نياف:اندسي زين انتي وياها فيه وحده منكن رجولها طالعه
ضحكت غزلان وضربته على صدره:نياف طلبتك
نياف:علامتس وشهو طلبتس
غزلان:لاعاد تتضايق بهذا الموضوع
نياف:على ذا الخشم توصين بشي
غزلان:سلامتك
راح نياف وطلعو البنات من ورا الباب
وجدان وهي تشاهق:غزلان ذا ولد خالتي نياف؟لامستحيل
وليف:غزلانوه اول مره اشوف نياف الثابت قدام الكل يتكلم كذا
غزلان:اييي توكم تدرون مايطلع ذا الكلام الا قدامي يلا امشو نكمل سوالف
راحو البنات يكملون سوالف
عند العيال
فيصل:ياولد اقول لك اني كنت بذبحه
ابو ذياب:فيصل ياكثر سوالفك راسي اوجعني بروح داخل عند بنياتي
نياف:يبه خذني معك بجلس مع خالاتي
ابو ذياب:بسلم على البنات واصوت لكم وانت يافهد يلا توكل على شغلك جالس هنا ليه وشغلك بعد شوي
فهد:سم ياجدي الحين اروح
ضحكو العيال عليه وطلع فهد وابو ذياب راح للبنات
ام وصايف:هلا بدنيتي كلها
ابو ذياب:هلا هلا بحبيبة ابوها
ام يوسف:يبه تراني ازعل انا وبنتي انا قلبك ووليف عيونك
ابو ذياب:وين وليف والبنات ابي اشوفهم
جو البنات يسلمون على جدهم
ابو ذياب:يلا يابنياتي كلكم روحو داخل
وصال حطت يدها على خصرها ووقفت:ليه ياجدي
ابو ذياب:يوه هذي هنا اقولتس ادخلي العيال بيجون
رُوح:نياف بيجي؟
ابو ذياب:اي بيجي يلا ادخلو
رُوح:انا صغيره عادي ماادخل
وجدان:جدي خير بنجلس معك طيب
ابو ذياب:طويلة هالسان اقولتس نياف طلبني يلا انتي وياها ادخلو
وليف:لابالله تلبي طلبات استاذ نياف وحنا تضرب بنا عرض الجدار يبو ذياب
مواليف:جدي الحين بدخلهم معليك منهم
دخلو البنات وهم يتحلطمون وجاء نياف وفيصل ويوسف
ام ذياب:اي شعندك
نياف:ابد والله جاي عند ام وصايف
ام وصايف:سم وش بغيت
نياف:سم الله عدوتس مابغيت شي بس جاي عندتس اسولف
غزلان:لاوالله وانا سحبت علي
نياف:انتي روحي تعالي جنبي
فيصل:بياع كلام
ام فهد:الا نياف انت ماارضى عليه
فيصل:افااااا بس ياخاله انا ولد اختس ترا
ام فهد:وهو ولد اختي عاد فيصل الا نياف انتفك
فيصل:علمي ولدتس بس يناشبه ويتهاوش معه
ام يوسف:اي ي نياف علمنا متى بتخلص تدريب
نياف:الاسبوعين الجايه بصير دكتور رسمياً
ام ذياب:انت صادق
نياف:ايوالله ي يمه
ام ذياب:الف مبروك ياعين جدتك
غزلان:ليه ماعلمتني اسوي لك حفله واعزم الكل
نياف:لامابي حفله ولاشي
فيصل:ليه ان شاء الله
نياف:بس كذا مابي
يوسف:ماعليكم منه ذا
نياف بعصبيه خفيفه:يييوه عاد مابي غصب تسوون حفله
قام نياف وهي قافله معاه لانهم مايعرفون ليه مايبي الحفله
ام ذياب:قم قم انت وياه الحقوه
فيصل:لاحد يلحقه راح عند الخيل حقته
يوسف:هو متى يصير دكتور اي تاريخ يعني
فيصل:اتوقع٦/٤
يوسف:الحيييين عرفت لييييه
فيصل:ليه
يوسف:قم قم معاي بسرعه خلنا نلحقه الحين تلقاه ضارب يده بالجدار
قام فيصل وهو رافع ثوبه وماسك طرفه بفمه وصار يركض هو ويوسف
غزلام:اطلعو يابنات راحو
وليف:اييي وش صار وش ماصار
غزلان:سلامتس بس نياف ضرب يده بالجدار ولحقوه العيال
مواليف:مجنون هذا مايخلي عادته ذي من هو بزر يضرب يده بالجدار وتتجرح
غزلان:لاتلومينه عشان ماينفجر عليتس تستهبلين مواليف؟الطبع ذا ماحد قدر يغيره عاده فيه صارت كل ماعصب اول تذكر شي ضرب يده عشان لو صار فيه شي يقول يدي
بيان:خلونا من نياف هو ويده
غزلان:لاوالله اخت بيان تبين اجلدتس الحين انسيتس اسمتس
بيان:ماقلت شي من جلستو وانتو نياف نياف
غزلان:ماهي عاجبتس الجلسه طسي برا ماحد ماسكتس هالمره عاد
وصال:غزلوتي تراها ماقالت شي بعدين ماعليتس منها
وجدان:تبون نجمع علوم؟ولا
غزلان:ياليييت والله
وجدان:رُوح تعالي
رُوح:هلا جوجي
وجدان:اسمعي ياحلوه روحي ل خيل نياف تعرفين مكانه
رُوح:اي اعرفه
وجدان:شطوره حبيبتي وشوفي نياف ولا اقولتس امسكي الجوال وصوري كل شي
رُوح:توديني الملاهي مع نياف؟
وجدان:البلشه اييي اوديتس يلا روحي
راحت رُوح ركض ل مكان خيل نياف
نياف:يولد مابها شي ضربتها ضربه خفيفه
يوسف:وجعاه ي نياف لمتى هالعاده يعني
نياف:لاتقلب غزلان عاد
فيصل:نيافوه تراك بتصير دكتور وللحين تتذكر كل شي وتضرب يدك
نياف:لابالله انت وياه هذا مو اي تاريخ فاهم؟
يوسف:وجعاه صدق وجعاه امش الحين اعتذر من خالاتي وجدي وجدتي يلا
نياف:خلصت انت وياه توكلو على الله يلا بجلس مع سحابي(خيل نياف سحاب)
فيصل:كلمها لاتنسى واحضنها وابكي بحضنها ياحلو يادلوع جده وجدي
نياف:انقلع ماني دلوع احد
فيصل:يوسف بالله مو جدتي خافت عليه
يوسف:الا مو بس جدتي حتى البنات داخل اسمعهم يقولون وين راح شاغل بال الكل
نياف:انقلعو
راح نياف وشاف رُوح تركض وهو يناديها ولاترد
رُوح:وديني الملاهي يلا
وجدان:جيبي الجوال بس
خذت وجدان الجوال وشغلت الفيديو اللي صورته رُوح
مواليف:منهي سحاب
وصايف:حماره انتي ماتسمعينه يقول الخيل
كملو الفيديو وصارو يضحكون على محارش العيال ل نياف
غزلان:بنات شرايكن بكره نروح للمزرعه
وليف:من يودينا ياحلوه؟
غزلان:عندنا ثلاث سواقين نياف و فيصل ويوسف
وليف:الا فصولي لو سمحتي
غزلان: اشوفتس سحبتي على يوسف
مواليف:اسمعي انتي وياها بنروح بس حنا وهم وننام هناك ونجي ثاني يوم شرايكن
بيان:ماني رايحه
غزلان:ياويطي يالنفسيه انثبري امسكي رُوح اجل
وصايف:خلوها تجي معانا بتتونس
غزلان:تم واللي مالهاخلق تنثبر بالبيت
مواليف:الاصدق نياف ليه مايبي حفله
غزلان:ماقلت لكن شكلي
وليف:وشو قولي
غزلان:عمامه بيجون بعد كم اسبوع كذا ومدري اذا هو يدري او لا وامي تقول اذا درا بيتهاوش معاهم ومثل قبل كانو بياخذونه
وليف:الحين كبر جدي شلون ياخذونه
غزلان:لاي حماره اقصد انهم بيزوجونه وحده من بناتهم مدري منهي اتوقع بنت عمه مدري عمته عاد امي تقول بنفضي لهم بيت اختي غالية الله يرحمها دامه جمب بيتنا
مواليف:والله لو يدري نياف لاصدق يفجركم
غزلان:شسوي انا ماودي يجون لانهم الصدق كلهم راعين مشاكل
وصال:غزولي شرايتس تجيبين عود نياف ونغني مع بعض
غزلان:عشان يذبحني اقول شرايكن اخر الليل نروح للسطح ومعانا نياف وفيصل ويوسف
وانتن ياحلوات تلبسن نقاباتكن
وليف:لو المزرعه اهون
غزلان:جبتيها اصبري بروح للعيال اشوفهم
نطت غزلان وطلعت ركض من الغرفه
نياف:شبلاتس انتي
غزلان:حبيبي ولد اختي اللي يحبني واحبه اخر الليل تودينا المزرعه
نياف:غزلان اخر الليل وش يوديتس هناك
غزلان:طفش وجيب معاك العود
يوسف:غزولتي عندي لك تمثيل بخلي الوراعين يسوونه لكن بالمزرعه
غزلان:وشهو
يوسف:ابو غمازه بيقول
نياف:وجعاه حاسدني انت
يوسف:لا
نياف:يلا غزلان طسي داخل
غزلان:انا خالتك ياللي ماتستحي
نياف:كذوب يلا روحي
غزلان:نفسيه
وراحت داخل
مواليف:وش قالو
غزلان:بنروح بس اخ نياف يمكن مايجي عنده تدريب الصباح
وليف:طيب ينام الحين وباليل يروح معانا والصباح ينقلع شغله
غزلان:اشوفتس قمتي تقولين له ينقلع ومدري وشو
وليف:والله لو انه يسمعني
مواليف:اصبرو بشوف جده
ونزلت تركض من الدرج
ام ذياب:شبلاتس يالمطفوقه
مواليف:جده سوي لي ظفاير
ام ذياب:الظفاير بعشرين
مواليف:افاااا ياام ذياب
ام ذياب:خلص بسوي لتس
ام يوسف:يمه ماقال لتس ذياب متى يجون
ام ذياب:بيجون قبل عمام نياف بكم يوم يعني يوم الجمعه او قبل الجمعه وهم هنا
ام وصايف:وش عندهم عمام نياف
ام ذياب:مدري عنهم
وسوت ظفاير ل مواليف ومواليف نادت البنات وجلسو يسولفون مع امهاتهم
باليل الساعه 11:20
نياف:اخلصوني العيال راحو بس انا استناكن
وجدان:محد قالك تخلي غزولتي تحبك
نياف:ندمت والله
وليف:يلا بس اخلصنا امش
نياف:تستهبلين وغزلان
وليف:نسيتها
رُوح:نياف
نياف:هلا رُوحي
رُوح:شسم ماماتك
نياف ابتسم بضيق:غالية
رُوح:عادي اشوفها؟
طلع نياف جواله وحط على صورت امه وخلا رُوح تشوفها وقالت:نفس عيونك
نياف:طبعا ولدها
غزلان:عسى ماطولت
نياف:انتي بذات لو تقعدين سنين مااقول شي
وليف:بالله وانا تهاوشني
نياف:غزلاني غيييييير عنكم
غزلان:يلوموني فيك
مشى نياف ودق فيصل
فيصل:عشيري طلبتك
نياف:سم شعندك
فيصل:الخبله مواليف نست شسمه حقها
مواليف:يافاهي تعبت وانا اعيد اسمه قلوس من وين تفهم انت
ضحك نياف وضحكت وليف على ضحكته
فيصل:ذي ضحكت اختي
نياف:توك تتذكرها
فيصل:ياولد ماخلو فيني عقل ولايوسف ذا
يوسف من بعيد:شسوييييت
نياف:فصفص اجي واتفاهم معاه معليك
فيصل:حييييي عيييينك عشيريي
نياف:هاه توصي قبل لااقفل
فيصل:انتبه لأختي بس
نياف بمزح:والله لو انها زوجتي توكل بس
وليف:وجع ان شاء الله
فيصل:وليف حبيبة اخوها ترا ذا مخبول لاتردين عليه
نياف:حمير انت وياها اقصد الاهتمام مايكون الا للي احبهم وكذا واختك مع ولد خالتها ماهي مع احد غريب
فيصل:انقلع
نياف:فصفصص
ضحك فيصل وقفل
بعد مده وصل نياف واللي معاه
فيصل:عشيريييييي
غزلان:يابنات رجع زوجها من السفر
ضحكو البنات على كلام غزلان وناظرها نياف
نياف:سلامات غزولي وش ذا الكلام
وصال:غزلان شلون فكرتي فيها بطني ههههههههههههههههههه
غزلان:نياف حبيبي يلا خلنا نجلس عشان تلحق تدريبك
نياف:لاتذكريني تكفين الحين اشوف ناس تبط الكبد
فيصل:بنات ولا عيال
نياف:شدخلك
فيصل:عشان نجهز للعرس
يوسف:عرسك وعرسه؟
فيصل:وجعاه ان شاء الله تستهبل انت
غزلان:نيافي
نياف وهو يحط الشاهي على الجمر:لبيه
غزلان:لبيت حاج يلا غني
نياف:كان صبرتي شوي
وجدان:اللي صدق فاتتهم الطلعه بدور و بيان وفهد
نياف:لاخليه ياكل تبن ذا لو يجي معاد بجي
مواليف:اخته قدامك
نياف:اسفين طال عمرتس
مواليف:ماالومك يرفع الضغط
فيصل:نياف اسمع شرايك تلعبنا لعبه
نياف:اختارو اغنيه ولا لعبه
فيصل ومواليف ووصايف ووليف ووجدان ووصال:لعبه
غزلان ويوسف:اغنيه
نياف:ماارد عليكم انتم برد على عشيري
فيصل:لعبه
نياف:طيب بلف العلبه وتسألون بعض
فيصل:يارب يطلع عليك وعلى يوسف بشوف وش بيصير
ولف نياف العلبه وطلع عليه وعلى وصال
وصال:نياف اكثر شي اثر فيك؟
نياف:ابد ولا شي
وصال:الا قول عيونك تتكلم
نياف:بعيوني شي غير الشوق لامي وابوي؟
غزلان لاحظت نياف وقالت:يلا لفو العلبه
ولفو العلبه وطلعت على يوسف وفيصل
فيصل:اعتبر نياف انا
يوسف:لاالتحدي لك ول نياف
نياف:شدخلني هو اخوك
يوسف:ماهو عشيرك تحمل عنه
نياف:يوسف وربي لااذبحك اهجد مابي هو اخوك وعشيري بنفس الوقت
وجدان:خلص انت وياه وراعين صدق
نياف وفيصل بنفس الوقت:اعقليي
وجدان:يمه يخوفون
نياف:اصبرو بشوف رُوح وين
عند نياف اللي كان عند مكان محد يجيه الاهو كان جالس وفجأه دق جواله
نياف:هلا
دكتوره تالين:السلام عليكم دكتور نياف؟
نياف:وعليكم السلام ايوه نياف مين معاي تالين: معاك تالين معاك بنفس القسم اسفه على ازعاجك بهذا الوقت بس الصباح الساعه ٨:٠٠عندك عمليه معاي
نياف:بس احنا متدربين للان ماصرنا دكاتره رسمي
تالين:وين ضاع تدريبك كل ذا الوقت بنسوي العمليه ماراح تستغرق ساعتين
نياف:خلص يصير خير الصباح اجي المستشفى ونتفاهم
قفل نياف وراح للجلسه
فيصل:شعندك تتبسم
غزلان:قصدك وش الاخبار الحلوه اللي عنده
نياف:حرام ابتسم خلوني افكر طيب
فيصل:شاركني الافكار
نياف:ابد تالين اتصلت علي
فيصل:منهي تالين يالوصخ
نياف:دكتوره شفيك انت
فيصل:كمل
نياف:وبسوي عمليه الصباح
يوسف:عز الله المريض مات
نياف:وجعاه درست سبع سنوات مابتروح على الفاضي
غزلان:طيب خلصتو نياف افتح لنا الباب بندخل البيت سوالفكم بيض
نياف:اصبري بستشير زوجتي شرايتس يازوجتي
فيصل:قصدك انا؟
نياف:عندي زوجه غيرتس جعل عيوني ماتشوف الا انتي
فيصل بتقليد لصوت البنات:خلاص ارحمني استحي
نياف:فديت اللي يستحون ياناس وه وه
فيصل:نيوفي حبيبي
نياف عطاه على جوه:لبيه ياروحه
فيصل:قم خلنا نمثل انك تخطبني
نياف:وجع
غزلان وهي تمسح دموعها:بطني فصفص شتقول انت ذا مافيه ذرة رومنسيه كله قساوه وعناد
وليف:حرام عليتس والله انه يقول كلام حلو يعني يوم تنادينه يقول لبيه وعيوني ومن ذا الكلام
نياف:ودي احضنتس بس بحضن اخوتس بدالتس
فيصل:ماتسحتي تغازل اختي وانا موجود؟
نياف:من زينك انت واختك ياولد قصدي انها فهمت شخصيتي وهي توها تشوفها
يوسف:اهجد اهجد
فيصل:يلا يلا قم اخطبني
نياف:يولد انقلع
فيصل:مالت وانا اقول لك عشيري ومدري وشو
نياف:خلاص قم
قامو واخذ نياف يد فيصل وقال:حبيبتي الحلوه
فيصل يمثل الحياء:هلا يروحها
نياف:ابيتس شريكة حياتي الابديه
فيصل:موافقه
وحضن نياف ونياف ساكت ومتحمل
مواليف:وقفو وقفو بطني ماني قادره انا مامثلت كذا
فيصل:شعرفتس انا فصفص تربية جدتي
وصايف:اشوفك طالع على القرد اللي جمبك
نياف:بنت غدير احترمي نفستس
وصايف:دلوع جدتييييي اسكت
نياف:خليني دلوع اصلا خليني اقولتس
وصايف:غرد(قصدها قول)
نياف:يمه الله يطول بعمرها يارب هي مره قالت لي قالت تراني احبك من بين احفادي كلهم وانت الوحيد اللي غير عنهم ولابعد قالت اني فرحتكم كلكم واللي عنده اعتراض يتفضل
غزلان:ماننكر تعطينا على جونا انت وعشيرك
نياف:عشيري بغني لك اغنيه
فيصل:تلوموني بعشيريي ياناس
نياف مسك العود وبدا يدندن:
عشيري كل مامريت هلا وحياني ولاعني تخلا
ابنعم في هوى خلي ليالي علشانه على غيره تعلا رفيع القدر عندي والكرامه الى شفته جميع حزني ولى عيونه جرحها ماينتداوى
رموش جالها في الخد ظلا انا المرهون في حبه ولالي غناة عنه لو انه تغلا حشا والله عمري مانسيته تملكني وهوى غيره تولى احبه حب واعزي لحالي على فرقاه دمع العين هلا يوازي بالغلا روحي ونفسي وربي مثل خلييييي مايخلا
فيصل:عشيرييي يابعد كل عشير
مواليف:مالقيت الا ذا تغني عنه غني غيرهم
نياف:اعذريني يابنت أصايل مااغني مره ثانيه بعدين الا فصفصي
مواليف:شوف تو الساعه ٤:٣٠ غني وحده ثانيه
نياف:خلوني ارتاح عندي عمليه
وليف:افتح البيت طيب حنا بنقعد بنفك النقاب بنرتاح شوي
نياف:ذولي اخوانتس اطلبيهم ليه تطلبني انا
وليف:بلا استهبال
نياف:مااستهبل بكره يجي يبه ويقعد بالمزرعه ويهاوشني انا
وليف:انا بقول له
نياف وقف ورفع المفتاح بيده وقال:اذا وصلتيه تاخذينه وتدخلين البيت وتاخذين العود بعد
وليف:عودك ماابيه
نياف:بالله كم طولتس
وليف:شدخلك بعدين تراني طوليه
نياف:بالله شوفي يعني طولتس تقريبا ١٥٢
وليف:خطأ انا ١٥٠ساده بدون ارقام اضافيه
نياف:خلص امسكي المفتاح بس ترتبينه
غزلان:تعال تعال وين رُوح
نياف:نسيتها وصار يركض بجهة الالعاب وشافها نايمه على الكرسي الموجود وشالها
مواليف:يابعد روحي يااختي
نياف:قولي لام لسانين تتغطى بحط رُوح بالغرفه
مواليف:متغطيه ماعليك
دخل نياف وشاف باب مفتوح ودخل وحط رُوح على السرير ويوم جاء بيطلع صدم بوليف
وليف:صد يمال العمى
نياف:ليه العمى تراتس توصلين صدري ماشفت منتس شي
وليف:اطلع اطلع بس
نياف:البزارين طلع لهم صوت
وليف:انقلع صدق انك ماتستحي
طلع نياف وهو يضحك
فيصل:شعندك
نياف:وين غزولي
فيصل:دخلت داخل
نياف:صدق ياليل
فيصل:الاقول شعندك تضحك
نياف:ابد ولا شي
فيصل:بصدق بصدق
نياف:غزلاننننننننن
غزلان:هاه
نياف:جيبي ملابسي بسرعه
غزلان:اصبر طيب اي واحد الاسود ولا الازرق
نياف:الاسود
جابته غزلان وعطته
نياف:وين البس تستهبلين فضي غرفه شي
غزلان:راسي صدع ادخل
نياف:مشكوره بس شوفي فيه احد
غزلان:نياف ادخل وانت ساكت
دخل نياف واخذ شور سريييع ولبس وجاء بيطلع
غزلان:اصبر بصورك
نياف:بسرعه استعجلي
صورته غزلان وارسلته بقروب خواتهم وبناتهم ومعاهم زوجة ذياب وبناتها
بعدها نامو البنات والعيال انحشرو بالخيمه
ــــــــــــــــــــــــــــــــ
عند نياف اللي وصل المستشفى الساعه ٦:٣٠
تالين:صباح الخير
نياف:صباح النور
تالين:معلومات المريضه
نياف:عطيني اياهم بقراهم
تالين:اوه نسيت تفضل
اخذ نياف الاوراق وقراهم وقال:فيه ورم وتوه بالبدايه ولازم نطلع ذا الورم قبل نفقد المريضه
تالين:كيف عرفت كل ذا
نياف:دراستي ماراحت عبث
تالين كانت ساكته وتناظره
نياف:وين غرفة المريضه
تالين ساكته
نياف:هي دكتوره تالين
تالين:هلا شبغيت
نياف:وين غرفة المريضه
تالين:امش وراي بوديك
ناظرها ولا رد ومشى قدامها
تالين بنفسها:يارب الثقل منجد يهبل وكلامه واسلوبه وشكله بلبس الشغل يموت ياحظ خواته
نياف:اي غرفه فيهم
تالين:ذي ودخلت ودخل وراها نياف
نياف:السلام عليكم
المريضه:وعليكم السلام
نياف:اول شي تحسين بوجع او صداع
المريضه:احيانا صداع
نياف:طيب تالين جيبي مويه
تالين:ليه
نياف:جيبي مويه وبس بلا كثرة كلام
جابت تالين مويه وعطتها نياف
نياف مد المويه للمريضه وقال:اول شي فيتس ورم وتوه بالبدايه والحمدلله اننا اكتشفناه بدري واذا وقعتي على اوراق العمليه بسويها لتس انا ودكتوره تالين ومعانا دكتور مشرف علينا
المريضه:ماعندي اي مشكله دامه بالبدايه طلعوه
نياف ابتسم وطلع ولحقته تالين وقالت:دكتور نياف
ناظرها نياف:هلا شبغيتي
تالين:متى العمليه؟
نياف:بعد شوي جهزي المريضه
تالين:ابشر
نياف ناظرها وضحك وقال:ماهو لايق عليتس قولي تمام احسن
تالين:ايش اللي ماهو لايق
نياف:يعني انتس تقولين ابشر وانتي مو متعوده
تالين:احاول القط لهجتك تعجبني اللهجه اللي كذا
نياف:شلون تبيني اتكلم معاتس كذا
تالين:ياليت
ناظرها وابتسم وراح لغرفة المتدربين
تالين:ياحلو ضحكته بعدين انا شفيني خفيفه كذا لازم اثقل شوي
راحت تالين للغرفه
ــــــــــــــــــــــــــــــــ
عند البنات
ــــــــــــــــــــــــــــــــ
غزلان:قومو انتي وياها ذياب واهله بالطريق
وليف:وش جابه ذا
غزلان:قومي قومي بس امي قالت فهد جاء وبيجيبهن يعني بنضل هنا
مواليف:شفيه خلونا ننام
وصايف:قومي خالي ذياب بيجي
مواليف:ليييش ياربييي ليش شيبي ذا الحين ينكد علينا
وليف:معليتس نياف ويوسف وفيصل مايخلونه لاهو ولافهد بحالهم اعرفهم
مواليف:نياف اقول يقدر بس فيصل ماضنتي
قامو البنات وراحو يتجهزون
ــــــــــــــــــــــــــــــــ
تقريب ل لبس البنات
وليف كانت لابسه جينز مع توب لونها ازرق وشعرها كان ذيل حصان
مواليف كانت لابسه بنطلون اسود مع تيشيرت احمر وشعرها كان ويڤي
غزلان كانت لابسه جينز اسود مع تيشيرت ابيض وشعرها كان ستريت
وصايف كانت لابسه بنطلون بيج مع توب بيبي بينك وشعرها كانت اطرافه ويفي
وصال كانت لابسه بنطلون ابيض مع تيشيرت بني وشعرها كان كيرلي
وجدان كانت لابسه بنطلون وبلوزه نفس اللون واللي كان اصفر وشعرها كان ذيل حصان
ــــــــــــــــــــــــــــــــ
بعد مده وصل ذياب وطلع يوسف يستقبله هو وفيصل
فيصل:هلا والله بخالي ذياب ارحب
ذياب:البقى شعلومك يافيصل
فيصل:بخير وانت شعلومك وشعلوم الاهل
ذياب:بخير بخير وين نياف
يوسف:بدوامه
ذياب:نزلو الشناط مع محمد وسلمان
فيصل:هم اثنين يقدرون ترا كلها خمس شناط
ذياب:لابالله نزل معهم
فيصل ناظره ولا رد ودخل الخيمه
ذياب:فيصلللل وجع ماتسمع الكلامم انت
فيصل:والله اذا صرت واحد من عيالك تعال قول نزل شناط مع عيالي
يوسف:جت سيارة فهد
فيصل:جاك الثاني الحين تكتمل شلة ذياب ومحمد وفهد
يوسف:دق على نياف شوف وينه الساعه٢:٠٠
فيصل:هلا نيوفيي شعلومك
نياف:ارحب ياعشيرييي
فيصل:وينك
نياف:بالطريق ليه
فيصل:اكتملت شلة ذياب
نياف:احلف
فيصل:والله بسرعه تعال
قفل نياف واسرع للمزرعه لانه يدري ان خاله ذياب ماهوب بقليل شر وعادي عنده لو يمد يده على العيال
فهد:هلا بخالي ذيابب
ذياب:ارحب ياحبيب خالك
وجلس فهد جمب ذياب وولده محمد
وناظر العيال وقال:وين نياف مااشوفه
فيصل:ليه لايكون تبيه يجلدك
فهد:يخسى ويعقب
فيصل:اهجد يبو اذان لاتنكر تراه جلدك والحين اذا دخل بنشوف كيف بتكون ياحبيب خالك
ذياب:وراه خاله مايخاف من شي
فيصل:ودي ارد عليك بس اخاف اتكلم وافضحكم انت واللي جمبك ذولي
ذياب:شتقصد
فيصل:قصدي واضح والكل فاهم بس انت تستغبي و
قاطعه نياف بدخوله وقال:هلا يافصفص تأخرت
ذياب:الواحد يسلم
نياف:مانت جدي عشان اسلم عليك يلا يوسف يلا فيصل
قامو يوسف وفيصل وقال محمد:الحين بتتهاوشون انتم
نياف ناظره بحده وقال:شدخلك انت
ذياب:نياف احترم نفسك اذا جيت تتكلم مع ولدي
نياف:توكل انت وولدك
وطلع من الخيمه هو وفيصل ويوسف وصوت فيصل ل غزلان
فيصل:غزلانننننننننننن
غزلان:هاههههههه
فيصل:تعالي
جت غزلان وشافت نياف وقالت:ارحب يخلف قلبي ورجعانه
نياف:من يرحب يبقى شوفي لنا طريق بنسلم على يمه
غزلان:ادخلو مافيه الا مضاوي وخالاتكم
نياف:وين رُوح
غزلان:مع هديل ووليف
دخلو العيال وسلمو على جدتهم
ام ذياب:وش سويت ياقلب جدتك
نياف:ابد نجحت العمليه وماقصرت دكتوره تالين ساعدتني
فيصل:يولد واضح تالين ذي حلوه
نياف:بلا قلة حياء لااهبدك
ام وصايف:وش عندك يا فيصل
فيصل:ماعندي شي
جلسو العيال عند الحريم وكان ويسولفون الا قالت مضاوي:نياف
نياف:سمي ياعمه
مضاوي:تدري عمامك بيجون
نياف ببرود:حياهم الله المكان مكانهم
مضاوي:يعني مابتهتم
نياف:ليه اهتم كانو عايشين هنا لو كنتي ناسيه بس طلعو من الديره
مضاوي:بيقعدون ببيت امك وابوك الله يرحمهم
نياف:مافيها شي يلا فيصل يلا يوسف بنروح ل سحاب و مطر ونجم(جابو الخيول معاهم)
قامو العيال مع نياف اللي اخذ ملابسه من غزلان وطلعو
نياف:يعيال ذي وزوجها بذبحهم
يوسف:انا معك بذبح محمد
فيصل:يعيال شرايكم اليوم ناخذ سلمان معانا ورا المزرعه
نياف:تم والله انه اطلق من محمد
فيصل:جبت السماعه
نياف:جبتها ناوي تتنكس شكلك
فيصل:يافاهمنيييي
راحو العيال لسلمان وخذوه معاهم وشغلو السماعه وبدو يرقصون ويضحكون لين قال يوسف ب همس ل فيصل:دق على غزلان خلها تجي هي والبنات نبيهم يشوفون هبال نياف
دق فيصل وجت غزلان والبنات وكان نياف يهز اكتافه لين التفت لهم وانخرش وصارو يضحكون عليه وقال:شجابتس انتي وياها
غاده:مزرعه جدي لو ناسي جايين نتمشى
نياف:ام خشم معاكم انا بروح اجل
غزلان:اقول حنا اللي بنروح الحين امي تهاوشنا
نياف:احسن يلا توكلي انتي وياها
وليف:سبع هالخشه
نياف:افضل السكوت لانتس اخت عضيدي وعشيري
راحو البنات وكملو العيال رقص وهبال وضحك
عند البنات
هديل:الاصدق اليوم الصباح شفتك مرسله نياف وهو لابس سكراب
غزلان:ياروحيييي ياهدوليييي ولد عمتس صار دكتور
غاده:اما عاد متى كبر ذا
مواليف:اكبري انتي تراه اكبر منتس
بيان:غزلان وين جلسو الحريم
غزلان:بالخيمه عند ذياب والعيال
وليف:يابنات طفش مافيه فعاليات
غزلان:نياف وفصفص ويوسف كلهم ضايقين
وليف:اجل شرايكن نلبس عباياتنا ونروح لهم ونخليهم يودونا نتمشى
غزلان:والله تمممممممم
وقامو يلبسون عباياتهم وطلعو وشافو نياف قدامهم
غزلان:نيافي
نياف:اللي كان معطيها ظهره ولف عليها وقال:ارحبييي يابعد كل الناس
غزلان:من يرحب يبقى
نياف:ايييي قولي شعندتس انتي وهذولن
غزلان:نبي نطلع نتمشى ودنا نفرفر
نياف:وين فصفص
وليف:ماكان معاك
نياف:لا
وليف:وين راح اجل
نياف بأعلى صوت:فصفصصصصصص يوسففففففففف
طلع ذياب من الخيمه وشاف البنات حول نياف وقال:وش مطلعتس انتي وياها
غزلان:سلم اول
نياف:خليه خليه مسكين عقله مو معاه
ذياب:اعقببب وانا ابوك يامحمد
محمد:ابشربي وش عندك
ذياب:امسك نياف واسحبه لين هنا
محمد:على ذا الخشم ورفع ثوبه وحطه بين اسنانه وركض لنياف اللي مو منتبه وقاعد يدق على فيصل ويوسف
ابو ذياب:وش عندك انت وياه خلو الولد
ذياب:والله مااخليه اجل انا يقول لي وين عقله
فهد:يعقببببب وقام وراح لنياف
محمد:نيييييييييياف
نياف لف وقال:عساه خير شعندك
محمد:انا تتكلم مع ابوي كذا ياللي ماتستحي
(البنات منصدمين من برود نياف لانه مو بالعاده يسكت عن حقه وام وصايف وام يوسف ام ذياب وام فهد يحاولون يهدون محمد وفهد)
نياف:عساه خير انت وابوك ياحلو اقول توكل لاادعسك عاد ترا من جيت انت والسلوقي اللي تتحمى فيه وانتم غاثيني وتراني ماسك نفسي غصب عشان لااكفر فيك انت وابو راس ذا
فهد:لابالله وين عشيرك وعضيدك اختفو الخوافين
نياف:ماهم خوافين ومايحتاج فيها عضيد ولا عشير انا بنفسي اقدر عليكم
محمد:وانا اخوككككك ياسلمان وبدا محمد يضرب نياف وذياب واقف ومستمتع ماعمره حب ولد غاليه وسعود ولابيحبه
غزلان بصراخ:يوسففففففففففففففففف
اما عند يوسف وفيصل اللي كانو اخر المزرعه سمعو صوت غزلان وركضو وشافو محمد وفهد يضربون نياف وذياب مستمتع ومسك يوسف محمد وفيصل فهد وضربوهم اما نياف اللي كان على الارض وقام وعيونه تطلع شرار وتوجه لذياب ومسك ياقة ثوبه وقال بصراخ:ذا اللي تقدر عليه ليه ماجيييييت انت ضربتتت ليه انت ماتضرب ولاخايف مني عشاني ولد سعود وغالية والله لااخليك تستمع الحين انت والرخوم اللي معاك والايام بيننا ياذياب مااكون ولد آل ناصر اذا ماجبت دمك ومديته لزوجتك وخليتها تشربه تحسبني بخاف منك ومنهاااا هي اللي تتعزوى فيها وتحتمي وتصير قدامها الخادم المطيع والله لااخليك ضحكه بمجلس الديره لاتحسبني مااقدر الا اقدر وانا ولد سعود
ضحك ذياب وقال:سوها اذا تقدر
نياف ناظره وعيونه حمر وقال:بقدر وبخلي ولد محمد يصير حديث المجتمع ويقولون نياف ولد سعود آل ناصر جاب دمه ولد خاله محمد ولد ذياب آل سلطان
غزلان وهي تسحب نياف:اهجد غصب فكينا فيصل ويوسف تجي انت الثاني
نياف ناظرها وقال:لابالله تبيني اسكت عنه ذا مايفهممم خلاهم يضربونييي فاهمه خلا ولده وولد اخته يمدون يدهم علييييي
هديل:نياف عاد مااسمح لك تتكلم على ابوي واخوي قدامي بذا الكلام
نياف:ماقلت لتس تسمحين او لا انا اسوي اللي ابيييه ولا علي من احد والحين يلا كلكن تقلعن داخل ولا اشوف وحده
وليف:وجع ماكأنك قبل شوي مضروب
نياف بصراخ:لاتخليني اكمل عليتسسس عاد
دخلت وليف وهي مخروشه منه ومن صراخه وعيونه الحمر
فيصل:يولد تعبت خشمي عورني
نياف:لابالله انا شتقول عني واحد كتفني والثاني ضربني واصوت لكم محد جاء
يوسف:يولد هونها تهوننن ذياب ذا انا اعرفه تقول بفضحك يبلع لسانه
نياف:يولد تكسرت محمد الورع ذا لو امسكه اهخخخ بس هو وابو راس
فيصل وهو يضحك:ابو اذان سحبت اذانه تخيل صرت اسحبه على الارض وهو يصارخ بأسم مواليف و بيان وبدور وجده واقفه تناظرك وتبكي وخالاتي كلهم يحاولون يفكونه مني ولاعضيت اذانه بعد ابو خشم
يوسف:ومحمد ذا يولد شديت قذلته شد
نياف:وين يمه
يوسف:داخل
دخل نياف بدون لايدق الباب ولا يصوت ل غزلان تشوف له طريق
ودخل للصاله اللي فيها جدته وكانت قاعده لحالها
نياف بهدوء:يمه
ام ذياب وعيونها مليانه دموع:توجعت ياوليدي جعله بضلوعيي عنك يانياف ولايصير فيك اللي صار قدامي مدري شفيه خالك عليك وش سويت انت يانياف
نياف وهو يحضنها ويبكي:يايمه تعبت تعبت خليه يبعد عني مابي منه شي ولاابي ورث ولاابي شي ابي ارتاح منه يايمه خالي ذياب ماكان كذا معاي والله ماكان كذا يايمه خلا ولده وولد خالتي يضربونيي عشان سبب محد يعرفه الا هم وانا يايمه تعبتتتتت والله تعبتتت انا استلمت لهم ابيهم يضربوني عشان ارتاح وهم يرتاحون ولا انتي تعرفيني يايمه مااسكت عن حقي يايمه وبعدها سكت وكان هدوء تاممممم وكان نياف وام ذياب جاهلين وليف اللي تشوفهم وتسمع كلامهم وعيونها دموع ومسكت قلبها وجلست تكتم شهقتها
ام ذياب:ياجعل يد محمد للكسر اللي خلا هالعيون للبكي يانياف ياجعل راس فهد يتكسر ولايجيك شيي ياعين جدتك انت
نياف اللي كان حاضنها ولارد وبس دموعه على كتفها وام ذياب كانت تمسح على ظهره وتسمي عليه كان نياف بحالة انفجار محد شافها من قبل
جت غزلان تركض:نيافف
وشافته بحضن امها وامها تمسح على ظهره وقالت:يمه شفيه نياف
ام ذياب اشرت لها بمعنى اسكتي وفهمت وسكتت وطلعت تنادي خواتها وجو معاها وكانت وليف ماتبان لانها ورا الباب والباب كبير
ام وصايف شافته كذا وبكت معاه:نياف ياعيون خالتك قول شفيك
ام فهد:ياجعل يدين ولدي للكسر دامها سبب دموعك يانياف
ام يوسف اللي كانت ساكته ومنصدمه من دموع نياف وكانت ماتدري وش تسوي وغزلان اللي بكت مع نياف وحضنت اختها ام وصايف وصارت تبكي
نياف اللي وخر من حضن جدته وضحك عليهم وقال:لهدرجه تحبوني ماالومكن حتى انا احبني
ام وصايف:وقت تنكيت انت بعد شفيك تبكي بكيتنا معاك
نياف:قولي حالة انفجار
ضحكت غزلان وقامت تحضن نياف وقالت بهمس:لاتشوف ورا الباب فيه شخص ملقوف
نياف:منهو الشخص ذا
غزلان:وليف
نياف:ذي ملقوفه عاد اسمعي انا بروح وخري
وخرت غزلان وقام نياف وقبل لايطلع دق الباب وانخرشت وليف وقالت غزلان:يلا امشو تفاهمو مع ذياب
قامو خواتها وامها وطلعو
وسكرت غزلان الباب وشافت دموع وليف على خدها وقالت:ليه ليه هالدموع كلها
وليف:ياحرامممممم تعببببب وخالي ذياب مايستحي يسوي كذا بولد اخته الله ياخذه هو ومحمد وفهد معاهم الله يقلعهم وهو بعدين ليه كذا يكابر وكل ذي دموعه
غزلان:ماالومك ابكي بس تبين الصدق معاه حق يبكي الكل قاعد يضغطه اهل ابوه وذياب وفهد ومحمد كلهم يضغطون عليه
وليف:طيب الحين هو يدري اني ورا الباب وانتي شدراتس
غزلان:شفتس وانتي تدخلين هنا قبل تدخل امي واتوقع كنتي مضيعه شي ودخل نياف عليتس
وليف:نياف الحين وين راح
غزلان:لفيصل ويوسف
وليف:اها يلا امشي للبنات بعدين وين رُوح
غزلان:عند غاده
راحت وليف ل رُوح وعطتها ورقه وقالت:عطيها نياف بدون لايشوفك فيصل ويوسف ولاتقولين ذي من وليف تمام؟
رُوح:تمام
وراحت رُوح لنياف وكان جالس على كبوت السياره وقدامه يوسف وفيصل
رُوح:نياف
نياف:هلا رُوح
رُوح:تعال جده تبيك
قام نياف ودخل ومسكت رُوح يده وعطته الورقه وقال:من مين ذي
رُوح:مااقدر اعلم
نياف:اوديتس البقاله
رُوح:لامابي ودخلت وشافت وليف جالسه وجلست بحضنها وليف بهمس:عطيتيه؟
رُوح:ايوه
عند نياف اللي فتح الورقه وكان مكتوب:اليوم الساعه ١باليل تعال للجبل اللي محد يعرفه الا انت بجي بعدك واذا ماتقدر تجي دق الباب ثلاث مرات واذا بتجي صوت ل غزلان
نياف ابتسم وصوت لغزلان:غزلانيي
وليف ابتسمت لانها عرفت انه بيجي
غزلان:هلا ياروح غزلان انت
نياف:بالله جيبي لي شورت وبلوفر
غزلان:اصبر بدور
نياف بصوت عالي:وصلتس ردي؟
وليف انصدمت بس سوت حالها عادي
مواليف:شفيه ذا انهبل
نياف من ورا الباب:اعذروني مااقصدكم كنت اكلم
ضحكو البنات عليه وجابت له غزلان الملابس وقالت:شورت وبلوفر شوضعك
نياف:انا كذا يعجبني
غزلان:انقلع صلي العشاء محد فاضي لك
نياف:لابالله صليت وجيتس مروح بس بروح
قفلت غزلان الباب وكملت سوالف مع البنات لين جت الساعه ١٢:٣٠وكلهم نامو معاد وليف
عند نياف اللي كان مسوي نفسه نايم ومن نامو فيصل ويوسف طلع من الغرفه وكانت الساعه١٢:٥٠وراح للجبل
عند وليف اللي لبست جاكيت وقطت الحجاب على راسها وطلعت للجبل وكانت متوتره وماتعرف شتقول نص كلامها اللي العصر براسها طار
وصل نياف للجبل وجلس على الارض وكان عادي جدا ولاكأنه ينتظر احد لين سمع صوتها وهي تقول:نياف
نياف لف عليها وقال:هلا اجلسي
وليف جلست قدامه وقال نياف:ايي قولي يااخت فيصل ويوسف شعندتس
وليف:كيف عرفتني اني اخت فيصل ويوسف
نياف:عيونتس نفس عيون فيصل
ضحكت وليف وقالت:الصدق اني سمعت كلامك لجدتي وكنت ورا الباب وسمعت كل شي يعني مو لقافه بس انت دخلت وانا كنت ادور الحلق حقي واضطريت اوقف ورا الباب لين تطلع انت ويطلعون خالاتي
نياف ناظرها وقال:ادري انتس ورا الباب وادري انتس سمعتي كلامي ل يمه
وليف:نياف بسألك
نياف وهو موجه نظره للأرض وقاعد يلعب بالحجار وقال:اسألي
وليف:ليه خالي ذياب من كنت صغير مايحبك واليوم خلا العيال يضربونك
نياف:لاني ولد سعود وغاليه وخلا العيال يضربوني لانه يدري ان فضيحته قريبه
وليف:وش دخل ولد سعود وغاليه
نياف:سهله يوم امي تزوجت ابوي وذياب كان رافض زواجهم وامي ماسمعت كلامه ووافقت على ابوي ومن بعدها ذياب كاره امي وابوي وعاد يوم جيت انا وشرفت على الدنيا زاد كره ذياب لاني يوم انولدت يبه اللي سماني وذياب اللي كان مسمي ولده على يبه ويبه ماعطاه اي اهميه وبس
وليف كانت مصدومه:لهدرجه ذا متخلف
نياف:واكثر بعد وفهد بعد مثله طالع على خاله
وليف:ماعليك منهم ذولي وبخصوص فضيحة ذياب ومحمد وفهد وش مسوين
نياف:ابد والله خالتس وولده وولد خالتس اكبر تجار الممنوعات
وليف:وش تقول انت شلون كيففف متى
نياف:اوفف محد لاحظ الا انا وفصفص ويوسف
وليف:شلون نلاحظ بعد ذولي مدمنين
نياف:معليتس بينحل كل شي والحين يلا قومي روحي لايسوون عنتس بلاغ فقد
وليف:وجعاه صدق
نياف:حدتس عاد تراني ماارضى على نفسي
وليف اللي قالت ب همس شبه مسموع:
ولاحنا نرضى عليك
نياف:اوففف اخت عشيري وعضيدي ماترضى علي يسعد دينتس
وليف:لايالطيب فاهم غلط تراك
نياف:لامعليتس استهبل عليتس
وليف:وقت استهبال الله يصلحك
نياف:لاابد يلا امشي
وليف:وين وين بتروح معاي؟
نياف:لاليه معاتس بروح انام
وليف:نسيت انك معانا داخل بالبيت
نياف:يلا ياكثر كلامتس
وليف ناظرته وهو واقف وكانت قصيره مره قدامه وقالت:سوالفي ذي اللي تتحلطم عشانها فيه ناس تتمنى انها تسمعها
نياف:منهم اكيد بهم شي
وصارو يمشون عشان يرجعون
وليف:نياف
نياف:سمي
وليف:من متى وانت ماشفت عمامك
نياف:اخر مره شفتهم كان عمري ١٠سنوات
وليف:والحين كم عمرك
نياف:٢٤
وليف:يعني اخر مره شفتهم قبل ١٤سنه
نياف:تقريبا
وبعدها عم الصمت وصارو يمشون ونياف يناظر النجوم وقطع سرحانه صراخ وليف
نياف:شبلاتس
وليف:كلب كلب كلب
نياف ناظر وراها وصفر للكلب يجي عند وليف وليف تصارخ ونياف يضحك لين وخر الكلب من عند رجول وليف
وقالت وليف:وجعاه ان شاء الله ليه تخليه يجيني
نياف:حرام عليتس ماقلت له
وليف:واضح واضح
نياف:انتبهي فيه ثعابين
وليف بتصرخ وسكر فمها نياف بيده وقال:خلاص عاد بس صراخ وربي لايجون ويحسبونا نسوي شي
وليف:وخر وشهي ثعابينه
نياف:والله اني صادق
وليف:يعني صدق فيه ثعابين
نياف:شافو مضاوي جت وجو يسلمون على جارتهم
وليف ضحكت وناظرها نياف وهو مستغرب وكمل مشي لين ماقالت وليف:شرايك بكره تودينا نتمشى
نياف:بدون بنات مضاوي وذياب
وليف:لاحرام عليك هديل طيوبه
نياف:شسوي لها اذا هن معاكن مافيه روحه
وليف:تكفى يانياف طلبتك خلهم معانا
نياف:مشكلتس على طيبتس للحين ماتغيرت خلص باخذهم
وليف ماحست بنفسها وحضنته وانصدم نياف ووخرت وليف وقالت:آسفه ماحسيت على نفسي
نياف:معليتس يابنت الخاله
وبعدها وصلو البيت وكل واحد راح غرفته وكانت مواليف قاعده وتنتظر وليف
مواليف:وين رحتي
وليف:الله يخرشتس
مواليف:انطقي وين رحتي
وليف:رحت برا شوي طفشت
مواليف:ومع نياف؟؟
وليف:شدخل نياف
مواليف:شفتس دخلتي معاه
وليف:هو كان جاي من برا وانا كنت عند الباب ودخلنا مع بعض فيها شي؟
مواليف:ابد طال عمرتس
وبعدها نامت وليف ومواليف
................................................
استعدو للبارتات الجايه فيه اشياء بتصدمكم😉 وخصوصاً ذياب وابو ذياب🌚نياف ووليف💙💙✨
