعدها مشى نياف وصار يفرفر بكل الشوارع بس مايبي يرجع البيت الحين وكان جواله مقفل
الساعه ٦:٣٠الصباح دخلت سيارة نياف حوش السيارات ونزل من السياره
ودخل البيت وكانت غزلان جالسه تنتظر نياف
غزلان:اخيييرا جيت
نياف:شبغيتي
غزلان:طلعت اللي بقلبك ياعيوني انت
نياف:بقلبي كلام كثير مايخلص
غزلان:اكلت؟
نياف:مو مشتهي بنام
غزلان:ترا كل العيال برا بالمشب معاد فيصل
نياف:والله اني داري يلا نوم العوافي ياغزلاني
غزلان:الله يعافيك
ودخل نياف غرفته وعلطول نام جنب فيصل
........................................
الساعه ٣:٣٠العصر
ام سعد:جاء نياف يابنات؟
ام ذياب:ايي جاء ونايم الحين مع فيصل
وليف جت عند امها وقالت بهمس:
ماما بابا بيجي اليوم الليل
ام يوسف:خلاص متى ماصحى فيصل نقول له يجهز
ام ذياب:ليه فيصل يجهز ومنهو ليه يجهز
ام يوسف:لأبو يوسف
ام وصايف:بشوف نياف واجي
قامت ام وصايف ودخلت غرفة نياف وشافته على جواله
ام وصايف:قاعد ليه ماطلعت برا تفطر
نياف:مالي نفس
ام وصايف:قم ابيك توديني نتمشى انا وانت
نياف:خلص اجهزي الحين بس اغير ملابسي واطلع لتس
قامت ام وصايف وطلعت من الغرفه
ام وصايف:وجدان جيبي عبايتي
وجدان:وين بتروحين
ام وصايف:بتمشى انا ونياف
وجدان:ابي معاكم
ام وصايف:اقولتس مع نياف ابي اتكلم معاه بموضوع
وجدان:خلاص خلاص بجيب العبايه
جابت وجدان العبايه ولبست ام وصايف عبايتها وكانت تنتظر نياف يطلع من الغرفه
نياف:فيه احد من البنات هنا؟
ام وصايف:لالاكلهم دخلو
نياف:يلا ياخاله
ام ذياب:على ويين
نياف مارد عليها وراح للسياره
ام وصايف:نبي نتمشى يمه
ام ذياب:شعنده ذا زعلان المفروض يزعل على جده ماهوب علي
ام يوسف:يمه نياف وتعرفينه اكيد مايبي يجي عندتس عشان مايتكلم
ام وصايف:انا بروح الحين ينتظرني نياف
طلعت ام وصايف وشافته ماسك رُوح ويضحك معاها
ام وصايف:رُوح تجين معانا؟
رُوح:مع نياف؟
ام وصايف:ايييه مع نياف يلا تعالي
نياف شال رُوح وركب السياره وقالت رُوح:
وليف مابتجي معانا؟
ام وصايف:ليه تجي وليف
رُوح:لأنها زوجة نياف
نياف:شذا الكلام يابنت
رُوح:نياف انت قلت لي وليف حلوه؟ وانا قلت ايوه وانت ضحكت
ام وصايف:الحين وضح كل شي يانويف
نياف:خاله والله اني استهبل عليها
ام وصايف:حرك السياره يلا
نياف:خلي الموضوع سر ياعين نياف انتي
ام وصايف:معليك
نياف:وين تبون طيب
رُوح:الالعاب
ام وصايف:الالعاب الالعاب
نياف:خلاص بعد الالعاب بطلب لكم غداء يحبه قلبكم
ام وصايف:يعني بتدلعنا
نياف:تقدرين تقولين
ام وصايف:رد رد على جوالك واضح انه فيصل
نياف:ايبالله انه فيصل ، هلا فصفص
فيصل:وينك فيه ياورع
نياف:هاجرت
فيصل:وين وين بدوني يعنييي خير انا حتى اللي احبها ماتطيقني ليه تخليني لحالي هنا اشوف وجه الزفت ذياب والكلاب حقته
نياف:فصفص هد شوي معاي خاله غدير
فيصل:قول والله ليه ما قلت ليييي ياحيوان
نياف:مدري عنك ايي وش تبي الحين
فيصل:طفش يوسف سحب علي وصار مع عيال عمك وجدي حشرني بالغرفه يقول مابي اشوف وجهك وجدتي تقول انت طالع عشان تشوف البنيات مدري عنها وغزلان رجعه نامت
نياف:خلاص تعال بسيارتك بدون ماتجيب معاك احد
فيصل:خلاص ارسل الموقع اللي بتجونه
نياف:على ذا الخشم يبو نياف
قفل نياف وارسل لفيصل المكان اللي بيروح له
ام وصايف:مايرتاح لازم معاك
نياف:تلومينيي فيييه والله انه اطلق واحد
رُوح:انت بتاخذ اخته
نياف تنحنح:رُوح خلاص يابابا
ام وصايف:الله وش ذي الابتسامه يانويف
نياف:اي ابتسامه
ام وصايف:تحبها والله انك تحبها
نياف:يعني واضح
ام وصايف:وكثييييير بعد يانويف
نياف:اجل اسمعي ياام وصايف
ام وصايف:سمعني
نياف: شاقني شاقني يا غزال ولعتني
من يوم شفته وشافني شاقني شاقني
ضحكت ام وصايف وكمل نياف طريقه ووصلو لمكان الالعاب ونزلو بعدها بمده جاهم فيصل
نياف:طولت ياخيي
فيصل:تعبت جدي نشب بحلقي
نياف:خلاص تعال اجلس عند ام وصايف
ام وصايف:قول خاله وشو ام وصايف
نياف:استهبل عليتس
فيصل:رُوح توقعي من اللي نشب يبي يجي
رُوح:من
فيصل:هايف
رُوح:لييه ماجبته
فيصل:لانه بياخذتس مننا
رُوح:لاانا احبه
نياف:خاله غدير شوفيها تخونني قدامييي
ام وصايف:رُوح مايصلح انتي زوجة نياف
رُوح:لانياف بيتزوج وليف انا مابي الا هايف
فيصل:وليف شدخلها
نياف:لاهي معلقه على وليف معليك منها
فيصل:وانا كنت بزوجك اختي بس ماش
نياف:اختك منهي؟
فيصل:وليف ليه كم عندي اخت انا
نياف ناظر ام وصايف وضحك
فيصل:شفيكم وش قلت
ام وصايف:ولا شي ياروحي
نياف:امشو نتغداء وبعدها نرجع البيت وفيصل بيقول موضوع
فيصل:اي موضوع
نياف:بتعرفه بعدين يلا امشو
راحو للمطعم لانه كان بنفس المول وجلسو وطلبو الاكل وكانو ينتظرونه
نياف:خاله غدير
ام وصايف:شعندكم قولو
نياف:فيصل يحب مواليف
فيصل غص بالمويه وضحك نياف عليه
ام وصايف:انتم اليوم كلكم تحبون شصاير
نياف:لاانتي ركزي على فصفص هو يحبها ويبي يتزوجها بس متردد لانه مايعرف راي البنت ويخاف يخطبها وترفضه
ام وصايف:معليكم عندي بشوفها ل ابو نياف
وكملو سوالف واكل وبعدها رجعو البيت ودخلو السيارات بحوش السيارات
نياف:خاله شوفي فيه احد داخل بدخل اخذ شور
ام وصايف:يلا اصبر
غزلان:اخيييرا جيتو طولتو
نياف؛عمامي راحو؟
غزلان:من زمان
نياف:شوفي لي طريق بدخل
غزلان:كلهم عند بالمشب عند ابوي وابوي اصلا يستناكم
نياف:انا مالي قعده بالمشب
ام وصايف:نياف ياحبيبي انت تعال وشوف جدك شعنده وبعدين تاخذ شور
نياف:بس عشانتس ياغدير
فيصل:خذوني معاكم
نياف:ياخذك قلبي قبل يديي
غزلان:اللي يشوف غزل نياف ب فيصل بيقول ذا اخو زوجته
نياف ناظرها وابتسم ودخلو المشب
ام ذياب:وين كنتو فيه يانويف
نياف وهو واقف:قريب قريب
ومشى وجلس بين يوسف وسلمان
ابو ذياب:شعندك ماسلمت يانياف
نياف:اعذرني ياجدي راسي مصدع وغصب اتكلم
وليف ب همس ل مواليف:واضح الزعله قويييييه لدرجة ان قال له جدي بدال يبه
مواليف:الصدق جدي يستاهل يصدق ذيابوه على نياف وهو يدري بسوالف ذياب
ابو ذياب:بيجون رجال خالاتك يانياف
نياف ببرود:حياهم الله البيت بيتهم
ابو ذياب:متى بتملك على بنت عمك
نياف:انا استأذنكم
وقف نياف وقال ابو ذياب:نييياف اقصر الشر
نياف:حشى توي داخل واقصر الشر شسويت بعد لايكون محمد مشتكي وقايل لك اني كسرت راسه
مضاوي:ماتلاحظ انك تدخل محمد بكل شي
نياف:بدت تنابح ذي شوفي انتي هي مواضيع الاهل مالتس دخل فيها موضوع بيني وبين جدي مالتس دخل فيه لاانتي ولاالسلق اللي وراتس
ذياب:ولد سعود وغالية وش بنقول ماعليك شرهه
نياف:ولد سعود وغاليه بيوكلك تبن ياولد محمد ومناير
فيصل:نياف امش برا
نياف:لا مابي بجلس بنص المشب ولاتدري اصبر بجلس بين خالاتي
مشى نياف وجلس بين ام يوسف وام وصايف
ام ذياب:فهد متى ناوي تعرس
فهد:ماني حاط براسي اعرس
نياف ضحك بصوت عالي وقال:انت القى اللي بتقبل فيك اول بعدين قول ماني حاط براسي
ضحكو البنات على فهد وقال ابو ذياب:
فهد وش حلاته لو يدق اي باب بيعطونه بنتهم
نياف:ايي اييي بيعطونه بنتهم بس لاسألو عنه بيقولون ماعندك بنت لنا
ام وصايف ل نياف:نياف اسكت خلاص
نياف:كان خليتيني ابط كبده
وجدان:نياف صح اخذت إجازه؟
نياف:شدراتس
وجدان:مصادري الخاصه دامك اخذت إجازه اطلع مشنا طفشنا
نياف:والله انتس تبشرين بس تدرين متى بطلعكم
وجدان:متى
نياف:يوم الاربعاء اذا بنروح المخيم
وجدان:اصلا بيجي ابوي وبيدلعني مابي منك شي
نياف:الحين عمي تركي يدلعتس
رُوح جت تركض ل نياف وقالت:لعبتي انكسرت ابي وحده جديده
نياف:وجدان شوفي ذي اللي تستاهل الدلع
وجدان:ام خديدات بعدين خير كأنها تشبهك
نياف:انا مالي شبيه 
وجدان:وفيصل وين راح
نياف:فيصل غير ورُوح تعالي بحضني اضبط لتس اللعبه
جلست رُوح بحضن نياف وجلس يضبط لها اللعبه وكانو كلهم يناظرون نياف لين قال نياف:وخلصت لعبة اطلق رُوح
رُوح بصوت عالي:بنلعب باللعبه مع وليف صح لأنك تحبها وبتتزوجها
ام يوسف ناظرت نياف
نياف بتوتر:شفيكم تراها ورعه مااحب وليف ولاشي وتعرفون الوراعين يخربطون دايم يمكن تقصد فيصل يحب وليف لانها اخته
يوسف:تراك واضح مايحتاج
نياف ناظر يوسف وقال:وجع انطم
وجدان:وعرفنا منهي ام غمور
نياف:اهجدو شفيكم بعدين وليف اخت فصفص وش يجيبني لها
ام وصايف وهي كاتمه الضحكه:خلاص عاد قال لكم مايحبها شفيكم تضغطون عليه
غزلان ب همس ل وليف:وجهتس احترق اطلعي برا
وصال:لاتلومينها حبها اطلق واحد بأهلنا كلهم
غزلان:وانتي قاطه أذنتس معانا
قاطعهم صوت فهد وهو يقول:ماودكم بعشاء
غزلان:اطلب من المطعم مالنا خلق نطبخ
نياف:واذا مامعاك فلوس يافهودي رح اطبخ مطبخ يمه كبر رأس محمد
بدور وهي كاتمه الضحكه:المشكله رأس محمد مايدخل مع الباب وفهد لازم مع محمد
غاده:هي اخته عندتس احترمي نفستس
نياف:عاد متى ماجو عمي باسم والباقي قولو لي انا بطلع
ابو ذياب:على وين
نياف:على حصة تعليم الرقص ياجدي تجي؟
فيصل:خذني معك
نياف:قم اصلا ارسل لي دحوم جمع الورعان ببيتهم
فيصل:ناويهم شكلك
نياف وهو يطلع من المشب:جديي انتبه لرأس محمد وذياب لايجيهم شي مثل ماتعرف صارو غالين عليك
غزلان:يلا يابنات امشن نروح داخل
ابو ذياب:قبل لاترحن
هديل:سم ياجدي
ابو ذياب:رتبن غرفة نياف عشان ينامون فيها فهد ومحمد
يوسف:جدي بس ذي غرفة نياف ليه ينامون فيها
ابو ذياب:قلت اللي عندي رتبنها وخلصن بسرعه
غزلان:امشن بنروح نرتب
وصال:بس ننظف صرنا خدم
مواليف:انطمي انتي وش مسويه يعني
وصال:فوفه تراتس تتنرفزين بسرعه
وليف:مواليف من اسم فوفه غسلت يدها منتس
وصال:انتي وش تدلعينها اجل؟
وليف:والله مالي غير الأشواق عذر واللي عرف شوق المواليف ما لام
بيان:بلا اشعار انتي بعد نخلص من نياف تجينا وليف
وليف:ماهوب عاجبتس الشعر يعني
بيان:ايي ماهوب عاجبني
وليف:احسن وصوف وغزلاني وميمي ودودي يلا تعالن ننظف الغرفه الحين يتكسرن اظافرهن
بدور:ترفع الضغط
وليف:ترا لي اذان واسمع انطمي لاادفنتس
وجدان:وليف خلاص يروحي خليهم
راحو مواليف ووليف ووصايف ووجدان وغزلان ينظفون غرفة نياف وخلصو
غزلان:تكسرت
وليف:تعبتت وش ذا كل ذا عشان القرود
وجدان:كلهم خايسين ياجعلهم بالمغص
مواليف:خلاص تعبتت
وصال:هاي ياحلوين خلصتو
وجدان:وصالوه طسي برا لاانتفتس
وصال:ترفعن الضغط ترا جايه اقولكن ان نياف وفيصل بياخذون اغراضهم من الغرفه
غزلان:نيييييياف دراا ان فهد ومحمد بينامون بغرفته؟
وصال:ايييي ياحلوه
غزلان:الحين تلقون نياف ضارب يده بالجدار
وجدان:خلينا نطلع وناديهم ياخذون اغراضهم
راحو البنات ونادت غزلان نياف وفيصل
غزلان:نويف ياحمار ليه يدك مجروحه
فيصل:ضربها بالجدار
غزلان:فيصل جب الاسعافات بسرعه يده قاعده تنزف
فيصل:نويف اخر مره تعبت وانا اعلمك
نياف:ماتوجعني خلوها كذا مابي شي عليها
فيصل:نيافوهههه
نياف:فيصل اسكت اصلا مدري وش باخذ من هنا يعني كل اللي يسويه جدي عشاني تكلمت على ذياب؟
غزلان:عشانك قلت له جدي
نياف:هو اللي يبيها كذا انا تعبت الصدق
يعرف حركات ذياب ويلومني انا
غزلان:الحين وين بتنامون
نياف:سهله اعلمتس وين
غزلان:وين
نياف:بالحوش
غزلان:بلا استهبال الشقه اللي برا فاضيه نامو فيها
نياف:يصير خيير
جمعو نياف وفيصل اغراضهم وطلعو وشافو ذياب واقف مع فهد ومحمد
ذياب:طردكم ابوي
نياف:لاشدعوه ذياب جدي ماطردنا بس شفت النفس طابت من الغرفه قلنا نعطيها السلق
فهد:السلق وضارب يدك عشانهم
نياف:اعلمك ليه ضربت يدي
فهد:ليه
نياف:عشان مااذبحك يعني ببساطه اوصخ نفسي بدم يدي ولا بدم واحد مايخاف الله
محمد:فيصل وين لسانك
فيصل:مالك دخل ايي نسيت محمد ترا احلامك هالفتره محدوده يعني شوف اسبوعين ثلاث اسابيع وانت تحلم بين الناس المسجونه يعني الحكم بيكون١٥سنه
ضحكو نياف وفيصل وراحو للشقه اللي بالحوش وكانت عباره عن غرفتين وصاله ومطبخ ودورة مياه(يكرم القارئ)
نياف:ابوك متى بيجي
فيصل:بكره العصر بيمشون هو وعبدالله وتركي
نياف:امش بالحوش طفشت داخل
فيصل:تعال تعال بسألك
نياف:شعندك
فيصل:رُوح شفيها معلقه على وليف وتبيك تتزوجها
نياف:مدري عنها من قلت لها اجل منهي زوجتي قالت وليف ومعلقه عليها لين الحين
فيصل:والله ان الواحد يشك فيك امش بس
نياف:اصبر بدق على غزلان تجي للحوش،غزلاني
غزلان:هلا نيافيي شعندك
نياف:تعالي للحوش واذا البنات بيجون عادي بس بدون النفسيات بدور وبيان ووصال
غزلان:اصلا مابيجن
نياف:احسن يلا نستناكم مع سلومي
قفل نياف وراح ليوسف وسلمان وراحو للحوش اللي ورا وضبطو الجلسه وجو البنات(مواليف،غزلان:وجدان،وليف:وصايف،هديل،غاده)
غاده:ليه محمد ماجاء
سلمان:عندنا كلنا ان نياف افضل من محمد خلونا كذا بدونه
يوسف:نياف ماودك تغني او تقول شعر
نياف:
وعدٍ وعدتس فيه والله لـ أوفيه
لو حاربوني الناس في كل ليلة
ولو كايدو قلبي ولو نارهم فيه
بردٍ عليتس وحرها انا كفيله
قلبي فدا لتس ضحكةٍ منتس تكفيه
اليييييين ربي يكتبتس لي حليله
وجدان:يالله انك تكتبها من نصيب نياف يالله
نياف:اللهممم امييييييييين
وصايف:وليف قولي شعر تردين فيه على نياف تكفين
وليف:
سقت الغلا والشوق والحب والود
لجلك وأنا مابي من الناس غيرك
وان عاذلوني فيك ما أسمع ولا رد
أتبع هواك ومتجه في مصيرك
نياف ابتسم وقال:
والله إنتس يميني يوم هالعالم يسّار
وإنتس نوري وباقي الدنيا سّــواد
فيصل:خلاص يالعشاق انتم ماودكم بسوالف
يوسف:فيصل بلا كذب تراك تحب سوالف العشاق
فيصل:قلبي انشلع وصار بيدها
وجدان:عيالنا كلهم عشاق
نياف:انا مو عشق ياوجدان انا صرت بمرحلة يالله جعلها حلاليي
غزلان:هدو شوي نياف المخيم بعد بكره؟
نياف:ايه
غزلان:يعني بكره لازم نجهز اصلا ابوي عازم ابو تالين واهله
نياف:منهو ابو تالين
غزلان:صقر آل عبدالعزيز
نياف:اماااا عادددددد
فيصل:لايكون ابو تالين اللي معاك
نياف:ايبالله انه ابوها
مواليف:ماتوصل الصدف كذا كثيره
نياف:المهم المخيم ترا منقسم قسمين قسم للرجال وقسم للحريم وفيه اخر المخيم جلسه ذي بتكون لنا لمدة اربع ايام او اقل
غزلان:يعني مثل جلستنا هنا نجيكم هناك؟
نياف:بالضبط
...............................................
تعريف سريع
ابو تالين(صقر)اب عصبي بس متفهم
ام تالين(خلود)متوفيه
تالين اكبر بناته وبنته الوحيده شخصيتها مرحه وحنونه (23سنه)
...............................................
مواليف:ماودكم تغنون
نياف:على حضتس مروق
وجدان:بتغني حبُ؟
نياف:شلون دريتي؟
وجدان:نياف لاتستهبل واضح انك بتغني حب
نياف:اسمعيها طيب
وجدان:اسمعك
نياف:
خاطرك هذا مسوي بي سوايا ‏كل ما قالو عشانه قلت يالله لو تظن انك سكنت اقصى الحنايا ايه قسم بالله ظنّك في محله خاطرك ما اقواه تفداه العطايا
قلت له قدام جاك القلب كله خاطرك شافوله بعيني بقايا جعل من زعله دربه ما يدله أنت آمر بترك الدنيا ورايه بس عشانك طار قلبي من محله اطلبوني وراحت أيامي ضحايا كل ما قالوا عشانك قلت يالله
فيصل:ليه ماغنيت ابيك بحب تحضنيييي؟
نياف:قلبي بينشلع من الحب وانت تبي حضن لاتستهبل انا اللي اتمنى هالحضن
............................................
حاولو انكم ماتفهمون كلام رُوح😉
(تجاهلوا اي اخطاء)
الكاتبة:منيره آل عبدالعزيز💙.